Sunday Announcements

ಅಲ್ಲೆಲೂಯಾ, ಕ್ರೀಸ್ತ್ ಜಿವಂತ್ ಜಾಲಾ! ಹಾಂಗಸರ್ ಹಾಜರ್ ಆಸ್ಚ್ಯಾ ಯಾಜಕಾಂಚಾ ತರ್ಫೆನ್ ತುಮ್ಕಾಂ ಸರ್ವಾಂಕ್ ಜೆಜು ಕ್ರಿಸ್ತಾಚ್ತಾ ಪುನರ್‍ಜಿವಂತ್ಪಣಾಚೆಂ ಭಾಗಿ ಫೆಸ್ತ್ ಮಾಗ್ತಾಂ. ಜಿವಂತ್ ಜೆಜುಚೆಂ ಶಾಂತ್ ಸಮಾಧಾನ್ ತುಮ್ಚ್ಯಾ ಕುಟ್ಮಾಂನಿ ರಾಜ್ ಕರುಂದಿ ಮ್ಹಣ್ ಮಾಗ್ತಾಂ.

ಆಜ್ ಪ್ರದಾನ್ ಯಾಜಕ್ ಜಾವ್ನ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ಲಾಂ ಸಂದೇಶಾಚೆ ದಿರೆಕ್ತೊರ್ ಬಾಪ್ ನೆಲ್ಸನ್ ಆಲ್ಮೇಡಾ. ಆಮ್ಚೆ ಪಾಸತ್ ಮಾಗೊನ್, ಜೊಕ್ತಿ ಶಿಕೊವ್ಣ್ ದಿಲ್ಯಾ ತಾಂಕಾಂ ತುಮ್ಚ್ಯಾ ಸರ್ವಾಂಚಾ ನಾಂವಾನ್ ದೇವ್‍ಬರೆಂ ಮ್ಹಣ್ತಾ ಆನಿ ತಾಂಚಾ ಮಿಸಾಂವಾಕ್ ಬರೆಂ ಮಾಗ್ತಾಂ.

ಆಜ್ ದೇವ್‍ಸ್ತುತಿ ಚಲವ್ನ್ ವ್ಹೆಲ್ಯಾ ಕಾಣಿಕೊ ಹಾಡ್‍ಲ್ಲ್ಯಾ ಲ್ಹಾನ್‍ಫುಲ್, ಸಾಂ.ಅಂತೊನ್, ಬಾಳೊಕ್ ಜೆಜು, ಸಾಂ.ಜುಜೆ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ.  ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಪೆÇರ್ವಾಂ ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಮಾಜಿಕ್ ಆನಿ ಸಾಂಸ್ಕೃತಿಕ್ ಸಮಿತಿ ಸಾಂದ್ಯಾನಿ ಆನಿ ದುಸ್ರ್ಯಾ ಮಿಸಾಕ್ ಸೆಕುಲರ್ ಕಾರ್ಮೆಲ್ ಸಾಂದ್ಯಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಆಜ್ ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆಸ್ಚೆಂನಾಂ.

ಫಾಲ್ಯಾಂ ಸಕಾಳಿಂಚೆಂ ಎಕ್‍ಚ್ಚ್ ಮೀಸ್ 7ವೊರಾರ್ ಆಸ್ತೆಲೆಂ. ದೇವ್‍ಸ್ತುತಿ ಮಾಂಡಾವಳ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ ಕರ್ಚಿ. ಮಿಸಾ ಉಪ್ರಾಂತ್ ಆಶೀವಾರ್ದಿಕ್ ಕೆಲ್ಲೆಂ ಉದಾಕ್ ವ್ಹರ್ಯೆತ್.

ಪೆÇರ್ವಾಂ ಆಯ್ತಾರಾ ದೈವಿಕ್ ಕಾಕುಳ್ತಿಚೆಂ ಫೆಸ್ತ್ ಆಚರಣ್ ಕರ್ತಾಂವ್. ಫೆಸ್ತಾಕ್ ತಯಾರಾಯ್ ಜಾವ್ನ್ ಹರ್ಯೆಕಾ ದಿಸಾ ಸಾಂಜೆರ್ ಮಿಸಾ ಪಯ್ಲೆಂ ದೈವಿಕ್ ಕಾಕುಳ್ತಿಚೊ ತೇರ್ಸ್ ಆನಿ ಮಿಸಾ ಉಪ್ರಾಂತ್ ನೊವೆನ್ ಮಾಗ್ಣೆಂ ಆಸ್ತೆಲೆಂ.

