ಅದ್ಲ್ಯಾ ಆಯ್ತಾರಾ ಮಿಸಾಂಚೆರ್ ಜಮೊ ಜಾಲ್ಲಿ ಕಾಣಿಕ್ 13791/ರುಪಯ್. ಹೊ ಐವಜ್ ಸಾಮೆ ದಿಯೆಸೆಜಿಕ್ ಧಾಡ್ನ್ ದಿಲಾ. ಸಗ್ಳೊ ಹಫೆÇ್ತ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳ್ ಮರಿ ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಐಸಿವೈಯಮ್ ಸಾಂದ್ಯಾಂನಿ, ದುಸ್ರ್ಯಾ ಮಿಸಾಕ್ ಆಟ್ವಿ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ಆಜ್/ಫಾಲ್ಯಾಂ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ಚೆಂನಾಂ.
ಸೊಮಾರಾ 4 ತಾರಿಕೆರ್ ಫಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಡಿಸೆಂಬರ್ 4:ಭಾಗೆವಂತ್ ಜುವಾಂವ್; ಡಿಸೆಂಬರ್ 8: ಭಾಗೆವಂತ್ ಅಂಕ್ವಾರ್ ಮರಿಯೆಚೊ ನಿಷ್ಕಳಂಕ್ ಗರ್ಭ್ ಸಂಭವ್.
ಹ್ಯಾ ಹಫ್ತ್ಯಾಂತ್ ಫಿರ್ಗಜೆಚ್ಯಾ ಉದರ್ಗತೆಖಾತಿರ್ ಆಯಿಲ್ಲೆಂ ದಾನ್
ಎಲೋಶಿಯಸ್ ಡಿಸೋಜಾ - ವೆಲಂಕಣಿ ವಾಡೊ -5,000/ ರುಪಯ್
ದಾನ್ ದಿಲ್ಲ್ಯಾಂಕ್ ದೇವ್ ಬರೆಂ ಕರುಂ ಮ್ಹಣ್ತಾಂ, ಬಾಳ್ ಮರಿಯೆಚಿಂ ಆಶೀರ್ವಾದಾಂ ತಾಂಚೆರ್ ಮಾಗ್ತಾಂ.
ಐಸಿವೈಯಮ್ ಸಾಂದ್ಯಾಚಿ ಜಮಾತ್ ಆಯ್ತಾರಾ 3ತಾರಿಕೆರ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ತಾ ವೆಳಾರ್ ಹಾಜರ್ ಜಾಂವ್ಚೆಂ.
ಸುಕ್ರಾರಾ 8 ತಾರಿಕೆರ್ ಸಾಂಜೆಚಾ ಮಿಸಾ ಉಪ್ರಾಂತ್ ಲ್ಹಾನ್ ಕ್ರೀಸ್ತೀ ಸಮುದಾಯಾಚೆಂ ಮೀಟಿಂಗ್ ಆಸ್ತೆಲೆಂ. ಸರ್ವ್ ಗುರ್ಕಾರ್/ಗುರ್ಕಾನಿನ್ ಹಾಜರ್ ಜಾಂವ್ಕ್ ವಿನಂತಿ.
ಸಾಂ.ಜುಜೆ ವಾಜ್ ಪೂನ್‍ಶೆತ್, ಮುಡಿಪು ವಾರ್ಶಿಕ್ ಮಹಾಪರಬ್ ಡಿಸೆಂಬರ್ 7, 8 ಆನಿ 9 ತಾರಿಕೆರ್ ಆಸ್ತೆಲಿ. ಪೂನ್‍ಶೆತಾಕ್ ಭೆಟ್ ದೀವ್ನ್ ಅತ್ಮಿಕ್ ಅನುಭವ್ ಜೊಡುಂಕ್ ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪವ್ಣೆಂ.
ಕ್ರಿಸ್ಮಸ್ ಆಚರಣ್ ಸಂಧರ್ಭಿ ಫಿರ್ಗಜ್‍ಗಾರಾಂಕ್ ನೆಕೆತ್ರ್, ಗರ್ದನಾಚೊ ಗೊಟೊ ತಶೆಂಚ್ ನತಾಲಾಂಚ್ಯಾ ರಾತಿಂ ವಾಡ್ಯಾವಾರ್ ಸಾಂತಾ ಶೋ ಮಾಂಡುನ್ ಹಾಡ್ಲಾ. ವಿವರ್ ನೋಟಿಸ್ ಬೋರ್ಡಾರ್ ಆಸಾ.
