ಹೊ ಆಯ್ತಾರ್ ಆಮಿ ಸಾಂ ಜುವಾಂವ್ ಮರಿ ವಿಯಾನ್ನಿ ಆಯ್ತಾರ್ ಜಾವ್ನ್ ಸಂಭ್ರಮಾಂವ್. ಹ್ಯಾ ಮಿಸಾ ವೆಳಾರ್ ಯಾಜಕಾಂ ಪಾಸತ್ ಮಾಗ್‍ಲ್ಲ್ಯಾ ತುಮ್ಕಾಂ ಧಿನ್ವಾಸ್. ತಶೆಂಚ್ ಫಾಲ್ಯಾಂ ಸಾಂಜೆಚಾ ಆರಾಧಾನಾ ವೆಳಾರ್ ಹ್ಯಾ ತೆಸಾಂವಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲಿತುರ್ಜಿ ಐಸಿವೈಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಪಾಂಚ್ವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಯೆಂವ್ಚ್ಯಾ ಸನ್ವಾರಾ ಆಗೋಷ್ತಾಚಾ 13 ತಾರಿಕೆರ್ ಸಾಂಜೆರ್ ಮಿಸಾ ವೆಳಾರ್ ಬಾಳೊಕ್ ಜೆಜು ವಾಡ್ಯಾಗಾರಾಂ ವಾಡ್ಯಾಚೊ ದೀಸ್ ಸಂಭ್ರಮ್ತಾತ್. ಮಿಸಾ ಉಪ್ರಾಂತ್ ಹೊಲಾಂತ್ ವಾಡ್ಯಾಚೆಂ ಸಾಂಗಾತ್ಪಾಣ್ ಆಸ್ತೆಲೆಂ.
ಯೆಂವ್ಚ್ಯಾ ಆಯ್ತಾರಾ ಭಾರತಾಚಿ ಪವಿತ್ರ್‍ಸಭಾ ರಾಷ್ಟ್ರೀಯ್ ಯುವ ಆಯ್ತಾರ್ ಜಾವ್ನ್ ಆಚರಣ್ ಕರ್ತಾ. ತ್ಯಾ ದಿಸಾ ಪಯ್ಲ್ಯಾ ಮಿಸಾಚಿ ಲಿತುರ್ಜಿ ಐಸಿವೈಎಮ್ ಸಾಂದ್ಯಾಂನಿ ಕರ್ಚಿ. ಫಾಲ್ಯಾಂ ಪಯ್ಲ್ಯಾ ಮಿಸಾ ಉಪ್ರಾಂತ್ ಐಸಿವೈಎಮ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ.
ಪಯ್ಲ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ಯಾಜಕಾಂಕ್ ಉಲ್ಲಾಸುನ್ ಕಾರ್ಡ್ ತಯಾರ್ ಕರ್ನ್, ಸಾಂ ಜುವಾಂವಿ ಮರಿ ವಿಯಾನ್ನಿವಿಶಿಂ ಸಮ್ಜೊಣಿ ಜೊಡ್ಲ್ಯಾ. ಹ್ಯಾ ಸ್ಫಧ್ರ್ಯಾಂತ್ ಭಾಗ್ ಘೆತ್‍ಲ್ಲ್ಯಾ ಸರ್ವ್ ಭುರ್ಗ್ರ್ಯಾಂಕ್ ಧಿನ್ವಾಸ್.
ಫಿರ್ಗಜ್‍ಪತ್ರ್-ಬಜ್ಜೋಡಿಚೊ ಕುರೊವ್ ಮೊಂತಿ ಫೆಸ್ತಾಚಾ ಅಂಕ್ಯಾಕ್ ಲೇಖನಾಂ, ಕವನಾಂ, ಕಾಣಿಯೊ ತಶೆಂಚ್ ಜಾಹೀರಾತಾಂ ದಾಡುಂಕ್ ನಿಮಾಣಿ ತಾರೀಖ್ ಆಗೋಷ್ಟ್ 15. ಜಾಹೀರಾತಾಂ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಹ್ಯಾ ಅಂಕ್ಯಾಂತ್ ಹರ್ಯೇಕಾ ವಾಡ್ಯಾಕ್ ಎಕೇಕ್ ಪಾನ್ ಅಮಾನತ್ ಕರ್ನ್ ದವರ್ಲಾಂ ಜಾಲ್ಲ್ಯಾನ್ ವಾಡ್ಯಾಂತ್ಲ್ಯಾ ವಿಶೇಷ್ ತಾಲೆಂತಾಂವಿಶಿಂ ಮಟ್ವೆಂ ಬರಪ್ ಆನಿ ತಸ್ವೀರ್ಯೊ, ನ್ಯಾನೊ ಕಾಣ್ಯೊ, ಡ್ರಾಯಿಂಗ್, ಚುಟುಕಾಂ ಇತ್ಯಾದಿ ಬರೊವ್ನ್ ದೀಂವ್ಕ್ ವಿನಂತಿ.
