ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಕ್ರೀಸ್ತಿ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾಮಧೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಸಾಂಜೆರ್ 7ವೊರಾರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಕಾಮೆಲ್ಯಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಮಿಸಾಂವಾಂಚೊ ಮಹಿನೊ ಅಖೇರ್ ಜಾವ್ನ್ ಆಯ್ಲೊ. ಮಿಸಾವಾಂಚೊ ಐವಜ್ ಬಿಸ್ಪಾಚಾ ಘರಾ ದಾಡುಂಕ್ ಆಸ್‍ಲ್ಲ್ಯಾನ್ ಅನೀಕೀ ಥೊಡ್ಯಾಂನಿ ಮಿಸಾಂವಾಂಚಿ ಕವರಾಂ ಆನಿ ಬೋಕ್ಸ್ ದೀಂವ್ಕ್‍ನಾಂತ್. ದೀಂವ್ಕ್ ಬಾಕಿ ಆಸ್ಲ್ಯಾನ್ ಸೊಮಾರಾ ಸಾಂಜೆ ಭಿತರ್ ದೀಂವ್ಕ್ ವಿನಂತಿ ಕರ್ತಾಂವ್.
ಸಕಾಳಿಂ 10 ಥಾವ್ನ್ 12ವೊರಾಂ ಪರ್ಯಾಂತ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ ಶಿಕೊವ್ಣ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 1: ದಬಾಜೊ-ಸಮೇಸ್ತ್ ಸಾಂತ್‍ಭಕ್ತ್, ನವೆಂಬರ್ 2: ಸ್ಮರಣ್-ಸಮೇಸ್ತ್ ಸರ್‍ಲ್ಲ್ಯಾ ಭಾವಾಡ್ತ್ಯಾಂಚೆಂ, ತ್ಯಾ ದೀಸ್ ಸಕಾಳಿಂ 6.30ವೊರಾರ್ ಆನಿ ಸಾಂಜೆರ್ 5.45ವೊರಾಂಚೆರ್ ಮೀಸ್ ಅಸ್ತೆಲೆಂ. ನವೆಂಬರ್ 4: ಸಾಂ.ಚಾರ್ಲ್ಸ್ ಬೊರೊಮಿಯೊ
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಸಾಂಜೆರ್ 5.45ವೊರಾರ್ ಪವಿತ್ರ್ ಸಾಕ್ರಾಮೆಂತಾಚೆಂ ಆರಾಧಾನ್ ಉಪ್ರಾಂತ್ ಮೀಸ್ ಆಸ್ತೆಲೆಂ.
ಯೆಂವ್ಚೊ ಆಯ್ತಾರ್ ಮಹಿನ್ಯಾಚೊ ಪಯ್ಲೊ ಆಯ್ತಾರ್ ತಿಸ್ರ್ಯಾ ಕ್ಲಾಸಿ ಥಾವ್ನ್ ಧಾವಿ ಪರ್ಯಾಂತ್ ದುಸ್ರ್ಯಾ ಮಿಸಾ ಉಪ್ರಾಂತ್ ಇಗರ್ಜೆಂತ್ ಮಿಶನರಿ ಭುರ್ಗ್ಯಾಂಚೊ ಮೇಳ್ ಹ್ಯಾವಿಶಿಂ ಶಿಕೊವ್ಣ್ ಆಸ್ತೆಲಿ. ಪರ್ಗಟ್ಣಿ ಆನಿ ಸುವಾರ್ತಾ ಪ್ರಸಾರ್ ಆಯೋಗಾಚಾ ತರ್ಭೆನ್ ಹಿ ಶಿಕೊವ್ಣ್ ಹರ್ಯೇಕಾ ಮಹಿನ್ಯಾಚಾ ಪಯ್ಲ್ಯಾ ಸುಕ್ರಾರಾ ಇಗರ್ಜೆಂತ್ ಆಸ್ತೆಲಿ.
ಪಿಡೆಸ್ತಾಂಕ್ ಕುಮ್ಗಾರ್ ನವೆಂಬರ್ 1 ತಾರಿಕೆರ್ ಸೊಮಾರಾ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರ್ ಕರ್ಚಿ.
ಆಜ್ 8 ವೊರಾರ್ ಭುರ್ಗ್ಯಾಂಚೆ ಮೀಸ್ ತಶೆಂಚ್ ಭುರ್ಗ್ಯಾಂಕ್ ದೊತೊರ್ನ್ ಆಸ್ತೆಲಿ. ತಿಸ್ರ್ಯಾ ಕ್ಲಾಸಿ ಥಾವ್ನ್ ವೈಸಿಎಸ್ ಪರ್ಯಾಂತ್ ಹರ್ಯೇಕಾ ಭುರ್ಗ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ. ನವೆಂಬರ್ ಮಹಿನ್ಯಾಂತ್ ದೆವಾಚೆಂ ಉತಾರ್ ಪರ್ಗಟ್ಚೊ ಸ್ಪರ್ಧೊ ಆಸ್ತಲೊ. ಹ್ಯಾವಿಶಿಂ ಕ್ಲಾಸ್ ಟೀಚರಾಂ ತುಮ್ಕಾಂ ವಿವರ್ ದಿತೆಲಿಂ.
