ನವೆಂ ವರಸ್-2023
ಮೊಗಾಚ್ಯಾಂನೊ ತುಮ್ಕಾಂ ಸರ್ವಾಂಕ್ ಹಾಜರ್ ಆಸ್‍ಲ್ಲ್ಯಾ ಸರ್ವ್ ಯಾಜಕಾಂಚಾ ತರ್ಫೆನ್ ಮರಿ ದೇವ್‍ಮಾತೆಚಾ ಫೆಸ್ತಾಚೆ ಉಲ್ಲಾಸ್ ಆನಿ ಫಳಾಭರಿತ್ ನವೆಂ ವರಸ್ -2023 ಮಾಗ್ತಾಂ.
ಆಜ್ ಪ್ರಧಾನ್ ಯಾಜಕ್ ಜಾವ್ನ್ ಪವಿತ್ರ್ ಮಿಸಾಚೆಂ ಬಲಿದಾನ್ ಭೆಟಯ್ಲ್ಯಾ ಆನಿ ಆಮ್ಚೆ ಪಾಸತ್ ಮಾಗ್‍ಲ್ಲ್ಯಾ ಬಾಪ್ ನೆಲ್ಸನ್ ಪಿಂಟೊ(ಶಿವಮೊಗ್ಗಾ) ಫೆಸ್ತಾಕ್ ಜೊಕ್ತೊ ನಿಯಾಳ್ ದಿಲ್ಲ್ಯಾ ಬಾಪ್ ರುಡೋಲ್ಫ್ ಪಿಂಟೊ, ಬಾಪ್ ಶಾಬಾಸ್ ಕ್ರಾಸ್ತಾ ತುಮ್ಕಾಂ ದೇವ್‍ಬರೆಂ ಕರುಂ.
ಅರ್ಥಾಭರಿತ್ ರಿತಿನ್ ಲಿತುರ್ಜಿ ಚಲೊವ್ನ್ ವೆಲ್ಲ್ಯಾಂಕ್ ಅನಿ ಕಾಣಿಕೊ ಹಾಡ್ಲ್ಯಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪವಿತ್ರ್ ಮಿಸಾಚಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆಂವ್ಕ್ ಮಧುರ್ ಗಾಯಾನಾಂನಿ ಆಮ್ಚೆ ಮನ್ ದೆವಾ ಥಂಯ್ ಉಬಾರುಂಕ್ ಆದಾರ್ ದಿಲ್ಲ್ಯಾ ಆನಿ ದೀವ್ನ್‍ಂಚ್ ಆಸ್ಚ್ಯಾ ಗಾಯಾನ್ ಮಂಡಳಿಚ್ಯಾ ಸಾಂದ್ಯಾಂಕ್, ತರ್ಭೆತ್ ದಿಂವ್ಚ್ಯಾ ಶ್ರೀ ಜೋಸೆಫ್ ಮಸ್ಕರೇನ್ಹಸ್, ಕೀಬೊರ್ಡ್ ಖೆಳ್ತೆಲ್ಯಾಂಕ್, ಎಲ್‍ಸಿಡಿ ಒಪರೇಟ್ ಕರ್ತೆಲ್ಯಾಂಕ್ ದೇವ್‍ಬರೆಂ ಕರುಂ.
2022 ವೆಂ ವರ್ಸ್ ಅಪುರ್ಬಾಯೆನ್ ಸಂಪ್ಲೆಂ. ಹ್ಯಾ ವರ್ಸಾ ತುಮಿ ದಿಲ್ಲ್ಯಾ ಸಹಕಾರಾಕ್ ತುಮ್ಕಾಂ ದೇವ್ ಬರೆಂ ಕರುಂ.
