ತಿಳ್ಸೊಣ್ಯೊ
- ಆಜ್ ಸಾದ್ಯಾ ಕಾಳಾಚೊ ಸತ್ತಾವಿಸಾವೊ ಆಯ್ತಾರ್. ಆಜ್ ಸನ್ವಾರಾ, ಆಂಕ್ವಾರ್ ಮರಿ, ರೊಜಾರ್ ಸಾಯ್ಭಿಣಿಚೆಂ ಫೆಸ್ತ್ . ಹ್ಯಾ ಹಫ್ತ್ಯಾಂತ್ ಬುದ್ವಾರಾ, ಪಾಪಾ ಬಾಗೆವಂತ್ ಜುವಾಂವ್ ತೆವಿಸಾವೊ; ಸನ್ವಾರಾ, ಸಾಂ. ಕಾಲಿಸ್ತ್ ಗೊವ್ಳಿ ಆನಿ ರಕ್ತ್ ಸಾಕ್ಷಿ , ಹಾಂಚಿ ಪರಬ್.
- ಫಾಲ್ಯಾ/ ಆಜ್ ಆಯ್ತಾರಾ, 9.15 ಭುರ್ಗ್ಯಾಂಚಾ ಮೀಸಾ ವೆಳಾರ್ ಬಜ್ಜೋಡಿ ಮರಿಯಾಳ್ ಲೀಜಾನ್ ಸಾಂದೆ ಹಿಂ ವಾರ್ಷಿಕ್ ದಿವಸ್ ಆಚರ್ಸಿತಾತ್. ತಾಂಚೆ ಖಾತಿರ್ ಆಮಿಂ ಮಾಗ್ಯಾಂ.
- ಮಿಷನರಿ ಫ್ಯಾಮಿಲೀಸ್ ಆಫ್ ಕೈೀಸ್ಟ್, ಮಂಗ್ಳುರ್ , ಯುವಜಣಾಂ ಪಾಸೊತ್ ತೀನ್ ದೀಸಾಚೆಂ ವಸ್ತಿ ಕ್ಯಾಂಪ್ ಮಾಂಡುನ್ ಹಾಡ್ತಾತ್. ಹೆಂ ಕ್ಯಾಂಪ್ St Aloysius School ಉರ್ವಾ ಲೇಡಿಹಿಲ್ಲ್ಯಾಂತ್ ಆಕ್ಟೋಬರ್ 21 ತಾರೀಕ್ ಸಾಂಜೆರ್ 4.30 ವರಾಂ ಥಾವ್ನ್ ಆಕ್ಟೋಬರ್ 23 ತಾರೀಕ್ ಸಾಂಜೆರ್ 5.30 ವರಾಂ ಪರ್ಯಾಂತ್ ಚಲ್ತಾಲೆಂ. ಹಾಂತುನ್ 13 ವರ್ಸಾಂ ಥಾವ್ನ್ಶ 20 ವರ್ಸಾಂ ಬಿತರ್ಲ್ಯಾ ಯುವಜಣಾಂಕ್ ಭಾಗ್ ಘೆಂವ್ಕ್ ಆವ್ಕಾಸ್ ಆಸಾ. ಚಡಿತ್ ವಿವರಾಕ್ ನೋಟೀಸ್ ಬೊರ್ಡ್ ಪಳೆಯಾ.
- ಆಕ್ಟೋಬರ್ 28 ತಾರೀಕೆರ್ ಪಕ್ಷಿಕೆರೆ ಸಾಂ. ಜೂದ್ ಪುಣ್ಯ್‍ಕ್ಷೇತ್ರಾಚೆಂ ಫೆಸ್ತ್. ಸಕಾಳಿಂ 10 ವರಾರ್ ಸಂಭ್ರಮಿಕ್ ಮೀಸ್. ಚಡಿತ್ ವಿವರಾಕ್ ನೋಟಿಸ್ ಬೊರ್ಡ್ ಪಳೆಯಾ.
- ಪಿ.ಪಿ.ಸಿ ಗೊವ್ಳಿಕ್ ಪರಿಷದೆಚಿ ಜಮಾತ್ ಫಾಲ್ಯಾ/ ಆಜ್ ಸಕಾಳಿಂಚ್ಯಾ 6.30 ವರಾಂಚ್ಯಾ ಮೀಸಾ ಉಪ್ರಾಂತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ.
