ನವೆಂ ವರಸ್ 2024
1. ಮೊಗಾಚ್ಯಾಂನೋ ಆಜ್ ಆಮಿಂ, ಮರಿ ದೇವಾಚ್ಯಾ ಮಾತೆಚೆಂ ಫೆಸ್ತ್ ತಶೆಂ ನವೆಂ ವರಸ್ ಆರಂಭ್ ಕರ್ತಾಂವ್. ಆಮ್ಚೊ ಪ್ರದಾನ್ ಯಾಜಕ್ ಬಾಪ್ ರುಡೊಲ್ಫ್ ಸೋಜ್, ಸಹಾಯಕ್ ವಿಗಾರ್ ಬಾಪ್ ಸಿರಿಲ್ ಮಿನೇಜಸ್, ದಿಯಾಕೊನ್ ಪ್ರಣಾಮ್ ಫೆರ್ನಾಂದ್ ಆನಿ ಮ್ಹಜೆ ನಾಂವಿಂ ತುಮ್ಕಾಂ ಸಮೇಸ್ತಾಂಕ್ ಮರಿ, ದೇವ್ ಮಾಯೆಚೆಂ ಫೆಸ್ತ್ ಆನಿ ಫಳಾದಿಕ್ ನವೆಂ ವರಸ್ 2024 ಮಾಗ್ತಾಂ. ಹ್ಯಾ ವರ್ಸಾಂ ದೇವ್ ತುಮ್ಚೆರ್ ಆಶೀರ್ವಾದ್ ವೊತುಂದಿ ಆನಿ ಆಮ್ಚಿ ಪಾತ್ರೊನ್ ಬಾಳ್ ಮರಿ ತುಮ್ಕಾಂ ಸರ್ವ್ ವಿಘ್ನಾಂತ್ಲೆಂ ರಾಕೊನ್, ತುಮ್ಚೆ ಜೀವನ್ ಸಮೃದ್ದಿ, ಸಮಾಧಾನ್- ಶಾಂತೆಚೇ ಜಾಂವ್ದಿ ಮ್ಹಣ್ ಮಾಗ್ತಾಂವ್.
2. ಆಯ್ಚೊ ಪ್ರದಾನ್ ಯಾಜಕ್ ಮಾ.ದೊತೊರ್. ರುಡೊಲ್ಫ್ ಸೋಜ್ ಹೆಂ ಮೀಸಾಚೆ ಬಲಿದಾನ್ ಬಿಟವ್ನ್, ಆಮ್ಚೆ ಖಾತಿರ್ ಮಾಗೊನ್, ಎಕ್ ಜೊಕ್ತೊ ಆರ್ಥಾಬರಿತ್ ಸೆರ್ಮಾಂವ್ ತಾಣಿ ದಿಲಾ. ಹ್ಯಾ ಇಗರ್ಜೆಚ್ಯಾ, ಹೊಲಾಚ್ಯಾ ಆನಿ ಸಗ್ಳಾ ಬಾಂದ್ಪಾಕ್ ಬಾಪ್ ರುಡೊಲ್ಫಾಚೊ ಮೊಟೊ ಆಧಾರ್ ಆಸಾ. ಕೆನಡಾ ಥಾವ್ನ್ ತಾಣಿಂ Helen Chua Tiampo , Felix Enterprises, Vancouver, British Colombia, ಹಿಚ್ಯಾ ಆದಾರಾನ್ ಆಮ್ಕಾಂ ಮಸ್ತ್ ಆರ್ಥಿಕ್ ಕುಮಾಕ್ ದಿಲ್ಯಾ. ಸಕಯ್ಲ್ ಲಿಪ್ಟಾಚಾ ವ Staircase ಚ್ಯಾ ಬಾಯ್ಲ್ಯಾ Plaque ಚೆರ್ ವ ಮಾರ್ಬಲಾಚೆರ್ ತಾಂಚೆಂ ನಾಂವ್ ಆಸಾ. ಬಾಪಾಂನೋ , ತುಮ್ಕಾಂ ಆಮ್ಚ್ಯಾ ಸರ್ವ್ ಫಿರ್ಗಜ್‍ಗಾರಾಂಚೇ ನಾಂವಿ ಹಾಂವ್ ದೇವ್ ಬರೆಂ ಕರುಂ ಮ್ಹಣ್ತಾ ಆನಿ ಬಾಳ್‍ಮರ್ಯೆಚಿ ಸಸಾಯ್ ತುಮ್ಚೆರ್ ಮಾಗ್ತಾಂ.
