Sunday Announcements

ಸಗ್ಳೊ ಹಫ್ತೋ   ದೇವ್‍ಸ್ತುತೆಚೆಂ ಮುಕೇಲ್ಪಣ್ ಘೆತ್‍ಲ್ಲ್ಯಾ ವೆಲಂಕಣಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಎದೊಳ್‍ಚ್ಚ್ ತಿಳ್ಸಿಲ್ಲ್ಯಾ ಪರ್ಮಾಣೆಂ ವಾಡ್ಯಾಗಾರಾಂನಿ ಕರ್ಚಿ. ಫೊರ್ವಾo ಆಯ್ತಾರಾ ಸಕಾಳಿಂಚಾ ಮಿಸಾಕ್ ಸಾಂ.ಅಂತೊನ್ ವಾಡ್ಯಾಚ್ಯಾ ಐಸಿವೈಯಮ್ ಸಾಂದ್ಯಾಂನಿ ಆನಿ ದುಸ್ರ್ಯಾ ಮಿಸಾಕ್ ಭುರ್ಗ್ಯಾಂನಿ ಫೆಸ್ತಾಚ್ಯಾ ದೇವ್‍ಸ್ತುತೆಚಿ ಮಾಂಡಾವಳ್ ಕರ್ಚಿ.

ಫಾಲ್ಯಾಂ ಭುರ್ಗ್ಯಾಂಕ್ ದೊತೊರ್ನ್ ಆಸಾ. 9ವೊರಾರ್ ಪುಲಾಂ ಅರ್ಪುಂಕ್ ಉಪ್ರಾಂತ್ ಮೀಸ್ ಆಸ್ತೆಲೆಂ.

ಆಜ್ ಐಸಿವೈಯಮ್ ಸಾಂದ್ಯಾಚಿ ಜಮಾತ್ ಪಯ್ಲ್ಯಾ ಮಿಸಾ ಉಪ್ರಾಂತ್ ಆಸ್ತೆಲಿ. ಸರ್ವ್ ಯುವಜಣಾಂನಿ ಹಾಜರ್ ಜಾಂವ್ ವಿನಂತಿ.

ಪಿಡೆಸ್ತಾಂಕ್ ಕುಮ್ಗಾರ್ ಸಪ್ಟೆಂಬರಾಚ್ಯಾ 9ತಾರಿಕೆರ್ ಸೊಮಾರಾ ಹಾಡ್ನ್ ಯೆತೆಲ್ಯಾಂವ್. ಘರಾಂನಿ ಜೊಕ್ತಿ ತಯಾರ್ ಕರ್ಚಿ.

(ಫಾಲ್ಯಾಂ/ಆಜ್) ಸಾಂಜೆರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧಾನ್ ಆಸಾ. ಹ್ಯಾ ವೆಳಾರ್ ಸವ ಶಿಕ್ಷಕಾಂ ಪಾಸತ್ ಮಾಗ್ತೆಲ್ಯಾಂವ್.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ:ಸಪ್ಟೆಂಬರ್ 03:ಸಾಂ.ಗ್ರೆಗೊರ್: ಸಪ್ಟೆಂಬರ್ 05: ಕೊಲ್ಕೊತ್ತಾಚಿ ಸಾಂ ಮದರ್ ತೆರೇಸಾ

 

