ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 08: ಭಾಗೆವಂತ್ ಅಂಕ್ವಾರ್ ಮರಿಯೆಚೊ ನಿಷ್ಕಳಂಕ್ ಗರ್ಭ್ ಸಂಭವ್
ಸಗ್ಳೊ ಹಫ್ತೋ ದೇವ್ ಸ್ತುತಿ ಚಲವ್ನ್ ವ್ಹೆಲ್ಲ್ಯಾ ತಶೆಂಚ್ ಸ್ವಯಂಸೇವಕ್ ಜಾವ್ನ್ ಮಿಸಾಚಿ ಶಿಸ್ತ್ ಪಾಳ್‍ಲ್ಲ್ಯಾ ಲೂಡ್ರ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಸೊಮಾರಾ ಥಾವ್ನ್ ಸನ್ವಾರಾ ಪರ್ಯಾಂತ್ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಪಯ್ಲ್ಯಾ ಮಿಸಾಕ್ ಮಾಧ್ಯಮ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಯಸ್ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಡಿಸೆಂಬರ್ 7 ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರ್ ಕರ್ಚಿ.
ಭುರ್ಗ್ಯಾಂಕ್ ದೊತೊರ್ನಿಚಿ ಪರೀಕ್ಷಾ ಬರೊಂವ್ಕ್ ಪೆÇ್ರೀತ್ಸಾಹ್ ದಿಲ್ಲ್ಯಾ ವ್ಹಡಿಲಾಂಕ್ ದೇವ್ ಬರೆಂ ಕರುಂ. ಪರೀಕ್ಶಾ ಚಲೊವ್ನ್ ವೆಲ್ಲ್ಯಾ ಸಂಯೋಜಕಿ ಸ್ಟೆಲ್ಲಾ ಡಿಸೋಜಾ ಅನಿ ಸರ್ವ್ ಶಿಕ್ಷಕಾಂಚೊ ಉಪ್ಕಾರ್ ಭಾವುಡ್ತಾಂವ್. ಪರೀಕ್ಷಾ ಬರಯ್ನಾತ್ಲ್ಯಾ ಭುರ್ಗ್ಯಾಂನಿ ವೆಗ್ಗಿಂಚ್ ಪರೀಕ್ಷಾ ಬರೊಂವ್ಕ್ ವಿನಂತಿ. ದುಸ್ರ್ಯಾ ಸೆಮಸ್ಟರಾಚ್ಯಾ ಪರೀಕ್ಷಾ ಸವೆಂ ಪಯ್ಲ್ಯಾ ಸೆಮಸ್ಟರಾಚೆಂ ಫಲಿತಾಂಶ್ ಸಾಂಗಾತಾ ದಿತೆಲ್ಯಾಂವ್.
ವಾಡ್ಯಾವಾರ್ ಬ್ಯಾಡ್‍ಮಿಂಟನ್ ಟೂರ್ನಮೆಂಟ್ ಬರ್ಯಾನ್ ಜಾಲಾಂ, ಭಾಗ್ ಘೆತ್‍ಲ್ಲ್ಯಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂವ್. ಇನಾಮಾಂ ಅಪ್ಣಾಯ್ಲ್ಯಾಂಕ್ ಶಾಬಾಸ್ಕಿ ಪಾಟಯ್ತಾಂವ್ ಆನಿ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಧಿನ್ವಾಸ್. ಜಾಲ್ಲೊ ಖರ್ಚ್ 25,175/-
ಹ್ಯಾ ವರ್ಸಾ ಕ್ರಿಸ್ಮಸಾವೆಳಾರ್ ದೋನ್ ಸ್ಪರ್ಧೆ ಆಸಾ ಕೆಲ್ಯಾತ್. ನತಾಲ್ ನೆಕೆತ್ರ್ ಸ್ಪರ್ಧೊ ಆನಿ ಕ್ರಿಸ್ಮಸ್ ಟ್ರೀ ಸ್ಪರ್ಧೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರೀಕ್ ಡಿಸೆಂಬರ್-15
ಡಿಸೆಂಬರ್ ಮಹಿನ್ಯಾಚಾ 7 ತಾರಿಕೆ ಸೊಮಾರಾ ಸಾಂಜೆರ್ 6.30ವೊರಾಂ ಥಾವ್ನ್ ಘರಾಂನಿ ಯಾಜಕಾಂಚಿ ಭೆಟ್ ಆಸ್ತೆಲಿ. ಕುಟ್ಮಾ ಸಾಂಗಾತಾ ಮಾಗ್ಣೆಂ, ಗಿತಾಂ, ಜೆಜು ಬಾಳ್ಕಾಚೆಂ ಆಶೀರ್ವಾದ್ ಕುಟ್ಮಾಂಚೆರ್ ಮಾಗ್ತೆಲ್ಯಾಂವ್. ಸೊಮಾರಾ ಬಾಳೊಕ್ ಜೆಜು ಆನಿ ಅವಿಲಾ ವಾಡೊ; ಮಂಗ್ಳಾರಾ ಸಾಂ ಜುಜೆ ಆನಿ ಪವಿತ್ರ್ ಕಾಳಿಜ್ ವಾಡೊ, ಸುಕ್ರಾರಾ ಸಾಂ ಅಂತೊನ್ ಆನಿ ಲೂಡ್ರ್ಸ್ ವಾಡೊ. ಗುರ್ಕಾರ್/ರ್ನ್, ಪ್ರತಿನಿಧಿ, ಗಾಯಾನ್ ಮಂಡಳಿಚಾ ಸಾಂದ್ಯಾಂನಿ ಸಾಂಗಾತ್ ದಿಂವ್ಚೊ. ಖುಶೆಚಿ ಕಾಣಿಕ್ ದಿವ್ಯೆತ್ ತಿ ಆಮಿ ಎಸ್‍ವಿಪಿ ಮುಖಾಂತ್ರ್ ಗರ್ಜೆವಂತ್ ಕುಟ್ಮಾಕ್ ದಿತೆಲ್ಯಾಂವ್.