3. ಆಜ್ ಆರಾಧಾನಾಕ್ ತಶೆಂ ಮೀಸಾಕ್ ಆರ್ಥಾಭರಿತ್ ರಿತಿನ್ ಲಿತುರ್ಜಿ ಚಲೊವ್ನ್ ವೆಲ್ಲ್ಯಾಂಕ್ ಆನಿ ಕಾಣಿಕೊ ಹಾಡ್‍ಲ್ಲ್ಯಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಪವಿತ್ರ್ ಮಿಸಾಚಾ ಬಲಿದಾನಾಂತ್ ಭಕ್ತಿನ್ ವಾಂಟೊ ಘೆಂವ್ಕ್ ಮಧುರ್ ಗಾಯಾನಾಂನಿ ಆಮ್ಚೆ ಮನ್ ದೆವಾ ಥಂಯ್ ಉಬಾರುಂಕ್ ಆದಾರ್ ದಿಲ್ಲ್ಯಾ Youth ಗಾಯಾನ್ ಮಂಡಳಿಚ್ಯಾ ಸರ್ವ್ ಸಾಂದ್ಯಾಂಕ್, ದೇವ್‍ಬರೆಂ ಕರುಂ.
4. 2023 ವರಸ್ ಅಪುರ್ಬಾಯೆನ್ ಸಂಪ್ಲೆಂ. ಹ್ಯಾ ವರ್ಸಾ ತುಮಿ ದಿಲ್ಲ್ಯಾ ಸಹಕಾರಾಕ್ ದೇವ್‍ಬರೆಂ ಕರುಂ. ವರ್ಸಭರ್ ಜಾಂವ್ಚ್ಯಾ ಫೆಸ್ತಾಂಕ್ ಮುಂಡ್ದೊಮ್, ಸ್ಪೋನ್ಸರ್ಸ್ ರಾವೊನ್ ತಶೆಂಚ್ ಫಿರ್ಗಜೆಚ್ಯಾ ವಿವಿಧ್ ಕಾರ್ಯಕ್ರಮಾಂಕ್ ಆಧಾರ್ ದೀವ್ನ್ ಸಹಕಾರ್ ದಿಂವ್ಚ್ಯಾ ಹರ್ಯೆಕ್ಲ್ಯಾಕ್ ದೇವ್ ಬರೆಂ ಕರುಂ.
