Sunday Announcements

ಸಗ್ಳೊ ಹಫ್ತೋ ದೇವ್ ಸ್ತುತೆಕ್ ಮಾಂಡಾವಳ್ ಕೆಲ್ಲ್ಯಾ ಜೆಜುಚೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ. ಮುಕ್ಲ್ಯಾ ಹಫ್ತ್ಯಾಚಿ ದೇವ್‍ಸ್ತುತಿ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಕರ್ಚಿ. ಪೊರ್ವಾಂ ಆಯ್ತಾರಾ ಸಕಾಳಿಂಚ್ಯಾ ಮಿಸಾಕ್ ಸಾಂ.ವಿಶೆಂತ್ ಪಾವ್ಲ್ ಸಭೆಚ್ಯಾ ಸಾಂದ್ಯಾಂನಿ, ದುಸ್ರ್ಯಾ ಮಿಸಾಕ್ ಬಾಳ್ ಮರಿ ವಾಡ್ಯಾಗಾರಾಂನಿ ದೇವ್ ಸ್ತುತೆಕ್ ಮಾಂಡಾವಳ್ ಕರ್ಚಿ.

ಹ್ಯಾ ಹಫ್ತ್ಯಾಂತ್ ಫೆಸ್ತಾಂ: ನವೆಂಬರ್ 26: ಕ್ರೀಸ್ತ್ ರಾಯಾಚೆಂ ಫೆಸ್ತ್; ನವೆಂಬರ್ 30: ಭಾಗೆವಂತ್ ಆಂದ್ರೆ

ವಾಡ್ಯಾ ಜಮಾತ್: ಬಾಳೊಕ್ ಜೆಜು ವಾಡೊ - ವೆರೊನಿಕಾ ತಾವ್ರೊ - 4.00 ವೊರಾರ್. ಹ್ಯಾ ಜಮಾತಿಕ್ ಫಿರ್ಗಜ್ ಲ್ಹಾನ್ ಕ್ರೀಸ್ತಿ ಸಮುದಾಯ್ ಸಮಿತಿ ಸಾಂದ್ಯಾಂನಿ ಹಾಜರ್ ಜಾಂವ್ಕ್ ವಿನಂತಿ.

ಬಾಪ್ ಆಲ್ವಿನ್ ಸೆರಾವೊ ಹಾಣಿಂ ಮರಣ್ ಆನಿ ಜಿವಂತ್ಪಣಾವಿಶಿಂ ಬರಯಿಲ್ಲೊ “ಝುಜ್” ಧಾರ್ಮಿಕ್ ನಾಟಕ್ ನವೆಂಬರ್ 26 ತಾರಿಕೆರ್, ಸಾಂಜೆರ್ 6 ವೊರಾರ್, ಪದುವ ಕೊಲೆಜಿಚ್ಯಾ ಅಂಗ್ಣಾಂತ್ ಚಲ್ತಲೊ. ಲಾಗ್ಸಾರ್ ಆಸ್‍ಲ್ಲ್ಯಾ ಆಮ್ಕಾಂ ಆಮ್ಚ್ಯಾ ಧರ್ಮಾವಿಶಿಂ ಸಮ್ಜೊಣಿ ಜೊಡುಂಕ್ ಹೊ ಏಕ್ ಬಾಂಗ್ರಾಳೊ ಆವ್ಕಾಸ್. ತ್ಯಾಚ್ ಖಾತಿರ್ ಫಾಲ್ಯಾ ಸಾಂಜೆರ್ ಆರಾಧನ್ ಆನಿ ಪವಿತ್ರ್ ಸಭೆಚೆಂ ಮಾಗ್ಣೆಂ ಹಾಂಗಸರ್ ಆಸ್ಚೆನಾ.

