ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಮರಿಯಾಳ್ ಲೀಜನ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಆಟ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಕುಟ್ಮಾಕ್ ಯಾಜಕಾಚಿ ಭೆಟ್, ಕುಟ್ಮಾ ಸಾಂಗಾತಾ ಮಾಗ್ಣೆಂ, ಗಿತಾಂ, ಜೆಜು ಬಾಳ್ಕಾಚೆಂ ಆಶೀರ್ವಾದ್ ಡಿಸೆಂಬರ್ ಡಿಸೆಂಬರ್ 19 ತಾರಿಕ್ ಆಯ್ತಾರಾ ಬಾಳ್‍ಮರಿ ವಾಡೊ, ಡಿಸೆಂಬರ್ 20 ತಾರಿಕ್ ಸೊಮಾರಾ ಸಾಂ ಅಂತೊನ್ ವಾಡೊ. ವಾಡ್ಯಾಚಾ ಕೋರ್ ಕಮಿಟಿಚಾ ಸಾಂದ್ಯಾಂನಿ, ಭುರ್ಗ್ಯಾಂನಿ, ವ್ಹಡಾಂನಿ ಸಾಂಗಾತ್ ದಿಂವ್ಚೊ. ಖುಶೆಚಿ ಕಾಣಿಕ್ ದಿವ್ಯೆತ್.
ಮಂಗ್ಳುರ್ ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕಾಚ್ಯಾ ಆಯೋಗಾ ತರ್ಫೆನ್ ಬೈಬಲ್ ಕೋರ್ಸ್ ಆಸಾ ಕೆಲಾ. “ದೇವ್ ಆಮ್ಚೆ ಸಾಂಗಾತಾ” ಮಾತೆವಾಚ್ಯಾ ವಾಂಜೆಲಾಚೆಂ ಗುಂಡಾಯೆನ್ ಅಧ್ಯಯನ್-ಹ್ಯಾ ವಿಶಯಾಚೆರ್ ಮಾಂಡುನ್ ಹಾಡ್ಲಾ. ಹೊ ಕೋರ್ಸ್ ಜನೆರ್ 8, 15, 22, 29 ಆನಿ ಫೆಬ್ರೆರ್ 5 (ಅಶೆಂ ಪಾಂಚ್ ಸನ್ವರಾಂನಿ) ಸಾಂಜೆರ್ 3 ಥಾವ್ನ್ 6ವರಾಂ ಪರ್ಯಾಂತ್ ಮಂಗಳಜ್ಯೋತಿ, ಗೊವ್ಳಿಕ್ ಕೇಂದ್ರ್, ಬಜ್ಜೋಡಿ ಹಾಂಗಾಸರ್ ಚಲ್ತಲೊ. ಚಡಿತ್ ವಿವರಾಕ್ ನೋಟಿಸ್ ಬೋರ್ಡ್ ಪಳೆಂವ್ಚೊ.
ನತಾಲಾಂಚೆ ಫೆಸ್ತ್ ಡಿಸೆಂಬರ್ 24ತಾರಿಕೆರ್ ಸುಕ್ರಾರಾ ಸಾಂಜೆರ್ 7ವೊರಾರ್ ನತಾಲಾಂಚಿ ಗಿತಾಂ, 7.30ವೊರಾರ್ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್, ಉಪ್ರಾಂತ್ ಬಾಳ್ಕಾಚೊ ಉಮೊ. ಮಿಸಾ ಉಪ್ರಾಂತ್ ಹೊಲಾಂತ್ ಏಲಂ ತಶೆಂಚ್ ಹೌಸಿ ಹೌಸಿ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಡಿಸೆಂಬರ್ 25 ತಾರಿಕೆರ್ ಸನ್ವರಾ ಸಕಾಳಿಂ 7.30ವೊರಾರ್ ಏಕ್ ಮೀಸ್ ಮಾತ್ರ್ ಆಸ್ತೆಲೆಂ. ಸನ್ವರಾ ಸಾಂಜೆಚೆ ಮೀಸ್ ಆಸ್ಚೆಂನಾ.
ಡಿಸೆಂಬರ್ 25 ತಾರಿಕೆರ್ ಸಾಂಜೆರ್ 5.30ವೊರಾರ್ ಐಸಿವೈಎಮ್ ಸಾಂದ್ಯಾಂನಿ ಹೊಲಿ ಜೊಲಿ ಕ್ರಿಸ್ಮಸ್ ಕಾರ್ಯೆಂ ಆಸಾ ಕೆಲಾಂ. ಲೈವ್‍ಬ್ಯಾಂಡ್, ಡಿಜೆ, ಡ್ಯಾನ್ಸ್, ಫುಡ್, ಗೇಮ್ಸ್, ಹೌಸಿಹೌಸಿ ಆಸಾ. ಫಿರ್ಗಜೆಚಾ ಯುವಜಣಾಂಕ್ ತುಮ್ಚೊ ಸಹಕಾರ್ ದಿಂವ್ಚೊ.