- ಹ್ಯಾ ಆಯ್ತಾರಾ ವಾಡ್ಯಾ ಜಮಾತ್ಯೊ ಹ್ಯಾ ಪರಿಂ ಆಸಾತ್:
ಕಾರ್ಮೆಲ್ ವಾಡೊ: ಗ್ರೇಸಿ ಕ್ರಾಸ್ತಾ ಹಿಚ್ಯಾ ಘರಾ ಸಂಜೆರ್ 4 ವರಾರ್
ಸಾಂ. ಜುಜೆ ವಾಡೊ: ಉರ್ಬಾನ್ ರೀಟಾ ಫೆರ್ನಾಂಡಿಸ್ ಹಾಂಚ್ಯಾ ಘರಾ ಸಾಂಜೆರ್ 4.30 ವೊರಾರ್.
ಬಾಳ್ ಮರಿ ವಾಡೊ : ಇಗರ್ಜೆಚ್ಯಾ ಮಿನಿ ಹೊಲಾಂತ್ ಸಾಂಜೆರ್ 4 ವರಾರ್.
- ಫಾಲ್ಯಾ/ ಆಜ್, ಆಯ್ತಾರಾ ಸಾಂಜೆರ್ 7 ಥಾವ್ನ್ 7.45 ವರಾಂ ಪರ್ಯಾಂತ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧನ್ ಆನಿ ಮಿಶ್ಯೋನಾರಿ ಪಾಸತ್ ಪ್ರತ್ಯೇಕ್ ವಿನೊವ್ಣಿ ಆಸ್ತೆಲಿಂ.
- ಮಿಸಾಂವ್ ಆಯ್ತಾರ್, ಆಕ್ಟೋಬರ್ 29 ತಾರೀಕೆರ್ ಆಮ್ಚಾ ಫಿರ್ಗಜೆಂತ್ ಆಚರ್ಸಿತೆಲ್ಯಾಂವ್. ಗುರ್ಕಾರಾಂನಿ ಮಿಸಾಂವ್ ಆಯ್ತಾರಾಚಿಂ ಕವರಾಂ, ವ್ಹಡ್ಲಿಂ ಆನಿ ದಾಕ್ಟಿಂ ಕ್ಯಾಲೆಂಡರಾಂ, ಇಗರ್ಜೆಚ್ಯಾ ಧಪ್ತಾರಾ ಥಾವ್ನ್ ವ್ಹರ್ನ್ ವಾಡ್ಯಾಂತ್ ವಾಂಟ್ಚಿ. ಭುರ್ಗ್ಯಾoನಿ ಮಿಸಾಂವಾಂಚೆ ಕೊಂಡೆ 29 ತಾರಿಕೆರ್ ಹಾಡ್ಚೆ. ಮಿಸಾಂವ್ ಆಯ್ತಾರಾಕ್ ತುಮಿ ಉದಾರ್ ಮನಾನ್ ದಾನ್ ದಿಯಾ.
- ಭುರ್ಗ್ಯಾಂಕ್ ಆಕ್ಟೋಬರ್ 15 ಆನಿ 22 ತಾರೀಕೆರ್ ದೊತೊರ್ನೆ ಕ್ಲಾಸಿಕ್ ರಜಾ; ಆನಿ 29 ತಾರಿಕೆರ್ ಪರತ್ ದೊತೊರ್ನ್ ಆರಂಭ್ ಜಾತಾ. ದೊತೊರ್ನೆಕ್ ತುಮಿ ಭುರ್ಗ್ಯಾಂಕ್ ವೆಳಾರ್ ಆನಿ ಚುಕಾನಾಸ್ತಾನಾ ದಾಡ್ಚೆಂ, ವೈ.ಸಿ.ಎಸ್ ಥೊಡಿ ಭುರ್ಗಿಂ ದೊತೊರ್ನೆಕ್ ಯೇನಾಂತ್. ತಶೆಂಚ್ ಮೈನ್ಯಾಚ್ಯಾ ಪಯ್ಲ್ಯಾ ಆಯ್ತಾರಾ ದೊತೊರ್ನ್ ನಾಂ ತರೀ, ಭುರ್ಗ್ಯಾಂಚೆಂ ಮಿಶ್ಯೂನಾರಿ ಮೇಳಾಚೆಂ ಮಿಟಿಂಗ್ ಆಸಾ. ಭುಗ್ರ್ಯಾಂಚ್ಯಾ ಮೀಸಾಕ್ ಆನಿ ಹ್ಯಾ ಮಿಟಿಂಗ್ ಕ್ ಭುರ್ಗ್ಯಾoನಿ ಹಾಜರ್ ಜಾಂವ್ಚೆಂ. ಭುರ್ಗ್ಯಾಂಕ್ ವ್ಹಡಾಂಚ್ಯಾ ಮೀಸಾಕ್ ಆಪವ್ನ್ ಹಾಡಿನಾಕಾತ್.
