Sunday Announcements

ಸಗ್ಳೊ ಹಫ್ತೋ  ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಫಾಲ್ಯಾಂ ತಾಳಿಯಾಂಚಾ ಆಯ್ತಾರಾ ಬಾಳ್‍ಮರಿ ಆನಿ ಬಾಳೊಕ್ ಜೆಜು ವಾಡ್ಯಾಚ್ಯಾಂನಿ ಲಿತುರ್ಜೆಚಿ ಮಾಂಡಾವಳ್ ಕರ್ಚಿ. ಹಫ್ತ್ಯಾ ಮದೆಂ ವೆಲಂಕಣಿ ವಾಡ್ಯಾಗಾರಾಂನಿ ದೇವ್‍ಸ್ತುತೆಚೆ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.

ಫಾಲ್ಯಾಂ: ತಾಳಿಯಾಂಚೊ ಆಯ್ತಾರ್, ಸಕಾಳಿಂ ಎಕಚ್ಚ್ ಮೀಸ್ ಆಸ್ತೆಲೆಂ. ಸಕಾಳಿಂಚಾ 7.15 ವೊರಾರ್ ಒಎಸ್‍ಎಸ್ ಕೊಂವೆಂತಾಲಾಗಿಂ ಸಾಂಗಾತಾ ಮೆಳ್ಚೆಂ. ಪಯ್ಲೆಂ ತಾಳಿಯಾಂಚೆರ್ ಆಶೀರ್ವಾದ್, ಪುರ್ಶಾಂವ್ ಉಪ್ರಾಂತ್ ಮೀಸ್. ಪುಶ್ರ್ಯಾಂವಾಂಚಿ ಮಾಂಡಾವಳ್ ಗೊವ್ಳಿಕ್ ಪರಿಷದ್ ಸಾಂದ್ಯಾಂನಿ ಪಳೆಂವ್ಚಿ. ಪುಶ್ರ್ಯಾಂವಾಂ ವೆಳಾರ್ ಗಾಯಾನಾಂಕ್ ಗಾಯನ್ ಮಂಡಳಿ ಆನಿ ದೇವ್‍ಸ್ತುತಿ ಸಾಂದ್ಯಾಂನಿ ಸಾಂಗಾತ್ ದಿಂವ್ಚೊ

ಭಾಗೆವಂತ್ ಹಫ್ತ್ಯಾಚಾ ತಶೆಂಚ್ ಪಾಸ್ಕಾಂ ಫೆಸ್ತಾಚಾ ಖರ್ಚಾಕ್ ಮುಡ್ದೊಮ್ ದೀವ್ನ್ ಸಹಕಾರ್ ದಿಂವ್ಚೊ.

ಆಜ್/ಫಾಲ್ಯಾಂ ಆಯ್ತಾರಾ ಸಾಂಜೆರ್ 7 ವೊರಾರ್ ತೈಝೆ ಮಾಗ್ಣ್ಯಾವಿಧಿ ಆಸ್ತೆಲಿ. ಗಾಯನ್ ಮಂಡಳಿ, ದೇವ್‍ಸ್ತುತಿ ಆಯೋಗ್ ಆನಿ ಯುವಜಣಾಂನಿ ಹಾಚಿ ಮಾಂಡಾವಳ್ ಕರ್ಚಿ.

ಯೆಂವ್ಚೊ ಹಪ್ತೊ ಭಾಗೆವಂತ್ ಹಫ್ತೊ ಜಾಲ್ಲ್ಯಾ ರಜಾ ಮೆಳ್‍ಲ್ಲ್ಯಾ ಭುರ್ಗ್ಯಾಂನಿ ಸದಾಂಯ್ ಮಿಸಾ ಹಾಜರ್ ಜಾಂವ್ಚೆಂ. ವೆದಿ ಸೆವಾ ಕರುಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.

ಭಾಗೆವಂತ್ ಹಫ್ತ್ಯಾಚಿ ದೇವ್ ಸ್ತುತಿ ಹ್ಯಾ ಪರಿ ಆಸಾ:

