Sunday Announcements

ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ ಆಯೋಗಾಚ್ಯಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ದೇವ್‍ಸ್ತುತಿ ಪವಿತ್ರ್ ಕಾಳಿಜ್ ವಾಡ್ಯಾಚ್ಯಾಂನಿ ಕರ್ಚಿ.. ಹಫ್ತ್ಯಾಮಧೆಂ ಲೂಡ್ರ್ಸ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಚೆ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.

ಫಾಲ್ಯಾಂ ಸಾಂಜೆರ್ 7ವೊರಾರ್ ಪವಿತ್ರ್‍ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಸ್ತ್ರೀಯಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.

ಮಾರ್ಚಾಚಾ 6 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.

ಭುಗ್ರ್ಯಾಂಚ್ಯಾ ಇನಾಮಾಂಚಾ ಖರ್ಚಾಕ್ ಆದಾರ್ ದಿಲಾ: ಸಿರಿಲ್ ಸ್ಟೆಲ್ಲಾ ಡಿಸೊಜಾ, ವೆಲಂಕಣಿ ವಾಡೊ, ರೊನಾಲ್ಡ್ ಗೊವಿಯಸ್ ಪವಿತ್ರ್ ಕಾಳಿಜ್ ವಾಡೊ, ಆಗ್ನೆಸ್ ಡಿಸೋಜಾ, ಪೆಜಾರ್, ತುಮ್ಚ್ಯಾ ಉದಾರ್‍ಮನಾಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ಬಾಳ್‍ಮರ್ಯೆಚಿ ಆಶೀರ್ವಾದಾಂ ತುಮ್ಚೆರ್ ಆನಿ ತುಮ್ಚ್ಯಾ ಕುಟ್ಮಾಂಚೆರ್ ಮಾಗ್ತಾಂವ್.

