ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಧಾವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಅವಿಲಾ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಫಾಲ್ಯಾಂ ವಾಡ್ಯಾ ಜಮಾತ್ಯೊ: ಅವಿಲಾ ವಾಡೊ, ಆಲ್ಬರ್ಟ್ ರೇಗೊಚ್ಯಾ(ಜಯನಗರ)ಘರಾ-4.30 ವೊರಾರ್.
ಆಜ್ ಸಾಂಜೆರ್ 7ವೊರಾರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಹ್ಯಾ ವೆಳಾರ್ ಪ್ರತ್ಯೇಕ್ ರಿತಿನ್ ಪರಿಕ್ಷೇಕ್ ತಯಾರಾಯ್ ಕರ್ಚ್ಯಾ ಭುರ್ಗ್ಯಾಂಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಆಜ್ ಭುರ್ಗ್ಯಾಂಚೆಂ ಮೀಸ್ ಆಸ್ತೆಲೆಂ ಪೂಣ್ ದೊತೊರ್ನ್ ಆಸ್ಚಿನಾಂ. ದೊತೊರ್ನಿಚಿ ಪರೀಕ್ಷಾ ಫೆಬ್ರವರಿಚ್ಯಾ 27ತಾರಿಕೆರ್ ಆಸ್ತೆಲಿ. ವೈಸಿಎಸ್ ಭುರ್ಗ್ಯಾಂಕ್ ಕ್ವಿಜ್ ಆಸಾ ಕೆಲಾಂ. ದಾವ್ಯಾ ಕ್ಲಾಸಿಚ್ಯಾಂಕ್ ಮಾರ್ಚಾಚಾ 6 ತಾರಿಕೆರ್ ಆಯ್ತಾರಾ ಪರೀಕ್ಷಾ ಆಸ್ತೆಲಿ. ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಮಾರ್ಚಾಚಾ 13ತಾರಿಕೆರ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್.
ಆದ್ಲ್ಯಾ ಆಯ್ತಾರ್ ಸಿಟಿ ವಾರಾಡ್ಯಾನ್ ಬೊಂದೆಲ್ ಫಿರ್ಗಜೆಂತ್ ವೈಸಿಎಸ್ ಭುರ್ಗ್ಯಾಂಕ್ ಆಸಾ ಕೆಲ್ಲ್ಯಾ ಯುವತಾಲೆಂತ್ ಸ್ಪಧ್ಯಾಂತ್ ಆಮ್ಚ್ಯಾ ಫಿರ್ಗಜೆಚಾ ವೈಸಿಎಸ್ ಭುರ್ಗ್ಯಾಂನಿ ಕ್ವಿಜಾಂತ್ ತಿಸ್ರೆಂ ಸ್ಥಾನ್ ಆಪ್ಣಾಯ್ಲಾಂ. ಸರ್ವ್ ವೈಸಿಎಸ್ ಭುರ್ಗ್ಯಾಂಕ್ ಉಲ್ಲಾಸ್ ಆನಿ ಅಭಿನಂದನ್.
ನವ್ಯಾನ್ ಪ್ರಾರಂಭ್ ಕೆಲ್ಲ್ಯಾ ಸ್ತ್ರೀ ಸಂಘಟನಾಚಿ ಹುದ್ದೆದಾರಾಂ: ಅಧ್ಯಕ್ಷಿಣ್: ಶ್ರೀಮತಿ ಮೀನಾ ಪಿಂಟೊ, ಉಪಾಧ್ಯಕ್ಷಿಣ್: ಶ್ರೀಮತಿ ಹಿಲ್ಡಾ ಮೊನಿಸ್, ಕಾರ್ಯದರ್ಶಿ:ಶ್ರೀಮತಿ ಶಾಂತಿ ಫೆರ್ನಾಂಡಿಸ್, ಸಹ ಕಾರ್ಯದರ್ಶಿ:ಶ್ರೀಮತಿ ಶಾಂತಿ ಡಿಸೋಜಾ, ಖಜಾನ್ದಾರ್:ಶ್ರೀಮತಿ ಅಶಿತಾ ರಸ್ಕೀನ್ಹಾ, ಜಾಗ್ರತ್ ಪತ್ರಾಚಿ ಪ್ರತಿನಿಧಿ: ಶಾಲೆಟ್ ರಸ್ಕೀನ್ಹಾ. ಸರ್ವ್ ಹುದ್ದೆದಾರಾಂಕ್ ಉಲ್ಲಾಸ್ ಪಾಟವ್ನ್ ಬರೆಂ ಮಾಗ್ತಾಂವ್. ಮುಕ್ಲಿ ಜಮಾತ್ ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ಆಸಕ್ತ್ ಆಸ್‍ಲ್ಲ್ಯಾ ಸ್ತ್ರೀಯಾಂನಿ ಹ್ಯಾ ಸಂಘಾಂತ್ ಭರ್ತಿ ಜಾಂವ್ಕ್ ವಿನಂತಿ ಕರ್ತಾಂವ್.