- ಆಮ್ಚ್ಯಾ ಫಿರ್ಗಜೆಂತ್ ಕಥೊಲಿಕ್ ಸಭೆಚೊ ಬಜ್ಜೋಡಿ ಘಟಕ್ ಆರಂಭ್ ಕೆಲಾಂ. ಕಥೊಲಿಕ್ ಸಭೆಚೊ ಬಾಷಣ್ ಸ್ವರ್ಧೊ ಅಕ್ಟೋಬರ್ 28 ತಾರಿಕೆರ್ ಆಸಾ ಕೆಲಾ. ತುಮ್ಚ್ಯಾ ಭುರ್ಗ್ಯಾಂಕ್ ಉತ್ತೇಜನ್ ದಿಂವ್ಚೆ. ತಶೆಂಚ್ಚ್ Graduate Constituency ಚ್ಯಾ ಉಮೇದ್ವಾರಾಂತ್ ವೋಟ್ ಘಾಲ್ನ್ ವಿಂಚುನ್ ಕಾಡುಂಕ್ ತುಮ್ಚಿ ನಾಂವಾಂ ಕಥೊಲಿಕ್ ಸಭೆಚ್ಯಾ ಸಹಕಾರಾನ್ ನೊಂದಾವಣ್ ಕರುಂಕ್ ವಿಗಾರ್ ಜೆರಾಲಾನ್, ವಿಗಾರ್ ವಾರಾನ್, ಕಥೊಲಿಕ್ ಸಭೆಚೊ ಅಧ್ಯಕ್ಷ್ ಆಲ್ವಿನ್ ಡಿಸೋಜಾನ್ ಮನವಿ ದಾಡ್ಲ್ಯಾ. ದೆಕುನ್ ವೆಗ್ಗಿಂಚ್ ತುಮ್ಚಿ ನಾಂವಾಂ ನೊಂದಾವಣ್ ಕರ್ಚಿಂ. ಚಡಿತ್ ವಿವರಾಕ್ ಆಮ್ಚ್ಯಾ ಘಟಕಾಚೊ ಅಧ್ಯಕ್ಷ್ ವಿನ್ಸೆಂಟ್ ಪಿಂಟೊಕ್ ಮೆಲ್ಚೆಂ.
- ನವೆಂಬರ್ 5 ತಾರಿಕೆರ್ ಆಯ್ತಾರಾ ಫಿರ್ಗಜ್ ಕುಟ್ಮಾಚೊ ದೀಸ್. ತ್ಯಾ ಸಾಂಜೆರ್ 3 ವರಾರ್ ಥೊಡೆ ಸ್ವರ್ಧೆ ದವರ್ಲ್ಯಾಂತ್. Cultural Committee ಹಾಚಿ ಜವಾಬ್ದಾರಿ ಪಳೆತೆಲಿ. ಸರ್ವಾಂನಿ ಯೇವ್ನ್ ಫಿರ್ಗಜ್ ಕುಟ್ಮಾಚೊ ಎಕ್ವಟ್ ದಾಕಂವ್ಚೊ.
- ವಾಚ್ಪಾಂ ವಾಚುಂಕ್ ಸಾಕ್ರಿಸ್ತಿಕ್ ವೆಚೆ ನಾಕಾ. ದಾರಾ ಬಾಯ್ರ್ ವಾಚ್ಪಾಂಚೊ ಬೂಕ್ ಆನಿ ORDO ದವರ್ಲಾ.
- ಸಿನೊದ್ ಸಭೆಚೊ ತಿಸ್ರೊ ಹಂತ್ ರೋಮಾಂತ್ ಆಕ್ಟೋಬರ್ 4 ಥಾವ್ನ್ 29 ತಾರೀಕೆ ಪರ್ಯಾಂತ್ ಚಲ್ತಲೊ. ತಾಚೆ ಖತಿರ್ ಆಮಿಂ ಮಾಗ್ಯಾಂ.