ನತಾಲಾಂ ಫೆಸ್ತಾಕ್ ಮುರ್ದೊಮ್ ದೀಂವ್ಕ್ ಆವ್ಕಾಸ್ ಆಸಾ. ತಶೆಂಚ್ ಆಲ್ತಾರಿಕ್ ಫುಲಾಂ, ಕೇಕ್, ಥಂಡ್ ಪೀವನ್, ಏಲಂ ವಸ್ತು ದಿತೆಲ್ಯಾಂನಿ ಪಯ್ಲೆಂಚ್ ತಿಳ್ಸುಂಕ್ ವಿನಂತಿ. ಕ್ರಿಸ್ಮಸ್ ಫೆಸ್ತಾಕ್ ಸಂಬಂಧ್ ಜಾಲ್ಲ್ಯೊ ಜವಾಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾತ್. ಜವಬ್ದಾರಿ ಘೆತ್‍ಲ್ಲ್ಯಾ ವಾಡ್ಯಾಚ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ನತಾಲ್ ನೆಕೆತ್ರ್ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಚ್ಯಾಂನಿ ಡಿಸೆಂಬರ್ 22 ತಾರಿಕೆರ್ ಬುದ್ವಾರಾ ಸಾಂಜೆರ್ 4ವೊರಾಂ ಭಿತರ್ ಆನಿ ಕ್ರಿಸ್ಮಸ್ ಟ್ರೀ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಚ್ಯಾಂನಿ ಕ್ರಿಸ್ಮಸ್ ಟ್ರೀ 23 ತಾರಿಕೆರ್ ಬ್ರೆಸ್ತಾರಾ ಸಾಂಜೆರ್ 4 ವೊರಾಂ ಭಿತರ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ.
ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಕ್ರಿಸ್ಮಸ್ ಅಂಕೊ ತಯಾರ್ ಜಾಲಾ. ಯೆದೊಳ್‍ಚ್ಚ್ ತೊ ತುಮ್ಚ್ಯಾ ಕುಟ್ಮಾಕ್ ಪಾವ್ಲಾ. ಕ್ರಿಸ್ಮಸ್ ಆನಿ ಸಿನೊದಾಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಫಿರ್ಗಜ್ ಖಬ್ರೊ, ಆನಿ ಮುಕ್ಲಿ ಕಾರ್ಯಾಕ್ರಮಾಂ, ದೇವ್‍ಸ್ತುತೆಚಿ ಮಾಂಡಾವಳ್ ಆನಿ ಹೆರ್ ವಿಷಯ್ ಆಸಾತ್. ಹೊ ಬೂಕ್ ಉಗ್ತೆ ಕರ್ನ್ ಪಳೆಂವ್ಚೊ. ಹೆಂ ಪತ್ರ್ ಉಜ್ವಾಡಾಕ್ ಹಾಡುಂಕ್ ಸಾಂಗಾತ್ ದಿಲ್ಲ್ಯಾ ಸಂಪಾದಕೀಯ್ ಮಂಡಳಿಚಾ ಸಾಂದ್ಯಾಂಕ್, ವಾಡ್ಯಾವಾರ್ ಕುರೊವ್ ಪ್ರತಿನಿಧಿಂಕ್, ಕವನಾಂ, ಲೇಖನಾಂ, ವಧ್ರ್ಯೊ ಬರೊವ್ನ್ ದಿಲ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಮ್ಹಣ್ತಾ.
ಆಜ್ ಸಾಂಜೆರ್ 3.30ವೊರಾರ್ ಇಗರ್ಜ್ ನಿತಳಾಯ್ ಕರುಂಕ್ ಆಸ್ತೆಲಿ. ಹರ್ಯೇಕಾ ವಾಡ್ಯಾಚ್ಯಾಂನಿ ಸಾಂಗಾತ್ ದೀಂವ್ಕ್ ವಿನಂತಿ ಕರ್ತಾಂವ್. ನಿತಳಾಯ್ ಜಾಲ್ಲೆಂಚ್ ಎವ್ಕರಿಸ್ತಿಕ್ ಫುಶ್ರ್ಯಾವ್ಯಾಂಚಾ ಸ್ವಯಂಸೇವಕಾಂಚಿ ಮಟ್ವಿ ಜಮಾತ್ ಆಸ್ತೆಲಿ.