ಲೂಡ್ರ್ಸ್ ವಾಡ್ಯಾಚೆಂ ಫೆಸ್ತ್.
ಸಗ್ಳೊ ಹಫ್ತೋ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ಸಾಂ. ಜುಜೆ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ಲ್ಹಾನ್ ಕ್ರಿಸ್ತಿ ಸಮುದಾಯ್ ಆಯೋಗಾಚ್ಯಾ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಎಸ್ ಭುರ್ಗ್ಯಾಂನಿ ದೇವ್ ಸ್ತುತಿ ಆನಿ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾಮಧೆಂ ಸಾಂ. ಕಾರ್ಮೆಲ್ ವಾಡ್ಯಾಗಾರಾಂನಿ ದೇವ್‍ಸ್ತುತೆಚೆ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 18 ತಾರಿಕೆರ್ ತಾರಿಕೆರ್ ಸನ್ವರಾ ಸಾಂ ಕುರಿಯಕೋಸ್ ಎಲಯಾಸ್ ಚಾವರಾ ಹಾಚೆಂ ಸ್ಮರಣ್.
ಫಾಲ್ಯಾಂ ಸಾಂಜೆರ್ 7ವೊರಾರ್ ಪವಿತ್ರ್‍ಸಭೆಚೆ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ. ಪ್ರತ್ಯೇಕ್ ರಿತಿನ್ ಪರೀಕ್ಷೆಕ್ ತಯಾರಾಯ್ ಕರ್ಚ್ಯಾ ಭುಗ್ರ್ಯಾಂ ಪಾಸತ್ ತಶೆಂಚ್ ಭುಂಯ್‍ಕಾಂಪ್ಣಿ ವರ್ವಿಂ ಕಷ್ಟಾಕ್ ಒಳಗ್ ಜಾಲ್ಲ್ಯಾ ಟರ್ಕಿ ಆನಿ ಸಿರಿಯಾಚ್ಯಾ ಲೊಕಾ ಪಾಸತ್ ಮಾಗ್ಣೆಂ ಆಸ್ತೆಲೆಂ.
ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್ ಘರಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ಯೊ ಆಸಾತ್. ಸಾತ್ ಮೆಟಾಂಚೆಂ ವಿಧಾನ್ ಜಾತಾಚ್ಚ್ ಹ್ಯಾ ಹಪ್ತ್ಯಾಂತ್ ರಾಕ್ಣ್ಯಾಕ್ ಕುಟ್ಮಾವಿಶಿಂ ಬಿಸ್ಪಾನ್ ದಿಲ್ಲೆಂ ಪರಿಪತ್ರ್ ಜಮಾತೆಂತ್ ವಾಚುನ್ ವಾಡ್ಯಾಂತ್ ಸೆವೆಚಿ ಕಾರ್ಯಿಂ ಮಾಂಡುನ್ ಹಾಡುಂಕ್ ಭಾಸಾಭಾಸ್ ಚಲಂವ್ಚಿಂ.
ಆಜ್/ಫಾಲ್ಯಾಂ ವಾಡ್ಯಾ ಜಮಾತ್:
ಲೂಡ್ರ್ಸ್ ವಾಡೊ: ಎವ್ಜಿನ್ ಫೆರ್ನಾಂಡಿಸ್‍ಚ್ಯಾ ಘರಾ ಸಾಂಜೆರ್ 5.00 ವೊರಾರ್.
ಅವಿಲಾ ವಾಡೊ: ಎಲಿಜಬೆತ್ ಪಿರೇರಾಚ್ಯಾ ಘರಾ ಸಾಂಜೆರ್ 4.30 ವೊರಾರ್.
ಬಾಳೊಕ್‍ಜೆಜು ವಾಡೊ: ಗ್ರಿಪ್ಪನ್ ಜೆಸಿಂತಾಚ್ಯಾ ಘರಾ ಸಾಂಜೆರ್ 4.30 ವೊರಾರ್.