ಸೊಮ್ಯಾಚ್ಯಾ ನಿಮಾಣ್ಯಾ ಜೆವ್ಣ್ಣಾಚೊ ಬ್ರೆಸ್ತಾರ್, ತ್ಯಾ ದೀಸ್ ಸಾಂಜೆಚೆ ಸಂಭ್ರಮಿಕ್ ಮೀಸ್ 6.30 ವೊರಾರ್ ಆಸ್ತೆಲೆಂ. ಲಿತುರ್ಜಿ ಆನಿ ಕಾಣಿಕೊ: ಸಾಂ ಜುಜೆ, ಲ್ಹಾನ್‍ಫುಲ್ ಆನಿ ಪ್ರ. ಕಾಳಿಜ್ ವಾಡೊ. ಪವಿತ್ರ್ ಸಾಕ್ರಾಮೆಂತಾಚೆ ಅರಾಧಾನ್ ರಾತಿಂ 11.30 ವೊರಾಂ ಪರ್ಯಾಂತ್ ಆಸ್ತೆಲೆಂ. ಹೊ ದೀಸ್ ಯಾಜಕಾಂಚೊ ದೀಸ್ ಜಾಲ್ಲ್ಯಾನ್ ಪ್ರತ್ಯೇಕ್ ಜಾವ್ನ್ ಯಾಜಕಾಂ ಪಾಸೊತ್ ಮಾಗೊಂಕ್ ವಿನಂತಿ. ಅರಾಧಾನಾಚಿ ಜವಬ್ದಾರಿ ಘೆತ್‍ಲ್ಲ್ಯಾ ವಾಡ್ಯಾಚ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.

ಸೊಮ್ಯಾಚ್ಯಾ ಕಷ್ಟಾ-ಮರ್ಣಾಂಚೊ ಸುಕ್ರಾರ್: ಹ್ಯಾ ದೀಸ್ ಜಿಂಜ್ವಾರ್ ಕರುಂಕ್ ಇಗರ್ಜ್ ಮಾತೆಚೊ ಕಾಯ್ದೊ ಆಸಾ. ಸಕಾಳಿಂ 8ವೊರಾರ್ ಇಗರ್ಜೆ ಥಾವ್ನ್ ಬೆಸ್‍ಮೆಂಟಾಕ್ ಆನಿ ಸಕ್ಲಾ ಥಾವ್ನ್ ಇಗರ್ಜೆಕ್ ಖುರ್ಸಾವಾಟ್ ಆಸ್ತೆಲಿ. ಸಾಂಜೆರ್ 5 ವರಾರ್ ಪವಿತ್ರ್ ರೀತ್ ಪ್ರಾರಂಭ್ ಜಾತಾ. ಲೂಡ್ರ್ಸ್ ಆನಿ ವೆಲಂಕಣಿ ವಾಡ್ಯಾಚಾಂನಿ ಜವಬ್ದಾರಿ ಘೆಂವ್ಚಿ.

ಅಲ್ಲೆಲೂಯಾ ಸನ್ವಾರ್-ಪಾಸ್ಕಾಂಚಿ ಜಾಗೃಣ್: ತ್ಯಾ ದೀಸ್ ಸಾಂಜೆರ್ 7 ವೊರಾರ್ ಸಂಭ್ರಮಿಕ್ ಮೀಸ್. ಲಿತುರ್ಜಿ ಆನಿ ಕಾಣಿಕೊ: ಅವಿಲಾ, ಕಾರ್ಮೆಲ್ ಆನಿ ಸಾಂ ಅಂತೊನ್ ವಾಡೊ. ಪವಿತ್ರ್ ಸ್ನಾನಾಚ್ಯೊ ಆಂಗೊವ್ಣ್ಯೊ ಕರುಂಕ್ ಆಸ್ತಲ್ಯೊ. ವಾತಿ ತುಮಿಚ್ಚ್ ಹಾಡ್ನ್ ಯೆಂವ್ಚ್ಯೊ. ಪುಶ್ರ್ಯಾಂವಾಕ್ ಆನಿ ಆಂಗೊವ್ಣ್ಯಾ ವೆಳಾರ್ ಮಾತ್ರ್ ವಾತಿ ಪೆಟೊಂವ್ಕ್ ಆಸ್ತಲ್ಯೊ. ಮೇಣ್ ಬಾಂಕಾರ್, ದರ್ಣಿರ್, ನಿಲರಾಚೆರ್ ಪಡೆನಾತ್ಲೆ ಬರಿ ಚತ್ರಾಯ್ ಘೆಂವ್ಚಿ.

ಪಾಸ್ಕಾಂಚಾ ಆಯ್ತಾರಾ ಸಕಾಳಿಂ ಎಕ್‍ಚ್ಚ್ ಮೀಸ್ 7.30 ವೊರಾರ್ ಆಸ್ತೆಲೆಂ. ದೇವ್‍ಸ್ತುತಿ ಮಾಂಡಾವಳ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಕರ್ಚಿ.

ಬಾಗೆವಂತ್ ಹಪ್ತ್ಯಾಚಿಂ ವಾಚ್ಪಾಂ ಲಾಂಬ್ ಆಸ್‍ಲ್ಲ್ಯಾನ್ ಪ್ಯಾಕ್ಟಿಸಾಕ್ ಯೆಂವ್ಚೆ ಪಯ್ಲೆಂ ಬರೆಂ ಕರ್ನ್ ವಾಚುನ್ ತಯಾರಾಯ್ ಕರ್ಚಿ. ಆನಿ ನಮಿಯಾರ್ಲೆಲ್ಯಾ ದಿಸಾ ಪ್ರಾಕ್ಟಿಸಾಕ್ ಹಾಜರ್ ಜಾಂವ್ಚೆಂ.

ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.

ಲ್ಹಾ.ಕ್ರಿ. ಆಯೋಗಾಚಿ ಜಮಾತ್ ಯೆಂವ್ಚ್ಯಾ ಮಂಗ್ಳಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲಿ. ಲ್ಹಾ. ಕ್ರಿ. ಆಯೋಗಾಚ್ಯಾ ಸಾಂದ್ಯಾಂನಿ, ವಾಡ್ಯಾಚಾ ಪ್ರೇರಕಾಂನಿ ಹಾಜರ್ ಜಾಂವ್ಚೆಂ.

40 ವೊರಾರಾಂಚೆಂ ನಿರಂತರ್ ಆರಾಧಾನ್ ಕಾರ್ಮೆಲ್ ಗುಡ್ಯಾರ್ ಎಪ್ರಿಲ್ 3 ತಾರಿಕೆರ್ ಸಕಾಳಿಂ 5ವೊರಾಂ ಥಾವ್ನ್ ಎಪ್ರಿಲ್ 4 ತಾರಿಕೆರ್ ಸಾಂಜೆರ್ 10ವೊರಾಂ ಪರ್ಯಾಂತ್ ಆಸ್ತೆಲೆಂ. ಆಮ್ಚ್ಯಾ ಫಿರ್ಗಜೆಕ್ ಎಪ್ರಿಲ್ 3 ತಾರಿಕೆರ್ ಸೊಮಾರಾ ಸಕಾಳಿಂ 7 ಥಾವ್ನ್ 8ವೊರಾಂ ಪರ್ಯಾಂತ್ ಆಸ್ತೆಲೆಂ. ಹ್ಯಾ ಆರಾಧಾನಾಕ್ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.

ಎಪ್ರಿಲ್ ಮೇಯಾಂತ್ ಸ್ತ್ರೀ ಸಂಘಟನಾಚೆ ಸಾಂದೆ ಸ್ಕ್ರ್ಯಾಪ್ ಎಕ್ಟಾಂಯ್ ಕರ್ತಾತ್. ತಾಂಕಾಂ ತುಮ್ಚೊ ಸಹಕಾರ್ ದಿಂವ್ಚೊ. ತಶೆಂಚ್ ಎಪ್ರಿಲಾಚ್ಯಾ 9 ತಾರಿಕೆರ್ ಪಾಸ್ಕಾಂಚಾ ಫೆಸ್ತಾ ದಿಸಾ ಸಾಂಜೆರ್ ಸ್ತ್ರೀ ಸಂಘಟನಾಚೆ ಸಾಂದೆ ತಾಂಚ್ಯಾ ಸಂWಚಾ ಚಟುವಟಿಕೆಕ್ ಆಧಾರ್ ಜಾವ್ನ್ ಈಸ್ಟರ್ ಪ್ರೊಲಿಕ್-ಪಾಸ್ಕ್ ದಬಾಜೊ ಆಸಾ ಕರ್ತಾತ್. ತ್ಯಾ ದಿಸಾ ಸಾಂಜೆರ್ 3.30ವೊರಾಂ ಥಾವ್ನ್ 9.30ವೊರಾರಾಂ ವಿವಿಧ್ ಖೆಳ್ ಆನಿ ಮನೋರಂಜನ್ ಆಸ್ತೆಲೆಂ. ಫಾಮಾಧ್ ‘ದಿ ಎಕ್ಸ್‍ಪ್ರೆಶನ್’ ಪಂಗ್ಡಾ ಥಾವ್ನ್ ಮನೋರಂಜನ್ ಕಾರ್ಯೆಂ ಆಸ್ತೆಲೆಂ. ಖೆಳಾಚಿಂ ಆನಿ ಖಾಣಾಚಿಂ ಕೂಪನಾಂ ತುಮಿ ಘೆಂವ್ಚಿಂ ಆನಿ ತಾಂಕಾಂ ಸಹಕಾರ್ ದಿಂವ್ಚೊ ಅನಿ ಹ್ಯಾ ಕಾರ್ಯಾಕ್ ಹಾಜರ್ ಜಾಂವ್ಚೆಂ.

ಸಿಒಡಿಪಿ ಕವರಾಂ ಗುರ್ಕಾರ್/ರ್ನಿನ್ ಫಿರ್ಗಜ್ ಧಪ್ತರಾಕ್ ಹಾಡ್ನ್ ದೀಂವ್ಕ್ ವಿನಂತಿ.