ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ತಶೆಂಚ್ ಲ್ಹಾನ್‍ಫುಲ್ ವಾಡ್ಯಾಚ್ಯಾ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ನಾಗರಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸಾತ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ಪ್ರಾಚಿತ್ ಕಾಳಾರ್ ಸಾಂಜೆಚೊ ಥೊಡೊ ವೇಳ್ ದೆವಾಚಾ ಹಾಜರ್ಪಣಾಂತ್ ಖರ್ಚುಂಕ್ ವಿನಂತಿ ಕರ್ತಾಂವ್.
ಭುರ್ಗ್ಯಾಂಚಾ ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಆಸ್ತೆಲಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರೆರ್ 22: ಭಾಗೆವಂತ್ ಪೆದ್ರು ಧರ್ಮ್‍ದುತಾಂಚ್ಯಾ ಸದ್ರೆಚಿ
ಭುರ್ಗ್ಯಾಂಕ್ ಕ್ರೀಸ್ತೀ ದೊತೊರ್ನಿಚಿ ಪರೀಕ್ಷಾ ಫೆಬ್ರೆರ್ 28ತಾರಿಕೆರ್ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಮಾರ್ಚ್ 7ತಾರಿಕೆರ್ ಫಲಿತಾಂಶ್, ಮೌಲ್ಯ್‍ಮಾಪನ್ ತಶೆಂಚ್ ಭುರ್ಗ್ಯಾಂಕ್ ಕುಮ್ಸಾರಾ ಆಸ್ತೆಲಿಂ. ಮಾರ್ಚಾಚಾ 14 ತಾರಿಕೆರ್ ದೊತೊರ್ನಿಚೊ ದೀಸ್. ತ್ಯಾ ದಿಸಾ ಮಿಸಾ ಉಪ್ರಾಂತ್ ಭುರ್ಗ್ಯಾಂಕ್ ಇನಾಮಾಂ ವಾಂಟ್ತೆಲ್ಯಾಂವ್. ಇನಾಮಾಂಚೊ ಐವನ್ ಸ್ಪೋನ್ಸರ್ ಕರುಂಕ್ ಮನ್ ಆಸ್‍ಲ್ಲ್ಯಾಂನಿ ವಿಗಾರ್ ಬಾಪಾಂಕ್ ಭೆಟ್ಚೆಂ.
ಸೊಮಾರಾ ಥಾವ್ನ್ ಘರಾ ಬೆಜ್ಮೆಂತಾ ಪ್ರಾರಂಭ್ ಕರ್ತಾಂವ್. ಸೊಮಾರಾ 22 ತಾರಿಕ್ ಬಾಳೊಕ್ ಜೆಜು ವಾಡೊ, ಬುದ್ವಾರಾ 24 ತಾರಿಕ್ ಲೂಡ್ರ್ಸ್ ವಾಡೊ, ಬ್ರೆಸ್ತಾರಾ 25 ತಾರಿಕ್ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ. ಘರ್ ಬೆಜ್ಮೆಂತಾ ವೆಳಾರ್ ಘರ್ ನಿತಳ್ ದವರ್ಚೆಂ. ಘರ್ಚ್ಯಾ ಸಾಂದ್ಯಾಂನಿ ಹಾಜರ್ ಆಸ್ಚೆಂ. ವಾಂಜೆಲಾಚೆ ವಾಚಾಪ್ ಪಯ್ಲೆಂಚ್ ದಿತಾಂವ್ ಜಾಲ್ಲ್ಯಾನ್ ತಾಚಿ ತಯಾರಾಯ್ ಕರ್ಚಿ. ತಶೆಂಚ್ ಪವಿತ್ರ್‍ಸಭೆ ಖಾತಿರ್, ಕುಟ್ಮಾಂತ್ಲ್ಯಾ ಸಾಂದ್ಯಾ ಖಾತಿರ್, ಕುಟ್ಮಾಂತ್ ದೆವಾಧಿನ್ ಜಾಲ್ಲ್ಯಾ ಸಾಂದ್ಯಾ ಖಾತಿರ್, ಕುಟ್ಮಾಂಚಾ ಖಾಸ್ಗಿ ಗರ್ಜಾಂ ಖಾತಿರ್ ಪ್ರಾರ್ಥನಾಂ ಕುಟ್ಮಾಚಾ ಸಾಂದ್ಯಾಂನಿ ಬರೊವ್ನ್ ದವರ್ಚಿ ಆನಿ ಜೊಕ್ತ್ಯಾ ವೆಳಾರ್ ವಾಚುಂಕ್ ವಿನಂತಿ.