ಆಜ್/ಫಾಲ್ಯಾ: ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ಭುಗ್ರ್ಯಾಂಚೆಂ ಕಾರ್ಯಕ್ರಮ್ ಆಸ್‍ಲ್ಲ್ಯಾನ್ ದುಸ್ರೆಂ ದೀಸ್ 8ವೊರಾರ್ ಆಸ್ತೆಲೆಂ. ಚುಕಾನಾಸ್ತಾಂ ದೊತೊರ್ನಿಕ್ ಆಯಿಲ್ಲ್ಯಾಂಕ್, ಪರೀಕ್ಷೆಂತ್ ಪಯ್ಲೆಂ ದುಸ್ರೆಂ ಆನಿ ತಿಸ್ರೆಂ ಸ್ಥಾನ್ ಆಪ್ಣಾಯ್ಲ್ಯಾಂಕ್, ಕ್ವಿಜಾಚಿ ತಶೆಂಚ್ ಪಿಂತುರಾಕ್ ರಂಗ್ ಸ್ಪಧ್ರ್ಯಾಚಿ ಇನಾಮಾಂ ದಿತಾಂವ್ ಜಾಲ್ಲ್ಯಾನ್ ಭುಗ್ರ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಚೆಂ. ಫಾಲ್ಯಾಂಚ್ಯಾ ಕಾರ್ಯಾಕ್ ಮುಕೆಲ್ ಸಯ್ರೆ ಜಾವ್ನ್ ಬಾಪ್ ಮೈಕಲ್ ಮೊರಿಸ್ ಶೆಣಯ್ ಹಾಜರ್ ಆಸ್ತೆಲೆ. ಭುಗ್ಯಾಂಚ್ಯಾ ವ್ಹಡಿಲಾಂನಿ, ಗೊವ್ಳಿಕ್ ಪರಿಷದ್ ಸಾಂದ್ಯಾಂನಿ, ಫಿರ್ಗಜ್‍ಗಾರಾಂನಿ ಜಾವ್ನ್ ಹಾಜರ್ ಜಾವ್ನ್ ಭುಗ್ರ್ಯಾಂಕ್ ಪ್ರೋತ್ಸಾಹ್ ದಿಂವ್ಚೊ. ಹ್ಯಾ ವರ್ಸಾಂ ಕ್ರೀಸ್ತೀ ಶಿಕ್ಷಣಾಚೆಂ ಮುಕೇಲ್ಪಣ್ ಘೆವ್ನ್ ಸಗ್ಳ್ಯಾ ವರ್ಸಾಚೆಂ ಕಾರ್ಯಕ್ರಮ್ ಶಿಸ್ತೆನ್ ಮಾಂಡಾವಳ್ ಕರುಂಕ್ ಸಾಂಗಾತ್ ದಿಲ್ಲ್ಯಾ ಆನಿ ಮುಕೇಲ್ಪಣ್ ಘೆತ್‍ಲ್ಲ್ಯಾ ಕ್ರಿಸ್ತಿ ಶಿಕ್ಷಣಾಚಿ ಸಂಯೋಜಕಿ ಶ್ರೀಮತಿ ಜಾನೆಟ್ ಡಿಸೋಜಾಕ್, ಸ್ವಖುಶೆನ್ ಮುಕಾರ್ ಯೇವ್ನ್ ಭುಗ್ರ್ಯಾಂಕ್ ದೊತೊರ್ನ್ ಶಿಕಯಿಲ್ಲ್ಯಾ ಸಿ. ಲಿಡ್ವಿನ್ ಸಿಕ್ವೇರಾ, ಸಿ. ಜುಲಿಯಾನಾ ಪುರ್ಟಾದೊ, ಸಿ. ರೂಪಾ, ಕರ್ಮೆಕರ್, ಸಿ. ಸಿಲ್ವಿಯಾ ಮೆಂಡೊನ್ಸಾ, ಶ್ರೀಮತಿ ಅಶಿತಾ ಕ್ಯಾಸ್ತೆಲಿನೊ, ಶ್ರೀಮತಿ ಜೆನಿಫರ್ ಫೆರ್ನಾಂಡಿಸ್, ಶ್ರೀಮತಿ ಜುಲೈಟ್ ಆಳ್ವ, ಶ್ರೀಮತಿ ಫಿಲೋಮೆನಾ ರಸ್ಕೀನ್ಹಾ, ಶ್ರೀಮತಿ ಶಾಂತಿ ಫೆರ್ನಾಂಡಿಸ್, ಶ್ರೀಮತಿ ಎಲಿಜಾಬೆತ್ ಪಿರೇರಾ, ಶ್ರೀಮತಿ ಐರಿನ್ ಪಿಂಟೊ, ಶ್ರೀಮತಿ ಸ್ಟೆಲ್ಲಾ ಡಿಸೋಜಾ ತುಮ್ಕಾಂ ದೇವ್‍ಬರೆಂ ಕರುಂ.

ತಶೆಂಚ್ ಫಾಲ್ಯಾಂ ಬ್ರದರ್ ಮೊವಿನ್ ಪಿರೇರಾಚೊ ಅಖ್ರೇಚೊ ದೀಸ್. ಹ್ಯಾ ಸಗ್ಳ್ಯಾ ವರ್ಸಾ ಸನ್ವಾರಾ ಆನಿ ಆಯ್ತಾರಾ ಹಾಂಗಸರ್ ಯೇವ್ನ್ ದೇವ್‍ಸ್ತುತೆಂತ್ ಸಾಂಗಾತ್ ದಿಲ್ಲ್ಯಾಕ್, ಆಲ್ತಾರ್ ಭುಗ್ಯಾಂಕ್ ತಶೆಂಚ್ ವೈಸಿಎಸ್ ಭುರ್ಗ್ಯಾಂಕ್ ತರ್ಭೆತಿ ದಿಲ್ಲ್ಯಾಕ್ ತಶೆಂಚ್ ವಾಡ್ಯಾ ಜಮಾತೆಕ್ ಹಾಜರ್ ಜಾವ್ನ್ ಮಾಗ್ಣ್ಯಾಕ್ ಸಾಂಗಾತ್ ದಿಲ್ಯಾ ತುಮ್ಕಾಂ ಸರ್ವಾಂಚಾ ನಾಂವಾನ್ ದೇವ್‍ಬರೆಂ ಮ್ಹಣ್ತಾಂ ತಶೆಂಚ್ ತುಮ್ಚ್ಯಾ ಮುಕ್ಲ್ಯಾ ದೇವ್‍ಶಾಸ್ತ್ರೀಯ್ ಶಿಕ್ಪಾಕ್ ಬರೆಂ ಮಾಗ್ತಾಂವ್.