ಹ್ಯಾ ವರ್ಸಾಚಾ ಸುರ್ವೆರ್ ಥಾವ್ನ್ ಪ್ರೋತ್ಸಾಹ್ ಆನಿ ಪಾಟಿಂಬೊ ದಿಲ್ಲ್ಯಾ ಸಾಂಗಾತಿ ಯಾಜಕ್ ಬಾಪ್ ಪ್ಯಾಟ್ರಿಕ್ ಲೋಬೊ, ಬಾಪ್ ರಾಯಾನ್ ಪಿಂಟೊ ಹಾಂಚೊ ಉಪ್ಕಾರ್ ಬಾವುಡ್ತಾಂ.
ಆಜ್ ಉತರ್ ಭಾಸ್ ದೀವ್ನ್ ಮುಕ್ಲ್ಯಾ ಆವ್ದೆಕ್ ಸೆವಾ ದೀಂವ್ಕ್ ಬರೆಂ ಮನ್ ದಾಕಯ್ಲ್ಯಾ ಉಪಾಧ್ಯಕ್ಷ್ ಜಾವ್ನ್ ಶ್ರೀ ಪ್ರಕಾಶ್ ಸಲ್ಡಾನ್ಹಾ, ಕಾರ್ಯದರ್ಶಿ ಶ್ರೀಮತಿ ಎಲಿಜಬೆತ್ ಪಿರೇರ್ ತಶೆಂಚ್ ಸರ್ವ್ ಗೊವ್ಳಿಕ್ ಪರಿಷದೆ ಸಾಂದ್ಯಾಂಕ್ ಉಲ್ಲಾಸ್ ಪಾಟಯ್ತಾಂ ಆನಿ ತುಮ್ಚ್ಯಾ ಸೆವೆಚಾ ವಾವ್ರಾಕ್ ಬರೆಂ ಮಾಗ್ತಾಂ ಆನಿ ತುಮ್ಕಾಂ ಆಮ್ಚೊ ಸಾಂಗಾತ್ ಭಾಸಯ್ತಾಂವ್.
ವಾಡ್ಯಾವಾರ್ ಜಾಂವ್ಚ್ಯಾ ಫಿರ್ಗಜೆಚಾ ಹರ್ಯೆಕಾ ಚಟುವಟಿಕೆಂನಿ ಭಾಗ್ ಘೆವ್ನ್, ಹರ್ಯೇಕಾ ಹಪ್ತ್ಯಾಂತ್ ದೇವ್‍ಸುತ್ತಿ ಚಲವ್ನ್ ವ್ಹರ್ನ್, ವಾಡೊ ಕ್ರಿಯಾಳ್ ಜಾಂವ್ಚ್ಯಾಕ್ ವಾವುರ್ಚ್ಯಾ ಗುರ್ಕಾರ್ನ್/ರ್ನಿಂಕ್, ಪ್ರತಿನಿಧಿಂಕ್, ಕೊರ್ ಕಮಿಟಿಚಾ ಸಾಂದ್ಯಾಕ್, ತಾಂಕಾಂ ಸಹಕಾರ್ ದಿಂವ್ಚ್ಯಾ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ.
