ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಬಾಳ್ ಮರಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ವೆಲಂಕಣಿ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸೆಕುಲಾರ್ ಕಾರ್ಮೆಲ್ ಸಮಿತಿ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ದುಸ್ರ್ಯಾ ಮಿಸಾಕ್ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಹ್ಯಾ ಹಾಫ್ತ್ಯಾಚ್ಯಾ ಅರಾಧಾನಾ ವೆಳಾರ್ ಆಮಿಂ ಇಗರ್ಜ್ ಮಾತೆ ಥಾವ್ನ್ ಪಯ್ಸ್ ಗೆಲ್ಲ್ಯಾ ಸಾಂದ್ಯಾ ಪಾಸೊತ್ ಮಾಗ್ತೆಲ್ಯಾಂವ್.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ
ಸಪ್ಟೆಂಬರ್ 26: ಭಾಗೆವಂತ್ ಕೊಸ್ಮಾ ಆನಿ ದಾಮಿಯಾಂವ್ ರಕ್ತಸಾಕ್ಷಿ
ಸಪ್ಟೆಂಬರ್ 27: ಭಾಗೆವಂತ್ ವೆಸೆಂತ್ ಪಾವ್ಲ್ ಯಾಜಕ್
ಸಪ್ಟೆಂಬರ್ 29: ಭಾಗೆವಂತ್ ಮಿಂಗೆಲ್, ಗಾಬ್ರಿಯೆಲ್ ಆನಿ ರಾಫಾಯೆಲ್ ಮಹಾ-ದೇವ್‍ದೂತ್ ಪರಬ್
ಸಪ್ಟೆಂಬರ್ 30: ಭಾಗೆವಂತ್ ಜೆರೊಮ್
ವಾಡ್ಯಾಜಮಾತ್
ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ - ಒಲಿವರ್ ಸಂಗೀತಾ ಡಿಸೋಜಾ, 4.30 ವೊರಾರ್
ಆಜ್/ಫಾಲ್ಯಾಂ ಭುರ್ಗ್ಯಾಂಕ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಕಸಲೆಂಚ್ ಕಾರಣ್ ದೀನಾಸ್ತಾನಾಂ ಹ್ಯಾ ಪರೀಕ್ಷೆಕ್ ಹಾಜರ್ ಜಾಂವ್ಚೆಂ. ಇಸ್ಕೊಲಾಂತ್ ಜಾಂವ್ಚ್ಯಾ ಹೆರ್ ವಿಷಯಾಂಚ್ಯಾ ಪರೀಕ್ಷಾ ಬರಿಚ್ಚ್, ವ್ಹಡಿಲಾಂನಿ ಕ್ರೀಸ್ತೀ ಶಿಕ್ಷಣ್ ಪರೀಕ್ಷಾಕ್ ಭುರ್ಗ್ಯಾಂಕ್ ತಯಾರ್ ಕರ್ಚೆಂ ಗರ್ಜೆಚೆಂ ಜಾವ್ನಾಸಾ. ತವಳ್ ಮಾತ್ರ್ ಆಮ್ಚಿಂ ಭುರ್ಗಿಂ ಕ್ರಿಸ್ತೀ ಮೌಲ್ಯಾಂನಿ ವಾಡೊನ್ ಯೇವ್ನ್ ಸಮಾಜೆಂತ್ ಬರಿ ವ್ಯಕ್ತಿ ಜಾಂವ್ಕ್ ಸಾಧ್ಯ್. ಫಲಿತಾಂಶ್ ಅಕ್ಟೋಬರ್ 8 ತಾರಿಕೆರ್ ಆಸ್ತೆಲೆಂ ಜಾಲ್ಲ್ಯಾನ್, ಭುರ್ಗ್ಯಾಂಚ್ಯಾ ವ್ಹಡಿಲಾಂನಿ ತ್ಯಾ ತ್ಯಾ ಕ್ಲಾಸಿಚ್ಯಾ ಶಿಕ್ಷಾಕಾಂಕ್ ಮೆಳೊನ್ ಫಲಿತಾಂಶ್ ಘೆಂವ್ಹೆಂ.