- ಸನ್ವಾರಾ ಆನಿ ಆಯ್ತಾರಾ ಮೀಸಾ ಉಪ್ರಾಂತ್ ಬೊಲ್ಕಾವಾಂತ್ ಇಲ್ಲೊಸ್ ವೇಳ್ ರಾವೊನ್ ವಿಗಾರಾಕ್ ಆನಿ ಪಾದ್ರ್ಯಾಪಾಂಕ್ ಬೆಟ್, ಎಕಾಮೆಕಾ ಫಿರ್ಗಜ್‍ಗಾರಾಂಚಿ ವ್ಹಳಕ್ ಕರ್ಯಾಂ. ಕಿತ್ಯಾಕ್ ಮೀಸ್ ಜಾವ್ನಾಸಾ ಫಿರ್ಗಜ್ ಕುಟ್ಮಾಚೆಂ ಎಕ್ ಆಚರಣ್ ಆನಿ ತ್ಯಾ ಫಿರ್ಗಜ್ ಕುಟ್ಮಾಂತ್ ಎಕಾಮೆಕಾಚಿ ವ್ಹಳಕ್ ಆನಿ ಹುಸ್ಕೊ ಆಮ್ಕಾಂ ಆಸೊಂಕ್ ಜಾಯ್. ನಾಂ ತರ್ ಹೆರಾಂಕ್ ಪರ್ಕಿ ಜಾವ್ನ್ ಉರ್ತೆಲ್ಯಾಂವ್.
- ಯೆಂವ್ಚ್ಯಾ ಹಫ್ತ್ಯಾಂತ್ ಹಾಂವ್ ಸೊಮಾರಾ ಥಾವ್ನ್ ಸುಕ್ರಾರಾ ಪರ್ಯಾಂತ್ ಮೈಸೂರ್ ಕ್ಲಾಸಿಕ್ ವೆತಲೊ. ದಫ್ತರಾಂತ್ ಬಾಪ್ ಬಾಪ್ ಸಿರಿಲ್ ಮಿನೆಜಸ್ ಆಸ್ತೆಲೆಂ. ಗರ್ಜ್ ಪಡ್‍ಲ್ಲ್ಯಾ ವೆಳಾರ್ ಮ್ಹಾಕಾ ಪೋನ್ ಕರ್ಚೆಂ ವ ಫಾ. ಸಿರಿಲ್ ಬಾಪಾಂಕ್ ಮೆಳ್ಚೆಂ.
- ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ.
ಯೆಂವ್ಚ್ಯಾ ಆಯ್ತಾರಾ ಒಕ್ಟೋಬರ್ 15 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಸೆಕುಲಾರ್ ಕಾರ್ಮೆಲ್ ಸಾಂದ್ಯಾಂನಿ ಕರ್ಚಿ.ದುಸ್ರ್ಯಾ ಮೀಸಾಕ್ ಪವಿತ್ರ್ ಕಾಳಿಜ್ ವಾಡ್ಯಾಚ್ಯಾ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುಗ್ರ್ಯಾಂನಿ ವೆದಿ ಸೆವಾ ಕರ್ಚಿ. 10.30 ವರಾರ್ ಲಿತುರ್ಜಿ ಮಲ್ಘಾಡಿಂ ಚಲೊವ್ನ್ ವರ್ತಾತ್. ಹಫ್ತ್ಯಾ ಮಧೆಂ ಲೂಡ್ಸ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ .
ಪಯ್ಲ್ಯಾ ಮಿಸಾಕ್ ಮಾತ್ರ್ (ದೆವಾಚ್ಯಾ ಕುರ್ಪೆನ್ ಕಾಜಾರ್ ಜಾತಾತ್)
ಗ್ಲೇನ್ ಅಲೋಶಿಯಸ್ ರೇಗೊ , ಪೂತ್ ಅಲ್ಬರ್ಟ್ ರೇಗೊ ಆನಿ ಲಿಡ್ವೀನ್ ಗ್ರೆಟ್ಟಾ ರೇಗೊ ಹಾಂಚೊ, ಅವಿಲಾವಾಡೊ, ಬಾಳ್‍ಮರಿ ಫಿರ್ಗಜ್ ಬಜ್ಜೋಡಿಚೊ; ಮೆವೀಸ್ ಪಿಂಟೊ ಲಾಗಿಂ, ಧು ದೆವಾದೀನ್ ಇಗ್ಣೇಶಿಯಸ್ ವಿಜಯ್ ಕುಮಾರ್ ಪಿಂಟೊ ಆನಿ ಮೇರಿ ಪಿಂಟೊ ಹಾಂಚಿ, ಸಾಂ. ಜುಜೆ ಕಾಮೆಲಿ ಫಿರ್ಗಜ್, ವಾಮಾಂಜೂರ್. ಹಿ ದುಸ್ರಿ ಚೀಟ್.
ಹಾಂಚೆ ಮಧೆಂ ಕಾಜಾರಾಕ್ ಆಡ್ಕಳ್ ಆಸಾ ತರ್ ಇಗರ್ಜ್ ಮಾತೆಕ್ ಕಳಂವ್ಚೊ ತುಮ್ಚೊ ಕಾಯ್ದೊ.