ಫಿರ್ಗಜೆಚೆಂ ಆರ್ಥಿಕ್ ಲೇಕ್‍ಪಾಕ್ ವ್ಯವಸ್ಥಿತ್ ರಿತಿನ್ ಪಳೆಂವ್ಚ್ಯಾ ಶ್ರೀ ಕಿರಣ್ ಕ್ರಾಸ್ತಾ ತಶೆಂಚ್ ಆರ್ಥಿಕ್ ಪರಿಷೆದೆಚಾ ಸರ್ವ್ ಸಾಂದ್ಯಾಂಕ್, ವರ್ಸ್‍ಭರ್ ವಿವಿಧ್ ಸಾಂಸ್ಕೃತಿಕ್ ಕಾರ್ಯಿಂ ಯಶಶ್ವೆನ್ ಜಾಂವ್ಕ್ ವಾವುರ್ಚ್ಯಾ ಸಾಂಸ್ಕೃತಿಕ್ ಸಮಿತಿಚಾ ಸಾಂದ್ಯಾಕ್, ಮಾಹೆತ್ ಕಾರ್ಯಿಂ ಮಾಂಡುನ್ ಹಾಡ್‍ಲ್ಲ್ಯಾ ಸಂಯೋಜಕ್, 21 ಆಯೋಗಾಚಾ ಸಂಚಾಲಕಾಂಕ್ ಆನಿ ಸಾಂದ್ಯಾಕ್, ಫಿರ್ಗಜೆಂತ್ಲ್ಯಾ ದುಬ್ಳ್ಯಾ ಕುಟ್ಮಾಂಕ್ ಆರ್ಥಿಕ್ ಕುಮೊಕ್ ದೀವ್ನ್ ತಾಂಚಾ ಗರ್ಜಾಂತ್ ಪಾಂವ್ಚ್ಯಾ ಸಾಂ.ವಿಶೆಂತ್ ಪಾವ್ಲ್ ಸಭೆಚ್ಯಾ ಸಾಂದ್ಯಾಕ್, ಮರಿಯೆಚೆಂ ಭಕ್ತಿಪಣ್ ಅಧಾರುನ್, ಫಿರ್ಗಜೆಂತ್ ವಿವಿಧ್ ರಿತಿಚಿ ಸೆವಾ ದಿಂವ್ಚ್ಯಾ ಫಿರ್ಗಜೆಚ್ಯಾ ಬಾಳ್ ಮರಿಯೆಚ್ಯಾ ಪ್ರೆಸಿದಿಚ್ಯಾ ಸಾಂದ್ಯಾಂಕ್, ಸ್ತ್ರೀ ಸಂಘಟನಾಕ್, ಫಿರ್ಗಜೆಂತ್ ವಿವಿಧ್ ಚಟುವಟಿಕ್ಯೊ ಮಾಂಡುನ್ ಹಾಡ್ನ್ ವಾರಾಡೊ ತಶೆಂಚ್ ದಿಯೆಸೆಜಿಚಾ ಹಂತಾರ್ ವಿವಿಧ್ ಸ್ಪರ್ಧ್ಯಾಂನಿ ಭಾಗ್ ಘೆಂವ್ಚ್ಯಾ ಐಸಿವೈಎಮ್ ಆನಿ ವೈಸಿಎಸ್ ಸಾಂದ್ಯಾಕ್,
ವರ್ಸ್‍ಭರ್ ದೇವಸ್ತುತೆಚಿ ಮಾಂಡಾವಳ್ ಕರುಂಕ್, ಕುಮ್ಗಾರ್ ವಾಂಟುಕ್, ಆಲ್ತಾರ್ ಸೊಬೊಂವ್ಕ್ ಆದಾರ್ ದಿಂವ್ಚ್ಯಾ ಹೋಲಿ ಸ್ಪಿರಿಟ್ ಕೊಂವೆಂತಾಂಚಾ ಸಿಸ್ಟ್ರಾಂಕ್
ಆಯ್ತಾರಾ ಸಾಂಜೆರ್ ಧ್ಯಾನಾಚೆ ಮಾಗ್ಣ್ಯೆಂ, ಆರಾಧಾನ್ ಪವಿತ್ರ್ ಸಭೆಚೆಂ ಮಾಗ್ಣೆಂ ತಶೆಂಚ್ ಲಿತುರ್ಜಿ ಚಲವ್ನ್ ವ್ಹರುಂಕ್ ಆದಾರ್ ದಿಂವ್ಚ್ಯಾ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್
ದೇವ್‍ಸ್ತುತೆಚಿ ಮಾಂಡಾವಳ್ ತಶೆಂಚ್ ವಾಚ್ಪಾಂ ವಾಚ್ತೆಲ್ಯಾಂಕ್ ತರ್ಭೆತಿ ದಿಂವ್ಚ್ಯಾ ದೇವ್‍ಸ್ತುತಿ ಆಯೋಗಾಚಾಕ್.
