ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಧಾವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
6.30 ಚ್ಯಾ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ವೆಲ್ಲ್ಯಾ ಐವೈಯಮ್ ಸಾಂದ್ಯಾಂಕ್ ದೇವ್ ಬರೆಂ ಕರುಂ.
9.15 ಚ್ಯಾ ಮಿಸಾಚಿ ದೇವ್ ಸ್ತುತಿ ಚಲೊವ್ನ್ ವೆಲ್ಲ್ಯಾ ಪಿಯುಸಿಚ್ಯಾ ಭುರ್ಗ್ಯಾಂಕ್ ದೇವ್ ಬರೆಂ ಕರುಂ.
ಆಜ್/ಫಾಲ್ಯಾಂ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ಚೆಂನಾಂ.
ಫೆಬ್ರವರಿ 11 ತಾರಿಕೆರ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ ಸರ್ವ್ ಭುರ್ಗ್ಯಾಂನಿ ಬರಿ ತಯಾರಾಯ್ ಕರ್ನ್ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ.
ಫೆಬ್ರವರಿ 18 ತಾರಿಕೆರ್ ಸರ್ವ್ ಭುರ್ಗ್ಯಾಂಕ್ ದೊತೊರ್ನ್ ಆಸಾ ತಶೆಂಚ್ ಹರ್ಯೆಕ್ ಭುರ್ಗ್ಯಾಚ್ಯಾ ವ್ಹಡಿಲಾಂನಿ ಹ್ಯಾ ದೀಸ್ ಯೇವ್ನ್ ಶಿಕ್ಷಕಾಂಕ್ ಮೆಳೊನ್ ರಿಸಲ್ಟ್ ಪಳಂವ್ಕ್ ಆವ್ಕಾಸ್ ಆಸಾ. ತಶೆಂಚ್ ಫೆಬ್ರವರಿ 25ಕ್ ದೊತೊರ್ನಿಚೊ ದಿವಸ್ ಆಸ್ತಲೊ. ಭುರ್ಗ್ಯಾಂಸಂಗಿಂ ವ್ಹಡಿಲಾಂನಿ ಹಾಜರ್ ಆಸೊಂಕ್ ಜಾಯ್.
ವಾಡ್ಯಾ ಜಮಾತ್
ಬಾಳ್ ಮರಿ ವಾಡೊ - ಫ್ರಾನ್ಸಿಸ್ ಮಾರ್ಗರೇಟ್ ಡಿಸೋಜಾ - 4.00 ವೊರಾರ್
ವೆಲಂಕಣಿ ವಾಡೊ - ತೋಮಸ್ ಮಾರ್ಗರೇಟ್ ಗಾಮಾ - 5.00 ವೊರಾರ್
(ವಿಶಯ್: ದೇವ್‍ಸ್ತುತೆಂತ್ ವಾಡ್ಯಾಗಾರಾಂಚೆ ಹಾಜರ್ಪಣ್ ಆನಿ ತೇರ್ಸಾಚ್ಯಾ ವರ್ಸಾಕ್ ಹಾತೀಂ ಘೆಂವ್ಚಿ ಕಾರ್ಯಕ್ರಮಾಂ)
ಪಾಸ್ಕಾಂ ಫೆಸ್ತಾಕ್ ತಯಾರಾಯ್ ಜಾವ್ನ್ ಪ್ರಾಚಿತ್ ಕಾಳಾಚಿ ರೆತಿರ್ ಮಾರ್ಚ್ 2 ಥಾವ್ನ್ 4 ತಾರಿಕೆ ಮ್ಹಣಾಸರ್ ತೀನ್ ದೀಸ್ ದಿಸಾಂಚಿ ರೆತಿರ್ ಸಾಂಜೆರ್ ಆಸ್ತೆಲಿ. ಚಡಿತ್ ವಿವರ್ ಮುಕಾರ್ ತಿಳ್ಸಿತೆಲ್ಯಾಂವ್.
ಫೆಬ್ರೆರ್ 18 ತಾರಿಕೆರ್ ದುಸ್ರ್ಯಾ ಮಿಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದೆಚೆಂ ಮೀಟಿಂಗ್ ಆಸಾ. ಕಿತೆಂಚ್ ಕಾರಣ್ ದೀನಾಸ್ತಾನಾಂ ಸರ್ವ್ ಸಾಂದ್ಯಾಂನಿ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ.
ಫೆಬ್ರೆರ್ 14 ಥಾವ್ನ್ 18 ತಾರಿಕೆ ಮ್ಹಣಾಸರ್ ಅಮಾಲ್ ಪಿಯೆವ್ಣ್ಯಾ ಥಾವ್ನ್ ಸುಟ್ಕೆಚೆಂ ಧರ್ಮಾರ್ಥ್ ಶಿಬಿರ್ ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲಾಂ. ಹ್ಯಾ ಶಿಬಿರಾಚೊ ಫಾಯ್ದೊ ಜೊಡ್ಚೊ ಆನಿ ಹೆರಾಂಕ್ ತಿಳ್ಸುಂಚೆಂ.
