ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಸಾಂ.ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಕಾರ್ಮೆಲ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಯಸ್ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಜನೆರ್ 16: ಸಾಂ.ಜುಜೆ ವಾಜ್
ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.
ಜನೆರ್ 17 ತಾರಿಕ್ ಆಯ್ತಾರಾ ಥಾವ್ನ್ ಮಿಸಾಂ ಪಯ್ಲೆಂಚ್‍ಬರಿಚ್ ಆಸ್ತೆಲಿಂ. ಪಯ್ಲೆಂ ಮೀಸ್ 6.30ವೊರಾರ್. ದುಸ್ರೆಂ ಮೀಸ್ 9-15ವೊರಾರ್ ಆಸ್ತೆಲೆಂ. ಯೆಂವ್ಚ್ಯಾ ಆಯ್ತಾರಾ ಥಾವ್ನ್ ಭುರ್ಗ್ಯಾಂಕ್ ದೊತೊರ್ನ್ ಪ್ರಾರಂಭ್ ಜಾತಾ. 8 ಥಾವ್ನ್ 9ವೊರಾಂ ಪರ್ಯಾಂತ್ ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ವೈಸಿಎಸ್ ಪರ್ಯಾಂತ್ ದೊತೊರ್ನ್ ಆಸ್ತೆಲಿ. ಭುಗ್ರ್ಯಾಂಚಿ ಹಾಜರಿ ಕಾಡುಂಕ್ ಆಸ್‍ಲ್ಲ್ಯಾನ್ ಸರ್ವ್ ಭುರ್ಗ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ. ದುಸ್ರ್ಯಾ ಸೆಮಸ್ಟರಾಚಿ ಕ್ರೀಸ್ತಿ ದೊತೊರ್ನಿಚಿ ಪರೀಕ್ಷಾ ದೊನ್ ಮಹಿನ್ಯಾ ಉಪ್ರಾಂತ್ ಆಸ್ತೆಲಿ. ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಟೀಚರಾಂಚಿ ಜಮಾತ್ ಆಸ್ತೆಲಿ. ತಶೆಂಚ್ ಯೆಂವ್ಚ್ಯಾ ಆಯ್ತಾರಾ ದುಸ್ರ್ಯಾ ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಪ್ರಾರಂಭ್ ಕರ್ತಾಂವ್. ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ಆಟ್ವ್ಯಾ ಕ್ಲಾಸಿಚಾ ಭುರ್ಗ್ಯಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ. ಭುರ್ಗ್ಯಾಂನಿ ವ್ಹಡಿಲಾಂಕ್ ಪ್ರೋತ್ಸಾಹ್ ದಿಂವ್ಚೊ.
ಬಾಳೊಕ್ ಜೆಜುಚಿ ವಾರ್ಶಿಕ್ ದಬಾಜಿಕ್ ಪರಬ್ ಜನೆರಾಚ್ಯಾ 14, 15 ಆನಿ 16 ತಾರಿಕೆರ್ ಆಸ್ತೆಲಿ. 14ತಾರಿಕೆರ್ ಫೆಸ್ತಾಚೊ ದೀಸ್ ಜಾಲ್ಲ್ಯಾನ್ ಹಾಂಗಸರ್ ಸಾಂಜೆಚೆ ಮೀಸ್ ಆಸ್ಚೆಂನಾ.
ಜನೆರ್ 31 ತಾರಿಕೆರ್ ಫಿರ್ಗಜ್ ಫೆಸ್ತಾಚೊ ದೀಸ್. 9.45ವೊರಾರ್ ಮಾನಾಚೊ ವಾತಿ ವಾಂಟ್ತೆಲ್ಯಾಂವ್. ಸಂಭ್ರಮಿಕ್ ಮಿಸಾಕ್ ಪ್ರಧಾನ್ ಯಾಜಕ್ ಜಾವ್ನ್ ದಿಯೆಸೆಜಿಚೆ ಎಪಿಸ್ಕೊಪಲ್ ವಿಕಾರ್ ಬಾಪ್ ಪಾವ್ಲ್ ಮೆಲ್ವಿನ್ ಡಿಸೋಜಾ, ಕಾಪುಜಿನ್, ಸಂಭ್ರಮಿಕ್ ಮಿಸಾಚೆ ಬಲಿದಾನ್ ಭೆಟಯ್ತೆಲೆ. ವೈಸಿಎಸ್ ತಶೆಂಚ್ ಐಸಿವೈಎಮ್ ಸಾಂದ್ಯಾಂನಿ ಫೆಸ್ತಾಚಿ ದೇವ್‍ಸ್ತುತಿ ಚಲವ್ನ್ ವ್ಹರ್ಚಿ. ಮಿಸಾ ಉಪ್ರಾಂತ್ ಐಸಿವೈಎಮ್ ಥೊಡೆ ಖೆಳ್ ಚಲವ್ನ್ ವ್ಹರ್ತಲೆ. ತುಮಿ ಕೂಪನಾಂ ಘೆವ್ನ್ ತಾಂಕಾಂ ಸಹಕಾರ್ ದಿಂವ್ಚೊ. ಸಾಂಜೆರ್ 5.45ವೊರಾರ್ ಮಟ್ವೆಂ ವೆದಿ ಕಾರ್ಯೆಂ ತಶೆಂಚ್ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ. ವೆಗ್ಗಿಂಚ್ ಜವಬ್ದಾರಿ ವಾಂಟುನ್ ದಿತೆಲ್ಯಾಂವ್. ಸರ್ವ್ ವಾಡ್ಯಾಚಾ ಗುರ್ಕಾರ್ನ್ ಗುರ್ಕಾರ್ನಿನ್ ಪ್ರತಿನಿಧಿಂನಿ, ವಾಡ್ಯಾಗಾರಾಂನಿ ತುಮ್ಚೊ ಸಹಕಾರ್ ದೀಂವ್ಕ್ ಉಲೊ ದಿತಾಂವ್.
