ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಸೆಕುಲಾರ್ ಕಾರ್ಮೆಲಿತ್ ಸಾಂದ್ಯಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಅವಿಲಾಚಿ ಸಾಂ. ತೆರೆಜ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಆಧ್ಯಾತ್ಮಿಕ್ ಸಮಿತಿ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ. ದುಸ್ರ್ಯಾ ಮಿಸಾಕ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಸಾಂದ್ಯಾನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಫಾಲ್ಯಾಂ (ಆಜ್) ಸಾಂಜೆಚ್ಯಾ ಅರಾಧಾನಾ ವೆಳಾರ್ ಕೈದ್ಯಾಂ ಪಾಸೊತ್ ಮಾಗ್ತೆಲ್ಯಾಂವ್.
ಆಗೋಸ್ತ್ 20 ತಾರಿಕೆರ್ 9.15 ವೊರಾಂಚ್ಯಾ ಮಿಸಾಚೆರ್ ಲ್ಹಾನ್ ಕ್ರಿಸ್ತಾಂವ್ ಸಮುದಾಯ್ ದೀಸ್ ಆಚರಣ್ ಆಸ್ತಲೊ. ಮಿಸಾ ಉಪ್ರಾಂತ್ ಮಟ್ಟೆಂ ಕಾರ್ಯಕ್ರಮ್ ಹೊಲಾಂತ್ ಆಸ್ತೆಲೆಂ. ಹ್ಯಾ ಕಾರ್ಯಾಕ್ ಗುರ್ಕಾರ್, ಪ್ರತಿನಿಧಿ ಆನಿ ವಾಡ್ಯಾಚಿ ಕೋರ್ ಕಮಿಟಿ ಸಾಂದೆ ಆನಿ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಾಂದ್ಯಾಂನಿ ಕಡ್ಡಾಯ್ ಜಾವ್ನ್ ಹಾಜರ್ ಜಾಂವ್ಚೆಂ. ಗುರ್ಕಾರಾಂನಿ ಸಾಂದ್ಯಾಂಚಿ ನಾವಾಂ ಹ್ಯಾ ಹಫ್ತ್ಯಾಚ್ಯಾ ಬುದ್ವಾರಾ 16 ತಾರಿಕೆ ಭಿತರ್ ಫಿರ್ಗಜ್ ದಫ್ತರಾಕ್ ದಿಂವ್ಚಿಂ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ
ಅಗೋಸ್ತ್ 14: ಭಾಗೆವಂತ್ ಮಾಕ್ಸಿಮಿಲಿಯಾನ್
ಆಗೊಸ್ತ್ 15: ಭಾಗೆವಂತ್ ಅಂಕ್ವಾರ್ ಮರಿಯೆಚೆಂ ಸ್ವರ್ಗಾರೋಹಣ್ ತ್ಯಾ ದೀಸ್ ದೋನ್ ಮಿಸಾಂ ಆಸ್ತೆಲಿಂ. ಪಯ್ಲೆಂ ಮೀಸ್ ಸಾಕಾಳಿಂ 6.30 ವೊರಾರ್, ಗಾಯಾನ್ ಪಂಗಡ್ ಸಾಂದ್ಯಾಂನಿ ದೇವ್‍ಸ್ತುತಿ ಚಲೊವ್ನ್ ವರ್ಚಿ. ಮಿಸಾ ಉಪ್ರಾಂತ್ ಧ್ವಜಾರೋಹಣ್ ಕಾರ್ಯೆಂ ಆಸಾ. ಸ್ವೀಟ್ಸ್ ದೀಂವ್ಕ್ ಮನ್ ಆಸ್‍ಲ್ಲ್ಯಾಂನಿ ಫಿರ್ಗಜ್ ದಫ್ತರಾಕ್ ಕಳೊಂವ್ಹೆಂ. ದುಸ್ರೆಂ ಮೀಸ್ ಸಾಕಾಳಿಂ 9 ವೊರಾರ್ ಅವಿಲಾಚಿ ಸಾಂ. ತೆರೆಜ್ ವಾಡ್ಯಾಗಾರಾಂನಿ ದೇವ್‍ಸ್ತುತಿ ಚಲೊವ್ನ್ ವರ್ಚಿ. 8.30 ವೊರಾರ್ ಫಿರ್ಗಜೆಚಾ ಯುವಜಣಾಂನಿ ‘ಸ್ವಚ್ಚ್ ಬಜ್ಜೋಡಿ’ ಕಾರ್ಯಕ್ರಮ್ ಮಾಂಡುನ್ ಹಾಡ್ಲಾಂ. ಫಿರ್ಗಜೆಚಾ ಸರ್ವ್ ಯುವಜಣಾಂನಿ ತಶೆಂಚ್ ಲ್ಹಾನಾಂ ವ್ಹಡಾಂನಿ ಕೇವಲ್ ದೋನ್ ವೊರಾಂ ಸಾಂಗಾತಾ ಮೆಳೊನ್ ಸಿಸ್ಟ್ರಚಾಂ ಕೊನ್ವೆಟಾ ಥಾವ್ನ್ ಇಗರ್ಜೆ ಪರ್ಯಾಂತ್ ನಿತಳಾಯ್ ಕರ್ಚ್ಯಾ ವಾವ್ರಾಂತ್ ಸಾಂಗಾತ್ ದಿಂವ್ಚೊ. ನಿತಳ್ ಕರುಂಕ್ ಜಾಯ್ ಆಸ್ಚಿ ಸಾಹೆತ್ ಹಾಡ್ನ್ ಯೆಂವ್ಚಿ. ಉಪ್ರಾಂತ್ ಸಾಂಜೆರ್ 4 ವೊರಾರ್ ಪಂಗಡ್ ಗಾಯನ್ ಸ್ಪರ್ಧೊ ಪ್ರಾರಂಭ್ ಜಾತಲೊ. ಸರ್ವಾಂನಿ ಹಾಜರ್ ಜಾವ್ನ್ ಪಾಟಿಂಬೊ ದಿಂವ್ಚೊ.
ವಾಡ್ಯಾ ಜಮಾತ್
ವೆಲಂಕಣಿ ವಾಡೊ - ಲೆಸ್ಲಿ ಡಿಕ್ರೂಜ್ - 3.30 ವೊರಾರ್
ಅವಿಲಾಚಿ ಸಾಂ. ತೆರೆಜ್ ವಾಡೊ - ಲೀನಾ ಲ್ಯಾನ್ಸಿ ಡಿಸೋಜಾ - 4.00 ವೊರಾರ್
ಬಾಳ್ ಮರಿ ವಾಡೊ - ಹೆಲೆನ್ ಡಿಸೋಜಾ - 4.00 ವೊರಾರ್
ಸಾಂ. ಜುಜೆ ವಾಡೊ ಡೇವಿಡ್ ಡಿಕುನ್ಹಾ - 4.00 ವೊರಾರ್
ಕುಟ್ಮಾ ಫೆಸ್ತ್ ಆಮಿಂ ಸಪ್ಟೆಂಬರಾಚ್ಯಾ 8 ತಾರಿಕೆರ್ ಮೊಂತಿ ಸಾಯ್ಭಿಣಿಚ್ಯಾ ಫೆಸ್ತಾ ದಿಸಾ ಸಾಂಜೆರ್ 5.30 ವೊರಾರ್, ಸರ್ವ್ ಫಿರ್ಗಜ್‍ಗಾರಾಂ ಸಾಂಗಾತಾ ಮೆಳೊನ್ ಸಂಭ್ರಮ್ತಾಂವ್. 5.30 ವೊರಾರ್ ಸಾಂಸ್ಕೃತಿಕ್ ಕಾರ್ಯೆಂ ಉಪ್ರಾಂತ್ ಸಾಂಗಾತಾ ಕುಟ್ಮಾ ಜೆವಾಣ್ ಆಸ್ತೆಲೆಂ. ಫೆಸ್ತ್ ಮಿಸಾಕ್ ಮುರ್ದೊಮ್ ಆನಿ ಫೆಸ್ತ್ ಸಂಭ್ರಂವ್ಕ್ ತಶೆಂಚ್ ಕುಟ್ಮಾ ಜೆವ್ಣಾಕ್ ವೊರ್ವಿ ಹಾಡುಂಕ್ ದಾನ್ ದೀವ್ನ್ ಹೊ ಸಂಭ್ರಮ್ ಚಲೊಂಕ್ ಸರ್ವಾಂನಿ ಸಹಾಕಾರ್ ದಿಂವ್ಚೊ.