ಹ್ಯಾ ಭಾಗೆವಂತ್ ಹಫ್ತ್ಯಾಂತ್ ಪ್ರತ್ಯೇಕ್ ಜಾವ್ನ್ ಹಾಂಗಾಸರ್ ದೇವ್ ಸ್ತುತಿ ಕಾರ್ಯಾವಳಿಂನಿ ಜಾಯ್ತ್ಯಾಂನಿ ತುಮಿ ಸಹಕಾರ್ ದಿಲಾ. ಫಿರ್ಗಜ್ ಗೊವ್ಳಿಕ್ ಪರಿಶದ್‍ಚ್ಯಾ ಉಪಾಧ್ಯಕ್ಷ್ ಜೋಸೆಫ್ ಮಸ್ಕರೇನ್ಹಸ್, ಕಾರ್ಯದರ್ಶಿ ಐರಿನ್ ಪಿಂಟೊ, ಸರ್ವ್ ವಾಡ್ಯಾಂಚ್ಯಾ ಗುರ್ಕಾರ್ ಗುರ್ಕಾರಿನಿಂಚೊ ಆನಿ ಸರ್ವ್ ಸಮಿತಿಚಾ ಸಾಂದ್ಯಾಂಚೊ, ಸರ್ವ್ ಸಂಘ್ ಸಂಸ್ಥ್ಯಾಂಚೊ, ಹರ್ಯೆಕಾ ದಿಸಾಚಾ ದೇವ್‍ಸ್ತುತೆಕ್ ಜೊಕ್ತಿ ಗಿತಾಂ ವಿಂಚುನ್, ಜಾಯ್ತ್ಯಾ ದಿಸಾಂನಿ ಅಭ್ಯಾಸ್ ಕರ್ನ್  ದೇವ್‍ಸ್ತುತೆಂತ್ ಕ್ರಿಯಾ ರಿತಿನ್ ವಾಂಟೊ ಘೆಂವ್ಕ್  ತಶೆಂಚ್  ದೇವ್‍ಸ್ತುತಿ ಅರ್ಥಾಭರಿತ್ ರಿತಿನ್ ಸಂಭ್ರಮುಕ್ ಆದಾರ್ ದಿಲ್ಲ್ಯಾ ಗಾಯಾನ್ ಪಂಗ್ಡಾಚೊ ಆನಿ ತಾಂಕಾಂ ತರ್ಬೆತಿ ದಿಲ್ಲ್ಯಾ ಜೋಸೆಫ್ ಮಸ್ಕರೇನ್ಹಸ್, ವಾಜಾಂತ್ರಾಂ ಖೆಳ್‍ಲ್ಲ್ಯಾಂಕ್, ಆನಿ ಎಲ್‍ಸಿಡಿ ಸೆವಾ ದಿಲ್ಲ್ಯಾಂಕ್, ವೆದಿರ್ ಸೆವಾ ದಿಲ್ಲ್ಯಾ ವೆದಿ ಸೆವಕಾಂಕ್, ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ವೆವೆಗ್ಳ್ಯಾಂ ವಾಡ್ಯಾಗಾರಾಂಕ್, ನಿಮಾಣ್ಯಾ ಬ್ರೆಸ್ತಾರಾ ಅಲ್ತಾರ್ ಸೊಭಂವ್ಕ್ ಫುಲಾಂ ದಾನ್ ದಿಲ್ಲ್ಯಾಂಕ್, ಅರಾಧಾನ್ ಚಲೊವ್ನ್ ವೆಲ್ಲ್ಯಾಂಕ್, ವೆದಿ ಸೊಭಂವ್ಕ್ ಕುಮಕ್ ಕೆಲ್ಲ್ಯಾ ಹೋಲಿ ಸ್ಪಿರಿಟ್ ಕಮ್ಯುನಿಟಿ ಸಿಸ್ಟರಾಂಕ್, ಸಾಂಗಾತ್ ದಿಲ್ಲ್ಯಾ ಲೀಜನ್ ಆಫ್ ಮೇರಿ ಸಾಂದ್ಯಾಂಕ್, ಸೆಕುಲಾರ್ ಕಾರ್ಮೆಲ್ ಸಾಂದ್ಯಾಂಕ್, ಕರೆಜ್ಮಾಚ್ಯಾ ದಿಸಾಂನಿ ಖುರ್ಸಾವಾಟ್ ಚಲವ್ನ್ ವೆಲ್ಲ್ಯಾಂಕ್, ನಿಮಾಣ್ಯಾ ಸುಕ್ರಾರಾಚಿ ಭಕ್ತಿಪಣಾನ್ ಖುರ್ಸಾವಾಟ್ ಚಲೊವ್ನ್ ವರುಂಕ್ ಕುಮಕ್ ಕೆಲ್ಲ್ಯಾ ಸರ್ವಾಂಕ್, ಆಜ್ ಆಲ್ತಾರಿಕ್ ಫುಲಾಂ ದಾನ್ ದಿಲ್ಲ್ಯಾ ಮರೀನಾ ಪಿಂಟೊಕ್, ಪಾಸ್ಟರಲ್ ಸಾಂದ್ಯಾಂಕ್, ಪಾಸ್ಕಾಂಚಿ ವಾತ್ ದಾನ್ ದಿಲ್ಲ್ಯಾ ಶರೋನ್ ಡಿಸೋಜಾಕ್,  ಖುರಿಸ್ ಧಾಂಪುಂಕ್ ವಸ್ತುರ್ ಅನಿ ತಾಚಿ ವ್ಯವಸ್ಥಾ ಕೆಲ್ಲ್ಯಾ ಸಿರಿಲ್ ಡಿಸೋಜಾ, ಫೆಸ್ತಾಕ್ ಮುರ್ದೊಮ್ ದಿಲ್ಲ್ಯಾ ಸರ್ವಾಂಚೊ ಹಾಂವ್ ಉಪ್ಕಾರ್ ಭಾವುಡ್ತಾಂ. ಸಮೇಸ್ತಾಂಚೆರ್ ಬಾಳ್ ಮರಿಯೆಚಿಂ ಭೆಸಾಂವಾಂ ಮಾಗ್ತಾಂ ಆನಿ ದೇವ್ ಬರೆಂ ಕರುಂ ಮ್ಹಣ್ತಾಂ.