ಐಸಿವೈಎಮ್ ಬಜ್ಜೋಡಿ ಘಟಕ್ ಆಲ್ತಾರ್ ಭುರ್ಗಿಂ, ವೈಸಿಎಸ್ ಚ್ಯಾ ಸಾಂಗಾತ್ಪಣಾಖಾಲ್ Wrap 2 scrap, Trash 2 Cash, Cash 2 Charity ತಶೆಂಚ್ ದಿಯೆಸಿಜೆ ಹಂತಾರ್ “Ready for the Needy” ಯೋಜನ್ ಹ್ಯಾ ಮಹಿನ್ಯಾಂತ್ ಮಾಂಡುನ್ ಹಾಡ್ಲಾಂ. ಪೇಪರಾಂ, ಪ್ಲಾಸ್ಟಿಕ್ ಬೊಟಲ್ಸ್ ತಶೆಂಚ್ Recycle ಜಾಂವ್ಚ್ಯೊ ವಸ್ತು ದೀವ್ನ್ ಸಹಕಾರ್ ದಿಲ್ಲ್ಯಾಂಕ್ ದೇವ್‍ಬರೆಂ ಕರುಂ. ಹ್ಯಾ ಮುಖಾಂತ್ ಮೆಳ್‍ಲ್ಲೊ ಐವಜ್ ಫಿರ್ಗಜೆಚಾ ಗರ್ಜೆವಂತ್ ಕುಟ್ಮಾಕ್ ಜಾವ್ನಾಸ್ತಲೊ. ಯುವಜಣಾಂಚಿ ವಾಡ್ಯಾಚಿ ಭೆಟ್: ಸನ್ವರಾ: ಲ್ಹಾನ್ ಪುಲ್ ಆನಿ ಕಾರ್ಮೆಲ್ ವಾಡೊ. ಆಯ್ತಾರಾ: ಬಾಳೊಕ್ ಜೆಜು ಆನಿ ಅವಿಲಾ ವಾಡೊ) ಕೊಣಾಯ್ಕಿ ವಸ್ತುರ್ ವಾ ಹೆರ್ ವಸ್ತು ದೀಂವ್ಕ್ ಆಸಾ ತರ್ ಫಾಲ್ಯಾಂ ಇಗರ್ಜೆಕ್ ಹಾಡ್ನ್ ದಿವ್ಯೆತ್.
ನವೆಂಬರ್ ಮಹಿನೊ ಪುಲ್ಗತ್ರಿಂತ್ಲ್ಯಾ ಅತ್ಮ್ಯಾಂಕ್ ಭೆಟಯ್ಲಾ ದೆಕುನ್ ಸರ್‍ಲ್ಲ್ಯಾ ಅತ್ಮ್ಯಾಂಕ್ ಲಾಗು ಜಾಂವ್ಚಿಂ ಇಂದುಲ್ಜೆನ್ಸಾ ನವೆಂಬರ್ 1 ತಾರಿಕೆ ಥಾವ್ನ್ 8 ತಾರಿಕೆ ಮ್ಹಣಾಸರ್ ಪವಿತ್ರ್‍ಸಭಾ ಪಾಟಯ್ತಾ. ಹ್ಯಾ ದಿಸಾಂನಿ ಇಗರ್ಜೆಕ್/ಸಿಮೆಸ್ತ್ರಿಕ್ ಭೆಟ್ ದೀವ್ನ್ ಸರ್‍ಲ್ಲ್ಯಾ ಖಾತಿರ್ ಮಾಗ್ಣೆಂ ಕರ್ನ್, ಸತ್ಮಾನ್ತಾ ಮ್ಹಣುನ್, ಪಾಪ್‍ಸಾಯ್ಬಾಚಾ ಇರಾದ್ಯಾ ಪಾಸತ್ ಮಾಗೊನ್ ಪ್ಲೆನಾರಿ ಇಂದುಲ್ಜೆನ್ಸಾ ಜೋಡ್ನ್ ಘೆಂವ್ಚಿಂ.
ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ನವೆಂಬರ್ 20ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಕ್ರಿಸ್ಮಸಾವಿಶಿಂ ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ. ಸಂಪಾದಕೀಯ್ ಮಂಡಳಿಚಿ ಜಮಾತ್ ಸೊಮರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲಿ.
ಹ್ಯಾ ಮಹಿನ್ಯಾಂತ್ ಭುರ್ಗ್ಯಾಂ ಖಾತಿರ್ “ಬಾಳ್ ತಸ್ವೀರ್ ಸ್ಪರ್ಧೊ” ಮಾಂಡುನ್ ಹಾಡ್ಲಾ. ತೀನ್ ವರ್ಸಾಂ ಸಕಯ್ಲ್ಯಾ ಭುರ್ಗ್ಯಾಂಚಿ ತಸ್ವೀರ್ ನವೆಂಬರ್ 10 ತಾರಿಕೆ ಪಯ್ಲೆಂ ಇಮೇಯ್ಲಾ ಮುಖಾಂತ್ರ್ ದಾಡುಂಕ್ ವಿನಂತಿ.