ವೆದಿ ಸೆವಾ ಕರ್ಚ್ಯಾ ಸರ್ವ್ ಆಲ್ತಾರ್ ಭುರ್ಗ್ಯಾಂಚೊ, ಭುರ್ಗ್ಯಾಂಕ್ ಕ್ರೀಸ್ತಾಂವ್ ಶಿಕ್ಷಣ್ ದೀಂವ್ಕ್ ಸ್ವಖುಶೆನ್ ಮುಕಾರ್ ಆಯಿಲ್ಲ್ಯಾ ಸರ್ವ್ ಶಿಕ್ಷಕ್-ಶಿಕ್ಷಕಿಂಕ್, ಸಂಚಾಲಕಿ ಶ್ರೀಮತಿ ಜಾನೆಟ್ ಡಿಸೋಜಾಕ್
ಮಿರ್ನ್ಯಾಮ್ ರೊನಾಲ್ಡ್ ಫೆರ್ನಾಂಡಿಸ್, ಇಗರ್ಜೆಚಿ ನಿತಳಾಯ್ ಸಾಂಬಾಳ್ಚ್ಯಾ ಮೊನಿಕಾ ಡಿಸೋಜಾಕ್, ಎಲ್ಸಿ, ಜೆಸ್ಸಿ, ಘರಾಚಿ ತಶೆಂಚ್ ಹೊಲಾಚಿ ಮಾಂಡಾವಳ್ ಪಳೆಂವ್ಚ್ಯಾ ಸ್ಟೀಫನ್ ಕುಟಿನ್ಹಾಕ್ ಆನಿ ದಫ್ತರಾಂತ್ ಕಾಮ್ ಕರ್ಚ್ಯಾ ರೀಯಾಕ್, ಫಿರ್ಗಜ್ ಪತ್ರ್ ಕುರೊವ್ ಪತ್ರಾಚೆ ಸಂಪಾದಕ್ ಶ್ರೀ ಎಲೋಶಿಯಸ್ ಡಿಸೋಜಾಕ್, ಫಿರ್ಗಜ್ ಪತ್ರಾಕ್ ಲೇಖನಾಂ ಆನಿ ಜಾಹೀರಾತಾಂ ದೀವ್ನ್ ವೆಳಾರ್ ಹೆಂ ಪತ್ರ್ ಪಾಯ್ಸ್ ಕರುಂಕ್ ಪಾಟಿಂಬೊ ದಿಂವ್ಚ್ಯಾ ಸಂಪಾದಕ್ ಮಂಡಳಿ, ಜಾಹೀರಾತ್ ಮಂಡಳಿಚಾ ಸಾಂದ್ಯಾಕ್, ಸರ್ವ್ ಫಿರ್ಗಜ್‍ಗಾರಾಂಕ್ ಧಿನ್ವಾಸ್. ಡಿಸೆಂಬರಾಚೊ ವಿಶೇಷ್ ಅಂಕೊ ತಯಾರ್ ಜಾಲಾ. ಗುರ್ಕಾರ್/ರ್ನಿಕ್ ಎಕೇಕ್ ಪ್ರತಿ ವಾಡ್ಯಾಚಾ ಹರ್ಯೇಕಾ ಕುಟ್ಮಾಕ್ ಪಾವಿತ್ ಕರುಂಕ್ ವಿನಂತಿ.
ವರ್ಸ್‍ಭರ್ ಜಾಂವ್ಚ್ಯಾ ಫೆಸ್ತಾಂಕ್ ಮುರ್ದೊಮ್, ಸ್ಪೋನ್ಸರ್ಸ್ ತಶೆಂಚ್ ವಿವಿಧ್ ಕಾರ್ಯಕ್ರಮಾಕ್ ಆಧಾರ್ ದೀವ್ನ್ ಸಹಕಾರ್ ದಿಂವ್ಚ್ಯಾ ಹರ್ಯೇಕ್ಲ್ಯಾಕ್ ದೇವ್‍ಬರೆಂ ಕರುಂ.
