ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ, ಎಕ್ತಾರ್ ಆನಿ ದುಸ್ರ್ಯಾ ಮಿಸಾಕ್ ದೊತೊರ್ನಿಚ್ಯಾ ಭುಗ್ರ್ಯಾಂನಿ ಆನಿ ಹಫ್ತ್ಯಾ ಮಧೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಹ್ಯಾ ಹಫ್ಯಾಂತ್ ಫೆಸ್ತಾಂ: ಮೇಯಾಚ್ಯಾ 29 ಸೊಮಾರಾ, ಮರಿ ಪವಿತ್ರ್ ಸಭೆಚಿ ಮಾತಾ, ಸ್ಮರಣ್; ಮೇಯಾಚ್ಯಾ 31 ತಾರಿಕೆರ್ ಬುದ್ವರಾ ಭಾಗೆವಂತ್ ಅಂಕ್ವಾರ್ ಮರ್ಯೆಚಿ ಎಲಿಜಾಬೆತಿಕ್ ಭೆಟ್, ಪರಬ್, ಜೂನಾಚ್ಯಾ 1 ತಾರಿಕೆರ್ ಬ್ರೇಸ್ತಾರಾ ಭಾಗೆವಂತ್ ಜುಸ್ತಿನ್ ರಗ್ತ್ ಸಾಕ್ಷಿ, ಸ್ಮರಣ್; ಜೂನಾಚ್ಯಾ 2 ತಾರಿಕೆರ್ ಸುಕ್ರಾರಾ ಭಾಗೆವಂತ್ ಮಾರ್ಸೆಲಿನ್ ಆನಿ ಪೆದ್ರು, ರಗ್ತ್‍ಸಾಕ್ಷಿ, ಸ್ಮರಣ್;
ಯೆಂವ್ಚೊ ಸುಕ್ರಾರ್ ಮಹಿನ್ಯಾಚೊ ಪಯ್ಲೊ ಸುಕ್ರಾರ್. ತ್ಯಾ ದಿಸಾ ಸಾಂಜೆರ್ 6ವೊರಾರ್ ಆರಾಧಾನ್ ಉಪ್ರಾಂತ್ ಮೀಸ್ ಆಸ್ತೆಲೆಂ.
ಹ್ಯಾ ಮಹಿನ್ಯಾಂತ್ ಆಸಾ ಕೆಲ್ಲ್ಯಾ ವಾಡ್ಯಾವಾರ್ ಬೈಬಲಾಂತ್ಲ್ಯಾ ಬೂಕಾಂಚೊ ನಟನ್ ನಾಚ್ ವಿಡಿಯೊ ಯೆಂವ್ಚ್ಯಾ ಬುದ್ವಾರಾ ಭಿತರ್ ದಾಡುಂಕ್ ವಿನಂತಿ. ಇನಾಮಾಂ ಜೂನಾಚಾ 4 ತಾರಿಕೆರ್ ದಿತೆಲ್ಯಾಂವ್.
ಭುರ್ಗ್ಯಾಂಕ್ ಆಯ್ತಾರಾಚಿ ಕ್ರೀಸ್ತೀ ದೊತೊರ್ನ್ ಜೂನಾಚ್ಯಾ 4 ತಾರಿಕೆರ್ ಪ್ರಾರಂಭ್ ಜಾತಾ. ಸಕಾಳಿಂ 8ವೊರಾರ್ ದೊತೊರ್ನ್ ಆನಿ 9.15ವೊರಾಂಚಾ ಮಿಸಾ ವೆಳಾರ್ ಕ್ರೀಸ್ತಿ ದೊತೊರ್ನಿಚಾ ವರ್ಸಾಚಿ ಉಗ್ತಾವಣಾಚಿ ರೀತ್ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಹಾಜರ್ ಜಾಂವ್ಚೆಂ. ಹ್ಯಾ ವರ್ಸಾಚಾ ಕ್ರೀಸ್ತಿ ದೊತೊರ್ನಿಚೊ ವಿಷಯ್ “ಆಯ್ತಾರಾಚೆಂ ಕ್ರಿಸ್ತಾಂವ್ ಶಿಕ್ಷಣ್, ಬರಿ ಕುಟ್ಮಾಂ ಬಾಂದುಂಕ್ ಪ್ರೇರಣ್.” ನವ್ಯಾನ್ ಭರ್ತಿ ಜಾಲ್ಲ್ಯಾ ಶಿಕ್ಷಕಾಂಕ್ ತರ್ಭೆತಿ ಯೆಂವ್ಚ್ಯಾ ಆಯ್ತಾರಾ ಸಕಾಳಿಂ 9ಥಾವ್ನ್ 3ವೊರಾಂ ಪರ್ಯಾಂತ್ ಬಜ್ಜೋಡಿ ಮಂಗಳಾ ಜ್ಯೋತಿ ಕೇಂದ್ರಾಂತ್ ಆಸ್ತೆಲಿ.