ಕಾರ್ಮೆಲ್ ವಾಡೊ: ಎವ್ಜಿನ್ ನಿರ್ಮಲಾ ಡಿಕುನ್ಹಾಚ್ಯಾ ಘರಾ ಸಾಂಜೆರ್ 4.00 ವೊರಾರ್.
ಆಜ್/ಫಾಲ್ಯಾ: ಆಯ್ತಾರಾ ಪೆಬ್ರುವರಿ 12 ತಾರಿಕೆರ್ ಸಕಾಳಿಂ 10ವೊರಾರ್ ನವ್ಯಾ ಗೊವ್ಳಿಕ್ ಪರಿಷದ್ ಸಾಂದ್ಯಾಂಕ್ ತರ್ಭೆತಿ ಆಸ್ತೆಲಿ. ಬಾಪ್ ಜೋಕಿಮ್ ಫೆರ್ನಾಂಡಿಸ್ ಹಿ ತರ್ಭೆತಿ ಚಲವ್ನ್ ವ್ಹರ್ತೆಲೆ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾ ಹಾಜರ್ ಜಾಂವ್ಕ್ ವಿನಂತಿ.
ಆಜ್/ಫಾಲ್ಯಾ: ಆಯ್ತಾರಾ ಪೆಬ್ರುವರಿ 12 ತಾರಿಕೆರ್ ಭುಗ್ರ್ಯಾಂಚ್ಯಾ ಮಿಸಾ ವೆಳಾರ್ ಮಿಶನರಿ ಭುಗ್ರ್ಯಾಂಚ್ಯಾ ಮೆಳಾಚೊ ದೀಸ್ ಆಚರಣ್ ಕರ್ತಾಂವ್.
ಪೆಬ್ರುವರಿ 19 ತಾರಿಕೆರ್ ಆಯ್ತಾರಾ ಸಕಾಳಿಂ ದೊತೊರ್ನಿಚಾ ಕ್ಲಾಸಿ ವೆಳಾರ್ ಸಾಂಗಾತಾ ಕ್ವಿಜ್ ಆಸಾ ಕರ್ತಾಂವ್ ಜಾಲ್ಲ್ಯಾನ್ ಭುಗ್ರ್ಯಾಂನಿ ಜೊಕ್ತಿ ತಯಾರಾಯ್ ಕರುಂಕ್ ವಿನಂತಿ.
ಪೆಬ್ರವರಿ 26 ತಾರಿಕೆರ್ ಆಯ್ತಾರಾ ಸಕಾಳಿಂ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂಕ್ ಅಧ್ರ್ಯಾ ದಿಸಾಚಿ ರೆತಿರ್ ಆಸಾ ಕೆಲ್ಯಾ.
ಫೆಬ್ರುವರಿ 26 ತಾರಿಕೆರ್ ಆಯ್ತಾರಾ ಭುಗ್ರ್ಯಾಂಕ್ ದೊತೊರ್ನಿಚಿ ನಿಮಾಣಿ ಪರೀಕ್ಷಾ ಆಸ್ತೆಲಿ. ತಶೆಂಚ್ ಮಾರ್ಚಾಚಾ 5 ತಾರಿಕೆರ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್. ಕ್ಲಾಸಿಚಾ ಭುಗ್ರ್ಯಾಂಕ್ ತ್ಯಾ ದಿಸಾಚಿ ಜವಬ್ದಾರಿ ಯೆದೊಳ್‍ಚ್ಚ್ ವಾಂಟುನ್ ದಿಲ್ಯಾ. ಭುಗ್ರ್ಯಾಂನಿ ಜೊಕ್ತಿ ತಯಾರಾಕ್ ಕರುಂಕ್ ವಿನಂತಿ.
ಆಜ್/ಫಾಲ್ಯಾ: ಆಯ್ತಾರಾ ಫೆಬ್ರೆರ್ 12 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಹ್ಯಾ ವರ್ಸಾಂ ಪಯ್ಲೊ ಕುಮ್ಗಾರ್ ಸ್ವೀಕಾರ್ ಕರ್ಚ್ಯಾ ಭುರ್ಗ್ಯಾಂಕ್ ತಶೆಂಚ್ ತಾಂಚಾ ವ್ಹಡಿಲಾಂಚಿ ಜಮಾತ್ ಆಸ್ತೆಲಿ. ಭುಗ್ರ್ಯಾಂನಿ ತಶೆಂಚ್ ವ್ಹಡಿಲಾಂನಿ ಹಾಜರ್ ಜಾಂವ್ಚೆಂ.
ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕ್ ಆಯೋಗಾನ್ ಫೆಬ್ರೆರ್ 12ವೆರ್ ಆಯ್ತಾರಾ ಸಾಂಜೆರ್ 8 ಥಾವ್ನ್ 8.30 ಪರ್ಯಾಂತ್, ಕೇವಲ್ ಲೂಕಾಚ್ಯೆ ಸುವಾರ್ತೆಚೆರ್, ಕೊಂಕ್ಣಿ ಅನಿ ಇಂಗ್ಲಿಷ್ ಭಾಶೆಂತ್, ಒನ್‍ಲೈನ್-ಬೈಬಲ್ ಕ್ವಿಜ್ ಮಾಂಡುನ್ ಹಾಡ್ಲಾಂ. ತುಮಿ ಲುಕಾಚೊ ವಾಂಜೆರ್ ವಾಚುನ್ ಹ್ಯಾ ಕ್ವಿಜಾಂತ್ ವಾಂಟೊ ಘೆಂವ್ಚೊ. ಒನ್‍ಲೈನ್ ಕ್ವಿಜ್ ಲಿಂಕ್ ನೋಟಿಸ್ ಬೋರ್ಡಾರ್ ಪಳೆಂವ್ಚೆಂ.
ಪವಿತ್ರ್ ಪುಸ್ತಕಾಚೊ ಆಯೋಗ್ ಹ್ಯಾಚ್ ಮಾರ್ಚ್ ಮಹಿನ್ಯಾಚಾ 5, 12, 19 ಆನಿ 26 ವೆರ್ ಕರೆಜ್ಮಾಚ್ಯಾ ಚಾರ್ ಆಯ್ತಾರಾಂನಿ ಸಾಂಜೆರ್ 3 ಥಾವ್ನ್ 6 ವೊರಾಂ ಪರ್ಯಾಂತ್ “ಪವಿತ್ರ್ ಪುಸ್ತಕಾಚೆಂ ಕ್ರಿಸ್ತ್‍ಶಾಸ್ತ್ರ್” ಮ್ಹಳ್ಯಾ ವಿಷಯಾಚೆರ್, ಮಂಗಳ ಜ್ಯೋತಿ-ಗೊವ್ಳಿಕ್ ಕೇಂದ್ರ್ ಬಜ್ಜೋಡಿ ಮಂಗ್ಳುರ್ ಹಾಂಗಸರ್ ಬೈಬಲ್ ಕ್ಲಾಸಿ ಆಸಾ ಕರ್ತಾ. ಕರೆಜ್ಮಾಂತ್ ಜೆಜು ಕ್ರಿಸ್ತಾಚೊ ಮಿಸ್ತೆರ್ ನಿಯಾಳುಂಕ್, ಆನಿ ಜೆಜು ಕ್ರಿಸ್ತಾವಿಶಿಂ ಗುಂಡಾಯೆನ್ ಸಮ್ಜುಂಕ್ ಹ್ಯೊ ಕ್ಲಾಸಿ ಉಪ್ಕಾರ್ತಲ್ಯೊ. ಜಾತಾ ತಿತ್ಲ್ಯಾ ಜಣಾಂನಿ ಹ್ಯಾ ಕ್ಲಾಸಿಂನಿ ವಾಂಟೊ ಘೆಂವ್ಕ್ ಉಲೊ ದಿತಾಂವ್. ಚಡಿತ್ ವಿವರ್ ನೋಟಿಸ್ ಬೊರ್ಡಾರ್ ಆಸಾ.