ವೈಟ್ ಡೌವ್ಸ್ ಡಿಸೆಂಬರ್ 1, 2 ಅನಿ 3 ತಾರಿಕೆರ್ ಕ್ರಿಸ್ಮಸ್ ಸಂಭ್ರಮ್ ಆನಿ “ಎಲ್ಲಾ ನಿನಗಾಗಿ’ ಮ್ಹಳ್ಳೊ ಸಂಗೀತ್ ನಾಟಕ್ ಸಾದರ್ ಕರ್ತಾ. ಸರ್ವಾಂಕ್ ಮೊಗಾಚೆಂ ಅಪವ್ಣೆಂ. ವಿವರ್ ನೋಟಿಸ್ ಬೋರ್ಡಾರ್ ಆಸಾ.

ಆತ್ಮಜ್ಯೋತಿ ಆಶ್ರಮಾ ಥಾವ್ನ್ “ಯೆಯಾ ಜೆಜು ಬಾಳ್ಕಾಕ್ ನಮಾನ್ ಕರ್ಯಾಂ” ಅಂತರ್ ಫಿರ್ಗಜ್ ಕ್ರಿಸಮಸ್ ಗಿತಾಂ ಸ್ಪರ್ಧೊ ದಶಂಬರ್ 16 ತಾರಿಕೆರ್ ಆಸಾ ಕೆಲಾ.

ಸಾಂ.ಜುಜೆ ವಾಜ್ ಪೂನ್‍ಶೆತ್, ಮುಡಿಪು ವಾರ್ಶಿಕ್ ಮಹಾಪರಬ್ ಡಿಸೆಂಬರ್ 7, 8 ಆನಿ 9 ತಾರಿಕೆರ್ ಆಸ್ತೆಲಿ. ಪೂನ್‍ಶೆತಾಕ್ ಭೆಟ್ ದೀವ್ನ್ ಅತ್ಮಿಕ್ ಅನುಭವ್ ಜೊಡುಂಕ್ ತುಮ್ಕಾಂ ಸರ್ವಾಂಕ್ ಮೊಗಾಚೆಂ ಆಪವ್ಣೆಂ.

ಸೆಕುಲಾರ್ ಕಾರ್ಮೆಲಿತ್ ಸಾಂದೆ ಡಿಸೆಂಬರ್ 2 ತಾರಿಕೆರ್ ಸನ್ವಾರಾ ಸಾಂಜೆಚ್ಯಾ ಮಿಸಾ ವೆಳಾರ್ ತಾಂಚೊ ವಾರ್ಶಿಕ್ ದಿಸಾಚೊ ಸಂಭ್ರಮ್ ಆಚರಣ್ ಕರ್ತಾತ್. ಮಿಸಾವೆಳಾರ್ 9 ಸಾಂದೆ ಬೆಂತಿಣ್ ಸ್ವೀಕಾರ್ ಕರ್ತೆಲಿಂ. ತಾಂಚೆ ಪಾಸೊತ್ ಮಾಗೊಂಕ್ ವಿನಂತಿ. ತಶೆಂಚ್ ಮಾಗ್ಣ್ಯಾ ಜಿವಿತಾಚೊ ಅನ್ಬೋಗ್ ಜೊಡುಂಕ್ ನವ್ಯಾ ಸಾಂದ್ಯಾನಿ ಹ್ಯಾ ಒಡ್ದಿಕ್ ಭರ್ತಿ ಜಾಂವ್ಕ್ ವಿನಂತಿ ಕರ್ತಾಂವ್.

ಕ್ರಿಸ್ಮಸ್ ಆಚರಣ್ ಸಂಧರ್ಭಿ ಫಿರ್ಗಜ್‍ಗಾರಾಂಕ್ ನೆಕೆತ್ರ್, ಗರ್ದನಾಚೊ ಗೊಟೊ ತಶೆಂಚ್ ನತಾಲಾಂಚ್ಯಾ ರಾತಿಂ ವಾಡ್ಯಾವಾರ್ ಸಾಂತಾ ಶೋ ಮಾಂಡುನ್ ಹಾಡ್ಲಾ. ವಿವರ್ ನೋಟಿಸ್ ಬೋರ್ಡಾರ್ ಆಸಾ.

