ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 25: ಜೆಜುಚ್ಯಾ ಜನನಾಚೆಂ ಫೆಸ್ತ್, ಡಿಸೆಂಬರ್ 26: ಸಾಂ.ಸ್ತೆಫನ್
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಬಾಳ್ ಮರಿ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
2020 ಡಿಸೆಂಬರ್ 8 ತಾರಿಕೆ ಥಾವ್ನ್ 2021 ಡಿಸೆಂಬರ್ 8 ತಾರಿಕ್ ಪರ್ಯಾಂತ್ ಹೆಂ ವರಸ್ ಪಾಪಾ ಫ್ರಾನ್ಸಿಸಾನ್ ಸಾಂ ಜುಜೆಕ್ ಸಮರ್ಪುನ್ ದಿಲಾಂ. ಸಾಂ ಜುಜೆ ಪವಿತ್ರ್ ಸಭೆಚೊ ಪಾತ್ರೊನ್, ತಾಚೊ ಆಧಾರ್ ಆಮ್ಚ್ಯಾ ಕುಟ್ಮಾಚೆರ್ ಆಮಿ ಮಾಗ್ಯಾಂ.
ನತಾಲಾಂಚೆ ಫೆಸ್ತ್ ಡಿಸೆಂಬರ್ 24 ಸಾಂಜೆರ್ 7ವೊರಾರ್ ನತಾಲಾಂಚಿ ಗಿತಾಂ, 7.30ವೊರಾರ್ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್. ದೇವ್‍ಸ್ತುತಿ ಆನಿ ಸ್ವಯಂಸೇವಕಾಚಿ ಮಾಂಡಾವಳ್ ಅವಿಲಾ, ಬಾಳೊಕ್ ಜೆಜು, ಲೂಡ್ರ್ಸ್, ಸಾಂ ಅಂತೊನ್, ಲ್ಹಾನ್‍ಪುಲ್ ವಾಡೊ. ಕಾಣಿಕೊ ಹಾಡುಂಕ್ ವೆಲಂಕಣಿ, ಬಾಳ್‍ಮರಿ, ಕಾರ್ಮೆಲ್, ಪವಿತ್ರ್‍ಕಾಳಿಜ್ ಆನಿ ಸಾಂ ಜುಜೆ ವಾಡೊ. ಮಿಸಾಚಾ ಅಖ್ರೇಕ್ ಬಾಳ್ಕಾಚೊ ನಮಾನ್ ಆಸ್ತಲೊ. ಮಿಸಾ ಉಪ್ರಾಂತ್ ಹೊಲಾಂತ್ ಏಲಂ ತಶೆಂಚ್ ಹೌಸಿ ಹೌಸಿ ಮಟ್ವೆಂ ಕಾರ್ಯೆಂ ಆಸ್ತೆಲೆಂ. ಡಿಸೆಂಬರ್ 25 ತಾರಿಕೆರ್ ಸುಕ್ರಾರಾ ಸಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.
ನತಾಲಾಂಚೊ ಸಂದೇಶ್ ಪಾಚಾರುಂಕ್ ಆನಿ ಕುಟ್ಮಾಂಚೆರ್ ಬಾಳ್ಕಾ ಜೆಜುಚೆರ್ ಆದಾರ್ ಮಾಗೊಂಕ್ ಸಾಂಗಾತ್ ದಿಲ್ಲ್ಯಾ ಗಾಯಾನ್ ಮಂಡಳಿಚಾ ಸಾಂದ್ಯಾಂಕ್, ಭುರ್ಗ್ಯಾಂಕ್, ಯುವಜಣಾಂಕ್, ವ್ಹಡಾಂಕ್, ಗುರ್ಕಾರ್/ರ್ನ್ ಪ್ರತಿನಿಧಿಂಕ್ ದೇವ್‍ಬರೆಂ ಮ್ಹಣ್ತಾಂವ್. ಹ್ಯಾ ಬಾಬ್ತಿನ್ ಜಮೊ ಜಾಲ್ಲೊ ಐವಜ್ 75,100/ ರುಪಯ್. ತುಮ್ಚ್ಯಾ ಉದಾರ್‍ಮನಾಕ್ ಧಿನ್ವಾಸ್. ಹೊ ಐವಜ್ ಫಿರ್ಗಜೆಚಾ ಗರ್ಜೆವಂತ್ ಕುಟ್ಮಾಕ್ ಎಸ್‍ವಿಪಿ ಮುಖಾಂತ್ರ್ ದಿತೆಲ್ಯಾಂವ್.