ಫಿರ್ಗಜ್ ಫೆಸ್ತಾಕ್ ತಯಾರಾಯ್ ಜಾವ್ನ್ ಯೆದೊಳ್‍ಚ್ಚ್ ಇಗರ್ಜೆ ಮುಖಾರ್, ಆಲ್ತಾರ್, ತಶೆಂಚ್ ಸಾಕ್ರಿಸ್ಟಿಚಾ ಪೈಟಿಂಗಾಚೆ ಕಾಮ್ ಹಾತಿಂ ಘೆತ್ಲಾಂ. ದುಸ್ರೆಂ: ಇಗರ್ಜೆಚೊ ಕೀಬೊರ್ಡ್ ಪಾಡ್ ಜಾಲ್ಲ್ಯಾನ್ ನವ್ಯಾ ಕೀಬೊರ್ಡಾಚಿ ಗರ್ಜ್ ಆಸಾ. ತಿಸ್ರೆಂ: ಫಿರ್ಗಜ್ ಪೆಸ್ತಾಚೆಂ ಆಚರಣ್. ಹ್ಯಾ ತೀನೀ ಸಂಗ್ತಿಂಕ್ ತುಮ್ಚೊ ಆದಾರ್ ಆಶೆತಾಂವ್. ಯೆದೊಳ್ ಪರ್ಯಾಂತ್ ತುಮಿ ದಾಕಯಿಲ್ಲ್ಯಾ ಉದಾರ್‍ಮನಾಕ್ ಧಿನ್ವಾಸ್ ಪಾಟಯ್ತಾಂವ್. ಪ್ರತ್ಯೇಕ್ ರಿತಿನ್ ಆದ್ಲ್ಯಾ ವರ್ಸಾ ಪನ್ನಾಸ್ ಹಜಾರ್ ಆನಿ ಚಡಿತ್ ದಿಲ್ಲ್ಯಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್. ಹ್ಯಾ ವರ್ಸಾಯ್ ಫೆಸ್ತಾಕ್ 25,000ರುಪಯ್ ದೀವ್ನ್ ಫಿರ್ಜೆಂತ್ ರಾವುಂಕ್, ಶಾಮಿಯಾನಾ, ಲೈಟಿಂಗ್ಸ್, ಫುಲಾಂಕ್, ಲೈವ್ ಫೆಸ್ತ್ ಮಿಸಾಕ್ ಪ್ರಾಯೋಜಕ್ ಜಾವ್ನ್ ರಾವುಂಕ್ ತಶೆಂಚ್ ದೀಂವ್ಕ್ ಸಾದ್ಯ್ ಜಾಂವ್ಚ್ಯಾ ಕುಟ್ಮಾಂನಿ ಬರ್ಯಾಮನಾನ್ 500 ವಾ ಚಡಿತ್ ದೀವ್ನ್ ಮುಕ್ಲಿ ಕಾರ್ಯಿಂ ಯಶಶ್ವಿ ಕರುಂಕ್ ತುಮ್ಚೊ ಆಧಾರ್ ಮಾಗ್ತಾಂವ್.
ಆಯ್ತಾರಾಚ್ಯಾ ಮಿಸಾಚೊ ಕಾಯ್ದೊ ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂಥಾವ್ನ್ 65ವರ್ಸಾಂ ಭಿತರ್ಲ್ಯಾಂಕ್ ಬಾಂದ್ತಾ ಜಾಲ್ಲ್ಯಾನ್ ಆಯ್ತಾರಾಚ್ಯಾ ಮಿಸಾಕ್ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.