ಯೆಂವ್ಚ್ಯಾ ಸುಕ್ರಾರಾ 5.30ವೊರಾಂಚಿ ಖುರ್ಸಾವಾಟ್ ಅವಿಲಾ ವಾಡ್ಯಾಗಾರಾಂನಿ, ಸನ್ವರಾ 5ವೊರಾಂಚಿ ಖುರ್ಸಾವಾಟ್ ಬಾಳ್‍ಮರಿ ವಾಡ್ಯಾಚಾಂನಿ, ಆನಿ ಆಯ್ತಾರಾ 9ವೊರಾರ್ ಲ್ಹಾ.ಕ್ರಿ.ಸ. ಆಯೋಗಾಚ್ಯಾ ಸಾಂದ್ಯಾಂನಿ ಚಲವ್ನ್ ವ್ಹರ್ಚಿ.

ಹ್ಯಾ ಮಹಿನ್ಯಾಂತ್ ಪ್ರೇರಕಾಂಚಿ ಜಮಾತ್ ಆಸ್ಚಿನಾಂ. ವಾಡ್ಯಾಂತ್ ಭಾಸಾಬಾಸ್ ಚಲಂವ್ಕ್ ವಿಷಯ್ ಆಸ್ಚೊನಾ. ವಾಡ್ಯಾಂತ್ 7 ಮೆಟಾಂಚೆ ವಿಧಾನ್ ಜಾತಚ್ಚ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕರ್ಚೊ. ಸಕ್ಡಾಂಚ್ಯಾ ಘರಾಂನಿ ವಾಡ್ಯಾ ಜಮಾತ್ ಕಡ್ಡಾಯೆನ್ ದವರ್ಚಿ. ಜಮಾತೆಕ್ ಘರ್ಚ್ಯಾ ಎಕಾ ಸಾಂದ್ಯಾಂನಿ ತರೀ ಕಡ್ಡಾಯೆನ್ ಹಾಜರ್ ಜಾಂವ್ಚೆಂ. ಆದ್ಲ್ಯಾ ವರ್ಸಾಚಿ ಜಿವಾತಾಚಾ ಉತ್ರಾಚಿ ಪ್ರತಿ ಗುರ್ಕಾರಾಲಾಗಿಂ ದೀಂವ್ಕ್ ವಿನಂತಿ.

ಯೆಂವ್ಚ್ಯಾ ಬುದ್ವಾರಾ ಸಾಂಜೆರ್ 6.30ವೊರಾರ್ ಫಿರ್ಗಜ್ ಆರ್ಥಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ. ಯೆಂವ್ಚ್ಯಾ ಆಯ್ತಾರಾ ಮಾರ್ಚಾಚಾ 12 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಗೊವ್ಳಿಕ್ ಪರಿಷದ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ.