ವರ್ಸ್ ಭರ್ ಆಯ್ತಾರಾಚೆಂ ಆಲ್ತಾರಿಕ್ ಫುಲಾಂ ದಾನ್ ದಿಂವ್ಚ್ಯಾ ಮರಿನಾ ಪಿಂಟೊ ಬೆಂಗ್ಳುರ್ ತುಮ್ಕಾಂ ದೇವ್ ಬರೆಂ ಕರುಂ.
ಆಮ್ಚ್ಯಾ ಗರ್ಜಾಂತ್ ಸದಾಂಚ್ ಪಾಂವ್ಚ್ಯಾ ಇಗರ್ಜೆಕ್ ಲಾಗ್ಸಾರ್ ಆಸ್ಚ್ಯಾ ಕುಟ್ಮಾಚಾ ಸಾಂದ್ಯಾಚೊ ಪ್ರತ್ಯೇಕ್ ರಿತಿನ್ ದೇವ್‍ಬರೆಂ ಕರುಂ.
ಆಜ್ ತಸ್ವಿರ್ಯೊ ಕಾಡ್‍ಲ್ಲ್ಯಾ ಲವಿನಾಕ್ ದೇವ್‍ಬರೆಂ ಕರುಂ.
ಫಿರ್ಗಜೆಂತ್ ಹ್ಯಾ ವರ್ಸಾ ಹಾತಿಂ ಘೆತ್‍ಲ್ಲ್ಯಾ ಹರ್ಯೆಕ್ ಕಾಮಾಂಕ್ ಪ್ರತ್ಯಕ್ಷ್ ಆನಿ ಪರೋಕ್ಷ್ ರಿತಿನ್ ಸಹಕಾರ್ ದಿಂವ್ಚ್ಯಾ ಸರ್ವ್ ಫಿರ್ಗಜ್ ಕುಟ್ಮಾಂಚಾ ಸಾಂದ್ಯಾಂಚೊ ಉಪ್ಕಾರ್ ಆಟೊವ್ನ್ ತುಮ್ಕಾಂ ಸರ್ವಾಂಕ್ ಭಲಾಯ್ಕೆಭರಿತ್, ಶಾಂತಿ ಸಮಧಾನಾಚೆಂ ದೆವಾಚ್ಯಾ ಆಶೀರ್ವಾದಾಂನಿ ಭರ್ಲೆಲೆಂ ನವೆಂ ವರಸ್ 2023ಮಾಗ್ತಾಂ.
ನತಾಲಾಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಹಾತಾಕ್ ಹಾತ್ ದೀವ್ನ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ದೇವ್ ಬರೆಂ ಕರುಂ.
