ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ಐಸಿವೈಎಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ನೊವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತಿ ಚಲವ್ನ್ ವರ್ಚಿ. ಹಫ್ತ್ಯಾ ಮಧೆಂ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಆಜ್ ಸಾಂಜೆರ್ 7ವೊರಾರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಹ್ಯಾ ವೆಳಾರ್ ಪ್ರತ್ಯೇಕ್ ರಿತಿನ್ ಪರ್ಗಾವಾಂತ್ ವಾವ್ರ್ ಕರ್ತೆಲ್ಯಾಂ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ವಾಡ್ಯಾ ಜಮಾತ್: ಸಾಂಜುಜೆ ವಾಡೊ, ಪಾವ್ಲ್ ಡಿಸೋಜಾಚ್ಯಾ ಘರಾ ಸಾಂಜೆರ್ 4.00ವೊರಾರ್
ಆಜ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ(1-9). ವೈಸಿಎಸ್ ಭುರ್ಗ್ಯಾಂಕ್ ಕ್ವಿಜ್ ಆಸಾ ಕೆಲಾಂ. ದಾವ್ಯಾ ಕ್ಲಾಸಿಚ್ಯಾಂಕ್ ಮಾರ್ಚಾಚಾ 6 ತಾರಿಕೆರ್ ಆಯ್ತಾರಾ ಪರೀಕ್ಷಾ ಆಸ್ತೆಲಿ. ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಮಾರ್ಚಾಚಾ 6 ತಾರಿಕೆರ್ ಆಯ್ತಾರಾ ಮೌಲ್ಯ್‍ಮಾಪಾನ್ ಆನಿ ಫಲಿತಾಂಶ್. ತ್ಯಾ ದಿಸಾ ಭುರ್ಗ್ಯಾಂಚಾ ವ್ಹಡಿಲಾಂನಿ ಯೇವ್ನ್ ಕ್ಲಾಸ್ ಟೀಚೆರೆಕ್ ಮೆಳ್ಚೆಂ. ಮಾರ್ಚಾಚಾ 13ತಾರಿಕೆರ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ದೊತೊರ್ನಿಚಾ ದಿಸಾಚಿ ಜವಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾ. ಜೊಕ್ತಿ ತಯಾರಾಯ್ ಕರ್ಚಿ.
ಮಾರ್ಚಾಚಾ 6 ತಾರಿಕೆರ್ ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ನವ್ಯಾನ್ ಪ್ರಾರಂಭ್ ಕೆಲ್ಲ್ಯಾ ಸ್ತ್ರೀ ಸಂಘಟನಾಚಿ ಜಮಾತ್ ಫಾಲ್ಯಾಂ ದುಸ್ರ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ಆಸಕ್ತ್ ಆಸ್‍ಲ್ಲ್ಯಾ ಸ್ತ್ರೀಯಾಂನಿ ಹ್ಯಾ ಸಂಘಾಂತ್ ಭರ್ತಿ ಜಾಂವ್ಕ್ ಅನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಕ್ ವಿನಂತಿ ಕರ್ತಾಂವ್.
ಪಾಸ್ಕಾಂ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖÀನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ಮಾರ್ಚ್ 30ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ವಾ ವಾಡ್ಯಾವಾರ್ ಕುರೊವ್ ಪ್ರತಿನಿಧಿಲಾಗಿಂ ದೀಂವ್ಕ್ ವಿನಂತಿ. ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
ಮಾರ್ಚ್ 2 ತಾರಿಕೆರ್ ಸಿಂಜಿಚೊ ಬುದ್ವಾರ್. ಜಿಂಜ್ವಾರಾಚೊ ಕಾಯ್ದೊ ಪಾಳ್ಚೊ. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 5.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಆಧ್ಯಾತ್ಮಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಯೆಂವ್ಚ್ಯಾ ಸುಕ್ರಾರಾ ಕಾರ್ಮೆಲ್ ವಾಡೊ ಆನಿ ಸನ್ವಾರಾ ಸಾಂ ಜುಜೆ ವಾಡೊ ಆನಿ ಆಯ್ತಾರಾ ಮರಿಯಾಳ್ ಲೀಜನ್ ಸಾಂದ್ಯಾಂನಿ ಖುರ್ಸಾವಾಟ್ ಚಲವ್ನ್ ವ್ಹರ್ಚಿ. ಹೆರ್ ದಿಸಾಂಚಿ ನೋಟಿಸ್ ಬೋರ್ಡಾರ್ ಘಾಲ್ಯಾ ತಿ ಮಾಂಡಾವಾಳ್ ಪಳೆಂವ್ಕ್ ವಿನಂತಿ.
ಮಾರ್ಚಾಚಾ 7ತಾರಿಕೆ ಥಾವ್ನ್ ಫಿರ್ಗಜೆಂತ್ ರಿಜಿಸ್ಟಾರ್ ಕೆಲ್ಲ್ಯಾ ಕುಟ್ಮಾಚಿಂ ಘರ್ ಬೆಜ್ಮಾಂತಾ ಪ್ರಾರಂಭ್ ಕರ್ತಾಂವ್. ಗುರ್ಕಾರ್/ರ್ನಿನ್ ವಿಗಾರಾಕ್ ಮೆಳೊನ್ ದೀಸ್ ಆನಿ ವೇಳ್ ನಿರ್ಧಾರ್ ಕರ್ಚೊ ಆನಿ ವಾಡ್ಯಾಂತ್ಲ್ಯಾ ಕುಟ್ಮಾಕ್ ವೆಳರ್ ತಿಳ್ಸುಂಚೆಂ. ಆದ್ಲ್ಯಾ ವರ್ಸಾಚೊ ಅನ್ವಲ್ ಕಾಯ್ದೊ, ಅhuಡಿಛಿh ಒಚಿiಟಿಣeಟಿಚಿಟಿಛಿe ಚೊ ಐವಜ್ ಬಾಕಿ ಆಸ್‍ಲ್ಲ್ಯಾಂನಿ ಫಿರ್ಗಜ್ ಧಫ್ತರಾಕ್ ಹಾಡ್ನ್ ದೀಂವ್ಕ್ ವಿನಂತಿ.
ಮಂಗ್ಳುರ್ ದಿಯೆಸೆಜ್ ಹರ್ಯೆಕಾ ವರ್ಸಾ ಪ್ರಾಚಿತ್ ಕಾಳಾರ್ ಸ್ಥಳೀಯ್ ಮಿಸಾಂವಾ ಖಾತಿರ್ ಭಾವಾಥ್ರ್ಯಾಂಚೊ ತ್ಯಾಗ್ ದಾನಾ ರುಪಾರ್ ಎಕ್ಟಾಯ್ ಕರ್ತಾ ಆನಿ ಗರ್ಜೆವಂತಾ ಖಾತಿರ್ ವಾಪಾರ್ತಾ. ಪ್ರಾಚಿತ್ ಕಾಳಾರ್ ತುಮ್ಚೆ ಖುಶೆಚೆ ದಾನ್ ಕವರಾಂತ್ ಘಾಲ್ನ್ ಬಂದ್ ಕರ್ನ್, ಕುಟ್ಮಾಚಾ ವ್ಹಡಿಲಾಚೆಂ ನಾಂವ್ ಬರವ್ನ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ. ಹೊ ಐವಜ್ ಸಿಒಡಿಪಿ ಸಂಸ್ಥ್ಯಾಕ್ ದಾಡ್ನ್ ದಿತೆಲ್ಯಾಂವ್.