ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 28: ನಿರಾಪ್ರಾದಿ ಬಾಳ್ಕಾಂ, ರಗ್ತ್‍ಸಾಕ್ಶಿ, ಜನವರಿ 1: ಮರಿ, ದೆವಾಚಿ ಮಾತಾ, ಜನವರಿ 2: ಸಾಂ. ಬಾಜಿಲ್ ವರ್ತೊ, ಜನವರಿ 3: ಸೊಮ್ಯಾಚಿ ಆಪ್ ಪರ್ಗಟ್ಣಿ
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಸಾಂ .ವಿಶೆಂತ್ ಪಾವ್ಲ್ ಸಭೆಚಾ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ನಾಗರಿಕ್ ಸಮಿತಿ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಸೊಮಾರಾ ಬಾಳ್ಕಾಂಚೆ ಫೆಸ್ತ್ ಜಾಲ್ಲ್ಯಾನ್. ಬಾಳ್ಕಾಂಚೆರ್, ಭುರ್ಗ್ಯಾಂಚೆರ್ ವಿಶೇಷ್ ಮಾಗ್ಣೆಂ ಆನಿಂ ಆಶೀವಾರ್ದ್ ಆಸ್ತೆಲೆಂ. ಭುರ್ಗ್ಯಾಂನಿ ಹ್ಯಾ ಮಿಸಾಕ್ ಹಾಜರ್ ಜಾಂವ್ಕ್ ವಿನಂತಿ.
ಸಾಂಜೆರ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.
ಡಿಸೆಂಬರ್ 31ತಾರಿಕೆರ್ ಬ್ರೇಸ್ತಾರಾ ಸಾಂಜೆರ್ 7 ಥಾವ್ನ್ 8ವೊರಾಂ ಪರ್ಯಾಂತ್ ಪವಿತ್ರ್ ಎವ್ಕರಿಸ್ತಾಚೆಂ ಆರಾಧಾನ್, ಉಪ್ರಾಂತ್ ಸಂಭ್ರಮಿಕ್ ಮೀಸ್ ಆಸ್ತಲೆಂ. ಸರ್ವಾಂನಿ ಆರಾಧಾನಾಂತ್ ತಶೆಂಚ್ ಮಿಸಾಚ್ಯಾ ಬಲಿದಾನಾಂತ್ ವಾಂಟೊ ಘೆವ್ನ್, ಹ್ಯಾ ವರ್ಸಾ ದೆವಾನ್ ಕೆಲ್ಲ್ಯಾ ಸರ್ವ್ ಉಪ್ಕಾರಾಂಕ್ ಅರ್ಗಾಂ ದಿಂವ್ಚೆಂ. ದೇವ್ ಸ್ತುತೆಚಿ ಮಾಂಡಾವಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ, ತ್ಯಾ ಪರ್ಮಾಣೆಂ ಚಲವ್ನ್ ವರ್ಚಿ. ಜನವರಿ 1 ತಾರಿಕೆರ್ ಸುಕ್ರಾರಾ ಸಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.
ಮೊಗಾಚ್ಯಾಂನೊ ಹ್ಯಾ ಜನೆರೆಚಾ 2ತಾರಿಕೆರ್ ಆಮ್ಚಿ ಫಿರ್ಗಜ್ ಉಗ್ತಾವಣ್ ಜಾವ್ನ್ ಸ ವರ್ಸಾಂ ಸಂಪ್ತಾತ್. ಆಮಿ ಸಾತ್ವ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ, ಬಾಳ್‍ಮರಿಯೆ ಮುಖಾಂತ್ರ್ ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ಆರ್ಗಾಂ ದೀಂವ್ಕ್ ಫಾವೊ. ತ್ಯಾ ದೀಸ್ ಸಾಂಜೆರ್ ಫಿರ್ಗಜ್‍ಗಾರಾಂನಿ ಹ್ಯಾ ಧಿನ್ವಾಸ್ಣೆಚಾ ಬಲಿದಾನಾಂತ್ ವಾಂಟೊ ಘೆಂವ್ಕ್ ವಿನಂತಿ ಕರ್ತಾ.
ಜನೆರ್ 4 ತಾರಿಕ್ ಸೊಮಾರಾ ಥಾವ್ನ್ ಸಾಂಜೆಚಿ ನೊವೆನಾಂಚಿ ಮಾಗ್ಣಿಂ ಪ್ರಾರಂಭ್ ಕರ್ತೆಲ್ಯಾಂವ್.
7.00ಮಿಸಾಕ್ (ದೆವಾಚ್ಯಾ ಕುರ್ಪೆನ್ ಕಾಜಾರ್ ಜಾತಾತ್)
ಜೋಯ್ಲಿನ್ ಜೆವಿಟ ಡಿಸೋಜಾ, ಧು ಜೋಸೆಫ್ ಡಿಸೋಜಾ ಆನಿ ಲೀನಾ ಡಿಸೋಜಾ ಹಾಂಚಿ, ಸಾಂ.ಜುಜೆ ವಾಡೊ, ಬಾಳ್ ಮರಿಯೆಚಿ ಫಿರ್ಗಜ್, ಬಜ್ಜೋಡಿಚಿಂ, ನಿತೇಶ್ ವಿಲ್ಸನ್ ಪಿಂಟೊಲಾಗಿಂ, ಪೂತ್ ಪಾವ್ಲ್ ಪಿಂಟೊ ಆನಿ ವೈಲೆಟ್ ಪಿಂಟೊ ಹಾಂಚೊ, ಬೊಂದೆಲ್, ಸಾಂ.ಲೊರೆನ್ಸ್ ಫಿರ್ಗಜೆಚೊ. ಹಿ ತಿಸ್ರಿ ಚೀಟ್.
ರೇಶ್ಮ ಸೋನಿಯಾ ಫೆರ್ನಾಂಡಿಸ್, ಧು ರೆಮಿ ಫೆರ್ನಾಂಡಿಸ್ ಆನಿ ಶಾಲೆಟ್ ಫೆರ್ನಾಂಡಿಸ್ ಹಾಂಚಿ, ಬಾಳ್ ಮರಿ ವಾಡೊ, ಬಾಳ್ ಮರಿಯೆಚಿ ಫಿರ್ಗಜ್, ಬಜ್ಜೋಡಿಚಿಂ, ಜೇಸನ್ ನೀಲಸ್ ಡಿಸೋಜಾಲಾಗಿಂ, ಪೂತ್ ಜಾನ್ ಮ್ಯಾಕ್ಶಿಮ್ ಡಿಸೋಜ ಆನಿ ಸಿಸಿಲ್ ಫೆರ್ನಾಂಡಿಸ್ ಹಾಂಚೊ, ಮೊಡಂಕಾಪ್, ಬಾಳೊಕ್ ಜೆಜುಚ್ಯಾ ಫಿರ್ಗಜೆಚೊ. ಹಿ ಪಯ್ಲ್ರಿ ಚೀಟ್.
ಹಾಂಚ್ಯೆ ಮಧೆಂ ಕಾಜಾರಾಕ್ ಆಡ್ಕಳ್ ಆಸಾ ತರ್ ಇಗರ್ಜ್ ಮಾತೆಚ್ಯಾ ವ್ಹಡಿಲಾಂಕ್ ಕಳಂವ್ಚೊ ತುಮ್ಚೊ ಕಾಯ್ದೊ.