ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ. ಪೋರ್ವಾo ಆಯ್ತಾರಾ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ನೊವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಯೆಂವ್ಚ್ಯಾ ಆಯ್ತಾರಾ ಭುರ್ಗ್ಯಾಂಕ್ ದೊತೊರ್ನ್ ಆಸಾ.
ಆಜ್ ನತಲಾಂ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಸಾಂಜೆರ್ 4.30 ವೊರಾರ್ ಮಟ್ವಿ ಶಿಕೊವ್ನ್, ಕುಮ್ಸಾರಾಂ ಆನಿ ಅರಾಧಾನ್ ಆಸ್ತೆಲೆಂ. ಸರ್ವ್ ಫಿರ್ಗಜ್‍ಗಾರಾಂನಿ ಕ್ರಿಸ್ಮಸ್ ಫೆಸ್ತಾಕ್ ಆತ್ಮೀಕ್ ರಿತಿನ್ ತಯಾರ್ ಜಾಂವ್ಚೆಂ .
ಫಿರ್ಗಜೆಚ್ಯಾ ಯೋಜನಾಕ್ ತಯಾರ್ ಕೆಲ್ಲಿಂ “ಕ್ರಿಸ್ಮಸ್ ಬೌಂಟಿ” ಕೂಪನಾಂ ಜರ್ ಕೊಣಾಂಯ್ಕಿ ಮೆಳೊಂಕ್ ನಾಂತ್ ತರ್ ಫಿರ್ಗಜ್ ದಫ್ತರಾ ಥಾವ್ನ್ ತುಮಿಂ ತಿ ಘೆಂವ್ಚಿಂ. ಎಕಾ ಕೂಪನಾಚೆ ಮೋಲ್ 100 ರುಪಯ್. ಕೂಪನಾಚೆ ಡ್ರಾ ಕ್ರಿಸ್ಮಸಾಚಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲೆಂ.
ಫಾದರ್ ಮುಲ್ಲರ್ಸಾಚಿಂ ಹೆಲ್ತ್ ಕಾರ್ಡ್ ಫಿರ್ಗಜ್ ದಫ್ತರಾಂತ್ ಮೆಳ್ತಾತ್. ತುಮಿಂ ತಿಂ ಬ್ರೆಸ್ತಾರಾ 20ತಾರಿಕೆ ಭಿತರ್ ವರ್ಚಿಂ.
ನತಾಲಾಂಚೆ ಫೆಸ್ತ್ ಡಿಸೆಂಬರ್ 24 ಸಾಂಜೆರ್ 7ವೊರಾರ್ ನತಾಲಾಂಚಿ ಗಿತಾಂ, 7.30ವೊರಾರ್ ಫೆಸ್ತಾಚೆಂ ಸಂಭ್ರಮಿಕ್ ಮೀಸ್, ಉಪ್ರಾಂತ್ ಬಾಳ್ಕಾಚೊ ಉಮೊ. ತ್ಯಾ ದಿಸಾಚಿ ದೇವ್ ಸ್ತುತಿ ಮಾಂಡಾವಳ್ ಅವಿಲಾಚಿ ಸಾಂ.ತೆರೆಜ್, ಬಾಳೊಕ್ ಜೆಜು, ಲೂಡ್ಸ್, ಸಾಂ.ಅಂತೊನ್ ಆನಿ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್. ಕಾಣಿಕೊ ಹಾಡುಂಕ್ ವೆಲಂಕಣಿ, ಬಾಳ್ ಮರಿ, ಕಾರ್ಮೆಲ್, ಜೆಜುಚೆಂ ಪವಿತ್ರ್ ಕಾಳಿಜ್ ಆನಿ ಸಾಂ.ಜುಜೆ ಆಸ್ತೆಲಿ. ಮಿಸಾ ಉಪ್ರಾಂತ್ ಮಟ್ವೆಂ ನತಾಲಾಂಚೊ ಸಂತೊಸ್ ಪಾಚಾರ್ಚೆಂ ಕಾರ್ಯೆಂ ಆಸ್ತೆಲೆಂ, ದೆಕುನ್ ಸರ್ವಾಂನಿ ಏಕ್ ಸಮುದಾಯ್ ಜಾವ್ನ್ ಥೊಡೊ ವೇಳ್ ಸಾಂಗಾತಾ ಸಂತೊಸ್ ವಾಂಟುನ್ ಘೆಂವ್ಚೊ. ಹಾಂತುನ್ ಸಾಂತಾ ಶೋ, ಲಕ್ಕಿ ಗೇಮ್ಸ್, ಏಲಂ ಅನಿ ಹೌಸಿ ಹೌಸಿ ಖೆಳ್ ಆಸ್ತೆಲೆ.
ಡಿಸೆಂಬರ್ 25 ತಾರಿಕೆರ್ ಸೊಮಾರಾ ಸಾಕಾಳಿಂ 7.30ವೊರಾರ್ ಮೀಸ್ ಆಸ್ತೆಲೆಂ.
ನತಾಲಾಂ ಫೆಸ್ತಾಕ್ ಮುರ್ದೊಮ್ ಆನಿಂ ಫುಲಾಂ ದಿತೆಲ್ಯಾಂನಿ ವೆಗ್ಗಿಂಚ್ ಫಿರ್ಗಜ್ ದಫ್ತರಾಕ್ ಕಳಂವ್ಚೆಂ.
