ಆಜ್ ಭುರ್ಗ್ಯಾಂಚೊ ದೀಸ್, ಸರ್ವ್ ಭುರ್ಗ್ಯಾಂಕ್ ಹ್ಯಾ ದಿಸಾಚೆ ಉಲ್ಲಾಸ್ ಪಾಟಯ್ತಾಂವ್.
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಅವಿಲಾ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭಾ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಪಯ್ಲ್ಯಾ ಕುಮ್ಗಾರಾಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತಿ ಮಾಂಡುನ್ ಹಾಡ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 17: ಹಂಗೇರಿಚಿ ಸಾಂ. ಎಲಿಜಾಬೆತ್, ನವೆಂಬರ್ 18: ಸಾಂ.ಪೆದ್ರು ಆನಿ ಪಾವ್ಲ್ ಬಾಸಿಲಿಕಾಚೆಂ ಸಮರ್ಪಣ್, ನವೆಂಬರ್ 21: ಅಂಕ್ವಾರ್ ಮರಿಯೆಕ್ ತೆಂಪ್ಲಾಂತ್ ಭೆಟವ್ಣಿ, ನವೆಂಬರ್ 22: ಜೆಜು ರಾಯಾಚೆಂ ಫೆಸ್ತ್
-ನತಾಲಾಂಚ್ಯಾ ಫೆಸ್ತಾಕ್ ಪಾಯ್ಸ್ ಜಾಂವ್ಚ್ಯಾ ಬಜ್ಜೋಡಿಚೊ ಕುರೊವ್ ಫಿರ್ಗಜ್ ಪತ್ರಾಕ್ ಲೇಖನಾಂ, ಕವನಾಂ ಅನಿ ಜಾಹೀರಾತಾಂ ದಿತೆಲ್ಯಾಂನಿ ನವೆಂಬರ್ 22ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ. ಭುರ್ಗ್ಯಾಂನಿಂ ಕ್ರಿಸ್ಮಸಾವಿಶಿಂ ಲೇಖನಾಂ, ಕೊರೊನಾ ಪಿಡಾ ಆನಿ ಒನ್‍ಲೈನ್ ಶಿಕ್ಪಾವಿಶಿಂ ತಾಂಚೊ ಮಟ್ವೊ ಅನ್ಭೋಗ್ ಬರೊಂವ್ಕ್ ವ್ಹಡಿಲಾಂನಿ ತಾಂಕಾಂ ಪ್ರೋತ್ಸಾಹ್ ದಿಂವ್ಚೊ.
ಯೆಂವ್ಚ್ಯಾ ಆಯ್ತಾರಾ ಜೆಜು ರಾಯಾಚ್ಯಾ ಫೆಸ್ತಾ ದಿಸಾ ಆಮ್ಚ್ಯಾ ಇಗರ್ಜೆಂತ್ ಪಯ್ಲ್ಯಾ ಕುಮ್ಗಾರಾಚೊ ಸಂಭ್ರಮ್. ಸಕಾಳಿಂ 8.30ವೊರಾಂಚ್ಯಾ ಮಿಸಾವೆಳಾರ್ ಧಾ ಜಣಾಂ ಭುರ್ಗಿಂ ಜೆಜುರಾಯಾಕ್ ಪಯ್ಲೆ ಪಾವ್ಟಿಂ ತಾಂಚ್ಯಾ ಕಾಳ್ಜಾಂತ್ ಸ್ವೀಕಾರ್ ಕರ್ತೆಲಿಂ. ತಾಂಕಾಂ ಸರ್ವ್ ಬರೆಂ ಮಾಗ್ತಾಂವ್. ಹೆಂ ಮೀಸ್ ಕಾರ್ಮೆಲ್ ಕಿರಣ್ ಯುಟೂಬ್ ಚಾನೆಲಾರ್ ಲೈವ್ ಪ್ರಸಾರ್ ಜಾತೆಲೆಂ. ಸೊಮಾರಾ ಥಾವ್ನ್ ಬ್ರೇಸ್ತಾರಾ ಪರ್ಯಾಂತ್ ಭುರ್ಗ್ಯಾಂಕ್ ಕುಮ್ಸಾರಾವಿಶಿಂ 4 ಥಾವ್ನ್ 5 ವೊರಾಂ ಪರ್ಯಾಂತ್ ಕ್ಲಾಸಿ ಆಸಾತ್. ಸುಕ್ರಾರಾ ದಿಸಾ ಸಾಂಜೆರ್ 5.15 ವೊರಾರ್ ಕುಮ್ಸಾರಾಕ್ ತಯಾರಾಯ್ ಭುರ್ಗ್ಯಾಂಕ್ ತಶೆಂಚ್ ವ್ಹಡಿಲಾಂಕ್ ಕುಮ್ಸಾರಾಂ ಆನಿ ಸಾಂಜೆಚಾ ಮಿಸಾ ಉಪ್ರಾಂತ್ ಆಯ್ತಾರಾಚಾ ದೇವ್‍ಸ್ತುತೆಚೆಂ ಪ್ರಾಕ್ಟಿಸ್ ಆಸ್ತೆಲೆಂ.
-ನವೆಂಬರ್ ಮಹಿನ್ಯಾಂತ್ ಆಸಾ ಕೆಲ್ಲ್ಯಾ ಒನ್‍ಲೈನ್ ಕ್ವಿಜ್ ಆನಿ ಭುರ್ಗ್ಯಾಂನಿ ಗಾನಾಂ ಗಾಂವ್ಚ್ಯಾ ಸ್ಪಧ್ರ್ಯಾಂತ್ ಭಾಗ್ ಘೆತ್‍ಲ್ಲ್ಯಾ ತಶೆಂಚ್ ಜೀಕ್ ಆಪ್ಣಾಯ್ಲ್ಯಾಂಕ್ ಉಲ್ಲಾಸ್ ಪಾಟಯ್ತಾಂವ್. ಹ್ಯಾ ಸ್ಪರ್ಧಾಂತ್ ವಾಡ್ಯಾಗಾರಾಂನಿ ಉರ್ಭೆನ್ ವಾಂಟೊ ಘೆಂವ್ಕ್ ಪ್ರೋತ್ಸಾಹ್ ದಿಲ್ಲ್ಯಾ ವಾಡ್ಯಾಚಾ ಗುರ್ಕಾರ್/ರ್ನ್ ಪ್ರತಿನಿಧಿಂಕ್ ದೇವ್‍ಬರೆಂ ಕರುಂ ಕರ್ತಾಂವ್.
ಭುರ್ಗ್ಯಾಂಕ್ ಕ್ರೀಸ್ತೀ ದೊತೊರ್ನಿಚಿ ಪರೀಕ್ಷಾ ನವೆಂಬರ್ 29 ತಾರಿಕೆರ್ ಆಯ್ತಾರಾ 9.30 ಥಾವ್ನ್ 10.30ವೊರಾಂ ಪರ್ಯಾಂತ್ ಆಸ್ತೆಲಿ. ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರುಂಕ್ ವಿನಂತಿ.
-ನವೆಂಬರ್ ಮಹಿನ್ಯಾಚಾ 29 ತಾರಿಕೆರ್ ವಾಡ್ಯಾವಾರ್ ಬ್ಯಾಡ್‍ಮಿಂಟನ್ ಟೂರ್ನಮೆಂಟ್ ಆಸಾ ಕೆಲಾಂ. ಆಜ್ ಸಾಂಜೆ ಭಿತರ್ ನಾಂವಾಂ ದೀಂವ್ಕ್ ವಿನಂತಿ ಕರ್ತಾಂವ್.