ಆಜ್ ಥಾವ್ನ್ ಆಮಿ ಕ್ರೀಸ್ತ್ ಯೆಣ್ಯಾಚೊ ಕಾಳ್ ಪ್ರಾರಂಭ್ ಕರ್ತಾಂವ್ ಜಾಲ್ಲ್ಯಾನ್ ಕ್ರಿಸ್ತಾಚಾ ಜನನಾಕ್ ಆತ್ಮೀಕ್ ರಿತಿನ್ ತಯಾರ್ ಜಾಂವ್ಚೆಂ. ಸಾದ್ಯ್ ಜಾತಾ ಜಾಲ್ಯಾರ್ ಸದಾಂಚಾ ಮಿಸಾಕ್ ಹಾಜರ್ ಜಾಂವ್ಕ್ ಪ್ರಯತ್ನ್ ಕರ್ಚೆಂ.
ಪಯ್ಲ್ಯಾ ಕುಮ್ಗಾರಾಚೊ ಸಂಭ್ರಮ್ ಬರ್ಯಾನ್ ಜಾಂವ್ಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಕರುಂ. ತ್ಯಾ ದಿಸಾ ಜಾಲ್ಲೊ ಖರ್ಚ್ 9350/-. ಭುರ್ಗ್ಯಾಂ ಥಾವ್ನ್ ಕಾಣಿಕೆ ರುಪಾರ್ ಜಮೊ ಜಾಲ್ಲೊ ಐವಜ್ 9500/- ತುಮ್ಚ್ಯಾ ಉದಾರ್‍ಮನಾಕ್ ದೇವ್‍ಬರೆಂಕರುಂ. ಕುಮ್ಗಾರ್ ಮೆಳ್‍ಲ್ಲ್ಯಾ ಭುರ್ಗ್ಯಾಂ ಥಾವ್ನ್ ನೊವ್ಯಾ ಕ್ಲಾಸಿಚಾ ಭುರ್ಗ್ಯಾಂ ಪರ್ಯಾಂತ್ ವೆದಿ ಸೆವೆಕ್ ಜಾವ್ನ್ ಆಲ್ತಾರಿಕ್ ಸೆವಾ ಕರುಂಕ್ ಆವ್ಕಾಸ್ ಆಸಾ. ಹ್ಯಾ ವರ್ಸಾ ವೆದಿ ಸೆವಕಾಂಚಿ ಜಮಾತ್ ಆಸ್ಚಿನಾ ಪೂಣ್ ವೆದಿರ್ ಸೆವಾ ಕರುಂಕ್ ವ್ಹಡಿಲಾಂನಿ ಭುರ್ಗ್ಯಾಂಕ್ ಪ್ರೋತ್ಸಾಹ್ ದಿಂವ್ಚೊ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 30: ಸಾಂ.ಅಂದ್ರೆ, ಡಿಸೆಂಬರ್ 03: ಸಾಂ.ಫ್ರಾನ್ಸಿಸ್ ಸಾವೆರ್
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
Congregation of the Divine worship and Discipline of the Sacraments(CDWDS) ಹಾಂಚ್ಯಾ ತಿಳ್ಸೊಣೆ ಪ್ರಕಾರ್ ಹ್ಯಾ ವರ್ಸಾಚಾ ದೇವ್‍ಸ್ತುತೆ ಥಾವ್ನ್ ಆಮಿ ಗಾಯಾನ್ ಕರ್ಚೊ ಉದ್ಗಾರ್ ಆಲ್ಲೆಲೂಯಾ ಆಸಾ ತಶೆಂ ಗಾಯಾನ್ ಕರುಂಕ್ ತಿಳ್ಸಿಲಾಂ. ಆನಿ ಮಕಾರ್ ಗಾಯಾನ್ ಕರ್ತನಾ ಆಲೆ, ಆಲ್ಲೆಲೂ, ಜೈ ಜೈ, ಸರ್ವೆಸ್ಪರಾಕ್ ಜೈ ಜೈ ಮ್ಹಳೆ ಸಬ್ದ್ ವಾಪಾರಿನಾತ್ಲೆಬರಿ ಪಳೆಂವ್ಚೆಂ.
ಪಾಲ್ಯಾಂ ಸಕಾಳಿಂ 9.30 ಥಾವ್ನ್ 10.30ವೊರಾಂ ಪರ್ಯಾಂತ್ ಭುರ್ಗ್ಯಾಂಕ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ. ಭುರ್ಗ್ಯಾಂನಿ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ. ಯುವಜಣಾಂಕ್ ಆನಿ ವಾಡ್ಯಾಗಾರಾಂಕ್ ಸಾಂಗಾತಾ ಹಾಡುಂಕ್ ವಾಡ್ಯಾವಾರ್ ಬ್ಯಾಡ್‍ಮಿಂಟನ್ ಟೂರ್ನಮೆಂಟ್ ಆಸಾ ಕೆಲಾಂ. ಹಾಚೆಂ ಉಗ್ತಾವಣ್ 10ವೊರಾರ್ ಕರ್ತೆಲ್ಯಾಂವ್. ಕೊವೀಡ್ ರೆಸ್ಟ್‍ರಿಕ್ಷನ್ ಆಸ್‍ಲ್ಲ್ಯಾನ್ ಚಡ್ ಜಣಾಂನಿ ಸಾಂಗಾತಾ ರಾವಾನಾತ್ಲೆಬರಿ ಪಳೆಂವ್ಚೆಂ. ತುಮ್ಚ್ಯಾ ತುಮ್ಚ್ಯಾ ವಾಡ್ಯಾಚೆ ಮ್ಯಾಚ್ ಆಸ್ತಾನಾ ಹಾಜರ್ ಜಾವ್ನ್ ತುಮಿ ಪ್ರೋತ್ಸಾಹ್ ದಿವ್ಯೆತ್. ಮಾಸ್ಕ್ ಕಡ್ಡಾಯ್ ಜಾವ್ನ್ ಘಾಲ್ಚೆಂ ತಶೆಂಚ್ ಸಾಮಾಜಿಕ್ ಅಂತರ್ ಸಾಂಬಾಳುಂಕ್ ವಿನಂತಿ. ಜಿಕ್‍ಲ್ಲ್ಯಾಂಕ್ ಕ್ಯಾಶ್ ಪ್ರೈಜ್ ತಶೆಂಚ್ ಟ್ರೋಫಿಸ್ ಬಹುಮಾನ್ ಜಾವ್ನ್ ದಿತೆಲ್ಯಾಂವ್.