ಜನೆರಾಚ್ಯಾ 29 ತಾರಿಕೆರ್ ಆಯ್ತಾರಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ಫೆಸ್ತಾಕ್ ಫಿರ್ಜೆಂತ್ ರಾವುಂಕ್ ಆನಿ ಮುರ್ದೊಮ್ ದಿಂವ್ಕ್ ಬರೆಂ ಮನ್ ದಾಕಂವ್ಚೆ. ಫೆಸ್ತಾ ದಿಸಾ ಸಕಾಳಿಂ 9.45ವೊರಾರ್ ಮಾನಾಚ್ಯೊ ವಾತಿ ವಾಂಟ್ತೆಲ್ಯಾಂವ್ ಆನಿ 10ವೊರಾರ್ ಸಂಭ್ರಮಿಕ್ ಮೀಸ್ ಬಲಿದಾನ್. ತ್ಯಾ ದೀಸ್ ಸಾಂಜೆರ್ ವೆದಿ ಕಾರ್ಯೆಂ ಆನಿ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ
ಸಗ್ಳೊ ಹಫ್ತೋ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪೋರ್ವಾ0 ಆಯ್ತಾರಾ ಸಕಾಳಿಂಚಾ ಮಿಸಾಕ್ ICYM ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಆಟ್ವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಲಿತುರ್ಜಿ ಆನಿ ಪಾಂಚ್ವ್ಯಾ ಕ್ಲಾಸಿಚಾ ಭುಗ್ರ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾಮಧೆಂ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಲಿರ್ತುಜೆಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಸಿರಿಲ್ ಸ್ಟೆಲ್ಲಾ ಕುಟಾಮ್ 500/-
ಜನವರಿ ಮಹಿನ್ಯಾಂತ್ ಖಾಲಿ ಅಸ್‍ಲ್ಲ್ಯಾ ದಿಸಾ ಮಿಸಾಂಚಿ ತೆಸಾಂವಾಂ ದೀಂವ್ಕ್ ಆವ್ಕಾಸ್ ಆಸಾ. ಫಿರ್ಗಜ್ ಧಪ್ತರಾಕ್ ಯೇವ್ಕ್ ಮಿಸಾ ದೀಂವ್ಕ್ ವಿನಂತಿ.
ಫೆಸ್ತಾಕ್ ತಯಾರಾಯ್ ಜಾವ್ನ್ ಯೆಂವ್ಚ್ಯಾ ಜನೆರ್ 8 ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಫಿ.ಗೊ.ಪರಿಷದ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಕ್ ವಿನಂತಿ.
ಕ್ರಿಸ್ಮಸ್ ಟ್ರೀ ಸ್ಪಧ್ರ್ಯಾಂತ್ ಪಯ್ಲೆಂ ಸ್ಥಾನ್: ವಲೇರಿಯನ್ ಮೊನಿಸ್, ಸಾಂ ಜುಜೆ ವಾಡೊ, ದುಸ್ರೆಂ ಸ್ಥಾನ್: ಮೆಲ್ರಿಶ್ ಪಿಂಟೊ-ಸಾಂ ಅಂತೊನ್ ವಾಡೊ, ತಿಸ್ರೆಂ ಸ್ಥಾನ್: ನಿರ್ಮಲಾ ಬ್ರಾಗ್ಸ್, ಕಾರ್ಮೆಲ್ ವಾಡೊ
ನತಾಲ್ ನೆಕೆತ್ರ್ ಸ್ಪಧ್ರ್ಯಾಂತ್: ಪಯ್ಲೆಂ ಸ್ಥಾನ್: ಮೆಲ್ರಿಶ್ ಪಿಂಟೊ; ದುಸ್ರೆಂ ಸ್ಥಾನ್: ಪ್ರೀತಲ್ ಪಿಂಟೊ, ಕಾರ್ಮೆಲ್ ವಾಡೊ; ತಿಸ್ರೆಂ ಸ್ಥಾನ್: ಸುನಿಲ್ ಸಾಮುವೆಲ್, ವೆಲಂಕಣಿ ವಾಡೊ. ತುಮ್ಕಾಂ ಅಭಿನಂದನ್.
ತಶೆಂಚ್ ದೊನೀ ಸ್ಪಧ್ರ್ಯಾಂನಿ ಭಾಗ್ ಘೆತ್‍ಲ್ಲ್ಯಾ ಸರ್ವಾಂಕ್ ಇನಾಮಾಂ ಆಸ್ತೆಲಿಂ. ಇನಾಮಾಂ ಫಿರ್ಗಜ್ ಫೆಸ್ತಾ ದಿಸಾ ದಿತೆಲ್ಯಾಂವ್.