ಡೊನ್‍ಬೊಸ್ಕೊ ಹೊಲಾಂತ್ ಚಲ್‍ಲ್ಲ್ಯಾ ವಿವಿಧ್ ಸ್ಪರ್ಧ್ಯಾಂನಿ ಆಮ್ಚ್ಯಾ ಫಿರ್ಗಜೆಕ್ ರನ್ನರ್ ಅಪ್ ಟ್ರೋಫಿ ಲಾಬ್ಲಾಂ. ಹ್ಯಾ ಬಾಬ್ತಿನ್ ಮುಕೇಲ್ಪಣ್ ಘೆತ್‍ಲ್ಲ್ಯಾ ಫಿರ್ಗಜೆಚೊ ಉಪಾಧ್ಯಕ್ಷ್ ಜೋಸೆಫ್ ಮಸ್ಕರೇನ್ಹಸ್, ಸಾಂಸ್ಕೃತಿಕ್ ಸಮಿತಿಚಿ ಸಂಚಾಲಕಿ ಜಾವ್ನಾಸ್ಚ್ಯಾ ಮೀನಾ ಪಿಂಟೊಕ್ ಆನಿ ಸಮಿತಿಚ್ಯಾ ಸಾಂದ್ಯಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ. ಭಾಗ್ ಘೆತ್‍ಲ್ಲ್ಯಾಂಕ್, ಇನಾಮಾಂ ಅಪ್ಣಾಯ್ಲ್ಯಾಂಕ್ ಅನಿ ಪಾಟಿಂಬೊ ದಿಲ್ಲ್ಯಾಂಕ್ ಸರ್ವಾಂಕ್ ದೇವ್ ಬರೆಂ ಕರುಂ. ಟ್ರೋಫಿ ಆಪ್ಣಾಯಿಲ್ಲ್ಯಾಕ್ ಶಾಭಾಸ್ಕಿ ಪಾಟಯ್ತಾಂವ್.
ಯೆಂವ್ಚೊ ಅಕ್ಟೋಬರ್ ಮಹಿನೊ ರೊಜಾರ್ ಮಾಯೆಕ್ ಸಮರ್ಪಿಲ್ಲೊ ಮಹಿನೊ ಜಾವ್ನಾಸಾ. ಪ್ರತ್ಯೇಕ್ ಜಾವ್ನ್ ಹ್ಯಾ ಮಹಿನ್ಯಾಂತ್ ಕೊಂತಾಚೆಂ ಭಕ್ತಿಪಣ್ ಆಧಾರ್ಚೆಂ. ಆಮಿಂ ಜಾಣಾಂವ್ ಹ್ಯಾ ದಿಸಾಂನಿ ಸಗ್ಳ್ಯಾ ಸಂಸಾರಾರ್ ಪ್ರಕೃತಿ ವಿಕೋಪ್ ಚಡೊನ್‍ಂಚ್ ಆಸಾ. ದೆಕುನ್ ಆಮಿಂ ಚಡ್ ಜಾವ್ನ್ ಮಾಗ್ಣೆಂ ತೇರ್ಸ್ ಕರ್ಚಿ ಗರ್ಜ್ ಆಸಾ. ಆನಿ ಹೊ ಜಾವ್ನಾಸಾ ಆಯಿನ್ನ್ ವೇಳ್, ಭುರ್ಗ್ಯಾಂಕೀ ಹ್ಯಾ ಮಹಿನ್ಯಾಂತ್ ಸಬಾರ್ ರಜೆ ಆಸಾತ್. ದೆಕುನ್ ಫಿರ್ಗಜೆಚ್ಯಾ ಸರ್ವ್ ಭುರ್ಗ್ಯಾಂನಿ ತಶೆಂಚ್ ವ್ಹಡಾಂನಿ ಸಾಂಜೆಚ್ಯಾ ಮಿಸಾ ಪಯ್ಲೆಂ ಜಾಂವ್ಚ್ಯಾ ತೇರ್ಸಾಕ್ ವ್ಹಡಾ ಸಂಖ್ಯಾನ್ ವಾಂಟೆಲಿ ಜಾವ್ನ್ ರೊಜಾರ್ ಮಾಯೆಚಿಂ ಪ್ರತ್ಯೇಕ್ ಆಶೀರ್ವಾದಾಂ ಜೋಡ್ನ್ ಘೆಂವ್ಚಿಂ. (ಹ್ಯಾ ದಿಸಾಂನಿ ಖಳಾನಾಸ್ತಾನಾಂ ತೇರ್ಸಾಕ್ ಆಯಿಲ್ಲ್ಯಾ ಭುರ್ಗ್ಯಾಂಕ್ ವಿಶೇಷ್ ಬಹುಮಾನ್ ಭುರ್ಗ್ಯಾಂಚ್ಯಾ ದಿಸಾ ದಿತೆಲ್ಯಾಂವ್)
ಸಾಂಸ್ಕೃತಿಕ್ ಸಮಿತಿ ವಾಡ್ಯಾವಾರ್ ಮೊಡ್ಲಾಂಥಾವ್ನ್ ಕಲಾಕೃತಿ ಸ್ಪರ್ಧೊ ಅಕ್ಟೋಬರ್ 1 ತಾರಿಕೆರ್ ಆಯ್ತಾರಾ ಸಾಂಜೆರ್ 4 ವೊರಾರ್ ಮಾಂಡುನ್ ಹಾಡ್ತಾ. ಭಾಗ್ ಘೆಂವ್ಚ್ಯಾ ವಾಡ್ಯಾಗಾರಾಂನಿ ತಾಂಚಿ ನಾವಾಂ ಬುದ್ವಾರಾ ಭಿತರ್ ದಫ್ತರಾಕ್ ಪಾವಿತ್ ಕರ್ಚಿಂ. ನಿಯಾಮಾಂ ನೋಟಿಸ್ ಬೋರ್ಡಾರ್ ಆಸಾತ್.
