ಫೊರ್ವಾ೦ ಆಯ್ತಾರಾ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ, ಸುವಾರ್ತಾ ಪರ್ಗಟ್ಣಿ ಆನಿ ದುಸ್ರ್ಯಾ ಮಿಸಾಕ್ ವೈಸಿಎಸ್ ಭುರ್ಗ್ಯಾoನಿ ಆನಿ ಹಫ್ತ್ಯಾ ಮಧೆಂ ಬಾಳ್ ಮರಿ ವಾಡ್ಯಾಗಾರಾಂನಿ ದೇವ್‍ಸ್ತುತಿಚಿ ಮಾಂಡಾವಳ್ ಕರ್ಚಿ. ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
ಭುರ್ಗ್ಯಾಂಕ್ ಆಯ್ತಾರಾಚಿ ಕ್ರೀಸ್ತೀ ದೊತೊರ್ನ್ ಜೂನಾಚ್ಯಾ 4 ತಾರಿಕೆರ್ ಪ್ರಾರಂಭ್ ಜಾತಾ. ಸಕಾಳಿಂ 8ವೊರಾರ್ ದೊತೊರ್ನ್ ಆನಿ 9.15ವೊರಾಂಚಾ ಮಿಸಾ ವೆಳಾರ್ ಕ್ರೀಸ್ತಿ ದೊತೊರ್ನಿಚಾ ವರ್ಸಾಚಿ ಉಗ್ತಾವಣಾಚಿ ರೀತ್ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಹಾಜರ್ ಜಾಂವ್ಚೆಂ. ಹ್ಯಾ ವರ್ಸಾಚಾ ಕ್ರೀಸ್ತಿ ದೊತೊರ್ನಿಚೊ ವಿಷಯ್ “ಆಯ್ತಾರಾಚೆಂ ಕ್ರಿಸ್ತಾಂವ್ ಶಿಕ್ಷಣ್, ಬರಿ ಕುಟ್ಮಾಂ ಬಾಂದುಂಕ್ ಪ್ರೇರಣ್.” ನವ್ಯಾನ್ ಭರ್ತಿ ಜಾಲ್ಲ್ಯಾ ಶಿಕ್ಷಕಾಂಕ್ ತರ್ಭೆತಿ ಯೆಂವ್ಚ್ಯಾ ಆಯ್ತಾರಾ ಸಕಾಳಿಂ 9ಥಾವ್ನ್ 3ವೊರಾಂ ಪರ್ಯಾಂತ್ ಬಜ್ಜೋಡಿ ಮಂಗಳಾ ಜ್ಯೋತಿ ಕೇಂದ್ರಾಂತ್ ಆಸ್ತೆಲಿ.
ಆಜ್/ಫಾಲ್ಯಾ: ನವ್ಯಾ ವಿಗಾರಾಕ್ ಆನಿ ಸಹಾಯಕ್ ವಿಗಾರಾಕ್ ಸ್ವಾಗತ್ ಕರ್ಚೆಂ ತಶೆಂಚ್ ಸೆವೆ ಸ್ಥಾನಾರ್ ಬಸಂವ್ಚಿಂ ರೀತ್ ಆಯ್ತಾರಾ ಸಾಂಜೆರ್ 4ವೊರಾರ್ ಆಸ್ತೆಲಿ. ಫಿರ್ಗಜ್‍ಗಾರಾಂನಿ ನವ್ಯಾ ವಿಗಾರಾಕ್ ಆನಿ ಸಹಾಯಕ್ ವಿಗಾರಾಕ್ ಸ್ವಾಗತ್ ಕರುಂಕ್ ಹಾಜರ್ ಜಾಂವ್ಕ್ ವಿನಂತಿ. ನವ್ಯಾ ಯಾಜಕಾಂಕ್ ಸ್ವಾಗತ್ ಕೆಲ್ಯಾ ಉಪ್ರಾಂತ್ ಉಲ್ಲಾಸುಂಚೆ ಮಟ್ವೆ ಕಾರ್ಯೆ ಇಗರ್ಜೆಂತ್‍ಚ್ಚ್ ಆಸ್ತೆಲೆಂ. ಉಪ್ರಾಂತ್ ಕಾಫಿ ಫಳಾರ್ ಆಸ್ತಲೊ.
ಫಾಲ್ಯಾಂ ನವ್ಯಾ ವಿಗಾರಾಕ್ ಮ್ಹಜಿ ಜವಬ್ದಾರಿ ಹಸ್ತಾಂತರ್ ಕರ್ನ್ ಕಾರ್ಮೆಲ್ ಗುಡ್ಯಾಕ್ ವೆತಲೊ. ಪರತ್ ತುಮಿ ದಿಲ್ಲ್ಯಾ ಸಹಕಾರಾಕ್, ಸಾಂಗಾತ್ಪಣಾಕ್ ದೇವ್ ಬರೆಂ ಕರುಂ ಮ್ಹಣ್ತಾಂ.