ಆಮ್ಚ್ಯಾ ಫಿರ್ಗಜೆಚಿ ಆರ್ಥಿಕ್ ಪರಿಸ್ಥಿತಿ ಸುದ್ರಾಂವ್ಚೆ ಖಾತಿರ್ ಗೊವ್ಳಿಕ್ ಪರಿಷದಿಂತ್ ನಿರ್ಣಯ್ ಘೆತ್‍ಲ್ಲ್ಯಾ “ಒನ್ ರುಪೀ ರೆವೆಲ್ಯೂಶನ್” ಯೋಜನಾಕ್ ಸರ್ವಾಂನಿ ಸಾಂಗಾತ್ ದಿಂವ್ಚೊ.
ಕ್ರಿಸ್ಮಸ್ ಫೆಸ್ತಾಕ್ ಇಗರ್ಜ್ ಸೊಬಂವ್ಕ್, ಗರ್ದನಾಚೊ ಗೊಟೊ ಆನಿ ನೆಕೆತ್ರ್ ಕರುಂಕ್ ಫಿರ್ಗಜೆಚಾ ಹರ್ಯೆಕ್ ಸಂಘ್ ಸಂಸ್ಥ್ಯಾಚ್ಯಾ ದೊಗಾಂ ಜಣಾಂನಿ ನಾಂವಾಂ ತಶೆಂಚ್ ಆಸಕ್ತ್ ಆಸ್‍ಲ್ಲ್ಯಾಂನಿ ತಾಂಚಿ ನಾಂವಾಂ ಫಿರ್ಗಜ್ ದಫ್ತರಾಕ್ ದಿಂವ್ಚಿ.
ಬಾಳೊಕ್ ಜೆಜುಚೆಂ ಪೂನ್ ಶೆತ್, ಬಿಕರ್ಣಕಟ್ಟೆ ಹಾಂಗಾಸರ್ ಡಿಸೆಂಬರ್ 3 ತಾರಿಕೆರ್ ಸಾಂಜೆರ್ 5ವೊರಾರ್ “ನಮಾನ್ ಬಾಳೊಕ್ ಜೆಜು” 9ವೊ ವಾರ್ಶಿಕ್ ದೀಸ್ ಸಾಂಜೆರ್ 5 ವೊರಾರ್ ಸಂಭ್ರಮ್. ಡಿಸೆಂಬರ್ 9 ತಾರಿಕೆರ್ ಸಾಂಜೆರ್ 6 ವೊರಾರ್ ಕಾರ್ಮೆಲ್ ಡೇ ನಾಚ್, ಸಂಗೀತ್, ಪೆÇಕಾಣಾಂನಿ ವಿಣ್ಲೆಲಿ ಸಾಂಸ್ಕೃತಿಕ್ ಸಾಂಜ್ ತಶೆಂಚ್ “ದೋನ್ ಶಿಂಗಾಂ” ಸಾಮಾಜಿಕ್ ನಾಟಕ್ ಪ್ರದರ್ಶನ್ ಜಾತಲೊ.
“ಯೆಯಾ ಗಾವುಯಾಂ” ಕ್ಯಾರಲ್ಸ್ ಸ್ಪರ್ಧೊ ಡಿಸೆಂಬರ್ 10 ತಾರಿಕೆರ್ 2.00ವೊರಾರ್ ಚಲ್ತಲೊ. ಹ್ಯಾ ಸರ್ವ್ ಕಾರ್ಯಾಂಕ್ ತುಮ್ಕಾಂ ಮಾಯಾಮೊಗಾಚೆಂ ಆಪವ್ಣೆಂ ದಿತಾಂವ್.
“ಮ್ಹಜೊ ತಾಳೊ ಗಾಯ್ತಲೊ” ಕೊಂಕ್ಣಿ ಗಾಯಾನ್ ಸ್ಪರ್ಧ್ಯಾಂತ್ ಎಲ್ಟನ್ ಪಿಂಟೊ ಗೋಲ್ಡನ್ ಮೈಕ್ ಜೋಡ್ನ್ ಮುಕ್ಲ್ಯಾ ಹಂತಾಕ್ ವಿಂಚುನ್ ಆಯ್ಲಾ. ತಾಕಾ ಅಭಿನಂದನ್ ತಶೆಂಚ್ ಬರೆಂ ಮಾಗ್ತಾಂವ್.
ಆತ್ಮಜ್ಯೋತಿ ಆಶ್ರಮಾ ಥಾವ್ನ್ “ಯೆಯಾ ಜೆಜು ಬಾಳ್ಕಾಕ್ ನಮಾನ್ ಕರ್ಯಾಂ” ಅಂತರ್ ಫಿರ್ಗಜ್ ಕ್ರಿಸಮಸ್ ಗಿತಾಂ ಸ್ಪರ್ಧೊ ದಶಂಬರ್ 16 ತಾರಿಕೆರ್ ಸಾಂಜೆರ್ 5.30ವೊರಾರ್ ಸಾಂ.ಅಂತೊನ್ ಅಸ್ರ್ಯಾಚ್ಯಾ ಗ್ರೌಂಡಾರ್ ಆಸಾ ಕೆಲಾ.