ಕುರೊವ್ ಮುಕ್ಲೊ ಅಂಕೊ ಪಾಸ್ಕಾಂ ಫೆಸ್ತಾಕ್, ವಿಷಯ್: ತೇರ್ಸಾಚೆಂ ವರಸ್ 2018, ಭುರ್ಗ್ಯಾಂಥಂಯ್ ಬರೊಂವ್ಚ್ಯಾ ತಾಲೆಂತಾಕ್ ಪ್ರೋತ್ಸಾಹ್ ದಿಂವ್ಚ್ಯಾ ದಿಶೆನ್ ಹ್ಯಾ ಅಂಕ್ಯಾಂತ್ 5 ವಾಡ್ಯಾಚ್ಯಾ ಭುರ್ಗ್ಯಾಂಕ್, ಯುವಜಣಾಂಕ್ ಅವ್ಕಾಸ್ ಕರ್ನ್ ದಿಲಾ, ವ್ಹಡಿಲಾಂನಿ ಭುರ್ಗ್ಯಾಂಕ್ ಪ್ರೋತ್ಸಾಹ್ ದಿಂವ್ಚೊ.
ಬಾಳೊಕ್ ಜೆಜು, ಅವಿಲಾ, ಲೂಡ್ಸ್, ಸಾಂ. ಜುಜೆ, ಸಾಂ. ಅಂತೊನ್ ಹ್ಯಾ ವಾಡ್ಯಾಚ್ಯಾಂನಿ ಕಡ್ಡಾಯ್ ಜಾವ್ನ್ ಪಾತ್ರ್ ಘೆಂವ್ಕ್ ಆಸಾ.
ತೇರ್ಸ್ ಮರಿ ಹ್ಯಾ ವಿಶಿಂ ಲೇಖನಾಂ, ಸ್ವರಚಿತ್ ಕವನಾಂ, ವಿಶೇಷ್ ಘಡಿತಾಂ, ಪಿಂತುರಾಂ, ವಾ ಹೆರ್ ಕಿತೆಂಯ್ ಹ್ಯಾ ವಿಶಯಾಕ್ ಸಂಬಂಧ್ ಜಾಲ್ಲ್ಯಾವಿಶಿಂ ಬರೊವ್ನ್ ದಿವ್ಯೆತ್ (ಹೆರಾಂಕೀ ಅವ್ಕಾಸ್ ಆಸಾ) ಅಕ್ರೇಚೊ ದೀಸ್ ಮಾರ್ಚ್ 10.
ಕರೆಜ್ಮಾಚ್ಯಾ ಪಯ್ಲ್ಯಾ ಆಯ್ತಾರಾ, ಫೆಬ್ರವರಿ 18 ತಾರಿಕೆರ್ ಸಾಂಜೆರ್ 6 ವೊರಾರ್, ಡೊನ್ ಬೊಸ್ಕೊ ಸಾಲಾಂತ್ ಧಾರ್ಮಿಕ್ ನಾಟಕ್ “ತುಂ ವರ್ತೊ ಧನ್ಯಾ” ಪ್ರದರ್ಶಿತ್ ಜಾತಾ. ಪ್ರವೇಶ್ ಧರ್ಮಾರ್ಥ್.
ಸಾಂತ್ ಅಂತೊನಿಚ್ಯಾ ರೆಲಿಕೆಚಿ ದಬಾಜಿಕ್ ಪರಬ್ ಫೆಬ್ರೆರ್ 15 ತಾರಿಕೆರ್ ಸಾಂಜೆರ್ 6 ವೊರಾರ್ ಮಿಲಾರ್ ಇಗರ್ಜೆಚ್ಯಾ ಉಗ್ತ್ಯಾ ಮಯ್ದಾನಾರ್ ಆಸ್ತೆಲಿ. ತುಮ್ಕಾಂ ಮೊಗಾಚೆಂ ಆಪವ್ಣೆಂ.
ಸಿಂಜಿಚ್ಯಾ ಬುದ್ವಾರಾ ಫೆಬ್ರವರಿ 14 ತಾರಿಕೆರ್ ಸಾಕಾಳಿಂ 6.30 ವೊರಾರ್ ಆನಿ ಸಾಂಜೆರ್ 6.00 ವೊರಾರ್ ಮಿಸಾಂ ಆಸ್ತೆಲಿಂ. ತ್ಯಾ ದಿಸಾ ಆನಿ ಕರೆಜ್ಮಾಚ್ಯಾ ಹರ್ಯೆಕಾ ಸುಕ್ರಾರಾ ಜಿಂಜ್ವಾರ್ ಕರುಂಕ್ ಆನಿ ಮಾಸ್ ಖಾಂವ್ಕ್ ಆಡ್ವಾರ್ಲಾಂ. ಕರೆಜ್ಮಾಚ್ಯಾ ದಿಸಾಂನಿ ಸುಕ್ರಾರಾ ಸಾಂಜೆಚ್ಯಾ ಮಿಸಾ ಪಯ್ಲೆಂ 5.30 ವೊರಾಂಕ್ ಆನಿ ಆಯ್ತಾರಾ ದುಸ್ರ್ಯಾ ಮಿಸಾ ಪಯ್ಲೆಂ ಖುರ್ಸಾ ವಾಟ್ ಆಸ್ತೆಲಿ. ಚಡಿತ್ ಮಾಗ್ಣೆಂ ಆನಿ ಉಪಾಸ್ ಕರ್ನ್ ಸೊಮ್ಯಾ ಜೆಜುಚೊ ಪಾಟ್ಲಾವ್ ಕರುಂಕ್ ಹೊ ಏಕ್ ಬರೊ ಆವ್ಕಾಸ್. ಪ್ರತ್ಯೇಕ್ ಜಾವ್ನ್ ಫಿರ್ಗಜೆಚ್ಯಾ ಭುರ್ಗ್ಯಾಂನಿ ಆನಿ ಯುವಜಣಾಂನಿ ಹಾಂತುನ್ ಕ್ರಿಯಾಳ್ ವಾಂಟೊ ಘೆಂವ್ಕ್ ಹಾಂವ್ ಉಲೊ ದಿತಾಂ.