ಸಪ್ಟೆಂಬರ್ 8: ಭಾಗೆವಂತ್ ಮರಿಯೆಚ್ಯಾ ಜಲ್ಮಾಚಿ ದಬಾಜಿಕ್ ಪರಬ್

ತ್ಯಾ ದೀಸ್ ಸಕಾಳಿಂ 7.30ವೊರಾರ್ ಸಿಸ್ಟ್ರಾಂಚ್ಯಾ ಕೊವೆಂತಾಲಾಗಿಂ ಕಣ್ಯಿ ಬೆಂಜಾರ್, ಪುರ್ಶಾಂವ್ ಆನಿ ಸಂಭ್ರಮಿಕ್ ಮೀಸ್. ಪುಶ್ಯಾಂವಾಕ್ ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾನಿ ಪುಶ್ಯಾಂವಾರ್ ಶಿಸ್ತ್ ಸಾಂಬಾಳುಂಕ್ ಕುಮೊಕ್ ಕರ್ಚೆಂ. ಪುಶ್ರ್ಯಾಂವ್ ಜಾತಾಚ್ಚ್ ಇಗರ್ಜೆ ಮುಖಾರ್ ಮರ್ಯೆಕ್ ಫುಲಾಂ ಅರ್ಪುನ್ ಉಪ್ರಾಂತ್ ಇಗರ್ಜೆ ಭಿತರ್ ವ್ಹೆಚೆಂ. ಪ್ರಧಾನ್ ಯಾಜಕ್ ಜಾವ್ನ್ ಬಾಪ್ ದೀಪ್ ಫೆರ್ನಾಂಡಿಸ್ ಪವಿತ್ರ್ ಮಿಸಾಚೆ ಬಲಿದಾನ್ ಭೆಟಯ್ತೆಲೆ. ತ್ಯಾ ದಿಸಾಚಿ ದೇವ್‍ಸ್ತುತಿ ಆನಿ ಕಾಣಿಕೊ ಹಾಡೊಂಕ್  ಭುರ್ಗ್ಯಾಂಕ್. ದೇವ್‍ಸ್ತುತಿಚೆಂ ಪ್ರಾಕ್ಟಿಸ್  ಸುಕ್ರಾರಾ ಸಾಂಜೆಚಾ ಮಿಸಾ ಉಪ್ರಾಂತ್ ಆಸ್ತೆಲೆಂ. ಕಾರಣಾಂತರ್ ಫೆಸ್ತ್ ಮಿಸಾಕ್ ಯೇಂವ್ಕ್ ಅಸಾಧ್ಯ್ ಜಾಲ್ಲ್ಯಾಂನಿ ಸಕಾಳಿಂ 6ವೊರಾಂಚ್ಯಾ ಮಿಸಾಕ್ ಯೆಂವ್ಚೆಂ. ಫೆಸ್ತಾಕ್ ತಯಾರ್ ಜಾವ್ನ್ ಕುಮ್ಸಾರಾ ಸುಕ್ರಾರಾ ಸಾಂಜೆರ್ 5 ವೊರಾರ್ ಆಸಾ ಕೆಲ್ಯಾತ್. ಕುಮ್ಸಾರ್ ಜಾವ್ನ್ ಫೆಸ್ತಾಕ್ ಆತ್ಮೀಕ್ ರಿತಿನ್ ತಯಾರ್ ಜಾಂವ್ಚೆಂ.

ಫಿರ್ಗಜ್ ಕುಟ್ಮಾಂ ಫೆಸ್ತಾಚೆಂ ಸಾಂಸ್ಕøತಿಕ್ ಕಾರ್ಯೆಂ ಸಾಂಜೆರ್ ಜುಸ್ತ್ 6 ವೊರಾರ್ ಪ್ರಾರಂಭ್ ಜಾತಾ. ವಾಡ್ಯಾವಾರ್ ನಾಚ್ ಉಪ್ರಾಂತ್ ಲ್ಹಾನ್ಸಿ ಮೊರಾಸಾಚಿ ಎಕಾ ವೊರಾಂಚಿ ಸಾಂಜ್. ಮಂಗ್ಳುರ್ಚ್ಯಾ ಫಾಮಾದ್ ಗಾವ್ಪ್ಯಾ ಥಾವ್ನ್ ಪದಾಂಚೊ ಪಾವ್ಸ್ ಆಸ್ತಲೊ. ಸರ್ವ್ ಫಿರ್ಗಜ್‍ಗಾರಾಂನಿ ಸಾಂಜೆಚಾ ಸಂಭ್ರಮಾಕ್ ಸಾಂಗಾತಾ ಮೆಳ್ಚೆಂ ಆನಿ ಸಾಂಗಾತಾ ಜೆವ್ಣಾಕ್ ಹಾಜರ್ ಜಾಂವ್ಚೆಂ.