ಮಾರ್ಚಾಚಾ 8 ತಾರಿಕೆರ್ ಬುದ್ವರಾ ಅಂತರಾಷ್ಟ್ರೀಯ್ ಸ್ತ್ರೀಯಾಂಚೊ ದೀಸ್. ತ್ಯಾ ದೀಸ್ ಸಾಂಜೆರ್ ಸ್ತ್ರೀ ಸಂಘಟನ್/ಸ್ತ್ರೀ ಆಯೋಗ್ ಸ್ತ್ರೀಯಾಂಚೊ ದೀಸ್ ಆಚರಣ್ ಕರ್ತಾತ್. ಸರ್ವ್ ಸ್ತ್ರೀಯಾಂನಿ ಮಿಸಾಕ್ ತಶೆಂಚ್ ಮಿಸಾ ಉಪ್ರಾಂತ್ಲ್ಯಾ ಕಾರ್ಯಕ್ರಮಾಕ್ ಹಾಜರ್ ಜಾಂವ್ಚೆಂ.

ಯೆಂವ್ಚ್ಯಾ ಹಪ್ತ್ಯಾಂತ್ ಘರ್ ಬೆಜ್ಮೆಂತಾಂ: ಮಾರ್ಚಾಚಾ 6ತಾರಿಕೆರ್ ಸೊಮಾರಾ 6ವೊರಾಂ ಥಾವ್ನ್ ಸಾಂ ಅಂತೊನ್ ವಾಡೊ. ಮಾರ್ಚಾಚಾ 7 ತಾರಿಕೆರ್ ಮಂಗ್ಳಾರಾ 6.30ವೊರಾಂ ಥಾವ್ನ್ ಲೂಡ್ರ್ಸ್ ವಾಡೊ; ಮಾರ್ಚಾಚಾ 9 ತಾರಿಕೆರ್ ಬ್ರೇಸ್ತಾರಾ 6ವೊರಾಂ ಥಾವ್ನ್ ಲ್ಹಾನ್‍ಫುಲ್ ವಾಡೊ, ಮಾಚಾಚಾ 10 ತಾರಿಕೆರ್ ಸುಕ್ರಾರಾ 6.30ವೊರಾಂ ಥಾವ್ನ್ ಸಾಂ ಜುಜೆ ವಾಡೊ. ಘರಾ ಬೆಜ್ಮೆಂತಾ ವೆಳಾರ್ ಘರ್ ನಿತಳ್ ದವರ್ಚೆಂ. ವಾಚಾಪ್ ಆನಿ ಪ್ರಾರ್ಥನಾಂ ಘರ್ಚ್ಯಾ ಸಾಂದ್ಯಾಂನಿ ವಾಚ್ಚಿಂ. ತುಮಿ ದಿಂವ್ಚಿಂ ಖುಶೆಚಿ ಕಾಣಿಕ್ ತಶೆಂಚ್ ಕರೆಜ್ಮಾಚಿ ಆಮ್ಚಿ ತುಮ್ಚಿ ಉರೊವ್ಣಿಂ ಟಂಜಾನಿಯಾ ಮಿಸಾಂವಾಕ್ ದಾಡ್ನ್ ದಿತೆಲ್ಯಾಂವ್.