ಹ್ಯಾ ವರ್ಸಾ ಫುಡಾರ್ ಪ್ರತಿಷ್ಟಾನ್ ಪುರಸ್ಕಾರ್-2023 ಕಾರ್ಯೆಂ ಉಡುಪಿ ಆನಿ ಮಂಗ್ಳುರಾಂತ್ ಆಸಾ ಕೆಲಾಂ. 2022 ವರ್ಸಾಚಾ ಪಬ್ಲಿಕ್ ಪರೀಕ್ಷೆಂತ್, ಪಿಯುಸಿಂತ್ ತಶೆಂಚ್ ಖಂಚ್ಯಾಯ್ ಡಿಪ್ಲೊಮಾ ಆನಿ ಸ್ಮಾತಕೋತ್ತರ್ ಹಾಂತುನ್ ರ್ಯಾಂಕಾ ಆಪ್ಣಾಯ್ಲ್ಯಾಂನಿ ತಾಂಚಿಂ ನಾಂವಾಂ ಸರ್ಟಿಪಿಕೆಟಿಸವೆಂ ಫಿರ್ಗಜ್ ಧಪ್ತರಾಕ್ ದೀಂವ್ಕ್ ವಿನಂತಿ.
ಫೆಬ್ರವರಿ 22ತಾರಿಕೆರ್ ಸಿಂಜಿಚೊ ಬುದ್ವಾರ್. ಜಿಂಜ್ವಾರಾಚೊ ಕಾಯ್ದೊ ಪಾಳ್ಚೊ. ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಸಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್. ಕರೆಜ್ಮಾಚ್ಯಾ ದಿಸಾಂನಿ ಹರ್ಯೇಕಾ ಸುಕ್ರಾರಾ 5.30ವೊರಾರ್, ಸನ್ವಾರಾ 5 ವೊರಾರ್ ಆನಿ ಆನಿ ಆಯ್ತಾರಾ 9 ವೊರಾರ್ ಖುರ್ಸಾವಾಟ್ ಆಸ್ತೆಲಿ. ದೇವ್‍ಸ್ತುತಿ ಆಯೋಗಾಚಾ ಮುಕೇಲ್ಪಣಾಖಾಲ್ ಜವಾಬ್ದಾರಿ ಘೆತ್‍ಲ್ಲ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ.
ಕರೆಜ್ಮಾಂತ್ ಮ್ಹಣ್ಜೆ ಪೆಬ್ರುವರಿ 27ತಾರಿಕೆ ಥಾವ್ನ್ ಫಿರ್ಗಜೆಂತ್ ರಿಜಿಸ್ಟಾರ್ ಕೆಲ್ಲ್ಯಾ ಕುಟ್ಮಾಚಿಂ ಘರ್ ಬೆಜ್ಮೆಂತಾ ಪ್ರಾರಂಭ್ ಕರ್ತಾಂವ್. ಗುರ್ಕಾರ್/ರ್ನಿನ್ ವಿಗಾರಾಕ್ ಮೆಳೊನ್ ದೀಸ್ ಆನಿ ವೇಳ್ ನಿರ್ಧಾರ್ ಕರ್ಚೊ ಆನಿ ವಾಡ್ಯಾಂತ್ಲ್ಯಾ ಕುಟ್ಮಾಕ್ ವೆಳಾರ್ ತಿಳ್ಸುಂಚೆಂ. ಆದ್ಲ್ಯಾ ವರ್ಸಾಚೊ ಅನ್ವಲ್ ಕಾಯ್ದೊ, Church Maintenance ಚೊ ಐವಜ್ ಬಾಕಿ ಆಸ್‍ಲ್ಲ್ಯಾಂನಿ ಫಿರ್ಗಜ್ ಧಫ್ತರಾಕ್ ಹಾಡ್ನ್ ದೀಂವ್ಕ್ ವಿನಂತಿ.
(ಆಯ್ತಾರಾ 9.10ವೊರಾಚಾ ಮಿಸಾ: ದೇವ್‍ಸ್ತುತಿ-ಚೊವ್ತಿ ಕ್ಲಾಸ್; ವೆದಿ ಸೆವಾ-ಸಾತ್ವಿ ಕ್ಲಾಸ್)