ಆಜ್/ಫಾಲ್ಯಾಂ ವಾಡ್ಯಾ ಜಮಾತ್:
ಕಾರ್ಮೆಲ್ ವಾಡೊ: ಒಲಿವೆರ್ ಅಸುಂತಾ ಮೆಂಡೊನ್ಸಾಚ್ಯಾ ಘರಾ ಸಾಂಜೆರ್ 4.00 ವೊರಾರ್
ಲೂಡ್ರ್ಸ್ ವಾಡೊ: ಮೆಲ್ಸಿ ಕೊರೆಯಾಚ್ಯಾ ಘರಾ ಸಾಂಜೆರ್ 4.00 ವೊರಾರ್
ಸಾಂ. ಜುಜೆ ವಾಡೊ: ಡೆನ್ನಿಸ್ ಹಿಲ್ಡಾ ಡಿಕುನ್ಹಾಚ್ಯಾ ಘರಾ ಸಾಂಜೆರ್ 4.30ವೊರಾರ್
ಅವಿಲಾ ವಾಡೊ: ಸೆಲಿನ್ ಡಿಸೊಜಾ ಚ್ಯಾ ಘರಾ ಸಾಂಜೆರ್ 4.30ವೊರಾರ್
ವೆಲಂಕಣಿ ವಾಡೊ: ಟೈರನ್ ಪಿಂಟೊಚ್ಯಾ ಘರಾ ಸಾಂಜೆರ್ 4.30ವೊರಾರ್
ತಶೆಂಚ್ ಬಾಳ್‍ಮರಿ ವಾಡ್ಯಾಚಿ ಜಮಾತ್ ಫಾಲ್ಯಾಂ ಸಾಂಜೆರ್ 4ವೊರಾರ್ ಮಿನಿ ಹೊಲಾಂತ್ ಆಸ್ತೆಲಿ. ವಾಡ್ಯಾಚಾ ಗುರ್ಕಾರಾಚಿ ವಿಂಚವ್ಣ್ ಕರುಂಕ್ ಆಸ್‍ಲ್ಲ್ಯಾನ್ ಬಾಳ್‍ಮರಿ ವಾಡ್ಯಾಚಾ ಹರ್ಯೇಕಾ ಕುಟ್ಮಾಚಾ ಸಾಂದ್ಯಾಂನಿ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ. ವಾಡ್ಯಾ ಜಮಾತೆಕ್ ಹರ್ಯೆಕಾ ಕುಟ್ಮಾಚಾ ಸಾಂದ್ಯಾಂನಿ ಜಾಂವ್ಕ್ ಆಸಾ ಆನಿ ಫಿರ್ಗಜೆಂತ್ ರೆಜಿಸ್ಟರ್ ಕೆಲ್ಲ್ಯಾ ಹರ್ಯೇಕ್ಲ್ಯಾಚಾ ಘರಾ ಹಿ ಜಮಾತ್ ಆಸಾ ಕರುಂಕ್ ಆಸಾ ಕರುಂಕ್ ವಿನಂತಿ.
ಫಾಲ್ಯಾಂ ಸಾಂಜೆರ್ 7ವೊರಾರ್ ಆರಾಧಾನ್ ಆನಿ ಪವಿತ್ರ್‍ಸಭೆಚೆ ಮಾಗ್ಣೆಂ ಆಸ್ತೆಲೆಂ. ಕುಟ್ಮಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್. ಮೌನ್‍ಪಣಾಂತ್ ಆನಿ ಧ್ಯಾನಾಂತ್ ಹೊ ಥೊಡೊ ವೇಳ್ ದೆವಾಚಾ ಹಾಜರ್ಪಣಾಂತ್ ಖರ್ಚುಂಕ್ ತುಮ್ಕಾಂ ಆಪೊವ್ಣೆಂ ದಿತಾಂವ್.
ಸಗ್ಳೊ ಹಫ್ತೋ ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಜೆಜುಚೆಂ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲಿತುರ್ಜಿ ಸಾಂ. ವಿಶೆಂವ್ ಪಾವ್ಲ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ದಾವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಹಫ್ತ್ಯಾ ಮಧೆಂ ವೆಲಂಕಣಿ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಹರ್ಯೇಕಾ ಸನ್ವಾರಾ 4 ಥಾವ್ನ್ 5ವೊರಾಂ ಪರ್ಯಾಂತ್ ಆಸ್ತೆಲಿ. ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ 9ವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ. ಸನ್ವರಾ ಆನಿ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಶಿಕೊಂವ್ಕ್ ಹಾಂಗಸರ್ ಯೆಂವ್ಚ್ಯಾ ಬ್ರದರ್ ಮೊವಿನ್ ಪಿರೇರಾಕ್ ಸ್ವಾಗತ್ ಮ್ಹಣ್ತಾಂವ್.
