ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಸಾಂ. ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಕಾರ್ಮೆಲ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾನಿ ದೇವ್ ಸ್ತುತಿ ಮಾಂಡುನ್ ಹಾಡ್ಚಿ.
ನವೆಂಬರ್ 9ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 9: ಲಾತೆರಾನ್ ಮಹಾಮಂದಿರಾಚೆಂ ಸಮರ್ಪಣ್, ನವೆಂಬರ್ 10: ಸಾಂ.ಲಿಯೊ ವರ್ತೊ, ನವೆಂಬರ್ 11: ಸಾಂ ಮಾರ್ಟಿನ್, ನವೆಂಬರ್ 12: ಸಾಂ. ಜೊಸಾಫಾತ್. ನವೆಂಬರ್ 14: ಸರ್ವ್ ಕಾರ್ಮೆಲಿತ್ ಸಾಂತಾ ಭಕ್ತಾಂಚಿ-ಪರಬ್
-ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ನವೆಂಬರ್ 22ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಕ್ರಿಸ್ಮಸಾವಿಶಿಂ ಲೇಖನಾಂ ಕವನಾಂ ಬರೊಂವ್ಕ್ ಭುರ್ಗ್ಯಾಂಕ್ ವ್ಹಡಿಲಾಂನಿ ಪ್ರೋತ್ಸಾಹ್ ದಿಂವ್ಚೊ.
-ಭಾಗೆವಂತ್ ಚಾಲ್ರ್ಸ್ ಬೊರೊಮಿಯೊ ದೊತೊರ್ನ್ ಶಿಕೊಂವ್ಚ್ಯಾ ಶಿಕ್ಷಕ್/ಶಿಕ್ಷಕಿಂಚೊ ಪಾತ್ರೊನ್. ಆಮ್ಚ್ಯಾ ಫಿರ್ಗಜೆಂತ್ ಕ್ರೀಸ್ತಿ ದೊತೊರ್ನಿಚಿ ಸಂಯೋಜಕಿ ಜಾವ್ನ್ ಮುಕೇಲ್ಪಣ್ ಘೆತ್‍ಲ್ಲ್ಯಾ ಶ್ರೀಮತಿ ಸ್ಟೆಲ್ಲಾ ಡಿಸೋಜಾ ತಶೆಂಚ್ ಸರ್ವ್ ಶಿಕ್ಷಕಾಂಕ್ ದೇವ್‍ಬರೆಂ ಕರುಂ ಮ್ಹಣ್ತಾಂವ್, ಉಲ್ಲಾಸ್ ಪಾಟಯ್ತಾಂವ್ ಆನಿ ಹ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್.
-ನವೆಂಬರ್ ಮಹಿನ್ಯಾಂತ್ ವಾಡ್ಯಾವಾರ್ ಬ್ಯಾಡ್‍ಮಿಂಟನ್ ಟೂರ್ನಮೆಂಟ್ ಆಸಾ ಕೆಲಾಂ. ನವೆಂಬರ್ 14 ತಾರಿಕೆ ಭಿತರ್ ನಾಂವಾಂ ದೀಂವ್ಕ್ ವಿನಂತಿ ಕರ್ತಾಂವ್. ವಿವರಾಕ್ ನೋಟಿಸ್ ಬೋರ್ಡ್ ಪಳಂವ್ಚೊ.