ಕುಟ್ಮಾ ಫೆಸ್ತಾಚಾ ಖರ್ಚಾಕ್ ದುಡ್ವಾ ಕುಮೊಕ್,ï ಮುರ್ದೊಮ್ ದಿತೆಲ್ಯಾಂನಿ ಸುಕ್ರಾರಾ ಭಿತರ್ ದೀಂವ್ಕ್ ವಿನಂತಿ.

ಸಪ್ಟೆಂಬರ್ 5 ತಾರಿಕೆರ್ ಶಿಕ್ಷಕಾಂಚೊ ದಿವಸ್ ಆಚರಣ್ ಕರ್ತಾಂವ್.  ತ್ಯಾ ದಿಸಾ ಫಿರ್ಗಜೆಚಾ ಟಿಚರಾಂನಿ  ತಶೆಂಚ್ ಕ್ರೀಸ್ತೀ ದೊತೊರ್ನ್ ಶಿಕೊಂವ್ಚ್ಯಾ ಸರ್ವಾಂನಿ ಸಾಂಜೆಚಾ ಮಿಸಾ ವೆಳಾರ್ ಹಾಜರ್ ಜಾಂವ್ಕ್ ವಿನಂತಿ ತಾಂಚೆ  ಪಾಸತ್ ವಿಶೇಷ್ ಮಾಗ್ಣೆಂ ಆಸ್ತೆಲೆಂ.

ಹ್ಯಾ ಮಹಿನ್ಯಾಂತ್ ಕುಟ್ಮಾ ಜೆವ್ಣಾಕ್ ಸಾಂಗಾತಾ ಮೆಳ್ತಾಂವ್ ಜಾಲ್ಲ್ಯಾನ್ ವಾಡ್ಯಾ ಜಮಾತ್ ಆಸ್ಚಿನಾಂ.

 

ಬೈಬಲ್ “ಮ್ಯಾಜಿಕ್ ಶೋ” ಆನಿ ಮಾಲ್ಗಡ್ಯಾಂಚೊ ದೀಸ್ ಬರ್ಯಾನ್ ಜಾಲಾ.  ಸಹಕಾರ್ ದಿಲ್ಲ್ಯಾ ಸರ್ವಾಂಚೊ ಉಪ್ಕಾರ್ ಭಾವುಡ್ತಾಂವ್. ಮಾಲ್ಘಡಾಂಚೊ ದೀಸ್ ಆಚರಣ್ ಕರುಂಕ್ ಆದಾರ್  ದಿಲ್ಲ್ಯಾ ಮಾರ್ಗರೇಟ್ ಗಾಮಾ, ರವಿ ಅನಿತಾ ಫೆನಾಂಡಿಸ್, ಜೋಸೆಫ್ ಪಿಂಟೊ, ಎಲೊಶಿಯಸ್ ಡಿಸೋಜಾ ತಶೆಂಚ್ ಕುಟ್ಮಾ ಹಿತಾ ಸಮಿತಿಚಾ ಸರ್ವ್ ಸಾಂದ್ಯಾಂಕ್ ದೇವ್‍ಬರೆಂ ಕರುಂ.

ಕುಟ್ಮಾ ಜಿಣ್ಯೆ ಕೇಂದ್ರ್ ಆನಿ ಕ್ರೀಸ್ತಿ ಕಾಜಾರಿ ಜೊಡಿ ಹಾಂಚಾ ಸಾಂಗಾತ್ಪಣಾಕಾಲ್ “ಬಿಲವಡ್”-‘ತನ್ರ್ಯಾ ಜೊಡ್ಯಾಂಚೊ ಸಮ್ಮೇಳ್’. ಹೊ ಸಮ್ಮೇಳ್ ಫಾಲ್ಯಾಂ  9 ವೊರಾಂ ಥಾವ್ನ್  5 ವೊರಾಂ ಪರ್ಯಾಂತ್  ದೆರೆಬೈಲ್ ಹೊಲಾಂತ್  ಚಲ್ತಲೊ. ಆಸಕ್ತ್ ಆಸ್‍ಲ್ಲ್ಯಾ ತನ್ರ್ಯಾ ಜೊಡ್ಯಾಂನಿ ಹ್ಯಾ ಕಾರ್ಯಾಕ್ ಹಾಜರ್ ಜಾಂವ್ಕ್ ವಿನಂತಿ.