ಸಗ್ಳೊ ಹಫ್ತೊ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಕರ್ಚಿ ಪೋರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸೆಕುಲಾರ್ ಕಾರ್ಮೆಲ್ ಸಾಂಧ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಜೆಜುಚೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
(ಆಯ್ತಾರಾ 6.30)ಆತಾಂಚ್ಯಾ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ವೆಲ್ಲ್ಯಾ ಸಾಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾಂಕ್ ದೇವ್ ಬರೆಂ ಕರುಂ.
(9.30) ದೇವ್‍ಸ್ತುತಿ ಚಲೊವ್ನ್ ವೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ.
(ಫಾಲ್ಯಾಂ/ಆಜ್) ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸಾ.
ವಾಡ್ಯಾ ಜಮಾತ್
1. ಸಾಂ.ಅಂತೊನ್ ವಾಡೊ- ಜೋಸೆಫ್ ರಸ್ಕೀನ್ಹಾ -4.30ವೊರಾರ್
ಐಸಿವೈಯಮ್ ಕೇಂದ್ರಿಕ್ ಸಮಿತಿನ್ ಮಾಂಡುನ್ ಹಾಡ್ಚೆಂ “ಕೊಂತಾ ಸಂಗಿಂ ಪಾವ್ಲಾಂ” ಮ್ಹಳ್ಳೆಂ ಭಕ್ತಿಕ್ ಕಾರ್ಯೆಂ ಮೇಯಾಚ್ಯಾ 1 ತಾರಿಕೆರ್ ಸಾಂಜೆರ್ 3.30 ವೊರಾರ್ ಮಿಲಾರ್ ಇಗರ್ಜೆ ಥಾವ್ನ್ ಪುರ್ಶಾವಾಂ ಸವೆಂ ಪ್ರಾರಂಭ್ ಜಾತಲೆಂ. ರುಜಾಯ್ಚ್ಯಾ ಉಗ್ತ್ಯಾ ಮೈದಾನಾರ್ ಸರ್ವ್ ಭಾವಾಡ್ತ್ಯಾ ಸಂಗಿಂ ತೇರ್ಸ್ ಆನಿ ವಿಶೇಷ್ ಇರಾದ್ಯಾಂ ಪಾಸೊತ್ ಮಾಗ್ಣೆಂ ಆಸ್ತೆಲೆಂ. ಹ್ಯಾ ವೆಳಾರ್ ಆತಂಕ್‍ವಾದಿಂಚ್ಯಾ ಬಂದಡೆಂತ್ ಥಾವ್ನ್ ಸುಟ್ಕಾ ಮೆಳ್‍ಲ್ಲೊ ಬಾಪ್ ಟೊಮ್ ಎಸ್.ಡಿ.ಪಿ ಭಾವಾಡ್ತಾಚಿ ಸಾಕ್ಸ್ ದಿತಲೆ. ಹ್ಯಾ ಭಕ್ತಿಕ್ ಕಾರ್ಯಾಕ್ ಫಿರ್ಗಜೆಚ್ಯಾ ಸರ್ವ್ ಲೊಕಾಂನಿ ತಶೆಂಶ್ ಐಸಿವೈಯಮ್ ಸಾಂದ್ಯಾಂನಿ ವ್ಹಡಾ ಸಂಖ್ಯಾನ್ ಭಾಗ್ ಘೆವ್ನ್ ಕಾರ್ಯೆಂ ಯಶಸ್ವಿ ಕರುಂಕ್ ವಿನಂತಿ.
ಸಿಒಡಿಪಿ ಮುಖಾಂತ್ರ್ ದಿಂವ್ಚ್ಯಾ ಎಡ್ಯುಕೇರ್ ಶಿಕ್ಪಾರೀಣಾ ಖಾತಿರ್ ಅರ್ಜ್ಯೊ ಮೇ ಮಹಿನ್ಯಾ ಥಾವ್ನ್ ಆನ್‍ಲೈನ್ ಅರ್ಜಿ ಘಾಲ್ಯೆತ್. ಅರ್ಜ್ಯೊ ಫಿರ್ಗಜ್ ಸಮಿತಿನ್ ಶಿಫಾರಸ್ ಕರುಂಕ್ ಆಸಾತ್ ಜಾಲ್ಲ್ಯಾನ್, ನಿಮಾಣ್ಯಾ ಧಾ ದಿಸಾ ಪಯ್ಲೆಂ ಪಾವಿತ್ ಕರ್ಚೆಂ. ವಿವರ್ ಆನಿ ನಿಯಾಮಾಂ ನೋಟಿಸ್ ಬೋರ್ಡಾರ್ ಆಸಾತ್.
ಬಿಕರ್ಣಕಟ್ಟೆ ಬಾಳೊಕ್ ಜೆಜುಚ್ಯಾ ಪೂನ್ ಶೆತಾಂತ್ ತೀನ್ ದಿಸಾಂಚೆಂ ಶಿಬಿರ್ (Art& Creativity) ಎಪ್ರಿಲ್ 30ತಾರಿಕೆ ಥಾವ್ನ್ ಮೇ 2 ತಾರಿಕೆ ಪರ್ಯಾಂತ್ , ವೇಳ್ ಸಾಕಾಳಿಂ 9.30 ಥಾವ್ನ್ ಸಾಂಜೆರ್ 4 ವೊರಾ ಪರ್ಯಾಂತ್ ಆಸ್ತೆಲೆಂ. ಹಾಂತುನ್ 10 ಥಾವ್ನ್ 15 ವರ್ಸಾಂ ಭಿತರ್ಲ್ಯಾ ಭುರ್ಗ್ಯಾಂಕ್ ಮಾತ್ರ್ ಅವ್ಕಾಸ್. ಭಾಗ್ ಘೆತೆಲ್ಯಾಂನಿ ಥಂಯ್ಸರ್ ವಚೊನ್ ರಿಜಿಸ್ಟರ್ ಕರುಂಕ್ ವಿನಂತಿ.