ಫಾಲ್ಯಾಂ ಆಗೋಷ್ಟ್ 7 ತಾರಿಕೆರ್ ವಾರಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂಕ್ ಎಕಾ ದಿಸಾಚೊ ಸಮ್ಮೇಳ್ ಸಕಾಳಿಂ 9.30ವೊರಾಂ ಥಾವ್ನ್ ಸಾಂಜೆರ್ 4.30ವೊರಾಂ ಪರ್ಯಾಂತ್ ಕೊರ್ಡೆಲ್ ಹೊಲಾಂತ್ ಆಸಾ ಕೆಲಾ. ಹ್ಯಾ ಸಮ್ಮೇಳನಾಂತ್ ಭಾಗ್ ಘೆಂವ್ಚ್ಯಾ ಭುರ್ಗ್ಯಾಂನಿ ಸಕಾಳಿಂ 9ವೊರಾರ್ ಗ್ರೌಂಡಾರ್ ಸಾಂಗಾತಾ ಮೆಳ್ಚೆಂ.
ಯೆಂವ್ಚ್ಯಾ ಮಂಗ್ಳಾರಾ ಆಗೋಷ್ಟ್ 9 ತಾರಿಕೆರ್ ಸಿಟಿ ವಾರಾಡ್ಯಾಚಾ ಕ್ರಿಸ್ತಾಂವ್ ಶಿಕ್ಷಣ್ ಶಿಕ್ಷಕಾಂಕ್ ಪವಿತ್ರ್ ಪುಸ್ತಕ್ ಆನಿ ದೇವ್‍ಸ್ತುತಿವಿಶಿಂ ತರ್ಭೆತಿ ಸಕಾಳಿಂ 9.00ವೊರಾಂ ಥಾವ್ನ್ ಸಾಂಜೆರ್ 1ವೊರಾಂ ಪರ್ಯಾಂತ್ ದೆರೆಬೈಲ್ ಫಿರ್ಗಜ್ ಹೊಲಾಂತ್ ಆಸ್ತೆಲಿ. ನಾಂವಾಂ ದಿಲ್ಲ್ಯಾಂನಿ ವೆಳಾರ್ ಹಾಜರ್ ಜಾಂವ್ಚೆಂ.
ಫಿರ್ಗಜೆಚಾ ದುಬ್ಳ್ಯಾ ಕುಟ್ಮಾಂಚಾ ಗರ್ಜಾಂಕ್ ಪಾಂವ್ಚೊ, ತಾಂಕಾಂ ಆಧಾರ್ ದಿಂವ್ಚೊ ಜಾವ್ನಾಸಾ ಫಿರ್ಗಜೆಚೊ ಎಸ್‍ವಿಪಿ ಘಟಕ್. ಹ್ಯಾ ಘಟಕಾಂತ್ ಸೆವಾ ದಿಂವ್ಚ್ಯಾ ಸರ್ವ್ ಸಾಂದ್ಯಾಂಕ್ ಧಿನ್ವಾಸ್ ಪಾಟಯ್ತಾಂವ್ ತಶೆಂಚ್ ತುಮ್ಚ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್. ಹ್ಯಾ ಘಟಕಾಚಾ ಫಂಡಾಕ್ ಹ್ಯಾ ವರ್ಸಾಯ್ ತುಮಿ ಬರೆಂಮನ್ ದಾಕಂವ್ಚೆಂ. ಯೆಂವ್ಚ್ಯಾ ಆಯ್ತಾರಾ ಎಸ್‍ವಿಪಿ ಸಾಂದೆ ತುಮ್ಚ್ಯಾ ಘರಾಂನಿ ಭೆಟೆ ದಿತಲೆ ತಾಂಕಾಂ ತುಮಿ ಆಧಾರ್ ದಿಂವ್ಚೊ.
ವಾಡ್ಯಾಗಾರಾಂನಿ ಸಾಂಗಾತಾ ಮೆಳ್ಚ್ಯಾಕ್ ಹ್ಯಾ ಮಹಿನ್ಯಾಚಾ 21 ತಾರಿಕೆರ್ ಆಯ್ತಾರಾ ಸಾಂಜೆರ್ “ಆಪ್ರೊಸಾಚಿ ವಾಟ್ಲಿ ರೊಸಾಚಿ” ವಾಡ್ಯಾವಾರ್ ವೊವಿಯೊ ವೇರ್ಸ್ ಸ್ಫರ್ಧೊ ಆಸಾ ಕೆಲಾ. ಸರ್ವ್ ವಾಡ್ಯಾಗಾರಾಂನಿ ಹ್ಯಾ ಸ್ಪಧ್ರ್ಯಾಂತ್ ಉರ್ಭೆನ್ ಭಾಗ್ ಘೆಂವ್ಕ್ ವಿನಂತಿ ಕರ್ತಾಂವ್.
(6.30ಮಿಸಾಕ್ ಮಾತ್ರ್) ಮರಿಯಾಳ್ ಲೀಜನ್ ಸಾಂದ್ಯಾಂಕ್ 8ವೊರಾಂಚಾ ಮಿಸಾಚಿ ಲಿತುರ್ಜಿ: ಲ್ಹಾನ್‍ಫುಲ್ ವಾಡ್ಯಾಗಾರಾಂಕ್