ಫಾಲ್ಯಾಂ ದುಸ್ರೆಂ ಮೀಸ್ 8 ವೊರಾರ್ ಆಸ್ತೆಲೆಂ ಆನಿ ಮಿಸಾ ಉಪ್ರಾಂತ್ ತುಮಿ ಆಮ್ಕಾಂ ಆನಿ ಆಮಿ ತುಮ್ಕಾಂ ಧಿನ್ವಾಸ್ ಪಾಟೊಂವ್ಚೆಂ ಮಟ್ವೆಂ ಕಾರ್ಯೆಂ ಹೊಲಾಂತ್ ಆಸಾ. ಸರ್ವಾಂನಿ ಮಿಸಾಕ್ ತಶೆಂಚ್ ಧಿನ್ವಾಸ್ಣೆಚ್ಯಾ ಕಾರ್ಯಾಕ್ ಹಾಜರ್ ಜಾಂವ್ಚೆಂ. ನವ್ಯಾ ವಿಗಾರಾಕ್ ಆನಿ ಸಹಾಯಕ್ ವಿಗಾರಾಕ್ ಸ್ವಾಗತ್ ಕರ್ಚೆಂ ತಶೆಂಚ್ ಸೆವೆ ಸ್ಥಾನಾರ್ ಬಸಂವ್ಚಿಂ ರೀತ್ ಜೂನಾಚ್ಯಾ 4 ತಾರಿಕೆರ್ ಯೆಂವ್ಚ್ಯಾ ಆಯ್ತಾರಾ ಸಾಂಜೆರ್ 4 ವೊರಾರ್ ಆಸ್ತೆಲಿ. ಫಿರ್ಗಜ್‍ಗಾರಾಂನಿ ನವ್ಯಾ ವಿಗಾರಾಕ್ ಆನಿ ಸಹಾಯಕ್ ವಿಗಾರಾಕ್ ಸ್ವಾಗತ್ ಕರುಂಕ್ ಹಾಜರ್ ಜಾಂವ್ಕ್ ವಿನಂತಿ.
ಫಾಲ್ಯಾಂ ಸಾಂಜೆರ್ ಬಾಪ್ ಪ್ಯಾಟ್ರಿಕ್ ಲೋಬೊ ಮಂಡತ್ಯಾರಾಕ್ ವೆತಾತ್. ತಾಂಕಾಂ ತುಮ್ಚ್ಯಾ ಸರ್ವಾಂಚ್ಯಾ ನಾಂವಾನ್ ಪರತ್ ದೇವ್‍ಬರೆಂ ಕರುಂ ಮ್ಹಣ್ತಾಂ. ಆನಿ ತಾಂಚ್ಯಾ ಮುಕ್ಲ್ಯಾ ಮಿಸಾಂವಾಕ್ ಬರೆಂ ಮಾಗ್ತಾಂ.
ಆದ್ಲ್ಯಾ ವರ್ಸಾಚೆಂ ಇಗರ್ಜೆಚೆಂ ಲೇಕ್‍ಪಾಕ್ ಆರ್ಥಿಕ್ ಪರಿಷದ್ ಆನಿ ಫಿರ್ಗಜ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾ ಮುಖಾರ್ ದವರ್ಲಾಂ. ಹ್ಯಾ ಹಪ್ತ್ಯಾಂತ್ ನೋಟಿಸ್ ಬೋರ್ಡಾರ್ ಆಸ್ತೆಲೆಂ. ತೆಂ ತುಮಿ ಪಳೆಂವ್ಕ್ ವಿನಂತಿ.
ಜುಲೈ ಮಹಿನ್ಯಾಚಾ 1, 8, 15, 22, 29ವೆರ್ ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕ್ ಆಯೋಗಾನ್, ಮಂಗ್ಳುರ್-ಗೊವ್ಳಿಕ್ ಕೇಂದ್ರ್, ಬಜ್ಜೋಡಿ ಹಾಂಗಾಸರ್, ಮಾರ್ಕಾಚ್ಯೆ ಸುವಾರ್ತೆಚೆರ್ ಬೈಬಲ್ ಕ್ಲಾಸ್ ಆಸಾ ಕೆಲ್ಲ್ಯಾ. ಹಿ ಕ್ಲಾಸ್ ಹ್ಯಾ ಪಾಂಚ್ ಸನ್ವರಾಂನಿ ಸಾಂಜೆರ್ 3 ಥಾವ್ನ್ 6ವೊರಾಂ ಪರ್ಯಾಂತ್ ಆಸ್ತೆಲಿ. ಆಸಕ್ತ್ ಆಸ್‍ಲ್ಲ್ಯಾಂನಿ ಹ್ಯಾ ಕ್ಲಾಸಿಂತ್ ವಾಂಟೊ ಘೆಂವ್ಕ್ ಆನಿ ಮಾರ್ಕಾಚ್ಯೆ ಸುವಾರ್ತೆವಿಶಿಂ ಜಾಣ್ವಾಯ್ ಜೊಡುಂಕ್ ವಿನಂತಿ ಕರ್ತಾ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.