ಬಾಳೊಕ್ ಜೆಜುಚಿ ವಾರ್ಶಿಕ್ ದಬಾಜಿಕ್ ಪರಬ್ ಜನೆರಾಚ್ಯಾ 14, 15 ತಾರಿಕೆರ್ ಆಸ್ತೆಲಿ. ಫೆಸ್ತಾಕ್ ತಯಾರಾಯ್ ಜಾವ್ನ್ ಜನೆರ್ 5 ತಾರಿಕೆರ್ ನೊವೆನಾಂ ಪ್ರಾರಂಭ್ ಜಾತಾತ್. ಜನೆರಾಚ್ಯಾ 4 ತಾರಿಕೆರ್ ಸೊಮಾರಾ ಸಾಂಜೆರ್ 4.00ವೊರಾರ್ ವ್ಹೊಜಾಂಚೊ ಪುಶ್ರ್ಯಾಂವ್ ಉಪ್ರಾಂತ್ ಬಾವ್ಟೊ ಉಬೊಂವ್ಚಿ ರೀತ್ ಆಸ್ತೆಲಿ.
ನೊವೆನಾಂಚಾ ದಿಸಾಂನಿ ಭಕ್ತಿಕಾಂಕ್ ದೊನ್ಪರಾಂ ಜೆವಾಣ್ ಆಸ್ಲ್ಯಾನ್ ವ್ಹೊಜಾಂಚಾ ಪುಶ್ರ್ಯಾಂವಾಂಕ್ ಖಾಣಾಂ ವೊರ್ವಿ ದಿತೆಲ್ಯಾಂನಿ ಮಂಗ್ಳಾರಾ ಸಾಂಜೆರ್ ವಾ ಬುದ್ವಾರಾ ಸಕಾಳಿಂ ಭಿತರ್ ಫಿರ್ಗಜೆಕ್ ಪಾವಿತ್ ಕರುಂಕ್ ವಿನಂತಿ.
ಫಾಲ್ಯಾಂ ಜನೆರೆಚಿ 1 ತಾರಿಕ್ ಸಕಾಳಿಂ 6.30ವೊರಾರ್ ಆನಿ 8ವೊರಾರ್ ಮೀಸ್ ಆಸ್ತೆಲೆಂ. ಸಾಂಜೆರ್ ಆರಾಧಾನ್ ಆಸ್ಚೆಂ ನಾ.
ಯೆಂವ್ಚ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸ್ತೆಲಿ.
ಜನೆರ್ 2 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಜನೆರೆಚಾ 2ತಾರಿಕೆರ್ ಸೊಮಾರಾ ಆಮ್ಚಿ ಫಿರ್ಗಜ್ ಉಗ್ತಾವಣ್ ಜಾವ್ನ್ 8 ವರ್ಸಾಂ ಸಂಪ್ತಾತ್. ಆಮಿ ನವ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ, ಬಾಳ್‍ಮರಿಯೆ ಮುಖಾಂತ್ರ್ ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ಆರ್ಗಾಂ ಬಲಿದಾನಾಂತ್ ಭಾಗ್ ಘೆವ್ನ್ ಆರ್ಗಾಂ ಪಾಟೊಂವ್ಚಿಂ.
ಯೆಂವ್ಚ್ಯಾ ಆಯ್ತಾರಾ ಜನೆರ್ 8 ತಾರಿಕೆರ್ ಆಯ್ತಾರಾ ದಿಯೆಸೆಜಿಚೊ ಎವ್ಕರಿಸ್ತಿಕ್ ಪುಶ್ರ್ಯಾಂವ್. ಸಾಂಜೆರ್ 3.30ವೊರಾರ್ ಮೀಸ್ ಉಪ್ರಾಂತ್ ಪುಶ್ರ್ಯಾಂವ್. ತ್ಯಾ ದಿಸಾ ಖಂಚ್ಚಿಚ್ ಕಾರ್ಯಕ್ರಮಾ ದವರಿನಾಸ್ತಾಂ ಸರ್ವಾಂನಿ ಹ್ಯಾ ಪುಶ್ರ್ಯಾವಾಂಕ್ ಹಾಜರ್ ಜಾಂವ್ಕ್ ವಿನಂತಿ.