News

ಜುಲೈಚ್ಯಾ 26 ತಾರಿಕೆರ್ ಸಾಂಜೆಚ್ಯಾ 3.15 ವೊರಾರ್ ಬಜ್ಜೋಡಿ ಬಾಳೊಕ್ ಮರಿ ಫಿರ್ಗಜೆಂತ್ ಐಸಿವೈಎಮ್ ಸಂಘಟನಾನ್ ವಾಡ್ಯಾವಾರ್ ಉಜ್ಯಾವಿಣೆಂ ರಾಂದಾಪ್ ಸ್ಪರ್ದೊ ಚಲವ್ನ್ ವ್ಹೆಲೊ. ಐಸಿವೈಎಮ್ ಸಂಘಟನಾಥಾವ್ನ್ ಹಿ ಪಯ್ಲಿ ಯೆವ್ಜಣ್.

ಆದ್ಲೊ ವಿಗಾರ್ ಬಾಪ್ ಮೆಲ್ವಿನ್, ಆತಾಂಚೊ ವಿಗಾರ್ ಬಾಪ್ ಶಾಬಾಸ್ ಕ್ರಾಸ್ತಾ, ಐಸಿವೈಎಮ್ ಬಜ್ಜೋಡಿ ದಿರೆಕ್ತೊರ್ ಬಾಪ್ ಜೊಸ್ಸಿ, ಉಪಾಧ್ಯಕ್ಶ್ ಶ್ರೀ ಜೋಸೆಫ್ ಮಸ್ಕರೇನ್ಹಸ್ ಆನಿ ಭಾವ್ ಮ್ಯಾಕ್ಸನ್ ಹಾಣಿಂ ಐಸಿವೈಎಮ್ ಅಧ್ಯಕ್ಶ್ ಕ್ಲೆನ್ಯೂಟ್ ಲೋಬೊ ಆನಿ ಕಾರ್ಯದರ್ಶಿ ರೈನಿಶ್ ಸಂಗಿಂ ಕಾರ್ಯಾಚೆಂ ಉದ್ಗಾಟನ್ ಕೆಲೆಂ. ಧಾ ವಾಡ್ಯಾಗಾರಾಂನಿ ಹಾಂತುಂ ಉರ್ಭೆನ್ ವಾಂಟೊ ಘೆವ್ನ್ ಉಜ್ಯಾವಿಣೆಂ ವಿವಿಧ್ ಖಾಣಾಂ ತಯಾರ್ ಕೆಲಿಂ. ಹ್ಯಾ ಸ್ಪರ್ದ್ಯಾಕ್ ತೀರ್ಪ್‍ದಾರ್ ಜಾವ್ನ್ ಶ್ರೀಮತಿ ಗ್ರೇಸ್ ದಿ’ ಕ್ರೂಸ್ ಆನಿ ಮೆಟಿಲ್ಡಾ ಹಾಜಾರ್ ಆಸ್ಲಿಂ.

ಸ್ಪರ್ದ್ಯಾಚೆಂ ಫಲಿತಾಂಶ್:

ಪಯ್ಲೆಂ ಸ್ಥಾನ್ - ಸಾಂ. ಅಂತೊನ್ ವಾಡೊ
ದುಸ್ರೆಂ ಸ್ಥಾನ್ – ವೆಲಂಕಣಿ ವಾಡೊ
ತಿಸ್ರೆಂ ಸ್ಥಾನ್ - ಸಾಂ. ಜುಜೆ ವಾಡೊ

ಸಗ್ಳೆಂ ಕಾರ್ಯೆಂ ಅರುಣ್ ಡಿ’ ಸೊಜಾನ್ ಚಲವ್ನ್ ವ್ಹೆಲೆಂ. ವಿಗಾರ್ ಬಾಪಾಂನಿ ತೀರ್ಪ್‍ದಾರಾಂಕ್ ಉಡಾಸಾಚಿ ಕಾಣಿಕ್ ದೀವ್ನ್ ಉಪ್ಕಾರ್ ಆಟಯ್ಲೊ ಆನಿ ಜಿಕ್ಲೆಲ್ಯಾಂಕ್ ಶುಭಾಶಯ್ ಪಾಟಯ್ಲೆ.