ಫಿರ್ಗಜೆಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಆನಿ ವ್ಹಡಾ ಸಂಖ್ಯಾನ್ ಮಿಸಾಕ್ ತಶೆಂಚ್ ಸಾಂಸ್ಕೃತಿಕ್ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ತುಮ್ಕಾಂ ದೇವ್‍ಬರೆಂ ಕರುಂ.
ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಸಾಂ. ಅಂತೊನ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸೆಕು¯ರ್ ಕಾರ್ಮೆಲ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಚೊವ್ತ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತಿ ಆನಿ ಸಾತ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾಮಧೆಂ ಸಾಂ. ಜುಜೆ ವಾಡ್ಯಾಗಾರಾಂನಿ ದೇವ್‍ಸ್ತುತೆಕ್ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 07 ತಾರಿಕೆರ್ ಮಂಗ್ಳಾರಾ ಸಾಂ ಗೊನ್ಸಾಲೊ ಗಾರ್ಸಿಯಾ ಸ್ಮರಣ್; ಫೆಬ್ರುವರಿ 10 ತಾರಿಕೆರ್ ಸುಕ್ರಾರಾ ಸಾಂ ಸ್ಕೊಲಸ್ಟಿಕಾಚಾ ಅಂಕ್ವಾರಿಚೆ ಸ್ಮರಣ್; ಫೆಬ್ರುವರ್ 11 ತಾರಿಕೆರ್ ಸನ್ವರಾ ಲೂಡ್ರ್ಸ್ ಸಾಯ್ಭಿಣೆಚೆಂ ಫೆಸ್ತ್.(ತ್ಯಾ ದಿಸಾ ಲೂಡ್ರ್ಸ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಚಿ ಮಾಂಡಾವಳ್ ಕರ್ಚಿ).
ಫೆಬ್ರವರಿ ಮಹಿನ್ಯಾಂತ್ ಖಾಲಿ ಅಸ್‍ಲ್ಲ್ಯಾ ದಿಸಾ ಮಿಸಾಂಚಿ ತೆಸಾಂವಾಂ ದೀಂವ್ಕ್ ಆವ್ಕಾಸ್ ಆಸಾ. ಫಿರ್ಗಜ್ ಧಪ್ತರಾಕ್ ಯೇವ್ಕ್ ಮಿಸಾ ದೀಂವ್ಕ್ ವಿನಂತಿ.
ಫಾಲ್ಯಾಂ ಮಹಿನ್ಯಾಚೊ ಪಯ್ಲೊ ಆಯ್ತಾರ್ ಜಾಲ್ಲ್ಯಾನ್ ಸಾಂಜೆರ್ 7ವೊರಾರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಫಿರ್ಗಜ್ ಸಮೂದಾಯ ಪಾಸತ್ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಪಿಡೆಸ್ತಾಂಕ್ ಕುಮ್ಗಾರ್ ಮುಕ್ಲ್ಯಾ ಸೊಮಾರಾ ನ್ಹಯ್, ಫೆಬ್ರುವರಿ 13 ತಾರಿಕೆರ್ ಮ್ಹಣ್ಜೆ ಅನ್ಯೇಕಾ ಸೊಮಾರಾ ಹಾಡ್ನ್ ಯೆತೆಲ್ಯಾಂವ್. ಹೊ ದೀಸ್ ಮತಿಂತ್ ದವರ್ಚೊ.
ಹ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ಯೊ ಆಸ್ತಲ್ಯೊ. ಪ್ರೇರಕಾಂಚಿ ಜಮಾತ್ ಆಸ್ಚಿನಾಂ. ಸಾತ್ ಮೆಟಾಂಚೆಂ ವಿಧಾನ್ ಜಾತಾಚ್ಚ್ ಹ್ಯಾ ಹಪ್ತ್ಯಾಂತ್ ರಾಕ್ಣ್ಯಾಕ್ ಕುಟ್ಮಾವಿಶಿಂ ಬಿಸ್ಪಾನ್ ದಿಲ್ಲೆಂ ಪರಿಪತ್ರ್ ಜಮಾತೆಂತ್ ವಾಚುನ್ ವಾಡ್ಯಾಂತ್ ಸೆವೆಚಿ ಕಾರ್ಯಿಂ ಮಾಂಡುನ್ ಹಾಡುಂಕ್ ಭಾಸಾಭಾಸ್ ಚಲಂವ್ಚಿಂ.