ಯೆಂವ್ಚ್ಯಾ ಬುದ್ವಾರಾ ಪ್ರೆಬ್ರುವರಿ 23 ತಾರಿಕೆರ್ ಸಾಂಜೆರ್ ಮಿಸಾ ಉಪ್ರಾಂತ್ ದೇವ್ ಸ್ತುತಿ ಆಯೋಗಾಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ.
ಫಾಲ್ಯಾಂ ದುಸ್ರ್ಯಾ ಮಿಸಾ ಉಪ್ರಾಂತ್ ವಾಚ್ಪಾಂ ವಾಚ್ತೆಲ್ಯಾಂಕ್ ತರ್ಭೆತಿ ಆಸ್ತೆಲಿ. ಸಾಂ ಜುಜೆ ಸೆಮಿನರಿಚೆ ರೆಕ್ಟರ್ ಮಾ.ಬಾ. ರೊನಾಲ್ಡ್ ಸೆರಾವೊ ಹಾಜರ್ ಆಸ್ತೆಲೆ. ನಾಂವಾಂ ದಿಲ್ಲ್ಯಾ ಸರ್ವಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಫುಡಾರ್ ಪ್ರತಿಷ್ಟಾನ್(ರಿ)ಹ್ಯಾ ವರ್ಸಾ ಫುಡಾರ್ ಪ್ರತಿಷ್ಟಾನ್ ಪುರಸ್ಕಾರ್-2022 ಕಾರ್ಯೆಂ ಮಾಂಡುನ್ ಹಾಡ್ತಾ. ಹ್ಯಾ ಖಾತಿರ್ 2021 ವ್ಯಾ ವರ್ಸಾ, ಧಾವೆಂತ್, ಪಿಯುಸಿಂತ್ ತಶೆಂಚ್ ಖಂಚ್ಯಾಯ್ ಡಿಪ್ಲೊಮಾ, ಪದವಿ ಹಾಂತುನ್ ಅಧಿಕ್ ಅಂಕ್ ಆನಿ ರ್ಯಾಂಕಾ ಆಪ್ಣಾಯ್ಲ್ಯಾಂನಿ ತಾಂಚೊ ವಿವಿರ್ ಯೆಂವ್ಚ್ಯಾ ಹಫ್ತ್ಯಾ ಭಿತರ್ ಫಿರ್ಗಜ್ ಧಪ್ತರಾಕ್ ಹಾಡ್ನ್ ದಿಂವ್ಚೊ.
ಮಂಗ್ಳುರ್ ದಿಯೆಸೆಜ್ ಹರ್ಯೆಕಾ ವರ್ಸಾ ಪ್ರಾಚಿತ್ ಕಾಳಾರ್ ಸ್ಥಳೀಯ್ ಮಿಸಾಂವಾ ಖಾತಿರ್ ಭಾವಾಥ್ರ್ಯಾಂಚೊ ತ್ಯಾಗ್ ದಾನಾ ರುಪಾರ್ ಎಕ್ಟಾಯ್ ಕರ್ತಾ ಆನಿ ಗರ್ಜೆವಂತಾ ಖಾತಿರ್ ವಾಪಾರ್ತಾ. ಸಿಒಡಿಪಿ ಕವರಾಂ ಯೆದೊಳ್‍ಚ್ಚ್ ಆಯ್ಲ್ಯಾಂತ್ ತುಮ್ಚೆ ಖುಶೆಚೆ ದಾನ್ ಕವರಾಂತ್ ಘಾಲ್ನ್ ಬಂದ್ ಕರ್ನ್, ಕುಟ್ಮಾಚಾ ವ್ಹಡಿಲಾಚೆಂ ನಾಂವ್ ಬರವ್ನ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ. ಹೊ ಐವಜ್ ಸಿಒಡಿಪಿ ಸಂಸ್ಥ್ಯಾಕ್ ದಾಡ್ನ್ ದಿತೆಲ್ಯಾಂವ್
ಪಾಸ್ಕಾಂ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ಮಾರ್ಚ್ 30ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ವಾ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.