   

ಫಿರ್ಗಜ್ ಪತ್ರ್ ಬಜ್ಜೋಡಿಚೊ ಕುರೊವ್ ತುಮ್ಚ್ಯಾ ಘರಾಂನಿ ಪಾವ್ಲಾಂ. ಹೊ ಬಾಯ್ರ್ ಕಾಡುಂಕ್ ವಾವ್ರ್ ಕೆಲ್ಲ್ಯಾ ಕುರೊವ್ ಮಂಡಳಿಚಾ ಸಾಂದ್ಯಾಕ್, ಜಾಹೀರಾತಾಂ ದಿಲ್ಲ್ಯಾಂಕ್, ಜೊಕ್ತಿಂ ಲೇಕನಾಂ, ಕಾಣಿಯೊ, ವಾಡ್ಯಾಚ್ಯೊ ವರ್ಧಿ ದಿಲ್ಲ್ಯಾ ಸರ್ವಾಂಕ್ ಧಿನ್ವಾಸ್. ಪಾಟ್ಲ್ಯಾ ತೀನ್ ಮಹಿನ್ಯಾಂತ್ ಫಿರ್ಗಜೆಂತ್ ತಶೆಂಚ್ ತುಮ್ಚ್ಯಾ ವಾಡ್ಯಾಂತ್ ಆಸಾ ಕೆಲ್ಲ್ಯಾ ಕಾರ್ಯಕ್ರಮಾಚೊ ವಿವರ್, ಮೊಂತಿ ಫೆಸ್ತಾ ಪರ್ಯಾಂತ್ ವಾಡ್ಯಾವಾರ್ ದೇವ್‍ಸ್ತುತೆಚೊ ವಿವರ್, ಘರ್ ಬೆಜ್ಮಾಂತಾ ವೆಳಾರ್ ಆಮ್ಕಾಂ ಜಾಲ್ಲೊ ಅನ್ಭೋಗ್ ತಶೆಂಚ್ ಹೆರ್ ಲೇಖನಾಂ ಹಾಂತುನ್ ಆಸಾತ್. ಹೆಂ ಪತ್ರ್ ತುಮಿ ವಾಚುನ್ ಪಳೆಂವ್ಚೆಂ.

ಜೆರಿ ಬಜ್ಜೊಡಿ ಆನಿ ಜೆರಿ ಬೊಂದೆಲ್ ಪಾಲ್ಯಾಂ ಸಾಂಜೆರ್ ಸೈಂಟ್ ಆಗ್ನೆಸ್ ಸ್ಪೆಶಲ್ ಸ್ಕೂಲ್ ಮೈದಾನಾರ್ ಸಾದರ್ 6 ವೊರಾರ್ ಸಾದರ್ ಜಾತೆಲಿ. ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪೊವ್ಣೆಂ ಆಸಾ.

ಪ್ರಾಚಿತ್ ಕಾಳಾರ್ ಆಮಿ ಕೆಲ್ಲಿ ಉರೊವ್ಣಿ ಆಲ್ತಾರಿರ್ ದವರ್‍ಲ್ಲ್ಯಾ ಬೊಕ್ಸಾಂತ್ ವಾ ಫಿರ್ಗಜ್ ದಫ್ತರಾಕ್ ದೀಂವ್ಕ್ ವಿನಂತಿ.