ಮಿಸಾಚಿ ಶಿಸ್ತ್ ಪಾಳುಂಕ್ ಕುಮಕ್ ಕೆಲ್ಲ್ಯಾ ವಾಡ್ಯಾಚ್ಯಾ ಸ್ವಯಂ ಸೇವಕಾಂಕ್, ದೇವ್‍ಸ್ತುತೆಚಿ ಮಾಂಡಾವಳ್ ಪಳೆಂವ್ಚ್ಯಾ ಆದ್ಯಾತ್ಮಿಕ್ ಸಮಿತಿಕ್, ಖುರ್ಸಾವಾಟ್ ಚಲೊನ್ ವ್ಹೆಲ್ಯಾ ಸಾಂದ್ಯಾಕ್, ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ.
ಸೊಮಾರಾ ಥಾವ್ನ್ ದೇವ್‍ಸ್ತುತೆಚಿ ಮಾಂಡಾವಳ್ ವಾಡ್ಯಾವಾರ್ ಆಸ್ತೆಲಿ. ಯೆಂವ್ಚ್ಯಾ ಹಪ್ತ್ಯಾಂತ್ ದೇವ್‍ಸ್ತುತೆಚಿ ಮಾಂಡಾವಳ್ ಬಾಳೊಕ್ ಜೆಜು ವಾಡ್ಯಾಗಾರಾಂಕ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಸಪ್ಟೆಂಬರ್ 14: ಭಾಗೆವಂತ್ ಖುರ್ಸಾಚೆಂ ಜಯ್ತ್. ಸಪ್ಟೆಂಬರ್ 15:ದುಖಿ ಸಾಯ್ಬಿಣಿಚೆಂ ಫೆಸ್ತ್.
ಪ್ರಸ್ತುತ್ ಸ್ಥಿತೆಂತ್ ಇಗರ್ಜೆಂತ್ ದೊತೊರ್ನಿಚೊ ಕ್ಲಾಸಿ ಆಸಾ ಕರುಂಕ್ ಸಾಧ್ಯ್ ನಾ. ಇಗಜೆಂತ್ ಕ್ಲಾಸಿ ಸಉರು ಜಾಂವ್ಚ್ಯಾ ಮ್ಹಣಾಸರ್ ತುಮ್ಚ್ಯಾ ಭುರ್ಗ್ಯಾಂಕ್ ತುಮಿಂಚ್ ಘರಾಚ್ಚ್ ಶಿಕೊಂವ್ಚೆಂ. ಸೊಮರಾ ಪಯ್ಲೆಂ ನಾಂವಾಂ ದಿಲ್ಲಾಂಚೆಂ ದೊತೊರ್ನಿಚಿ ಬೂಕ್ ಆಮಿ ಇಗರ್ಜೆಂತ್ ಹಾಡ್ನ್ ದವರ್ತೆಲ್ಯಾಂತ್. ತಾಚ್ಯಾ ಉಪ್ರಾಂತ್ ನಾಂವಾಂ ದಿಲ್ಲ್ಯಾಂನಿ ಮಂಗಳ ಜ್ಯೋತಿ ಥಾವ್ನ್ ಮೊಲಾಕ್ ಘೆಂವ್ಕ್ ವಿನಂತಿ. ತ್ಯಾ ತ್ಯಾ ಕ್ಲಾಸಿಚೊ ವಾಟ್ಸೆಪ್ ಗ್ರೂಪ್ ಕೆಲಾಂ ಆಸ್ತಾಂ ಜೆಂ ಕಿತೆಂಯ್ ಸಮ್ಜಾನಾ ತೆಂ ಕ್ಲಾಸ್ ಟೀಚರೆಲಾಗಿಂ ವಿಚಾರ್ಯೆತ್. ದೊತೊರ್ನೆವಿಶಿಂ ಸಗ್ಳೊ ವಿವರ್ ವಾಟ್ಸೆಪ್ ಮುಖಾಂತ್ರ್ ದಾಡ್ತೆಲ್ಯಾಂವ್. ದೋನ್ ಮಹಿನ್ಯಾ ಉಪ್ರಾಂತ್ ಮೊಲಾವ್ಣಿಂ ತಶೆಂಚ್ ಪರೀಕ್ಷಾ ಆಸಾ ಕರ್ತಾಂವ್. ಸಾಕ್ರಾಮೆಂತ್, ಉಪಾದೆಸ್, ಬೈಬಲ್, ಮಾಗ್ಣೆಂ ಹ್ಯಾ ವಿಷಯಾಕ್ ಸಂಬಂಧ್ ಜಾಲ್ಲೆ ವಿಡಿಯೋ ದಿಯೆಸೆಜಿಚಾ ಯ್ಯೂಟ್ಯೂಬ್ ಚಾನೆಲಾರ್ ವೆಗ್ಗಿಂಚ್ ಆಪಲೊಡ್ ಜಾತೆಲೆ. ತೆ ತುಮಿ ಪಳೆಂವ್ಕ್ ವಿನಂತಿ.
ಮಂಗ್ಳಾರಾ ಸಾಕಾಳಿಂ 10.30ಥಾವ್ನ್ 1.00ವೊರಾಂ ಪರ್ಯಾಂತ್ ಫ್ರೀ ಕೊವಿಡ್ ಟೆಸ್ಟ್ ಇಗರ್ಜೆಚ್ಯಾ ಬೇಜ್‍ಮೆಂಟಾಂತ್ ಆಸ್ತೆಲೆಂ. ಹಾಚೊ ಫಾಯ್ದೊ ಜೊಡ್ಚೊ.