ಆಯ್ತಾರಾ ಥಾವ್ನ್ ಹರ್ಯೆಕಾ ಆಯ್ತಾರಾ ಸಾಂಜೆರ್ 7 ಥಾವ್ನ್ 7.30ವೊರಾಂ ಪರ್ಯಾಂತ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸ್ತೆಲೆಂ.
ನತಲಾಂ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಸಾಂಜೆರ್ ಡಿಸೆಂಬರ್ 19 ತಾರಿಕೆರ್ ಸನ್ವಾರಾ ಸಾಂಜೆರ್ 3.45 ವೊರಾರ್ ತೇರ್ಸ್ ಮಟ್ವಿ ಶಿಕೊವ್ನ್, ಕುಮ್ಸಾರಾಂ ಆನಿ ಅರಾಧಾನ್ ಆನಿ ಮೀಸ್ ಆಸ್ತೆಲೆಂ. ಸರ್ವ್ ಫಿರ್ಗಜ್‍ಗಾರಾಂನಿ ಕ್ರಿಸ್ಮಸ್ ಫೆಸ್ತಾಕ್ ಆತ್ಮೀಕ್ ರಿತಿನ್ ತಯಾರ್ ಜಾಂವ್ಚೆಂ .
ನತಾಲಾಂ ಫೆಸ್ತಾಕ್ ಮುರ್ದೊಮ್ ದಿತಲ್ಯಾಂನಿ ಡಿಸೆಂಬರ್ 21ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
ಕ್ರಿಸ್ಮಸ್ ಫೆಸ್ತಾಕ್ ಸಂಬಂಧ್ ಜಾಲ್ಲ್ಯೊ ಜವಾಬ್ದಾರಿ, ಸ್ಫರ್ದೆ, ಹೆರ್ ವಿಷಯ್ ನೋಟಿಸ್ ಬೊರ್ಡಾರ್ ಘಾಲ್ಯಾತ್ ತ್ಯೊ ತುಮಿ ಪಳೆಂವ್ಕ್ ವಿನಂತಿ ತಶೆಂಚ್ ವಾಟ್ಸೆಪಾ ಮುಖಾಂತ್ರ್ ಆಮಿ ದಾಡ್ತೆಲ್ಯಾಂವ್.
ಡಿಸೆಂಬರ್ 13 ತಾರಿಕೆರ್ ಕಾರ್ಮೆಲ್ ಗುಡ್ಯಾರ್ ಸಾಂಜೆರ್ 5 ವೊರಾರ್ ಕ್ರಿಸ್ಮಸ್ ಕ್ಯಾರಲ್ಸ್ ಸ್ಪರ್ಧೊ ಆಸಾ ಕೆಲಾ. ಹೊ ಸ್ಫರ್ದೊ 20ವರ್ಸಾಂ ಭಿತರ್ಲ್ಯಾಂಕ್, 21ವರ್ಸಾಂ ವಯ್ಲ್ಯಾಂಕ್, ದಾರ್ಮಿಕಾಂಕ್ ಆನಿ ಅಂತರ್ ಫಿರ್ಗಜ್ ಆಶೆಂ 4 ವಿಭಾಗಾಂನಿ ಆಸ್ತಲೊ. ನಾಂವಾಂ ದೀಂವ್ಕ್ ಅಖ್ರೇಚಿ ತಾರಿಕ್ ಡಿಸೆಂಬರ್-8