ಯೆಂವ್ಚ್ಯಾ ಆಯ್ತಾರಾ ಪೆಬ್ರುವರಿ 12 ತಾರಿಕೆರ್ ಸಕಾಳಿಂ 10ವೊರಾರ್ ನವ್ಯಾ ಗೊವ್ಳಿಕ್ ಪರಿಷದ್ ಸಾಂದ್ಯಾಂಕ್ ತರ್ಭೆತಿ ಆಸ್ತೆಲಿ. ಬಾಪ್ ಜೋಕಿಮ್ ಫೆರ್ನಾಂಡಿಸ್ ಹಿ ತರ್ಭೆತಿ ಚಲವ್ನ್ ವ್ಹರ್ತೆಲೆ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ ಪೆಬ್ರುವರಿ 12 ತಾರಿಕೆರ್ ಭುಗ್ರ್ಯಾಂಚ್ಯಾ ಮಿಸಾ ವೆಳಾರ್ ಮಿಶನರಿ ಭುಗ್ರ್ಯಾಂಚ್ಯಾ ಮೆಳಾಚೊ ದೀಸ್ ಆಚರಣ್ ಕರ್ತಾಂವ್.
ಪೆಬ್ರುವರಿ 19 ತಾರಿಕೆರ್ ಆಯ್ತಾರಾ ಸಕಾಳಿಂ ದೊತೊರ್ನಿಚಾ ಕ್ಲಾಸಿ ವೆಳಾರ್ ಸಾಂಗಾತಾ ಕ್ವಿಜ್ ಆಸಾ ಕರ್ತಾಂವ್ ಜಾಲ್ಲ್ಯಾನ್ ಭುಗ್ರ್ಯಾಂನಿ ಜೊಕ್ತಿ ತಯಾರಾಯ್ ಕರುಂಕ್ ವಿನಂತಿ.
ಪೆಬ್ರುವರಿ 26 ತಾರಿಕೆರ್ ಆಯ್ತಾರಾ ಸಕಾಳಿಂ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ ಅಧ್ರ್ಯಾ ದಿಸಾಚಿ ರೆತಿರ್ ಆಸಾ ಕೆಲ್ಯಾ.
ಫೆಬ್ರುವರಿ 26 ತಾರಿಕೆರ್ ಆಯ್ತಾರಾ ಭುಗ್ರ್ಯಾಂಕ್ ದೊತೊರ್ನಿಚಿ ನಿಮಾಣಿ ಪರೀಕ್ಷಾ ಆಸ್ತೆಲಿ. ತಶೆಂಚ್ ಮಾರ್ಚಾಚಾ 5 ತಾರಿಕೆರ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ಕ್ಲಾಸಿಚಾ ಭುಗ್ರ್ಯಾಂಕ್ ತ್ಯಾ ದಿಸಾಚಿ ಜವಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾ. ಭುಗ್ರ್ಯಾಂನಿ ಜೊಕ್ತಿ ತಯಾರಾಕ್ ಕರುಂಕ್ ವಿನಂತಿ.
ಫಾಲ್ಯಾ ಭುಗ್ರ್ಯಾಂಕ್ ದೊತೊರ್ನ್ ಆಸಾ. ದುಸ್ರ್ಯಾ ಮಿಸಾ ಉಪ್ರಾಂತ್ ಆಲ್ತಾರ್ ಭುಗ್ರ್ಯಾಂಚಿಂ ಜಮಾತ್ ಆಸ್ತೆಲಿ.
ಯೆಂವ್ಚ್ಯಾ ಆಯ್ತಾರಾ ಫೆಬ್ರೆರ್ 12 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾ ವರ್ಸಾಂ ಪಯ್ಲೊ ಕುಮ್ಗಾರ್ ಸ್ವೀಕಾರ್ ಕರ್ಚ್ಯಾ ಭುರ್ಗ್ಯಾಂಕ್ ತಶೆಂಚ್ ತಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ಭುಗ್ರ್ಯಾಂನಿ ತಶೆಂಚ್ ವ್ಹಡಿಲಾಂನಿ ಹಾಜರ್ ಜಾಂವ್ಚೆಂ.
ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕ್ ಆಯೋಗಾನ್ ಫೆಬ್ರೆರ್ 12ವೆರ್ ಆಯ್ತಾರಾ ಸಾಂಜೆರ್ 8 ಥಾವ್ನ್ 8.30 ಪರ್ಯಾಂತ್, ಕೇವಲ್ ಲೂಕಾಚ್ಯೆ ಸುವಾರ್ತೆಚೆರ್, ಕೊಂಕ್ಣಿ ಅನಿ ಇಂಗ್ಲಿಷ್ ಭಾಶೆಂತ್, ಒನ್‍ಲೈನ್-ಬೈಬಲ್ ಕ್ವಿಜ್ ಮಾಂಡುನ್ ಹಾಡ್ಲಾಂ. ತುಮಿ ಲುಕಾಚೊ ವಾಂಜೆರ್ ವಾಚುನ್ ಹ್ಯಾ ಕ್ವಿಜಾಂತ್ ವಾಂಟೊ ಘೆಂವ್ಚೊ. ಒನ್‍ಲೈನ್ ಕ್ವಿಜ್ ಲಿಂಕ್ ನೋಟಿಸ್ ಬೋರ್ಡಾರ್ ಪಳೆಂವ್ಚೆಂ.