5. ಜನೆರೆಚ್ಯಾ 28 ತಾರೀಕೆರ್ ಆಯ್ತಾರಾ ಆಮ್ಚ್ಯಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್. ಫೆಸ್ತಾಕ್ ಪಿಡ್ಜೆಂತ್ ರಾವುಂಕ್ ಆನಿ ಮುರ್ಡೊಮ್ ದೀಂವ್ಕ್ ತುಮಿಂ ಬರೆಂ ಮನ್ ದಾಕಂವ್ಚೆಂ. ಫೆಸ್ತಾ ದಿಸಾ ಸಕಾಳಿಂ 9.45 ವರಾರ್ ಮಾನಾಚ್ಯೊ ವಾತಿ ವಾಂಟ್ತೆಲ್ಯಾಂವ್ ಆನಿ 10 ವೊರಾರ್ ಸಂಭ್ರಮಿಕ್ ಮಿಸಾಚಿಂ ಬಲಿದಾನ್. ಆಮ್ಚ್ಯಾ ದಿಯೆಸೆಜಿಚೊ ವಿಗಾರ್ ಜೆರಾಲ್ ಬೊವ್ ಮಾನಾದಿಕ್ Msgr Maxim Noronha ಪ್ರದಾನ್ ಯಾಜಕ್ ಜಾವ್ನಾಸ್ತಲೆ. ತ್ಯಾ ದೀಸ ಸಾಂಜೆರ್ ಸಾಂಸ್ಕøತಿಕ್ ಕಾರ್ಯೆಂ ಆಸ್ತೆಲೆಂ
6. ಹರ್ಯೆಕಾ ವರ್ಸಾ ವ್ಹಡ್ಲ್ಯಾ ಫೆಸ್ತಾ ಸಂದರ್ಬಿ ರು. 50,000 ಆನಿ ಚಡಿತ್ ದಿಲ್ಲ್ಯಾ ದಾನಿಂಚಿ ನಾಂವಾಂ ಇಗರ್ಜೆ ಬಾಯ್ರ್ ಆಸ್‍ಲ್ಲ್ಯಾ ಸ್ಮಾರಕ್ ಮಾರ್ಬಲಾರ್ ಬರೊವ್ನ್ ಘಾಲ್ತಾಂವ್. ತಾಂಚೆ ನಾಂವ್ ಶಾಸ್ವಿತ್ ಜಾವ್ನ್ ಹ್ಯಾ ಇಗರ್ಜೆಂತ್ ಉರ್ತೆಲೆ ಆನಿ ಹ್ಯಾ ಇಗರ್ಜೆಂತ್ಲಿ ಸರ್ವ್ ಮಾಗ್ಣಿಂ ತಾಂಕಾಂ ಪಾವ್ತೆಲಿ. ದೆಕುನ್ ಕೊಣಾಯ್ಕಿ ಕೊಣಾಂಯ್ಚ್ಯಾ ನಾಂವಾರ್ ದಾನ್ ದೀಂವ್ಕ್ ಮನ್ ಆಸ್‍ಲ್ಲ್ಯಾಂನಿ ಹ್ಯಾ ಮಹಿನ್ಯಾಂತ್ ದಿವ್ಯೆತ್.
7. ಫೆಸ್ತಾಕ್ ತಯಾರಾಯ್ ಜಾವ್ನ್ ಯೆಂವ್ಚ್ಯಾ ಆಯ್ತಾರಾ ಜನೆರ್ 7 ತಾರೀಕೆರ್ ಪಯ್ಲ್ಯಾ ಮೀಸಾ ಉಪ್ರಾಂತ್ ಫಿರ್ಗಜ್ ಗೊವ್ಳಿಕ್ ಪರಿಷದ್ ಸಾಂದ್ಯಾಂಚಿ ಜಮಾತ್ ಆಸ್ತೆಲಿ. ಸರ್ವ್ ಸಾಂದ್ಯಾಂನಿ ಚುಕಾನಾಸ್ಯಾ ಹಾಜರ್ ಜಾಂವ್ಕ್ ವಿನಂತಿ.
8. ಯೆಂವ್ಚ್ಯಾ ಆಯ್ತಾರಾ, ಜನವರಿ 7 ತಾರೀಕೆರ್ ಜೆಜು ಚ್ಯೆ ಆಪ್-ಪರ್ಗಟ್ಣೆಚಿಂ (Epiphany) ಫೆಸ್ತ್ ಆಮಿಂ ಆಚರ್ಸಿತೆಲ್ಯಾಂವ್. ತ್ಯಾ ದೀಸ್ ದಿಯೊಸೆಜಿಚೊ ಎವ್ಕರಿಸ್ತಿಕ್ ಪುರ್ಶಾಂವ್. ಸಾಂಜೆರ್ 3.30 ವರಾರ್ ಮಿಲಾರ್ ಇಗರ್ಜೆಂತ್ ಮೀಸ್ ಆನಿ ಉಪ್ರಾಂತ್ ಪುಶ್ರ್ಯಾಂವ್. ತ್ಯಾ ದೀಸ್ ಬಿಸ್ಪಾಚ್ಯಾ ಆದೇಶಾ ಪರ್ಮಾಣೆ ಖಂಚಿಯೀ ದುಸ್ರಿಂ ಕಾರ್ಯಕ್ರಮಾಂ ದವರಿನಾಸ್ತಾಂ ಸರ್ವಾಂನಿ ಹ್ಯಾ ಪುರ್ಶಾಂವಾಂಕ್ ಹಾಜರ್ ಜಾಂವ್ಕ್ ವಿನಂತಿ.
