ಸಗ್ಳೊ ಹಫೆÇ್ತ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳೊಕ್ ಜೆಜು ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಂತ್ ದೇವ್ ಸ್ತುತಿ ಸೆಕುಲಾರ್ ಕಾರ್ಮೆಲಿತ್ ಸಾಂಧ್ಯಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸಾಂ. ವಿಶೆಂತ್ ಪಾವ್ಲ್ ಸಭಾ ಸಾಂಧ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಸಿಂಜಿಚ್ಯಾ ಬುದ್ವಾರಾ ಮಾರ್ಚ್ 1 ತಾರಿಕೆರ್ ಸಾಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 5.30 ವೊರಾರ್ ಮಿಸಾಂ ಆಸ್ತೆಲಿಂ. ತ್ಯಾ ದಿಸಾ ಆನಿ ಕರೆಜ್ಮಾಚ್ಯಾ ಹರ್ಯೆಕಾ ಸುಕ್ರಾರಾ ಜಿಂಜ್ವಾರ್ ಕರುಂಕ್ ಆನಿ ಮಾಸ್ ಖಾಂವ್ಕ್ ಆಡ್ವಾರ್ಲಾಂ. ಕರೆಜ್ಮಾಚ್ಯಾ ದಿಸಾಂನಿ ಸಾಂಜೆಚ್ಯಾ ಮಿಸಾ ಪಯ್ಲೆಂ 5.40 ವೊರಾಂಕ್ ಆನಿ ಆಯ್ತಾರಾ ದುಸ್ರ್ಯಾ ಮಿಸಾ ಪಯ್ಲೆಂ ಖುರ್ಸಾ ವಾಟ್ ಆಸ್ತೆಲಿ. ಚಡಿತ್ ಮಾಗ್ಣೆಂ ಆನಿ ಉಪಾಸ್ ಕರ್ನ್ ಸೊಮ್ಯಾ ಜೆಜುಚೊ ಪಾಟ್ಲಾವ್ ಕರುಂಕ್ ಹೊ ಏಕ್ ಬರೊ ಆವ್ಕಾಸ್. ಪ್ರತ್ಯೇಕ್ ಜಾವ್ನ್ ಫಿರ್ಗಜೆಚ್ಯಾ ಭುರ್ಗ್ಯಾಂನಿ ಆನಿ ಯುವಜಣಾಂನಿ ಹಾಂತುನ್ ಕ್ರಿಯಾಳ್ ವಾಂಟೊ ಘೆಂವ್ಕ್ ಹಾಂವ್ ಉಲೊ ದಿತಾಂ. ಹರ್ಯೆಕಾ ಸುಕ್ರಾರಾ ಖುರ್ಸಾ ವಾಟ್ ಚಲೊವ್ನ್ ವ್ಹರುಂಕ್ ಆಧ್ಯಾತ್ಮಿಕ್ ಸಮಿತಿಚ್ಯಾಂನಿ ಮಾಂಡಾವಳ್ ಕರ್ಚಿ. ಆಯ್ತಾರ್ ಆನಿ ಸುಕ್ರಾರಾ ಖುರ್ಸಾವಾಟ್ ಚಲೊವ್ನ್ ವರ್ಚಿ ಮಾಂಡಾವಳ್ ನೋಟಿಸ್ ಬೋರ್ಡಾರ್ ಘಾಲ್ಯಾ. ಉರ್‍ಲ್ಲ್ಯಾ ದಿಸಾಂನಿ ಲಿತುರ್ಜಿ ಆಸ್‍ಲ್ಲ್ಯಾ ವಾಡ್ಯಾಗಾರಾಂನಿ ಖುರ್ಸಾವಾಟ್ ಚಲೊವ್ನ್ ವ್ಹರ್ಚಿ.
ವಾಡ್ಯಾ ಜಮಾತ್
1. ಕಾರ್ಮೆಲ್ ವಾಡೊ-ವಾಲ್ಟರ್ ಪಿಂಟೊ– 4.00 ವೊರಾರ್
2. ಜೆಜುಚೆಂ ಲ್ಹಾನ್ ಫುಲ್ ವಾಡೊ- ವಲೇರಿಯನ್ ಮೋನಿಸ್ -4.30 ವೊರಾರ್.
3. ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ- ಆಲ್ವಿನ್ ಮರ್ಲಿನ್ ಡಿಸೋಜಾ -4.30 ವೊರಾರ್
ಆಜ್/ಫಾಲ್ಯಾಂ ದೊತೊರ್ನಿಚೊ ದೀಸ್ ಆಚರಣ್ ಕರ್ತೆಲ್ಯಾಂವ್. ಸಾಕಾಳಿಂ 8.30 ವೊರಾರ್ ಮೀಸ್ ಉಪ್ರಾಂತ್ ಭುರ್ಗ್ಯಾಂ ಥಾವ್ನ್ ಸಾಂಸ್ಕೃತಿಕ್ ಕಾರ್ಯೆಂ ಆಸ್ತೆಲೆಂ. ಸರ್ವ್ ವ್ಹಡಿಲಾಂನಿ ತಾಂಚೆಂ ಸವೆಂ ಹಾಜರ್ ಜಾವ್ನ್ ಭುರ್ಗ್ಯಾಂಕ್ ಪಾಟಿಂಬೊ ದಿಂವ್ಚೊ. ತ್ಯಾ ದೆಕುನ್ ಆಯ್ತಾರಾ 9.15ಚೆಂ ಮೀಸ್ ಆಸ್ಚೆಂನಾಂ.
ಆಜ್ /ಫಾಲ್ಯಾಂ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸ್ತೆಲೆಂ.
ಘರ್ ಬೆಜ್ಮೆತಾಂ ಸಂಪ್ಲಿ. ಬೆಜ್ಮೆತಾಂ ವೆಳಾರ್ ಸಹಕಾರ್ ದಿಲ್ಲ್ಯಾ ಗುರ್ಕಾರ್/ ಗುರ್ಕಾರ್ನಿಂಚೊ, ಪ್ರತಿನಿಧಿಂಚೊ ಆನಿ ಖುಶೆಚಿ ಕಾಣಿಕ್ ದಿಲ್ಲ್ಯಾ ಸರ್ವಾಂಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ. ಹ್ಯಾ ವೆಳಾರ್ “ಫ್ಯಾಮಿಲಿ ಸರ್ವೆ” ಫೆÇೀರ್ಮಾಂ ದಿಲ್ಯಾಂತ್. ಕಸ್ಲಿ ತಿದ್ವೊಣ್ ಆಸ್ಲ್ಯಾರ್ ತಿದ್ವೊಣಿ ಕರ್ನ್ ತುಮ್ಚ್ಯಾ ವಾಡ್ಯಾಜಮೆತಾ ದಿಸಾ ಗುರ್ಕಾರಾಕ್ ಹಾಡ್ನ್ ದಿಂವ್ಚೆಂ. ಫಿರ್ಗಜೆಂತ್ ತುಮಿ ನಾಂವಾಂ ದಾಖಲ್ ಕರಿನಾತ್ಲ್ಯಾರ್ ತುಮ್ಕಾಂ ಸಾಕ್ರಾಮೆಂತ್ ತಶೆಂಚ್ ಖಂಚ್ಯಾಯ್ ಗರ್ಜಾಂಕ್ ಫಿರ್ಗಜ್ ವಿಗಾರಾಥಾವ್ನ್ ಶಿಪಾರಾಸ್ ಪತ್ರ್ ದೀಂವ್ಕ್ ಜಾಂವ್ಚೆನಾ. ಹೆಂ ಮತಿಂತ್ ದವರ್ಚೆಂ. ವಾಡ್ಯಾಚಾ ಹರ್ಯೇಕಾ ಕುಟ್ಮಾಕ್ ವೆಗಿಂಚ್ ಆಮಿಂ ಫ್ಯಾಮಿಲಿ ಐಡಿ ದಿತೆಲ್ಯಾಂವ್. ಜರ್‍ತರ್ ಕೊಣಾಂಚಿ ಘರ್‍ಬೆಜ್ಮೆತಾಂ ಬಾಕಿ ಆಸ್ಲ್ಯಾರ್ ಫಿರ್ಗಜ್ ವಿಗಾರಾಂಕ್ ಮೆಳ್ಚೆಂ.