ಹ್ಯಾ ವರ್ಸಾ ಕ್ರಿಸ್ಮಸಾವೆಳಾರ್ ದೋನ್ ಸ್ಪರ್ಧೆ ಆಸಾ ಕೆಲ್ಯಾತ್. ನತಾಲ್ ನೆಕೆತ್ರ್ ಸ್ಪರ್ಧೊ ಆನಿ ಕ್ರಿಸ್ಮಸ್ ಟ್ರೀ ಸ್ಪರ್ಧೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರೀಕ್ ಡಿಸೆಂಬರ್-15
ಡಿಸೆಂಬರ್ ಮಹಿನ್ಯಾಚಾ 7 ತಾರಿಕೆ ಉಪ್ರಾಂತ್ ಘರಾಂನಿ ಯಾಜಕಾಂಚಿ ಭೆಟ್ ಆಸ್ತೆಲಿ. ಮಾಗ್ಣೆಂ ಗಿತಾಂ, ಬಾಳ್ಕಾಜೆಜುಚೆಂ ಆಶೀರ್ವಾದ್ ಕುಟ್ಮಾಂಚೆರ್ ಆಮಿ ಮಾಗ್ತೆಲ್ಯಾಂವ್. ಖುಶೆಚಿ ಕಾಣಿಕ್ ದಿವ್ಯೆತ್ ತಿ ಆಮಿ ಎಸ್‍ವಿಪಿ ಮುಖಾಂತ್ರ್ ಗರ್ಜೆವಂತ್ ಕುಟ್ಮಾಕ್ ದಿತೆಲ್ಯಾಂವ್.
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್ ಸಾಂಜೆಚಾ ಮಿಸಾ ಉಪ್ರಾಂತ್ ಸಾಕ್ರಾಮೆಂತಾಚೆ ಅರಾಧಾನ್ ಆಸ್ತೆಲೆಂ.
ಯೆಂವ್ಚ್ಯಾ ಆಯ್ತಾರಾ ಥಾವ್ನ್ ಹರ್ಯೆಕಾ ಆಯ್ತಾರಾ ಸಾಂಜೆರ್ 7 ಥಾವ್ನ್ 7.30ವೊರಾಂ ಪರ್ಯಾಂತ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.
ಕ್ರಿಸ್ಮಸ್ ಫೆಸ್ತಾಕ್ ಸಂಬಂಧ್ ಜಾಲ್ಲ್ಯೊ ಜವಾಬ್ದಾರಿ, ಸ್ಫರ್ದೆ, ಹೆರ್ ವಿಷಯ್ ನೋಟಿಸ್ ಬೊರ್ಡಾರ್ ಘಾಲ್ಯಾತ್ ತ್ಯೊ ತುಮಿ ಪಳೆಂವ್ಕ್ ವಿನಂತಿ ತಶೆಂಚ್ ವಾಟ್ಸೆಪಾ ಮುಖಾಂತ್ರ್ ಆಮಿ ದಾಡ್ತೆಲ್ಯಾಂವ್.
ಡಿಸೆಂಬರ್ 13 ತಾರಿಕೆರ್ ಕಾರ್ಮೆಲ್ ಗುಡ್ಯಾರ್ ಸಾಂಜೆರ್ 5 ವೊರಾರ್ ಕ್ರಿಸ್ಮಸ್ ಕ್ಯಾರಲ್ಸ್ ಸ್ಪರ್ಧೊ ಆಸಾ ಕೆಲಾ. ಹೊ ಸ್ಫರ್ದೊ 20ವರ್ಸಾಂ ಭಿತರ್ಲ್ಯಾಂಕ್, 21ವರ್ಸಾಂ ವಯ್ಲ್ಯಾಂಕ್, ದಾರ್ಮಿಕಾಂಕ್ ಆನಿ ಅಂತರ್ ಫಿರ್ಗಜ್ ಆಶೆಂ 4 ವಿಭಾಗಾಂನಿ ಆಸ್ತಲೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರಿಕ್ ಡಿಸೆಂಬರ್-8
ಪಾಟ್ಲ್ಯಾ ವರ್ಸಾಂನಿ ಆಲ್ತಾರ್ ಸೊಬಂವ್ಕ್ ಫುಲಾಂ ದಾನ್ ದಿಲ್ಲ್ಯಾ ಮ್ಯಾಕ್ಸಿಮ್ ಸಿಕ್ವೇರಾ ಹಾಂಚೊ ಫಿರ್ಗಜ್‍ಗಾರಾಂ ತರ್ಫೆನ್ ದೇವ್ ಬರೆಂ ಕರುಂ ಮ್ಹಣ್ತಾಂ.