ಗೊವ್ಳಿಕ್ ಪರಿಷದೆಚ್ಯಾ ಮಿಟಿಂಗಾರ್ ಜಾಲ್ಲ್ಯಾ ನಿರ್ಣಯೆ ಪರ್ಮಾಣೆಂ ಆಮ್ಚ್ಯಾ ಫಿರ್ಗಜೆಚಿ ಆರ್ಥಿಕ್ ಪರಿಸ್ಥಿತಿ ಸುದ್ರಾಂವ್ಚೆ ಖಾತಿರ್ "ಒನ್ ರುಪೀ ರೆವೆಲ್ಯೂಶನ್" ಯೋಜನ್ ಹಾತಿಂ ಘೆತ್ಲಾಂ. ಹ್ಯಾ ವಿಶಿಂ ಮಾಹೆತ್ ವಾಡ್ಯಾ ಜಮಾತೆ ವೆಳಾರ್ ಕಳಿತ್ ಕೆಲ್ಯಾ. ಹರ್ಯೆಕಾ ಕುಟ್ಮಾಂತ್ ಎಕಾ ಸಾಂದ್ಯಾಕ್ ಎಕಾ ದಿಸಾಕ್ ಏಕ್ ರುಪಯ್.

ಕ್ರಿಸ್ಮಸ್ ಫೆಸ್ತಾಕ್ ಇಗರ್ಜ್ ಸೊಬಂವ್ಕ್, ಗರ್ದನಾಚೊ ಗೊಟೊ ಆನಿ ನೆಕೆತ್ರ್ ಕರುಂಕ್ ಫಿರ್ಗಜೆಚಾ ಹರ್ಯೆಕ್ ಸಂಘ್ ಸಂಸ್ಥ್ಯಾಚ್ಯಾ ದೊಗಾಂ ಜಣಾಂನಿ ನಾಂವಾಂ ತಶೆಂಚ್ ಆಸಕ್ತ್ ಆಸ್‍ಲ್ಲ್ಯಾಂನಿ ತಾಂಚಿ ನಾಂವಾಂ ಫಿರ್ಗಜ್ ದಫ್ತರಾಕ್ ದಿಂವ್ಚಿ.

ಬಾಳೊಕ್ ಜೆಜುಚೆಂ ಪೂನ್ ಶೆತ್, ಬಿಕರ್ಣಕಟ್ಟೆ ಹಾಂಗಾಸರ್ ಡಿಸೆಂಬರ್ 3 ತಾರಿಕೆರ್ ಸಾಂಜೆರ್ 5 ವೊರಾರ್ “ನಮಾನ್ ಬಾಳೊಕ್ ಜೆಜು” 9ವೊ ವಾರ್ಶಿಕ್ ದೀಸ್ ಸಾಂಜೆರ್ 5 ವೊರಾರ್ ಸಂಭ್ರಮ್ತಾತ್. ಡಿಸೆಂಬರ್ 9 ತಾರಿಕೆರ್ ಸಾಂಜೆರ್ 6 ವೊರಾರ್ ಕಾರ್ಮೆಲ್ ಡೇ ನಾಚ್, ಸಂಗೀತ್, ಪೊಕಾಣಾಂನಿ ವಿಣ್ಲೆಲಿ ಸಾಂಸ್ಕೃತಿಕ್ ಸಾಂಜ್ ತಶೆಂಚ್ “ದೋನ್ ಶಿಂಗಾಂ” ಸಾಮಾಜಿಕ್ ನಾಟಕ್ ಪ್ರದರ್ಶನ್ ಜಾತಲೊ. “ಯೆಯಾ ಗಾವುಯಾಂ” ಕ್ಯಾರಲ್ಸ್ ಸ್ಪರ್ಧೊ ಡಿಸೆಂಬರ್ 10 ತಾರಿಕೆರ್ 2.00 ವೊರಾರ್ ಚಲ್ತಲೊ. ಹ್ಯಾ ಸರ್ವ್ ಕಾರ್ಯಾಂಕ್ ತುಮ್ಕಾಂ ಮಾಯಾಮೊಗಾಚೆಂ ಆಪವ್ಣೆಂ ದಿತಾಂವ್.