ಅಕ್ಟೋಬರ್ 3 ತಾರಿಕೆರ್ ಫಿರ್ಗಜೆಚ್ಯಾ ಹೊಲಾಂತ್ ನಾಗರಿಕ್ ಸಮಿತಿಚ್ಯಾ ಮುಕೇಲ್ಪಣಾಖಾಲ್ ಜನ ಸಂಪರ್ಕ ಸಭೆ ಆಸಾ ಕೆಲಾಂ. ಎಮ್‍ಎಲ್‍ಎ ಆನಿ ಹೆರ್ ಅಧಿಕಾರಿ ಹ್ಯಾ ಸಭೆಕ್ ಹಾಜರ್ ಆಸ್ತೆಲೆ. ತುಮ್ಚೆ ಸಮಸ್ಯೆ ದೋನ್ ವಾ ತೀನ್ ವಾಕ್ಯಾಂನಿ ಬರೊವ್ನ್ ವೆಗ್ಗಿಂಚ್ ದಿಂವ್ಚೆಂ. ತಶೆಂಚ್ ತ್ಯಾ ಸಮಸ್ಸೆಚೊ ಸವಿಸ್ತಾರ್ ವಿಷಯ್ ಅಪ್ಲಿಕೇಶನ್ ರುಪಾರ್ ಬರೊವ್ನ್ ಹಾಡ್ನ್ ಸಂಬಂದ್ ಜಾಲ್ಲ್ಯಾ ಅಧಿಕಾರಿಂಕ್ ವೈಯುಕ್ತಿಕ್ ಜಾವ್ನ್ ತ್ಯಾ ದಿಸಾ ದೀಂವ್ಕ್ ವಿನಂತಿ.
ಅಕ್ಟೋಬರ್ 8 ತಾರಿಕೆರ್ ಮಾಲ್ಘಡ್ಯಾಂಚೊ ದೀಸ್ ಆಚರಣ್ ಕರ್ತಾಂವ್. ಗುರ್ಕಾರ್/ ಗುರ್ಕಾರ್ನಿನ್ ತಾಂಚ್ಯಾ ವಾಡ್ಯಾಚ್ಯಾ 65 ವರ್ಸಾ ವಯ್ಲ್ಯಾ ಮಾಲ್ಘಡ್ಯಾಂಚಿ ನಾಂವಾಂ ಸಪ್ಟೆಂಬರ್ 30 ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರ್ಚಿಂ.
ನವೆಂಬರ್ 5 ತಾರಿಕೆರ್ ಆಮ್ಚ್ಯಾ ಫಿರ್ಗಜೆಚೊ ಸ್ಪೋರ್ಟ್ಸ್ ಡೇ ಆಸ್ತಲೊ.
ಆಜ್/ಫಾಲ್ಯಾಂ ಸಾಂ.ವಿಶೆಂತ್ ಪಾವ್ಲ್ ಸಭೆಚೆ ಫೆಸ್ತ್ ಆಚರಣ್ ಕರ್ಚ್ಯಾ ಸಂದರ್ಭಿ ತಾಂಕಾಂ ಫೆಸ್ತಾಚೆ ಶುಭಾಶಯ್ ಪಾಟಯ್ತಾಂ ಅನಿ ತಾಂಚ್ಯಾ ಮುಕ್ಲ್ಯಾ ವಾವ್ರಾಂತ್ ಬರೆಂ ಮಾಗ್ತಾಂ.
ಹ್ಯಾ ದಿಸಾಂನಿ ಭಾರತಾಂತ್ ವಿವಿಧ್ ರಿತಿಚೆಂ ಅನಾಚಾರ್ ಘಡೊನ್ ಆಸಾತ್. ಹ್ಯಾ ದಿಶೆನ್ ಸಪ್ಟೆಂಬರ್ 28 ತಾರಿಕೆರ್ ಸಾಂಜೆರ್ 3 ವೊರಾರ್ ಜ್ಯೋತಿ ಸರ್ಕಲಾ ಥಾವ್ನ್ “walk for freedom and fraternity” ಮಾಂಡುನ್ ಹಾಡ್ಲಾಂ. ಸರ್ವಾಂನಿ ಹಾಂತುನ್ ಕ್ರಿಯಾಳ್ ರಿತಿನ್ ಪಾತ್ರ್ ಘೆಜೆ ಮ್ಹಣ್ ವಿನಂತಿ.
ಸಪ್ಟೆಂಬರ್ 24 ತಾರಿಕೆರ್ ಎಂ.ಸಿ.ಸಿ ಬ್ಯಾಂಕಾಚ್ಯಾ ಸಾಂದ್ಯಾಂಚಿ ವಾರ್ಷಿಕ್ ಜಮಾತ್, ಸೈಂಟ್ ಸೆಬಾಸ್ಟಿಯನ್ ಜುಬಿಲ್ ಹಾಲ್, ಬೆಂದುರ್ ಸಕಾಳಿಂ 11 ವೊರಾರ್ ಚಲ್ತೆಲಿ.