ಡಿಸೆಂಬರ್ 17 ತಾರಿಕೆರ್ ನತಲಾಂ ಫೆಸ್ತಾಕ್ ಅತ್ಮಿಕ್ ತಯಾರಾಯ್ ಜಾವ್ನ್ ಸಾಂಜೆರ್ 4.30 ಥಾವ್ನ್ 7ವೊರಾ ಪರ್ಯಾಂತ್ ಮಟ್ವಿ ರಿತಿರ್, ಪವಿತ್ರ್ ಸಾಕ್ರಾಮೆಂತಾಚೆಂ ಅರಾಧಾನ್ ಆನಿ ಕುಮ್ಸಾರಾಂ ಆಸ್ತೆಲಿಂ. ಕಾರ್ಮೆಲಿತ್ ಯಾಜಕ್ ಬಾಪ್ ಅನಿಲ್ ಪ್ರಶಾಂತ್ ಸಾಂಜೆಚಿ ರೆತಿರ್ ಚಲವ್ನ್ ವ್ಹರ್ತೆಲೆ. ಸರ್ವ್ ಫಿರ್ಗಜ್‍ಗಾರಾಂನಿ ಹಾಂತುನ್ ಭಾಗ್ ಘೆವ್ನ್ ಅತ್ಮಿಕ್ ಬರೆಂಪಣ್ ಜೊಡ್ಚೆಂ.
ಕ್ರಿಸ್ಮಸ್ ಸೌಹಾರ್ದ ಕೂಟಾ ಡಿಸೆಂಬರ್ 3 ತಾರಿಕೆರ್ ಸಾಂಜೆರ್ ಮಿಲಾಗ್ರಿಸ್ ಸಭಾಸಾಲಾಂತ್ ಆಸಾ ಕೆಲಾಂ. ಸರ್ವಾಂಕ್ ಮೊಗಾಚೆಂ ಅಪವ್ಣೆಂ.
ಕಲಾಕುಲ್ “ಅಸಂಗತ್” ಮ್ಹಳ್ಳೊ ನಾಟಕ್ ಡಿಸೆಂಬರ್ 3 ತಾರಿಕೆರ್ ಸಾಂಜೆರ್ 6.30ವೊರಾರ್ ಮಾಂಡುನ್ ಹಾಡ್ತಾ. ಸರ್ವಾಂಕ್ ಮೊಗಾಚೆಂ ಆಪವ್ಣೆಂ.
ಫಿರ್ಗಜೆಚ್ಯಾ ಥೊಡ್ಯಾಂನಿ ಉಚಾರ್ಲಿ ಅಭಿಪ್ರಾಯ್ ಮಾನುನ್ ಘೆವ್ನ್ ಜೊ ಕೋಣ್ ಫಿರ್ಗಜೆಚ್ಯಾ ಉದರ್ಗತೆ ಖಾತಿರ್ 50,000 ರುಪಯ್ ಆನಿ ಚಡಿತ್ ದುಡು ದಿತಾತ್ ತಾಂಚಿಂ ನಾಂವಾಂ ಇಗರ್ಜೆಚಾ ಮುಖ್ಲ್ಯಾ ದಾವಟ್ರ್ಯಾಲಾಗಿಂ ಆಸ್ಚ್ಯಾ ಮಾರ್ಬಲ್ ಫಾತ್ರಾರ್ ಬರೊವ್ನ್ ಘಾಲ್ತೆಲ್ಯಾಂವ್. ದೆಕುನ್ ಜರ್ ಕೊಣಾಂಯ್ಕಿ ತಾಂಚ್ಯಾ ಮೊಗಾಳ್ ಮಾಲ್ಘಡ್ಯಾಂಚ್ಯಾ ನಾಂವಾರ್ ವಾ ಉಗ್ಡಾಸಾಚೊ ಸಂಕೇತ್ ಜಾವ್ನ್ ಉದಾರ್‍ಮನ್ ದಾಕವ್ಯೆತ್ ಆನಿ ಫಿರ್ಗಜೆಚಿಂ ಮುಖ್ಲಿ ಯೊಜನಾಂ ಸುಫಳ್ ಜಾಂವ್ಚ್ಯಾಕ್ ಆದಾರ್ ದಿವ್ಯೆತ್.