9. ಜನೆರ್ 2 ತಾರೀಕೆರ್ ಮಂಗ್ಳಾರಾ ಆಮ್ಚಿ ಫಿರ್ಗಜ್ ಉಗ್ತಾವಣ್ ಜಾವ್ನ್ 10 ವರ್ಸಾಂ ಸಂಪ್ತಾತ್ ಆಮಿಂ ನವ್ಯಾ ವರ್ಸಾಕ್ ಪಾಂಯ್ ತೆಂಕ್ತಾನಾ ಬಾಳ್‍ಮರಿಯೆ ಮುಖಾಂತ್ರ್ ದೆವಾನ್ ಆಮ್ಚೆ ವಯ್ರ್ ವೊತ್‍ಲ್ಲ್ಯಾ ಸರ್ವ್ ಬೆಸಾವಾಂ ಖಾತಿರ್ ಆರ್ಗಾಂ ದಿವ್ಯಾಂ ಆನಿ ತ್ಯಾ ದಿಸ್ ಸಾಂಜೆಚ್ಯಾ 6 ವರಾಂಚ್ಯಾ ಮೀಸಾಚ್ಯಾ ಬಲಿದಾನಾಂತ್ ಭಾಗ್ ಘೆವ್ಯಾಂ.
10. ಜನವರಿ ಮಹಿನ್ಯಾ ಥಾವ್ನ್ ದಿಯಾಕೊನ್ ಪ್ರಣಾಮ್ ಫೆರ್ನಾಂಡಿಸ್ ಹಾಂಚ್ಯಾ ಮುಖೇಲ್ಪಣಾಖಾಲ್ ಆಮಿಂ ಫಿರ್ಗಜೆಚ್ಯಾ ಸರ್ವಾಂಕ್ ಬೈಬಲ್ Quiz ಆರಂಭ್ ಕರ್ತಾಂವ್. ಜನವರಿಂತ್ ಉತ್ಪತ್ತಿ ಗ್ರಂಥಾ ವಯ್ರ್ ಹೆಂ ಕಿuiz ಆಸ್ತಲೆಂ . ಜನವರಿ 1 ತಾರೀಕೆರ್ ಹೆಂ Quiz ಆನಿ ತಾಚ್ಯೊ ರೂಲಿ ಫಿರ್ಗಜೆಚ್ಯಾ Whatsapp ಚೆರ್ ಆಮಿಂ ಘಾಲ್ತೆಲ್ಲ್ಯಾಂವ್. ಜಾತಾತಿತ್ಲ್ಯಾ ಜಣಾಂನಿ ಹಾಂತುಂ ಪಾತ್ರ್ ಘೆಂವ್ಚೆ ಆನಿ ಬೈಬಲಾ ವಿಶಿಂ ತುಮ್ಚಿ ಜಾಣ್ವಾಯ್ ವಾಡಂವ್ಚಿ . ಪವಿತ್ರ್ ಪುಸ್ತಕ್ ವಾಚುಂಕ್‍ಯೀ ಹೆಂ ಎಕ್ ಪ್ರೇರಣ್ ಜಾತಾಲೆಂ. ಜಿಕ್‍ಲ್ಲ್ಯಾಂಕ್ ಬಹುಮಾನಾಂ ಆಸ್ತೆಲಿಂ.