ಫುಡ್ಲ್ಯಾ ಪಾಸ್ಕಾಂ ಫೆಸ್ತಾಚ್ಯಾ ಕುರೊವ್ ಅಂಕ್ಯಾಕ್ ತುಮ್ಚಿ ಜಾಹಿರಾತಾಂ, ಲೇಖನಾಂ, ಕವನಾಂ, ಸ್ವರಚಿತ್ ಪಿಂತುರಾಂ, ವಾಡ್ಯಾಚ್ಯೊ ವರ್ದ್ಯೊ, ಶುಭಾಶಯ್ ದೀಂವ್ಕ್ ನಿಮಾಣಿ ತಾರಿಕ್ ಮಾರ್ಚ್ 10ತಾರಿಕ್. ಬರ್ಪಾಂ ಮಟ್ವಿಂ ಆಸೊಂಕ್ ಜಾಯ್. ವಿಷಯ್: ಲಗ್ನಾ ಸಾಕ್ರಾಮೆಂತ್ ಜಿವಿತ್ ಆನಿ ಸಂಭ್ರಮ್.
ಮಾರ್ಚ್ 3, 4 ಆನಿ 5 ತಾರಿಕೆರ್ ಹಾಂಗಾಸರ್ ಸಾಂಜೆರ್ 5.30 ವೊರಾ ಥಾವ್ನ್ 9 ವೊರಾ ಪರ್ಯಾಂತ್ ರೆತಿರ್ ಆಸಾ. ಭೋವ್ ಫಾಮಾದ್ ಪ್ರಸಂಗ್‍ದಾರ್ ಬಾಪ್ ರೋಮನ್ ಪಿಂಟೊ ರೆತಿರ್ ಚಲವ್ನ್ ವರ್ತೆಲೆ. ಸರ್ವ್ ಫಿರ್ಗಜ್‍ಗಾರಾಂನಿ ವಾಂಟೆಲಿ ಘೆವ್ನ್ ಅತ್ಮಿಕ್ ಬರೆಂಪಣ್ ಜೋಡ್ನ್ ಘೆಂವ್ಚೆಂ.
ಮರಿಯಾಳ್ ಸೊಡೆಲಿಟಿಕ್ ಭರ್ತಿ ಜಾಲ್ಲ್ಯಾಂನಿ ಯೆಂವ್ಚ್ಯಾ ಸನ್ವಾರಾ ಮಾರ್ಚ್ 4 ತಾರಿಕೆರ್ ಸಾಂಜೆರ್ 4ವೊರಾರ್ ಮಿನಿ ಸಾಲಾಂತ್ ಹಾಜರ್ ಜಾಂವ್ಚೆಂ.
ಕರೆಜ್ಮಾಚ್ಯಾ ಪಯ್ಲ್ಯಾ ಆಯ್ತಾರಾ, ಮಾರ್ಚ್ 5 ತಾರಿಕೆರ್ ಸಾಂಜೆರ್ 6 ವೊರಾರ್, ಡೊನ್ ಬೊಸ್ಕೊ ಸಾಲಾಂತ್ ಧಾರ್ಮಿಕ್ ನಾಟಕ್ “ತುಂ ವರ್ತೊ ಧನ್ಯಾ” ಪ್ರದರ್ಶಿತ್ ಜಾತಾ. ಪ್ರವೇಶ್ ಧರ್ಮಾರ್ಥ್.
ಅಮಾಲ್ ಪಿಯೊಣ್ಯಾ ಥಾವ್ನ್ ಸುಟ್ಕೆಚೆಂ ಧರ್ಮಾರ್ಥ್ ವಸ್ತೆ ಶಿಬಿರ್ ಮಾರ್ಚ್ 1 ತಾರಿಕೆ ಥಾವ್ನ್ 5 ತಾರಿಕ್ ಪರ್ಯಾಂತ್ ಬಾಳೊಕ್ ಜೆಜುಚ್ಯಾ ಪೂನ್‍ಶೆತಾಚಾ ಸಭಾಂಗಣಾಂತ್ ಮಾಂಡುನ್ ಹಾಡ್ತಾತ್. ಚಡಿತ್ ವಿವರ್ ನೋಟಿಸ್ ಬೋರ್ಡಾರ್ ಆಸಾ. ತಶೆಂಚ್ ಆಮ್ಚ್ಯಾ ಫಿರ್ಗಜೆಂತ್ ಎ ಎ ಸಂಘ್ ಆಸಾ. ಖುಶಿ ಆಸ್‍ಲ್ಲ್ಯಾಂನಿ ಅಗೊಸ್ತಿನ್ ವೇಗಸ್ ಹಾಂಕಾಂ ಮೆಳ್ಚೆಂ.