ಪವಿತ್ರ್ ಪುಸ್ತಕಾಚೊ ಆಯೋಗ್ ಹ್ಯಾಚ್ ಮಾರ್ಚ್ ಮಹಿನ್ಯಾಚಾ 5, 12, 19 ಆನಿ 26 ವೆರ್ ಕರೆಜ್ಮಾಚ್ಯಾ ಚಾರ್ ಆಯ್ತಾರಾಂನಿ ಸಾಂಜೆರ್ 3 ಥಾವ್ನ್ 6 ವೊರಾಂ ಪರ್ಯಾಂತ್ “ಪವಿತ್ರ್ ಪುಸ್ತಕಾಚೆಂ ಕ್ರಿಸ್ತ್‍ಶಾಸ್ತ್ರ್” ಮ್ಹಳ್ಯಾ ವಿಷಯಾಚೆರ್, ಮಂಗಳ ಜ್ಯೋತಿ-ಗೊವ್ಳಿಕ್ ಕೇಂದ್ರ್ ಬಜ್ಜೋಡಿ ಮಂಗ್ಳುರ್ ಹಾಂಗಸರ್ ಬೈಬಲ್ ಕ್ಲಾಸಿ ಆಸಾ ಕರ್ತಾ. ಕರೆಜ್ಮಾಂತ್ ಜೆಜು ಕ್ರಿಸ್ತಾಚೊ ಮಿಸ್ತೆರ್ ನಿಯಾಳುಂಕ್, ಆನಿ ಜೆಜು ಕ್ರಿಸ್ತಾವಿಶಿಂ ಗುಂಡಾಯೆನ್ ಸಮ್ಜುಂಕ್ ಹ್ಯೊ ಕ್ಲಾಸಿ ಉಪ್ಕಾರ್ತಲ್ಯೊ. ಜಾತಾ ತಿತ್ಲ್ಯಾ ಜಣಾಂನಿ ಹ್ಯಾ ಕ್ಲಾಸಿಂನಿ ವಾಂಟೊ ಘೆಂವ್ಕ್ ಉಲೊ ದಿತಾಂವ್. ಚಡಿತ್ ವಿವರ್ ನೋಟಿಸ್ ಬೊರ್ಡಾರ್ ಆಸಾ.
ಹ್ಯಾ ವರ್ಸಾ ಫುಡಾರ್ ಪ್ರತಿಷ್ಟಾನ್ ಪುರಸ್ಕಾರ್-2023 ಕಾರ್ಯೆಂ ಉಡುಪಿ ಆನಿ ಮಂಗ್ಳುರಾಂತ್ ಆಸಾ ಕೆಲಾಂ. 2023 ವರ್ಸಾಚಾ ಪಬ್ಲಿಕ್ ಪರೀಕ್ಷೆಂತ್, ಪಿಯುಸಿಂತ್ ತಶೆಂಚ್ ಖಂಚ್ಯಾಯ್ ಡಿಪ್ಲೊಮಾ ಆನಿ ಸ್ಮಾತಕೋತ್ತರ್ ಹಾಂತುನ್ ರ್ಯಾಂಕಾ ಆಪ್ಣಾಯ್ಲ್ಯಾಂನಿ ತಾಂಚಿಂ ನಾಂವಾಂ ಸರ್ಟಿಪಿಕೆಟಿಸವೆಂ ಫಿರ್ಗಜ್ ಧಪ್ತರಾಕ್ ದೀಂವ್ಕ್ ವಿನಂತಿ.
ಯೆಂವ್ಚ್ಯಾ ಹಪ್ತ್ಯಾಂತ್ ಹಾಂವ್ ಆನಿ ಬಾಪ್ ಪ್ಯಾಟ್ರಿಕ್ ಲೋಬೊ ಇಗರ್ಜೆಂತ್ ಆಸ್ಚೆಂನಾಂವ್. ತುಮ್ಚ್ಯಾ ಆತ್ಮೀಕ್ ಗರ್ಜಾಂಕ್ ಬಾಪ್ ರಾಯನ್ ಪಿಂಟೊಕ್ ತುಮಿ ಮೆಳ್ಚೆಂ.
(ಆಯ್ತಾರಾ 9.10ವೊರಾಚಾ ಮಿಸಾ: ದೇವ್‍ಸ್ತುತಿ-ಪಾಂಚ್ವಿ ಕ್ಲಾಸ್; ವೆದಿ ಸೆವಾ-ಆಟ್ವಿ ಕ್ಲಾಸ್)