ಘರ್ ಬೆಜ್ಮೆತಾಂ ಯೆಂವ್ಚ್ಯಾ ಹಫ್ತ್ಯಾಂತ್ ಪ್ರಾರಂಭ್ ಕರ್ತೆಲ್ಯಾಂವ್.
ಘರ್ ಬೆಜ್ಮೆತಾಂ:
19/2/2018 ಸೊಮಾರಾ - ಜೆಜುಚೆಂ ಲ್ಹಾನ್ ಫುಲ್ ವಾಡೊ
20/2/2018 ಮಂಗ್ಳಾರಾ - ಕಾರ್ಮೆಲ್ ವಾಡೊ
21/2/2018 ಬುದ್ವಾರಾ - ವೆಲಂಕಣಿ ವಾಡೊ
22/2/2018 ಬ್ರೆಸ್ತಾರಾ - ಬಾಳ್ ಮರಿ ವಾಡೊ
23/2/2018 ಸುಕ್ರಾರಾ - ಜೆಜುಚೆಂ ಪವಿತ್ರ್ ಕಾಳಿಜ್ ವಾಡೊ
26/2/2018 ಸೊಮಾರಾ - ಅವಿಲಾ ವಾಡೊ
27/2/2018 ಮಂಗ್ಳಾರಾ - ಬಾಳೊಕ್ ಜೆಜು ವಾಡೊ
28/2/2018 ಬುದ್ವಾರಾ - ಸಾಂ. ಜುಜೆ ವಾಡೊ
01/3/2018 ಬ್ರೆಸ್ತಾರಾ - ಸಾಂತ್ ಅಂತೊನ್ ವಾಡೊ ಆನಿ ಲೂಡ್ಸ್ ವಾಡೊ
ಬೆಜ್ಮೆತಾಂ ಸಾಂಜೆರ್ 5 ವೊರಾರ್ ಪ್ರಾರಂಭ್ ಕರ್ತೆಲ್ಯಾಂವ್. (ಘರ್ ನಿತಳ್ ದವರ್ಚೆಂ ಆನಿ ಸರ್ವ್ ಸಾಂದ್ಯಾಂನಿ ಹಾಜರ್ ಆಸ್ಚೆಂ)
ಹ್ಯಾ ಹಫ್ತ್ಯಾಂತ್ ಸೊಮಾರಾ ಆನಿ ಮಂಗ್ಳಾರಾ ದೊನೀ ಯಾಜಕ್ ಆಸ್ಚೆನಾಂತ್, ಪೂಣ್ ಸಾಂಜೆಚೆಂ ಮೀಸ್ ಸದಾಂಚೆ ಪರಿ ಆಸ್ತೆಲೆಂ.
ಎಕಾ ಮಹಿನ್ಯಾ ಆದಿಂ ಎಲೆಕ್ಷಾನಾ ಖಾತಿರ್ ಗುರ್ಕಾರ್/ಗುರ್ಕಾರ್ನಿಂಕ್ ದಿಲ್ಲೆಂ ಎಲೆಕ್ಶ್ಶನ್ ಫೊರ್ಮ್ ಜಾತಾ ತಿತ್ಲ್ಯಾ ವೆಗ್ಗಿಂ ಹಾಡ್ನ್ ದೀಂವ್ಕ್ ವಿನಂತಿ. ಫೊರ್ಮಾಂ ಆಫಿಸಾಂತ್ ಆಸಾತ್ ಜಾಯ್ ಜಾಲ್ಯಾಂನಿ ತಿಂ ಫಾಲ್ಯಾಂಭಿತರ್ ವ್ಹರ್ಚಿಂ. ಸಾಂಗಾತಾಚ್ಚ್ ಹ್ಯಾ ವಿಶಿಂ ಚಡಿತ್ ಮಾಹೆತ್ ಜಾಯ್ ತರ್ ದೀಪಕ್ ಅಲ್ಬುಕರ್ಕ್ ಆನಿ ಲೆಸ್ಲಿ ಡಿಕ್ರುಜ್ ಹಾಂಕಾಂ ಮೆಳ್ಚೆಂ.