ನತಾಲಾಂ ಫೆಸ್ತಾಕ್ ಮುರ್ದೊಮ್ ದೀಂವ್ಕ್ ಆವ್ಕಾಸ್ ಆಸಾ. ತಶೆಂಚ್ ಕೇಕ್, ಥಂಡ್ ಪೀವನ್, ಆಲ್ತಾರಿಕ್ ಫುಲಾಂ ದಿತೆಲ್ಯಾಂನಿ ಪಯ್ಲೆಂಚ್ ತಿಳ್ಸುಂಕ್ ವಿನಂತಿ. ಕ್ರಿಸ್ಮಸ್ ಫೆಸ್ತಾಕ್ ಸಂಬಂಧ್ ಜಾಲ್ಲ್ಯೊ ಜವಾಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾತ್. ಜವಬ್ದಾರಿ ಘೆತ್‍ಲ್ಲ್ಯಾ ವಾಡ್ಯಾಚ್ಯಾಂನಿ ಫಾಲ್ಯಾಂ ಸಾಂಜೆರ್ 4 ವೊರಾರ್ ಇಗರ್ಜೆ ಭಿತರ್ ನಿತಳಾಯ್ ಆನಿ ಡೆಕೊರೇಶನ್ ಕರುಂಕ್ ವಿನಂತಿ.
ನತಾಲ್ ನೆಕೆತ್ರ್ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಚ್ಯಾಂನಿ ಡಿಸೆಂಬರ್ 22 ತಾರಿಕೆರ್ ಮಂಗ್ಳಾರಾ ಸಾಂಜೆರ್ 4ವೊರಾಂ ಭಿತರ್ ಆನಿ ಕ್ರಿಸ್ಮಸ್ ಟ್ರೀ ಸ್ಪಧ್ರ್ಯಾಂತ್ ಭಾಗ್ ಘೆಂವ್ಚ್ಯಾಂನಿ ಕ್ರಿಸ್ಮಸ್ ಟ್ರೀ 23 ತಾರಿಕೆರ್ ಬುದ್ವಾರಾ ಸಾಂಜೆರ್ 4 ವೊರಾಂ ಭಿತರ್ ಇಗರ್ಜೆಕ್ ಪಾವಿತ್ ಕರುಂಕ್ ವಿನಂತಿ.
ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ಕ್ರಿಸ್ಮಸ್ ಅಂಕೊ ತಯಾರ್ ಜಾಲಾ. ಯೆದೊಳ್‍ಚ್ಚ್ ತೊ ತುಮ್ಚ್ಯಾ ಕುಟ್ಮಾಕ್ ಪಾವ್ಲಾ. ಕ್ರಿಸ್ಮಸಾಕ್ ಸಂಬಂಧ್ ಜಾಲ್ಲಿ ಲೇಖನಾಂ, ಫಿರ್ಗಜ್ ಖಬ್ರೊ, ಆನಿ ಮುಕ್ಲಿ ಕಾರ್ಯಾಕ್ರಮಾಂ, ದೇವ್‍ಸ್ತುತೆಚಿ ಮಾಂಡಾವಾಳ್ ಆನಿ ಹೆರ್ ವಿಷಯ್ ಆಸಾತ್. ಹೊ ಬೂಕ್ ಉಗ್ತೆ ಕರ್ನ್ ಪಳೆಂವ್ಚೊ. ಹೆಂ ಪತ್ರ್ ಉಜ್ವಾಡಾಕ್ ಹಾಡುಂಕ್ ಸಾಂಗಾತ್ ದಿಲ್ಲ್ಯಾ ಸಂಪಾದಕೀಯ್ ಮಂಡಳಿಚಾ ಸಾಂದ್ಯಾಂಕ್, ಜಾಹೀರಾತ್ ಮಂಡಳಿಚಾ ಸಾಂದ್ಯಾಂಕ್, ಜಾಹೀರಾತಾಂ ದಿಲ್ಲ್ಯಾಂಕ್, ಲೇಖನಾಂ, ಕವನಾಂ, ಬರೊವ್ನ್ ದಿಲ್ಲ್ಯಾ ಸರ್ವಾಂಕ್ ದೇವ್‍ಬರೆಂ ಮ್ಹಣ್ತಾ.