ರೊಜಾರ್ ಮಾಯೆಕ್ ಸಮರ್ಪಿಲ್ಲ್ಯಾ ಮಹಿನ್ಯಾಂತ್ ವಿವಿಧ್ ತೆಸಾಂವಾಂ ಮಾಗೊನ್ ಮರ್ಯೆಚಾ ಪಾಯಾಂಥಳಿಂ ಆಜ್ ತೇರ್ಸಾಚೆ ಭಕ್ತಿಪಣ್ ಚಲೊವ್ನ್ ವ್ಹೆಲ್ಲ್ಯಾ ಆಲ್ತಾರ್ ಭುರ್ಗ್ಯಾಂಕ್ ಆನಿ ಸಾಂಗಾತ್ ದಿಲ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಕರುಂ.
ನವೆಂಬರ್ ಮಹಿನ್ಯಾ ಥಾವ್ನ್ ವಾಡ್ಯಾ ಜಮಾತ್ಯೊ ಪ್ರಾರಂಭ್ ಕರ್ತಾಂವ್. ಫಿರ್ಗಜ್ ಜಿವಾಳ್ ಉರಜಯ್ ತರ್ ವಾಡ್ಯಾಂತ್ ಸಾಂಗ್ಪಾತ್ಪಣ್ ಜಿವಾಳ್ ಆಸೊಂಕ್ ಜಾಯ್. ದೆಕುನ್ ಲ್ಹಾ.ಕ್ರಿ.ಸಮುದಾಯಾ ಮುಖಾಂತ್ರ್ ವಾಡ್ಯಾಂತ್ ಸಾಂಗಾತ್ಪಣ್ ಜಿವಾಳ್ ಕರುಂಕ್ ಗೊವ್ಳಿಕ್ ಭೆಟೆ ವೆಳಾರ್ ಬಿಸ್ಪಾನ್ ಉಲೊ ದಿಲಾ. ಹರ್ಯೇಕಾ ಕುಟ್ಮಾಚಾ ಸಾಂದ್ಯಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್. ಹ್ಯಾ ಮಹಿನ್ಯಾಂತ್ ನವೆಂಬರ್ 14 ತಾರಿಕೆರ್ ವಾಡ್ಯಾ ಜಮಾತ್ ದವರ್ಚಿ. ತ್ಯಾ ದೀಸ್ ಭುರ್ಗ್ಯಾಂಚೊ ದೀಸ್ ಜಾಲ್ಲ್ಯಾನ್ ಭುರ್ಗ್ಯಾಂಚೊ ಸಂಬ್ರಮ್ ವಾಡ್ಯಾಂತ್ ಆಸಾ ಕರ್ಚೊ.
ಫುಡ್ಲ್ಯಾ ವರ್ಸಾಕ್ ಮರಿಯಾಳ್ ಲೀಜನಾಚಿ ಅಧ್ಯಕ್ಷಿಣ್ ಜಾವ್ನ್ ಹಿಲ್ಡಾ ಮೊನಿಸ್, ಉಪಾಧ್ಯಕ್ಷಿಣ್ ಜಾನೆಟ್ ಡಿಸೋಜಾ, ಕಾರ್ಯದರ್ಶಿ ಪೆÇ್ಲೀರಿನ್ ಲೋಬೊ ಆನಿ ಖಜನ್ದಾರ್ ಜಾವ್ನ್ ಶಾಲೆಟ್ ರಸ್ಕೀನ್ಹಾ ವಿಂಚುನ್ ಅಯ್ಲ್ಯಾಂತ್. ಸರ್ವ್ ಹುದ್ದೆದಾರಾಂಕ್ ಬರೆಂ ಮಾಗ್ತಾಂ.
ಸಿನೊದಾಚಿ ಪ್ರಕ್ರಿಯಾ ಯೆದೊಳ್‍ಚ್ಚ್ ಪ್ರಾರಂಭ್ ಜಾಲ್ಯಾ. ಹಾಕಾ ತಯಾರಾಯ್ ಜಾವ್ನ್ ಪಯ್ಲ್ಯಾ ಹಂತಾರ್ ಹರ್ಯೆಕಾ ವಾಡ್ಯಾಕ್ ಸಿನೊದಾವಿಶಿಂ ಬಾಸಾಬಾಸ್ ಚಲೊಂವ್ಕ್ ಥೊಡಿಂ ಸವಲಾಂ ಆಮಿ ದಿತೆಲ್ಯಾಂವ್. ವಾಡ್ಯಾ ಜಮಾತೆಂತ್ ಹ್ಯಾವಿಶಿಂ ಚರ್ಚಾ ಚಲೊವ್ನ್ ಹ್ಯಾ ಸವಲಾಂಕ್ ಜಾಪಿ ಬರೊವ್ನ್ ದೀಂವ್ಕ್ ವಿನಂತಿ ಕರ್ತಾಂವ್.
ಲ್ಹಾ.ಕ್ರಿ.ಸಮುದಾಯ್ ಆಯೋಗಾಚಿ ಜಮಾತ್ ಬುದ್ವಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲಿ.