ತಿಳ್ಸೊಣ್ಯೊ
- ಆಜ್ ಸಾದ್ಯಾ ಕಾಳಾಚೊ ಆಟ್ವಾವಿಸಾವೊ ಆಯ್ತಾರ್. ಹ್ಯಾ ಹಫ್ತ್ಯಾಂತ್, ಮಂಗ್ಳಾರಾ ಆಂತಿಯಾಕಾಚೊ ಸಾಂ. ಇನಾಸ್; ಬುದ್ವಾರಾ ವಾಂಜೆಲಿಸ್ತ್ ಸಾಂ. ಲೂಕಾಚೆಂ ಫೆಸ್ತ್.
- ಫಾಲ್ಯಾ/ ಆಜ್ ಆಮಿಂ ಸಾಂ. ತೆರೆಜ್ ಆವಿಲಾಚೆಂ ಫೆಸ್ತ್ ಆಚರ್ಸಿತಾಂವ್. ದೆಕುನ್, ಆಮಿಂ ಆವಿಲಾ ವಾಡ್ಯಾಚಾ ಸರ್ವ್ ಕುಟ್ಮಾಂ ಖಾತಿರ್ ಮಾಗ್ಯಾಂ.
- ಫಾಲ್ಯಾ/ಆಜ್ ಆಯ್ತಾರಾ ಆಮಿಂ ಮಾಲ್ಗಡ್ಯಾಂಚೊ ದೀಸ್ ಆಚರಣ್ ಕರ್ನ್, ತಾಂಕಾಂ ಉಲ್ಲಾಸುನ್ ಸನ್ಮಾನ್ ಕರ್ತೆಲ್ಯಾಂವ್. 65 ವರ್ಸಾಂ ವಯ್ಲ್ಯಾ ಸರ್ವ್ ಮಾಲ್ಗಡ್ಯಾಂಕ್ ಮೊಗಾಚೆಂ ಆಪವ್ಣೆ ದಿತಾಂವ್. ಮಲ್ಗಡಿಂ ಜಾವ್ನಾಸಾತ್ ಆಮ್ಚ್ಯಾ ಫಿರ್ಗಜ್ ಕುಟ್ಮಾಚೆಂ ದಾಯ್ಜ್. 10.30 ವರಾರ್ ಮೀಸ್; 11.30 ವರಾರ್ ಸಾಂಸ್ಕಾೃತಿಕ್ ಕಾರ್ಯಕ್ರಮ್ ಆನಿ 12.30 ವರಾರ್ ಜೆವಾಣ್.
- ಯೆಂವ್ಚ್ಯಾ ಸನ್ವಾರಾ ಆನಿ ಆಯ್ತಾರಾ, ಆಕ್ಟೋಬರ್ 21 ಆನಿ 22 ವೆರ್ ಮೀಸಾ ಉಪ್ರಾಂತ್ ಆಮಿಂ ವಾಹನಾಂ ಬೆಂಜಾರ್ ಕರ್ತೆಲ್ಯಾಂವ್. ಸರ್ವಾಂನಿ ತುಮ್ಚಿಂ ವಾಹಾನಾಂ ಶಿಸ್ತೆನ್ ಪಾರ್ಕಿಂಗ್ ಎರಿಯಾಂತ್ ದವರ್ಚಿ.
- ಹ್ಯಾ ಆಯ್ತಾರಾ ವಾಡ್ಯಾ ಜಮತ್ಯೊ ಹ್ಯಾ ಪರಿಂ ಆಸಾತ್:
ಜೆಜುಚ್ಯಾ ಪವಿತ್ರ್ ಕಾಳಿಜ್ ವಾಡೊ: ಸ್ಟ್ಯಾನಿ ಸೆಲಿನ್ ಡಿಸೋಜಾ ಹಾಂಚ್ಯಾ ಘರಾ ಸಾಂಜೆರ್ 4.30 ವರಾರ್.
ವೆಲ್ಲಂಕಣಿ ವಾಡೊ: ದಿವ್ಯಾ ಜಾಕ್ಸನ್ ಆಲ್ಬುಕಾರ್ಕ್ ಹಾಂಚ್ಯಾ ಘರಾ ಸಾಂಜೆರ್ 4.30 ವರಾರ್ ಆಸ್ತೆಲಿ.
- ಮಿಸಾಂವ್ ಆಯ್ತಾರ್, ಆಕ್ಟೋಬರ್ 29 ತಾರೀಕೆರ್ ಆಮ್ಚ್ಯಾ ಫಿರ್ಗಜೆಂತ್ ಆಚರ್ಸಿತೆಲ್ಯಾಂವ್. ಮಿಸಾಂವ್ ವಾವ್ರಾಕ್ ಉದಾರ್ ಮನಾನ್ ದಾನ್ ದಿಯಾ. ಆಮ್ಚ್ಯಾ ಫಿರ್ಗಜೆಚ್ಯಾ ಮಸ್ತ್ ಕುಟ್ಮಾಂಕ್ ಸಾಂ. ಆಂತೊನಿಚೊ ಆಸ್ರೊ, ಬೆಂದುರ್ ಫಿರ್ಗಜ್ ಆನಿ ಸಿ.ಒ.ಡಿ.ಪಿ ನ್ ಉದಾರ್ ಮನಾನ್ ಕುಮೊಕ್ ದಿಲ್ಯಾ. “ದಿಲ್ಲ್ಯಾಂತ್ ಆಮಿಂ ಘೆತಾಂವ್” ಹೊ ಧ್ಯೇಯ್ ಮತಿಂತ್ ದವರುನ್ ಮಿಸಾಂವ್ ಕಾರ್ಯಾಕ್ ಉದಾರ್ ಮನ್ ದಾಕವ್ಯಾಂ. ಶೆಂಬರ್ ವಾಂಟ್ಯಾಂನಿ ಆಮ್ಕಾಂ ಪಾಟಿ ಮೆಳ್ತಲೆಂ.
- ಆಕ್ಟೋಬರ್ 18 ವೆರ್ ಬುದ್ವಾರಾ ಸಾಂಜೆರ್ ಮೀಸಾ ಉಪ್ರಾಂತ್ ಕುರೊವ್ ಮಂಡಳಿಚಿ ಜಮಾತ್ ಆಸ್ತೆಲಿ. ಕುರೊವ್ ಮಂಡಳಿಚ್ಯಾ ಸರ್ವ್ ಸಾಂದ್ಯಾಂನಿ ಹಾಜರ್ ಜಾಂವ್ಚೆಂ.
- ಇಸ್ರಾಯೆಲ್ ಆನಿ Hamas (Palestine) ಮಧೆಂ ಲಡಾಯ್ ಆರಂಭ್ ಜಾಲ್ಯಾ. ಜಾಯಿತ್ತೆ ಮಂಗ್ಳುರ್‍ಗಾರ್ ಆನಿ ಥೊಡೆ ಬಜ್ಜೋಡಿ ಫಿರ್ಗಜೆ ಥಾವ್ನ್ ಇಸ್ರಾಯೆಲಾಂತ್ ಕಾಮ್ ಕರ್ನ್ ಆಸಾತ್. ಆಮ್ಚ್ಯಾ ಬಿಸ್ಪ್ ಸಾಯ್ಬಾಂನಿ ಲಡಾಯ್ ರಾವೊನ್ ಶಾಂತಿ ಪಾಟಿ ಯೆಂವ್ಚ್ಯಾಕ್ ಆನಿ ತಶೆಂಚ್ ಆಮ್ಚ್ಯಾ ಭಾರತಾಚ್ಯಾ ದಿಯೆಸೆಜಿಚ್ಯಾ ಆನಿ ಬಜ್ಜೋಡಿಚ್ಯಾ ಸರ್ವ್ ಕುಟ್ಮಾಚೇ ಸಾಂದೆ ಸುರಕ್ಷಿತ್ ಆಸ್ಚ್ಯಾಕ್ ಆಮ್ಕಾಂ ಪವಿತ್ರ್ ಸಾಂಕ್ರಾಮೆಂತಾಚೆಂ ಆರಾಧನ್ ಕರ್ನ್ ಮಾಗೊಂಕ್ ಆನಿ ತಶೆಂ ಉಪಾಸ್ ಆನಿ ಪ್ರಾಜಿತ್ ಕರುಂಕ್ ಉಲೊ ದಿಲಾ.
ದೆಕುನ್ ಫಾಲ್ಯಾ ಆಯ್ತಾರಾಚ್ಯಾ ಪಯ್ಲ್ಯಾ ಮೀಸಾ ಉಪ್ರಾಂತ್ ಏಕ್ ಮಟ್ವೆಂ ಸಾಂಕ್ರಾಮೆಂತಾಚೆಂ ಆರಾಧನ್ ಆನಿ ಮಾಗ್ಣೆಂ ಆಸ್ತಲೆಂ. ತಶೆಂಚ್ ಸದಾಂಚ್ ತುಮಿಂ ಮಾಗ್ತಾನಾ ಆನಿ ಕುಟ್ಮಾಂತ್ ತಶೆಂ ಇಗರ್ಜೆಂತ್ ತೇರ್ಸ್ ಮ್ಹಣ್ತಾನಾ, ಹ್ಯಾ ತೆಸಾಂವಾಂ ಖಾತಿರ್ ಪ್ರತ್ಯೇಕ್ ಥರಾನ್ ಮಾಗೊಂಕ್ ಉಲೊ ದಿತಾಂವ್.
- ಫಾಲ್ಯಾ/ ಆಜ್, ಆಯ್ತಾರಾ ಸಾಂಜೆರ್ ಹೋಲಾಂತ್ ದುಸ್ರೆಂ ಕ್ರರ್ಯಾಕ್ರಮ್ ಆಸ್‍ಲ್ಲೆಂ ವರ್ವಿಂ ಸಾಂಜೆಚೆಂ ಆರಾಧನ್ ಆಸ್ಚೆಂನಾಂ.
- ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಒಕ್ಟೋಬರ್ 22 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಕುರೊವ್ ಮಂಡಳಿ ಸಾಂದ್ಯಾಂನಿ ಕರ್ಚಿ.ದುಸ್ರ್ಯಾ ಮೀಸಾಕ್ ಲ್ಹಾನ್ ಫುಲ್ ವಾಡ್ಯಾಚ್ಯಾ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುಗ್ರ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ .
- ಆದ್ಲ್ಯಾ ಆಯ್ತಾರಾ ಮಿಸಾಚೆರ್ ಜಮೊ ಜಾಲ್ಲಿ ಕಾಣಿಕ್ 12,713/- ತುಮ್ಚ್ಯಾ ಉದಾರ್‍ಮನಾಕ್ ದೇವ್‍ಬರೆಂ ಕರುಂ.
- ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಬಾಳ್ ಮರಿಯೆಲಾಗ್ಗಿಂ ಮಗೊನ್ ಎಕ್ ನಮನ್ ಮರ್ಯೆ ಮ್ಹಣ್ಯಾಂ.
|
|