ಬಾಳ್ ಮರಿಯೆ ಮುಖಾಂತ್ರ್ ಸಬಾರ್ ಅಜ್ಯಾಪಾಂ ಆಮ್ಚ್ಯಾ ಫಿರ್ಗಜೆಂತ್ ಮಾತ್ರ್ ನ್ಹಯ್ ಅಸ್ತಾಂ ಭಾಯ್ಲ್ಯಾ ಲೊಕಾ ಥಂಯ್ ಘಡ್ಲ್ಯಾಂತ್ ಆನಿ ಘಡೊನ್‍ಂಚ್ ಆಸಾತ್. ಹಾಕಾ ಏಕ್ ಸಾಕ್ಸ್ ಅದ್ಲ್ಯಾ ಕುರೊವ್ ಅಂಕ್ಯಾಂತ್ ತುಮಿ ವಾಚ್ಲ್ಯಾ ಜಾವ್ಯೆತ್. ಜರ್‍ತರ್ ತುಮ್ಕಾಂ, ತುಮ್ಚ್ಯಾ ಘರಾಂನಿ ಬಾಳ್ ಮರಿಯೆಚಿ ಇಮಾಜ್ ದವರುನ್ ಮಾನ್ ಕರುಂಕ್ ಜಾಯ್ ತರ್ ಆಮ್ಚ್ಯಾ ದಫ್ತರಾಕ್ ಮೆಳ್ಚೆಂ ಆನಿ ಆಮಿಂ ತಿ ತಯಾರ್ ಕರ್ನ್ ದಿತೆಲ್ಯಾಂವ್.
ಸಿಟಿ ವಾರಾಡೊ ಹಂತಾರ್ ಬೊಂದೆಲ್ ಘಟಕಾಚ್ಯಾ ಮುಖೇಲ್ಪಣಾಖಾಲ್ ಬೊಂದೆಲ್ ಫಿರ್ಗಜೆಚ್ಯಾ ಸಭಾ ಸಾಲಾಂತ್ ಸಪ್ಟೆಂಬರ್ 3 ತಾರಿಕೆರ್ ಸಾಂಜೆರ್ 3.30 ವೊರಾರ್ ಧಾವಿ, ಪಿಯುಸಿ, ಡಿಗ್ರಿ ಆನಿ ಮಾಸ್ಟರ್ ಡಿಗ್ರಿ ಅಂತಿಮ್ ಪರೀಕ್ಷೆಂತ್ ಡಿಸ್ಟಿಂಕ್ಷನ್ ಜೊಡ್‍ಲ್ಲ್ಯಾ ಭುರ್ಗ್ಯಾಂಕ್ ತಶೆಂಚ್ ರಾಜ್ಯ್ ಆನಿ ರಾಷ್ಟ್ರ್ ಮಟ್ಟಾರ್ ವಿಶೇಸ್ ಸಾಧನ್ ಕೆಲ್ಲ್ಯಾ ಭುರ್ಗ್ಯಾಂಕ್ ಸನ್ಮಾನ್ ಕಾರ್ಯೆಂ ಆಸ್ತೆಲೆಂ. ಫಿರ್ಗಜ್ ವಿಗಾರಾ ಮುಖಾಂತ್ರ್ ತುಮ್ಚಿ ನಾಂವಾಂ, ಇತರ್ ಮಾಹೆತ್ ಅಗೋಸ್ತ್ 17 ತಾರಿಕೆ ಭಿತರ್ ಪಾವಿತ್ ಕರ್ಚಿಂ.
ಫಾಲ್ಯಾಂ (ಆಜ್ ಆಯ್ತಾರಾ 13 ತಾರಿಕೆರ್) ಡೊನ್‍ಬೊಸ್ಕೊ ಹೊಲಾಂತ್ ಕೊಂಕ್ಣಿ ವ್ಹಡಾಂಚೊ ಗಾಯಾನ್ ಸ್ಪರ್ಧೊ ಸಾಂಜೆರ್ 4 ವೊರಾರ್ ಆಸ್ತಲೊ. ಭಾಗ್ ಘೆಂವ್ಚ್ಯಾ ಸರ್ವಾಂಕ್ ಬರೆಂ ಮಾಗ್ತಾಂವ್.
ಮಣಿಪಾಲ್ ಹೆಲ್ತ್ ಕಾರ್ಡ್ ನವೀಕೃತ್ ಕರುಂಕ್ ಆಸ್‍ಲ್ಲ್ಯಾಂನಿ ವೆಗಿಂಚ್ ಕರ್ಚಿ ತಶೆಂಚ್ ನವೆಂ ಕಾರ್ಡ್ ಕರ್ತೆಲ್ಯಾಂಕೀ ಅವ್ಕಾಸ್ ಅಸಾ. ವಿವರ್ ನೋಟಿಸ್ ಬೋರ್ಡಾರ್ ಆಸಾ.