ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಮರಿಯಾಳ್ ಲೀಜನ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.
ಆಜ್ ಧ್ಯಾನ್, ಆರಾದಾನ್ ಪವಿತ್ರ್‍ಸಭೆಚೆಂ ಮಾಗ್ಣೆಂ ಆಸಾ. ಸೊಮಾರಾಚಾ ದಿಸಾ ಜಾಗತಿಕ್ ಕ್ಯಾನ್ಸರಾಚೊ ದೀಸ್ ದೆಕುನ್ ಆರಾಧಾನಾ ವೆಳಾರ್ ಕ್ಯಾನ್ಸರ್ ಪಿಡೆನ್ ವಳ್ವಳ್ತೆಲ್ಯಾಂ ಪಾಸತ್ ಆಮಿ ಪ್ರತ್ಯೇಕ್ ರಿತಿನ್ ಮಾಗ್ತೆಲ್ಯಾಂವ್.
ಫೆಬ್ರೆರ್ 4ತಾರಿಕೆರ್ ಸೊಮಾರಾ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್. ಜೊಕ್ತಿ ತಯಾರಾಯ್ ಕರ್ಚಿ.
ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ಫೆಬ್ರವರಿ 4: ಸಾಂ. ಜೊನ್ ದೆ ಬ್ರಿಟ್ಟೊ, ಫೆಬ್ರವರಿ 5: ಸಾಂತ್. ಅಗಾತಾ, ಅಂಕ್ವಾರ್ ಆನಿ ಮಾಡ್ತಿರ್, ಫೆಬ್ರವರಿ 6: ಸಾಂ. ಪಾವ್ಲ್ ಮಿಕಿ ಆನಿ ಸಾಂಗಾತಿ, ಮಾಡ್ತಿರ್. ಫೆಬ್ರವರಿ 7: ಸಾಂ. ಗೊನ್ಜಾಲೊ ಗಾರ್ಸಿಯಾ, ಮಾಡ್ತಿರಾಚೆ ಸ್ಮರಣ್
ಫೆಬ್ರವರಿ 10 ತಾರಿಕೆರ್ ದೊತೊರ್ನಿಚಿ ಪರೀಕ್ಷಾ ಆಸ್ತೆಲಿ. ಸರ್ವ್ ಭುರ್ಗ್ಯಾಂನಿ ಜೊಕ್ತಿ ತಯಾರಾಯ್ ಕರ್ಚಿ ಆನಿ ವೆಳಾರ್ ಹಾಜರ್ ಜಾಂವ್ಚೆಂ. ಫೆಬ್ರವರಿ 24ಕ್ ದೊತೊರ್ನಿಚೊ ದೀಸ್ ಆಚರಣ್ ಕರ್ತಾಂವ್.
ಹ್ಯಾ ಮಹಿನ್ಯಾಂತ್ ವಾಡ್ಯಾ ಜಮಾತ್ ಆಸಾ. ಲ್ಹಾನ್ ಕ್ರೀಸ್ತಿ ಸಮುದಾಯಾಚಿ ತರ್ಭೆತಿ ಪ್ರೆಬ್ರವರಿಚಾ 4 ತಾರಿಕೆರ್ ಯೆಂವ್ಚ್ಯಾ ಬುದ್ವಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲಿ. ಸಮಿತಿಚಾ ಸಾಂದ್ಯಾಂನಿ, ವಾಡ್ಯಾಜಮಾತ್ ಚಲವ್ನ್ ವರ್ಚ್ಯಾ ಪ್ರೇರಕಾಂನಿ ಚುಕಾನಾಸ್ತಾಂ ಹಾಜರ್ ಜಾಂವ್ಕ್ ವಿನಂತಿ.
ಫಿರ್ಗಜೆಚೆಂ ಫೆಸ್ತ್ ಸಂಭ್ರಮಾನ್ ಆಚರಣ್ ಕರುಂಕ್ ಸಹಕರ್ಸಿಲ್ಲ್ಯಾ ಆನಿ ವ್ಹಡಾ ಸಂಖ್ಯಾನ್ ಮಿಸಾಕ್ ತಶೆಂಚ್ ಸಾಂಸ್ಕೃತಿಕ್ ಕಾರ್ಯಾಕ್ ಹಾಜರ್ ಜಾಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ತಾಂ.