ಹೆಂ ವರಸ್ ಕುಟ್ಮಾಚೆಂ ವರಸ್ ಜಾವ್ನ್ ಸಮರ್ಪಿಲಾಂ. ಕುಟ್ಮಾಂಚಾ ವರ್ಸಾಚೆ ಮಾಗ್ಣೆಂ ಇಗರ್ಜೆಂತ್ ತಶೆಂಚ್ ಘರಾಂನಿ ಮ್ಹಣುಂಕ್ ವಿನಂತಿ. ಕುಟ್ಮಾಚ್ಯಾ ವರ್ಸಾ ಕುಟ್ಮಾ ಸಾಂಗಾತಾ ರೆತಿರ್ ಆಸಾ ಕೆಲ್ಯಾ. ಮಾರ್ಚಾಚ್ಯಾ 24, 25, 26 ಸುಕ್ರಾರಾ, ಸನ್ವರಾ ಆನಿ ಆಯ್ತಾರಾ ಆಸ್ತೆಲಿ. ಫಿರ್ಗಜೆಚಾ ಹರ್ಯೇಕಾ ಕುಟ್ಮಾಂಚ್ಯಾಂನಿ ಸಾಂಗಾತಾ ಹಿ ರೆತಿರ್ ಕರುಂಕ್ ಉಲೊ ದಿತಾಂವ್. ತಶೆಂಚ್ ಹರ್ಯೇಕ್ ಕುಟ್ಮಾಚಾ ಸಾಂದ್ಯಾಂಕ್ ವಯುಕ್ತಿಕ್ ಆಪೊವ್ಣೆಂ ಘರ್ ಬೆಜ್ಮೆಂತಾ ವೆಳಾರ್ ದಿತಾಂವ್. ಫಾಮಾಧ್ ಪ್ರಸಂಗ್‍ದಾರ್ ಬಾಪ್ ವಿಲ್ಪ್ರೆಡ್ ಫ್ರ್ಯಾಂಕ್, ಕಾರ್ಮೆಲಿತ್ ಹಿ ರೆತಿರ್ ಚಲವ್ನ್ ವ್ಹರ್ತಲೆ. ಸುಕ್ರಾರಾ ಆನಿ ಸನ್ವರಾ 5 ಥಾವ್ನ್ 8 ವೊರಾಂ ಪರ್ಯಾಂತ್ ಆನಿ ಆಯ್ತಾರಾ 8.30ವೊರಾಂ ಥಾವ್ನ್ 11.30ವೊರಾಂ ಪರ್ಯಾಂತ್ ಆಸ್ತೆಲಿ. ಆರ್ಗಾಂ, ಸ್ತುತಿ, ಹೊಗ್ಳಾಪ್, ಆರಾಧಾನ್, ವಿಶೇಷ್ ಮಾಗ್ಣೆಂ, ಕುಟ್ಮಾಕ್ ಜೊಕ್ತಿ ಶಿಕೊವ್ಣ್ ಆನಿ ಆಂತರಿಕ್ ಭಲಾಯ್ಕೆ ಪಾಸತ್ ಮಾಗ್ಣೆಂ ಆಸ್ತೆಲೆಂ.

ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಪಾಸ್ಕಾಂಚ್ಯಾ ಅಂಕ್ಯಾಂಕ್ ಲೇಖನಾಂ, ಕವನಾಂ, ಕಾಣಿಯೊ, ಚುಟುಕಾಂ, ವಾಡ್ಯಾಚೊ ವಧ್ರ್ಯೊ ಜಾಹಿರಾತಾಂ ಮಾರ್ಚಾಚ್ಯಾ 20ತಾರಿಕೆ ಭಿತರ್ ದೀಂವ್ಕ್ ವಿನಂತಿ. ಜಾಹೀರಾತಾಂ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ.

ಫಾಲ್ಯಾಂ ಮಂಗಳೂರ್ ದಕ್ಷಿಣ ಬ್ಲಾಕ್ ಕಾಂಗ್ರೆಸ್ ಸಮಿತಿನ್ ಶಕ್ತಿನಗರ್, ಕಲಾಂಗಣಾಂತ್ ಸಕಾಳಿಂ 9ವೊರಾಂ ಥಾವ್ನ್ 1ವೊರಾಂ ಪರ್ಯಾಂತ್ ದರ್ಮಾರ್ಥ್ ದೊಳ್ಯಾಂಚಿ ಪರೀಕ್ಷಾ ಕರ್ಚೆಂ ಶಿಬಿರ್ ಆಸಾ ಕೆಲಾಂ. ಗರ್ಜೆವಂತಾನಿ ಹಾಚೊ ಪಾಯ್ದೊ ಜೊಡ್ಚಿ. ಚಡಿತ್ ವಿವರ್ ನೊಟಿಸ್ ಬೋರ್ಡಾರ್ ಆಸಾ.

