ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಲೂಡ್ರ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಸಪ್ಟೆಂಬರ್ 29: ಭಾಗೆವಂತ್ ಮಿಂಗೆಲ್, ಗಾಬ್ರಿಯೆಲ್ ಆನಿ ರಫಾಯೆಲ್, ಮಹಾ ದೇವ್ ದೂತ್, ಸಪ್ಟೆಂಬರ್ 30: ಸ್ಮರಣ್ ಸಾಂ .ಜೆರೊಮ್, ಅಕ್ಟೋಬರ್ 1: ಬ್ರೇಸ್ತಾರಾ: ಜೆಜುಚೆಂ ಲ್ಹಾನ್ ಫುಲ್, ಸಾಂ.ತೆರೆಜಾಚೆ ಫೆಸ್ತ್-ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಅಕ್ತೋಬರ್ 2 ತಾರಿಕ್ ರಾಕಣ್ ಭಡ್ವ್ಯಾಚೆ ಫೆಸ್ತ್. ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಜಾಲ್ಲ್ಯಾನ್ ಸಾಂಜೆಚಾ ಮಿಸಾ ಉಪ್ರಾಂತ್ ಆರಾಧಾನ್ ಆಸ್ತೆಲೆಂ.
ಅಕ್ಟೋಬರ್ ಮಹಿನೊ ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ ಜಾಲ್ಲ್ಯಾನ್ ಘರಾಂನಿ ಚುಕಾನಾಸ್ತಾಂ ತೇರ್ಸ್ ಕರುನ್ ಅತ್ಮಿಕ್ ಬರೆಂಪಣ್ ಜೋಡ್ನ್ ಘೆಂವ್ಚೆಂ.
ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾ ವರ್ಸಾ ಚವ್ತ್ಯಾ ಕ್ಲಾಸಿಂತ್ ಆಸ್‍ಲ್ಲ್ಯಾ ಭುರ್ಗ್ಯಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ವ್ಹಡಿಲಾಂನಿ ಹಾಜರ್ ಜಾಂವ್ಕ್ ವಿನಂತಿ.
ಆಕ್ಟೋಬರ್ ಮಹಿನ್ಯಾಂತ್ 31 ಥಾವ್ನ್ 60 ವರ್ಸಾಂ ಭಿತರ್ಲ್ಯಾಂಕ್ ಬೈಬಲ್, ಸಂಸ್ಕಾರ್, ಉಪಸಂಸ್ಕಾರ್, ಸಾಂತಾಂಚಾ ಪಿಂತುರಾಚೆಂ ಒನ್‍ಲೈನ್ ಕ್ವಿಜ್ ತಶೆಂಚ್ 61 ವರ್ಸಾಂ ವಯ್ಲಾಂಕ್ ಭುರ್ಗ್ಯಾಂಕ್ ನಿದಾಂವ್ಚಿ ಗಾನಾಂ ಹೊ ಸ್ಪರ್ಧೊ ಆಸಾ ಕೆಲಾ. ಹ್ಯಾ ಸ್ಫಧ್ರ್ಯಾಂನಿ ಉರ್ಭೆನ್ ಭಾಗ್ ಘೆಂವ್ಕ್ ಗುರ್ಕಾರ್/ರ್ನ್ ಪ್ರತಿನಿಧಿಂನಿ ವಾಡ್ಯಾಗಾರಾಂಕ್ ಪ್ರೋತ್ಸಾಹ್ ದಿಂವ್ಚೊ.
ಪಯ್ಲ್ಯಾ ಕ್ಲಾಸಿ ಥಾವ್ನ್ ದಾವಿ ಕ್ಲಾಸಿ ಮ್ಹಣಾಸರ್ ಯೆದೊಳ್‍ಚ್ಚ್ ಕ್ರೀಸ್ತಿ ದೊತೊರ್ನೊವಿಶಿಂ ಮಾಹೆತ್ ದಿಲ್ಯಾ. ವ್ಹಡಿಲಾಂನಿ ಭುರ್ಗ್ಯಾಂನಿ ಘರಾಚ್ಚ್ ಶಿಕೊಂವ್ಚೆಂ. ತಶೆಂಚ್ ವೈಸಿಎಸ್ ಭುರ್ಗ್ಯಾಂಚೊ ವಾಟ್ಸೆಪ್ ಗ್ರೂಪ್ ಕೆಲಾ. ಆಕ್ಟೋಬರ್ ಮಹಿನ್ಯಾ ಥಾವ್ನ್ ಥೊಡ್ಯೊ ಚಟುವಟ್ಯಿಕೊ ಆಸಾ ಕರ್ತಾಂವ್. ವ್ಹಡಿಲಾಂನಿ ಭುರ್ಗ್ಯಾಂಕ್ ಪ್ರೋತ್ಸಾಹ್ ದಿಂವ್ಚೊ.
ಹ್ಯಾ ವರ್ಸಾ ಐಸಿವೈಎಮ್ ಘಟಕಾಚೆ ಎಲಿಸಾಂವ್ ಆಸ್ಚೆಂನಾ. ಆಸ್‍ಲ್ಲಿಚ್ಚ್ ಸಮಿತಿ ಮುಕಾರ್ಸುನ್ ವೆತೆಲಿ. ಮುಕ್ಲೆಂ ಎಲಿಸಾಂವ್ ಫಿರ್ಗಜೆಚಾ ಹಂತಾರ್ ಎಪ್ರಿಲ್ ಮಹಿನ್ಯಾಂತ್, ವಾರಾಡ್ಯಾ ಹಂತಾರ್ ಮೇ ಮಹಿನ್ಯಾಂತ್ ಆನಿ ಕೇಂದ್ರಿಕ್ ಸಮಿತಿಚೆ ಎಲಿಸಾಂವ್ ಜೂನ್ ಮಹಿನ್ಯಾಂತ್ ಆಸ್ತೆಲೆಂ. ಮುಕ್ಲ್ಯಾ ದಿಸಾಂನಿ ಐಸಿವೈಎಮ್ ಸಾಂದ್ಯಾಂಕ್ ಲ್ಹಾನ್ ಲ್ಹಾನ್ ಕಾರ್ಯಕ್ರಮಾಂ ಆಸಾ ಕರ್ತೆಲ್ಯಾಂವ್. ವೈಸಿಎಸ್ ತಶೆಂಚ್ ಐಸಿವೈಎಮ್ ಘಟಕಾಕ್ ಬಾಪ್ ರಾಯನ್ ಪಿಂಟೊ ಸಹ ದಿರೆಕ್ತೊರ್ ಜಾವ್ನ್ ಸಾಂಗಾತ್ ದಿತೆಲೆ.