ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಲೂಡ್ಸ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ನವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
5 ವಾಡ್ಯಾಚಾ ಗುರ್ಕಾಕ್/ರ್ನಿನ್ ಮುಕ್ಲ್ಯಾ ಚಾರ್ ವರ್ಸಾಂಕ್ ವಾಡ್ಯಾಚೆ ಗುರ್ಕಾರ್/ರ್ನ್ ಜಾವ್ನ್ ವಾಡ್ಯಾಚಿ ಜವಬ್ದಾರಿ ಘೆಂವ್ಕ್ ಬಿಸ್ಪಾ ಥಾವ್ನ್ ಪರ್ವಣ್ಗಿ ಲಾಬ್ಲ್ಯಾ. ಲೂಡ್ರ್ಸ್ ವಾಡೊ: ಶ್ರೀ ವಿಕ್ಟರ್ ಮೆಲ್ವಿಲ್ ಪಿಂಟೊ, ಬಾಳ್ ಮರಿ ವಾಡೊ: ಶ್ರೀ ಅರುಣ್ ಜೋನ್ ಡಿಸೋಜಾ; ಅವಿಲಾ ವಾಡೊ: ಶ್ರೀ ವಿನ್ಸೆಂಟ್ ಪಿಂಟೊ; ಕಾರ್ಮೆಲ್ ವಾಡೊ: ಶ್ರೀಮತಿ ಜೆಸಿಂತಾ ಮೊಲಿ ರೊಡ್ರಿಗಸ್ ಆನಿ ಬಾಳೊಕ್ ಜೆಜು ವಾಡೊ: ಶ್ರೀ ಪ್ರಕಾಶ್ ಸಲ್ಡಾನಾ. ತುಮ್ಕಾಂ ಉಲ್ಲಾಸ್ ಪಾಟಯ್ತಾಂವ್. ತುಮ್ಚ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂವ್. ವಾಡೊ ಕ್ರಿಯಾಳ್ ಉರ್ಚ್ಯಾಕ್ ಪತ್ರಿನಿಧಿಚಾ ಸಾಂಗಾತ್ಪಾಣಾನ್ ತುಮ್ಚೆ ಪ್ರಾಮಾಣ್ಪಿಕ್ ಪ್ರಯತ್ನ್ ಕರುಂಕ್ ಉಲೊ ದಿತಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 10: ಸ್ಮರಣ್ ಸಾಂ. ಸ್ಕೊಲಾಸ್ತಿಕಾ, ಫೆಬ್ರವರಿ 11: ಸ್ಮರಣ್ ಲೂರ್ದಾಚಿ ಭಾಗೆವಂತ್ ಅಂಕ್ವಾರ್ ಮರಿ. ತ್ಯಾ ದಿಸಾ ಲೂಡ್ರ್ಸ್ ವಾಡ್ಯಾಚೆ ಫೆಸ್ತ್.
ಫೆಬ್ರುವರಿ 8 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರ್ ಕರ್ಚಿ.
ಆಜ್ ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ.
ಫಿರ್ಗಜೆಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಆನಿ ವ್ಹಡಾ ಸಂಖ್ಯಾನ್ ಮಿಸಾಕ್ ತಶೆಂಚ್ ಸಾಂಸ್ಕೃತಿಕ್ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ತುಮ್ಕಾಂ ದೇವ್‍ಬರೆಂ ಕರುಂ.
ಫಾಲ್ಯಾಂ ಭುರ್ಗ್ಯಾಂಕ್ ದೊತೊರ್ನ್ ಆಸ್ತೆಲಿ. ಭುರ್ಗ್ಯಾಂಕ್ ಕ್ರೀಸ್ತೀ ದೊತೊರ್ನಿಚಿ ಪರೀಕ್ಷಾ ಫೆಬ್ರೆರ್ 28ತಾರಿಕೆರ್ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ. ಮಾರ್ಚ್ 7ತಾರಿಕೆರ್ ಫಲಿತಾಂಶ್ ತಶೆಂಚ್ ಮೌಲ್ಯ್‍ಮಾಪನ್, ತಶೆಂಚ್ ಮಾರ್ಚಾಚಾ 14ತಾರಿಕೆರ್ ಭುರ್ಗ್ಯಾಂಕ್ ಇನಾಮಾಂ ವಾಂಟ್ತೆಲ್ಯಾಂವ್.
ಫಾಲ್ಯಾಂ ಭುರ್ಗ್ಯಾಂಚಾ ಮಿಸಾ ಉಪ್ರಾಂತ್ ಆಲ್ತಾರ್ ಭುರ್ಗ್ಯಾಂಚಿ ಜಮಾತ್ ಆಸ್ತೆಲಿ.
ಬಜ್ಜೋಡಿಚಾ ಕುರೊವ್ ಪತ್ರಾರ್ ಆಸ್ಚ್ಯಾ ಪಿಂತುರಾಕ್ ರಂಗ್ ಭರ್ ಸ್ಪರ್ಧ್ಯಾಂತ್ ಥೊಡಿ ಬದ್ಲಾವಣ್. ಸರ್ವ್ ಭುರ್ಗ್ಯಾಂನಿ ತ್ಯಾ ಪಿಂತುರಾಚಿ ಝೆರೊಕ್ಸ್ ಕಾಡ್ನ್ ತಾಕಾ ರಂಗ್ ಭರ್ನ್ ತಿ ಪ್ರತಿ ಯೆಂವ್ಚ್ಯಾ ಸುಕ್ರಾರಾ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಯೆಂವ್ಚ್ಯಾ ಆಯ್ತಾರಾ 14 ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾನಿ ಚುಕಾನಾಸ್ತಾನಾಂ ಹಾಜರ್ ಜಾಂವ್ಚೆಂ.
ಫೆಬ್ರೆರ್ 17ತಾರಿಕೆರ್ ಸಿಂಜಿಚೊ ಬುದ್ವಾರ್. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.