ಜುಲೈ ಮಹಿನ್ಯಾಚಾ 1, 8, 15, 22, 29ವೆರ್ ದಿಯೆಸೆಜಿಚ್ಯಾ ಪವಿತ್ರ್ ಪುಸ್ತಕ್ ಆಯೋಗಾನ್, ಮಂಗ್ಳುರ್-ಗೊವ್ಳಿಕ್ ಕೇಂದ್ರ್, ಬಜ್ಜೋಡಿ ಹಾಂಗಾಸರ್, ಮಾರ್ಕಾಚ್ಯೆ ಸುವಾರ್ತೆಚೆರ್ ಬೈಬಲ್ ಕ್ಲಾಸ್ ಆಸಾ ಕೆಲ್ಲ್ಯಾ. ಹಿ ಕ್ಲಾಸ್ ಹ್ಯಾ ಪಾಂಚ್ ಸನ್ವರಾಂನಿ ಸಾಂಜೆರ್ 3 ಥಾವ್ನ್ 6ವೊರಾಂ ಪರ್ಯಾಂತ್ ಆಸ್ತೆಲಿ. ಆಸಕ್ತ್ ಆಸ್‍ಲ್ಲ್ಯಾಂನಿ ಹ್ಯಾ ಕ್ಲಾಸಿಂತ್ ವಾಂಟೊ ಘೆಂವ್ಕ್ ಆನಿ ಮಾರ್ಕಾಚ್ಯೆ ಸುವಾರ್ತೆವಿಶಿಂ ಜಾಣ್ವಾಯ್ ಜೊಡುಂಕ್ ವಿನಂತಿ ಕರ್ತಾ. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಹ್ಯಾ ಮಹಿನ್ಯಾಂತ್ ಆಸಾ ಕೆಲ್ಲ್ಯಾ ವಾಡ್ಯಾವಾರ್ ಬೈಬಲಾಂತ್ಲ್ಯಾ ಬೂಕಾಂಚೊ ನಟನ್ ನಾಚ್ ವಿಡಿಯೊ ಸ್ಪಧ್ರ್ಯಾಂತ್ ಭಾಗ್ ಘೆತ್‍ಲ್ಲ್ಯಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪಯ್ಲೆಂ ಸ್ಥಾನ್: ಕಾರ್ಮೆಲ್ ವಾಡೊ. ದುಸ್ರೆಂ ಸ್ಥಾನ್: ಸಾಂ ಜುಜೆ ವಾಡೊ. ದೊನೀ ವಾಡ್ಯಾಚ್ಯಾಂನಿ ಲಾಗಿಂ ಲಾಗಿಂ 40 ಜಣಾಂನಿ ಸಾಂಗಾತಾ ಮೆಳೊನ್ ಬರೊ ವಿಡಿಯೊ ತಯಾರ್ ಕೆಲಾ. ತುಮ್ಕಾಂ ಅಭಿನಂದನ್ ಪಾಟಯ್ತಾಂವ್. ಹೊ ವಿಡಿಯೊ ಫಿರ್ಗಜೆಚ್ಯಾ ವಾಟ್ಸೆಪ್ ಗ್ರೂಪಾಂತ್ ಆಸಾ. ತುಮಿ ಪಳೆಂವ್ಚೊ.
ಮಣಿಪುರ್ ರಾಜ್ಯಾಂತ್ ಮಿಸಾಲಾತಿ ವಿಷಯಾಕ್ ಲಾಗೊನ್ ಇಗರ್ಜೆಚೊ ನಾಸ್ ಆನಿ ಕ್ರಿಸ್ತಾಂವಾಂಚೆರ್ ಜಾಲ್ಲೊ ಹಲ್ಲೊ ಖಂಡನ್ ಕರುನ್ ಮಂಗ್ಳಾರಾ ಸಾಂಜೆರ್ 4.30ವೊರಾರ್ ಕ್ಲಾಕ್ ಟವರಲಾಗಿಂ ಕಥೊಲಿಕ್ ಸಭಾ ಆನಿ ಸಂಘಟನಾನಿಂ ಪ್ರೊಟೆಸ್ಟ್ ಆಸಾ ಕೆಲಾಂ. ತಾಂಕಾಂ ಸಾಂಗಾತ್ ದೀಂವ್ಕ್ ವಿನಂತಿ ಕರ್ತಾಂವ್.