ಆದ್ಲ್ಯಾ ವರ್ಸಾ ಪರಿಸರ್ ಆಯೋಗಾಚ್ಯಾ ಸಾಂದ್ಯಾಂನಿ ಸಾಡಿ ದಾನ್ ಯೋಜನ್ ಆಸಾ ಕೆಲ್ಲೆಂ. 25000 ಕಾಪ್ಡಾಂ ಎಕ್ಟಾಂಯ್ ಕರ್ನ್ ಗರ್ಜೆವಂತಾಕ್ ವಾಂಟ್ಲ್ಯಾಂತ್. ಹ್ಯಾ ವರ್ಸಾ ದಾದ್ಲ್ಯಾಂ ಖಾತಿರ್ ತಸಲೆಂಚ್ ಯೋಜನ್ ಆಸಾ ಕೆಲಾಂ. ದಾದ್ಲ್ಯಾಂನಿ(15ವರ್ಸಾಂ ವಯ್ಲ್ಯಾ) ಆಪ್ಣೆಂ ವಾಪರ್ಲೆಲೆಂ, ಮುಖ್ಲ್ಯಾ ದಿಸಾಂನಿ ಆಪ್ಣಾಕ್ ನಾಕಾ ಮ್ಹಣ್ ಭೊಗ್‍ಲ್ಲೆಂ ವಸ್ತುರ್ ಮ್ಹಣ್ಜೆ ಪ್ಯಾಂಟ್, ಹಾಫ್ ಪ್ಯಾಂಟ್, ಶರ್ಟ್, ಟೀಶರ್ಟ್, ಕುರ್ತಾ, ಕೋಟ್, ಲುಂಗಿ, ಪುಡ್ವೆಂ, ಪ್ಯಾಂಟ್ ಪೀಸ್, ಶರ್ಟ್ ಪೀಸ್, ಬಾತ್ ಟವೆಲ್, ಹಾತ್ ಟವೆಲ್ ಇತ್ಯಾದಿ ಗರ್ಜೆವಂತಾಕ್ ದಾನ್ ಜಾವ್ನ್ ದಿಂವ್ಚೆಂ. ದೀಂವ್ಕ್ ಚಿಂತ್‍ಲ್ಲಿ ಮುಸ್ತಾಯ್ಕಿ ಮಾರ್ಚ್ 11 ಥಾವ್ನ್ 19 ಪರ್ಯಾಂತ್ ಇಗರ್ಜೆಂತ್ ಠರಾಯಿಲ್ಲ್ಯಾ ಜಾಗ್ಯಾರ್ ಹಾಡ್ನ್ ದವರ್ಚಿ. ದಾನಿಂನಿ ಅಪ್ಣೆಂ ವಾಪಾರುನ್, ದುಸ್ರ್ಯಾಂಕ್ ವಾಪಾರುಂಕ್ ಯೋಗ್ಯ್ ಆಸ್ಚಿ ಮಸ್ತಾಯ್ಕಿ ಮಾತ್ರ್ ದಾನ್ ದಿಂವ್ಚಿಂ. ಪಿಂಜ್‍ಲ್ಲಿ, ಕುಂಬು ಜಾಲ್ಲಿ, ಮ್ಹೆಳಿ ಮಸ್ತಾಯ್ಕಿ ದಿಂವ್ಚಿನಾಕಾ. ಸಾಂ ಜುಜೆಚಾ ಫೆಸ್ತಾ ಉಪ್ರಾಂತ್ ಹಿ ಜಮಯ್ಲಿ ಮಸ್ತಾಯ್ಕಿ ಕೇಂದ್ರಿಕ್ ಜಾಗ್ಯಾಕ್ ಪಾವಿತ್ ಕರ್ತೆಲ್ಯಾಂವ್.

(6.30ವೊರಾಂಚಿ- ಐಸಿವೈಮ್ ಸಾಂದ್ಯಾಂಕ್, 8ವೊರಾಂಚಾ : ದೇವ್‍ಸ್ತುತಿ: ಸಕ್ಕಡ್ ಭುರ್ಗ್ಯಾಂಕ್. 4