ಫಿರ್ಗಜ್ ಪತ್ರ್: ಬಜ್ಜೋಡಿಚೊ ಕುರೊವ್ ಪಾಸ್ಕಾಂ ಫೆಸ್ತಾಚ್ಯಾ ಅಂಕ್ಯಾಕ್ ಕವನಾಂ, ಲೇಕನಾಂ, ಪಿಂತುರಾ, ಲ್ಹಾನ್ ಕಾಣಿಯೊ ಬರೊವ್ನ್ ದಿಂವ್ಚೊ. ಜಲ್ಮಾದೀಸ್, ಕಾಜಾರ್ ತಶೆಂಚ್ ಜುಬ್ಲೆವಾಚೆ ಉಲ್ಲಾಸ್ ಪಾಟವ್ನ್ ಜಾಹೀರಾತಾಂ ಮಾರ್ಚಾಚಾ 15 ತಾರಿಕೆ ಭಿತರ್ ದೀಂವ್ಕ್ ವಿನಂತಿ.
ಬಾಳೊಕ್ ಜೆಜು ವಾಡ್ಯಾಂತ್ ಗ್ರಿಪ್ಪನ್ ಡಿಸೋಜಾಕ್ ನವೊ ಪ್ರತಿನಿದಿ ಜಾವ್ನ್ ವಿಂಚುನ್ ಕಾಡ್ಲಾ. ತಾಕಾ ಅಭಿನಂದನ್ ಪಾಟಯ್ತಾಂವ್ ತಶೆಂಚ್ ವಾಡ್ಯಾಚಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್.
ಫೆಬ್ರೆರ್ 23ತಾರಿಕೆರ್ ಮಂಗ್ಳಾರಾ ಸಾಂಜೆರ್ 6 ಥಾವ್ನ್ 8ವೊರಾಂ ಪರ್ಯಾಂತ್. ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂಕ್ ತರ್ಭೆತಿ ಶಿಬಿರ್ ಮಾಂಡುನ್ ಹಾಡ್ಲಾಂ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾ ವರ್ಸಾ ಕ್ರಿಜ್ಮಾಚೊ ಸಾಕ್ರಾಮೆಂತ್ ಸ್ವೀಕಾರ್ ಕರ್ಚ್ಯಾ ಭುರ್ಗ್ಯಾಂಕ್ ತಶೆಂಚ್ ತಾಂಚ್ಯಾ ವಡಿಲಾಂಕ್ ಜಮಾತ್ ಆಸ್ತೆಲಿ. ಸಂಬಂಧ್ ಜಾಲ್ಯಾಂನಿ ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ. ನೊವಿ, ಧಾವಿ, ಪಿಯುಸಿ ತಶೆಂಚ್ ಕೊಣಾಕ್ ಕ್ರಿಜ್ಮ್ ಮೆಳೊಂಕ್ ನಾ ತಾಣಿಂ ಹಾಜರ್ ಜಾಂವ್ಚೆಂ.
ಸೊಮಾರಾ ಫೆಬ್ರೆವರಿ 22 ತಾರಿಕೆಥಾವ್ನ್ ಚೊವ್ತೆ ಥಾವ್ನ್ ಆಟ್ವ್ಯಾ ಕ್ಲಾಸಿಂತ್ಲ್ಯಾ ಆಲ್ತಾರ್ ಭುರ್ಗ್ಯಾಂಕ್ ವೆದಿ ಸೆವಾ ಕರುಂಕ್ ಜವಬ್ದಾರಿ ವಾಂಟುನ್ ದಿಲ್ಯಾ. ವ್ಹಡಿಲಾಂನಿ ಹಿ ಸೆವಾ ಉರ್ಭೆನ್ ಕರುಂಕ್ ಭುರ್ಗ್ಯಾಂಕ್ ಪ್ರೋತ್ಸಾಕ್ ದೀಂವ್ಕ್ ತಶೆಂಚ್ ತಾಂಕಾಂ ವೆಳಾರ್ ದಾಡುಂಕ್ ವಿನಂತಿ ಕರ್ತಾಂವ್.
ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾರ್ ಫಿರ್ಗಜ್ ಕುಟ್ಮಾಕ್ ವಾರ್ಶಿಕ್ ರೆತಿರ್ ಮಾರ್ಚ್ 19, 20, 21 (ಸುಕ್ರಾರ್, ಸನ್ವಾರ್, ಆಯ್ತಾರ್) ಸಾಂಜೆರ್ 4 ಥಾವ್ನ್ 8.30 ವೊರಾಂ ಪರ್ಯಾಂತ್ ಆನಿ ಆಯ್ತಾರಾ ದೊನ್ಪಾರಾ ಪರ್ಯಾಂತ್ ರೆತಿರ್ ಆಸ್ತೆಲಿ. ಪಕ್ಷಿಗೆರೆಚೆ ವಿಗಾರ್ ತಶೆಂಚ್ ಉತ್ತೀಮ್ ಪ್ರಸಂಗ್‍ದಾರ್ ಬಾಪ್ ಮೆಲ್ವಿನ್ ನೊರೊನ್ಹಾ ಹಿ ರೆತಿರ್ ಚಲವ್ನ್ ವ್ಹರ್ತಲೆ. ಸರ್ವಾಂನಿ ರೆತಿರೆಕ್ ಹಾಜರ್ ಜಾವ್ನ್ ಪಾಸ್ಕಾಂ ಫೆಸ್ತಾಕ್ ಆತ್ಮಿಕ್ ತಯಾರಾಕ್ ಕರ್ಚಿ.
ಮೇ ಮಹಿನ್ಯಾಚ್ಯಾ 15 ಆನಿ 16 ತಾರಿಕೆರ್ ಕ್ರಿಜ್ಮ್ ಅನಿ ಗೊವ್ಳಿಕ್ ಭೆಟ್ ಆಸ್ತೆಲಿ. ಹೆ ದೋನ್ ದೀಸ್ ಆತಾಂಚ್ ಅಮಾನತ್ ಕರ್ನ್ ದವರ್ಚೆಂ. ಆನಿ ಹೆರ್ ಖಂಚಿಚ್ಚ್ ಕಾರ್ಯಕ್ರಮ ಆಸಾ ಕರಿನಾಸ್ತಾನಾ ರಾವುಂಕ್ ವಿನಂತಿ ಕರ್ತಾಂವ್.
ಟೊಸ್ಟ್ ಮಾಸ್ಟರ್ಸ್ ಕ್ಲಬ್ಸ್ ಮಂಗ್ಳುರ್ ಹಾಂಚಾ ಸಹಯೋಗನ್ ದೈರಾನ್ ಉಲಯ್ ಮ್ಹಳ್ಳೆಂ ಎಕಾ ದಿಸಾಚೆಂ ಸರ್ವ್ ಮುಕಾರ್ ಕಿತೆಂಚ್ ಭಿಯೆನಾಸ್ತಾನಾ ಕಶೆಂ ಉಲಯ್ಜಾಯ್ ಮ್ಹಳ್ಳೆಂ ಕಾರ್ಯಾಗಾರ್ ಫೆಬ್ರೆರ್ ಮಹಿನ್ಯಾಚಾ 28ತಾರಿಕೆರ್ ಸಕಾಳಿಂ 9.30ಥಾವ್ನ್ 4.30ವರಾಂ ಪರ್ಯಾಂತ್ ಸಾಂ.ಎಲೋಶಿಯನ್ ಅರುಪೆ ಬ್ಲಾಕ್ ಹೊಲಾಂತ್ 18ವರ್ಸಾಂ ವಯ್ಲ್ಯಾ ಯುವಜಣಾಂಕ್ ಆಸ್ತೆಲೆಂ. ರೆಜಿಸ್ಟ್ರೇಶನ್ ಫೀ 200/ ರುಪಯ್. ಆಸಕ್ತ್ ಆಸ್‍ಲ್ಲ್ಯಾಂನಿ ಬಾಪ್ ಅಶ್ವಿನ್ ಕರ್ಡೋಜಾ ವಾ ಲಿಯೋನ್ ಸಲ್ಡಾನ್ಹಾಕ್ ಸಂಪರ್ಕ್ ಕರ್ಚೆಂ.