11. ಕಾರ್ಮೆಲ್ ಗುಡ್ಯಾರ್ ಬಾಳೊಕ್ ಜೆಜುಚಿ ವಾರ್ಷಿಕ್ ಪರಬ್ ಜನೆರಾಚ್ಯಾ 14, 15 ತಾರಿಕೆರ್ ಆಸ್ತೆಲಿ. ಫೆಸ್ತಾಕ್ ತಯಾರಾಯ್ ಜಾವ್ನ್ ಜನೆರ್ 5 ತಾರಿಕೆರ್ ನೊವೆನಾಂ ಪ್ರಾರಂಭ್ ಜಾತಾತ್. ಜನೆರಾಚ್ಯಾ 4 ತಾರಿಕೆರ್ ಬ್ರೇಸ್ತಾರಾ ಸಾಂಜೆರ್ 4.30 ವೊರಾರ್ ವ್ಹೊಜಾಂಚೊ ಪುಶ್ರ್ಯಾಂವ್ ಕೊರ್ಡೆಲ್ ಫಿರ್ಗಜೆ ಥಾವ್ನ್ ಆರಂಭ್ ಜಾತಾಲೊ. ಉಪ್ರಾಂತ್ ಫೆಸ್ತಾಚೊ ಬಾವ್ಟೊ ಉಬೊಂವ್ಚಿ ರೀತ್ ಆಸ್ತೆಲಿ.
ನೊವೆನಾಂಚಾ ದಿಸಾಂನಿ ಭಕ್ತಿಕಾಂಕ್ ದೊನ್ಪರಾಂ ಜೆವಾಣ್ ಆಸ್‍ಲ್ಲ್ಯಾನ್ ವ್ಹೊಜಾಂಚಾ ಪುಶ್ರ್ಯಾಂವಾಕ್ ಖಾಣಾ ವರ್ವಿಂ ದಿತೆಲ್ಯಾಂನಿ ಬುದ್ವಾರಾ ಸಾಂಜೆರ್ ವಾ ಬ್ರೇಸ್ತಾರಾ ಸಕಾಳಿಂ ಭಿತರ್ ಫಿರ್ಗಜೆಕ್ ಪಾವಿತ್ ಕರುಂಕ್ ವಿನಂತಿ.
ಜೆವ್ಣಾಕ್ ಜಾಯ್ ಜಾಲ್ಯೊ ವಸ್ತು- ತಾಂದುಳ್, ತೇಲ್, ರಾಂದೊಯೀ, ದಾಳ್ , ಗೋಡ್, ಕುವಾಳೊ, ಬಾಟಾಟೆ. ಮೋಗೆ, ಪಿಯಾಂವ್ ಹೆಂ ಸರ್ವ್ ತುಮಿಂ ಹಾಡ್ಯೆತ್. ಹಾಚ್ಯೊ ವಿವರ್ Notice Board ಚೆರ್ ಆಸಾ.
12. ಹ್ಯಾ ನತಾಲಾಂಚ್ಯಾ ಫೆಸ್ತಾಕ್ ಆಮಿಂ ತೀನ್ ಸ್ಪರ್ದೆ ಆಸಾ ಕೆಲ್ಲೆಂ. ಬೋವ್ ಥೊಡಿಂ entry ಆಯಿಲ್ಲ್ಯೊ. ಯೆಂವ್ಚ್ಯಾ ವರ್ಸಾಂ ಚಡ್ ಜಣಾಂನಿ ಪಾತ್ರ್ ಘೆಂವ್ಕ್ ಆಮಿಂ ಉಲೊ ದಿತಾಂವ್. ವಿಜೇತಾಂಚಿ ನಾಂವಾಂ ವಾಚುನ್ ಸಾಂಗ್ತಾನಾ ತಾಣಿ ಮುಖಾರ್ ಯೇವ್ನ್ ಆಮ್ಚ್ಯಾ ಪ್ರದಾನ್ ಯಾಜಕಾ ಥಾವ್ನ್ ಬಹುಮಾನ್ ಸ್ವೀಕಾರ್ ಕರಿಜಾಯ್ ಮ್ಹಣ್ ವಿನಂತಿ.