ಮೊಗಾಚ್ಯಾಂನೊ ಆಮಿ ಜಾಯ್ತ್ಯೊ ರೆಲಿಜಿಯೊಸ್ ವಸ್ತು ವಾಪಾರ್ತಾಂವ್. ಕೊಂತಾಂ, ಬೆಂತಿಣ್, ಇಮಾಜ್ಯೊ ವಾಪಾರ್ತಾಂವ್ ಆನಿ ಪರ್ನೆಂ ಜಾಲ್ಲೆಂಚ್ ಹೆಣೆಂ ತೆಣೆಂ ಉಡಯ್ತಾಂವ್ ವಾ ಕಚ್ರ್ಯಾ ಡಬ್ಬ್ಯಾಂತ್ ಘಾಲ್ನ್ ಸೊಡ್ತಾಂವ್. ಬೆಂಜಾರ್ ಕರ್ನ್ ಪವಿತ್ರ್ ಕೆಲ್ಲ್ಯೊ ವಸ್ತು ಹೆಣೆಂ ತೆಣೆಂ ಉಡೊಂವ್ಚೆಂ ಸಾರ್ಕೆಂ ದಿಸಾನಾ ದೆಕುನ್ ಬೆಸ್‍ಮೆಂಟಾಂತ್ ಏಕ್ ಬೋಕ್ಸ್ ಆಮಿ ದವರ್ತೆಲ್ಯಾಂವ್ ದೆಕುನ್ ಹ್ಯೊ ಪನ್ರ್ಯೊ ರೆಲಿಜಿಯೊಸ್ ವಸ್ತು ಹ್ಯಾ ಬೊಕ್ಸಾಂತ್ ಘಾಲುಂಕ್ ವಿನಂತಿ.
ಆಮ್ಚ್ಯಾ ಫಿರ್ಗಜೆಂತ್ ಜಾಯ್ತೆ ಸಂಘ್ ಸಂಸ್ಥೆ ಆಸಾ ಜಾಲ್ಲ್ಯಾನ್ ಸ್ವಖುಶೆನ್ ತುಮ್ಕಾಂ ಆಸಕ್ತ್ ಆಸ್‍ಲ್ಲ್ಯಾ ಖಂಚ್ಯಾಯ್ ಎಕಾ ಸಂಘ್ ಸಂಸ್ಥಾಕ್ ಭರ್ತಿ ಜಾವ್ನ್ ತುಮ್ಚಿ ಸೆವಾ ದೀಂವ್ಕ್ ವಿನಂತಿ ಕರ್ತಾಂವ್.
ಆಜ್/ಫಾಲ್ಯಾ ವಾಮಂಜೂರ್ ಹೊಲಾಂತ್ ದೊನ್ಪಾರಾ 2.15ವೊರಾಂ ಥಾವ್ನ್ ಐಸಿವೈಎಮ್ ಸಂಚಾಲನ್ ಆಪ್ಲೊ 75ವ್ಯಾ ವರ್ಸಾಚೊ ಜುಬ್ಲೆವ್ ಆಸಾ ಕರ್ತಾ. ಸರ್ವ್ ಯುವಜಣಾಂಕ್ ಒತ್ತಾಯೆಚೆ ಆಪೊವ್ಣೆಂ ಆಸಾ.
ಪಯ್ಲ್ಯಾ ಮಿಸಾಕ್ ಮಾತ್ರ್ (ದೆವಾಚ್ಯಾ ಕುರ್ಪೆನ್ ಕಾಜಾರ್ ಜಾತಾತ್)
ಸೊನಾಲ್ ಜೆಶ್ಮಾ ಡಿಸೋಜ, ಧು ಕ್ಲಿಫಾರ್ಡ್ ಪೀಟರ್ ಡಿಸೋಜ ಆನಿ ಜೂಲಿಯಾನಾ ಡಿಸೋಜ ಹಾಂಚಿ, ಬಾಳ್ ಮರಿ ವಾಡೊ, ಬಾಳ್ ಮರಿ ಫಿರ್ಗಜ್, ಬಜ್ಜೋಡಿಚೆಂ, ಜೋಯಾಲ್ ಫ್ರಾನ್ಸಿಸ್ ಫೆರ್ನಾಂಡಿನ್ ಲಾಗಿಂ, ಮೊಂತು ಫೆರ್ನಾಂಡಿಸ್ ಆನಿ ಆಪೋಲಿನ್ ಮೊನೀಸ್ ಹಾಂಚೊ, ಬಾಗೆವಂತ್ ಕುಟಾಮ್ ಫಿರ್ಗಜ್, ಒಮ್ಜೂರ್. ಹಿ ಪಯ್ಲಿ ಚೀಟ್ï
ಹಾಂಚ್ಯೆ ಮಧೆಂ ಕಾಜಾರಾಕ್ ಆಡ್ಕಳ್ ಆಸಾ ತರ್ ಇಗರ್ಜ್ ಮಾತೆಚ್ಯಾ ವ್ಹಡಿಲಾಂಕ್ ಕಳಂವ್ಚೊ ತುಮ್ಚೊ ಕಾಯ್ದೊ.
(6.30ಮಿಸಾಕ್ ಮಾತ್ರ್)ಲಿತುರ್ಜಿ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್. 8ವೊರಾಂಚಾ ಮಿಸಾಚಿ ಲಿತುರ್ಜಿ: ವೈಸಿಎಸ್ ಭುರ್ಗ್ಯಾಂಕ್