ತಿಳ್ಸೋಣ್ಯೊ
1. ಆಜ್ ಆಮಿಂ ಬಾಗೆವಂತ್ ಕುಟ್ಮಾಚಿ ಪರಬ್ ಆಚರ್ಸಿತಾಂವ್. ಜೆಜು ಮರಿ ಆನಿ ಜುಜೆ ತುಮ್ಚ್ಯಾ ಸಮೆಸ್ತ್ ಕುಟ್ಮಾಂಚೆರ್ ಆಪ್ಲೊ ಆಶೀರ್ವಾದ್ ಘಾಲುಂದಿ ಆನಿ ತುಮ್ಚಿ ಕುಟ್ಮಾಂ ತ್ಯಾ ನಜರೇತಾಚ್ಯಾ ಬಾಗೆವಂತ್ ಕುಟ್ಮಾಪರಿ ಜಾಂವ್ದಿತ್.
2. ಫಾಲ್ಯಾಂ/ ಆಜ್ ಹ್ಯಾ ವರ್ಸಾಚೊ ನಿಮಾಣೊ ದೀಸ್. ಆನಿ ಸೊಮಾರಾ, ಜನವರಿ 1 ತಾರೀಕೆರ್ ಆಮಿಂ ನವೆಂ ವರಸ್ ಆರಂಭ್ ಕರ್ತಾಂವ್
3. ನವ್ಯಾ ವರ್ಸಾಂಚಿ ಮೀಸಾಂ ಆನಿ ಲಿತುರ್ಜಿ ಹ್ಯಾ ಪರಿಂ ಆಸಾ. ಫಾಲ್ಯಾಂ/ ಆಜ್ ಆಯ್ತಾರಾ, ದಶೆಂಬರ್ 31 ತಾರೀಕೆರ್ ಆಮಿಂ ಮರಿ ದೇವ್ ಮಾತೆಚಿ ಪರಬ್ ಆಚರ್ಸಿತಾಂವ್ ಆನಿ ತಶೆಂ ನವೆಂ ವರಸ್ ಆರಂಭ್ ಕರ್ತಾಂವ್. ಸಾಂಜೆರ್ 6.30 -7.30 ವರಾಂ ಪರ್ಯಾಂತ್ ಪವಿತ್ರ್ ಸಂಕ್ರಾಮೆಂತಾಚೆಂ ಆರಾಧನ್ ಆನಿ ತ್ಯಾ ಉಪ್ರಾಂತ್ 7.30 ವರಾರ್ ಸಂಭ್ರಮಿಕ್ ಮೀಸಾಚೆಂ ಬಲಿದಾನ್. ಮಾ. ದೊತೊರ್. ಬಾಪ್ ರುಡೊಲ್ಫ್ ಡಿಸೋಜಾ ಹೆಂ ಮೀಸಾಚೆಂ ಬಲಿದಾನ್ ಆರ್ಪಿತೆಲೆಂ.
ಪವಿತ್ರ್ ಸಾಂಕ್ರಾಮೆಂತಾಚ್ಯಾ ಆರಾಧನಾಕ್ ಸರ್ವಾಂನಿ ಹಾಜರ್ ಜಾಂವ್ಚೆಂ. ಆಮಿಂ ಆದ್ಲ್ಯಾ ವರ್ಸಾಂ ದೇವಾನ್ ಆಮ್ಚೆರ್ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ತಾಕಾ ಆರ್ಗಾಂ ದಿತೆಲ್ಯಾಂವ್. ತಶೆಂಚ್ ಯೆಂವ್ಚ್ಯಾ ವರ್ಸಾಂ ದೇವಾನ್ ಆಮ್ಕಾಂ ಬರಿ-ಭಲಾಯ್ಕಿ ದೀವ್ನ್ ಸರ್ವ್ ವಿಘ್ನಾ- ಆನ್ವಾರಾಂತ್ಲೆಂ ರಾಕೊನ್ ವ್ಹರೊಂಕ್ ತಾಚೊ ಆಧಾರ್ ಮಾಗ್ತೆಲ್ಯಾಂವ್.
4. ಸೊಮಾರಾ, ಜನವರಿ 1 ತಾರೀಕೆರ್, ನವ್ಯಾ ವರ್ಸಾ ಸಕಾಳಿಂ 6.30 ವರಾರ್ ಎಕ್‍ಚ್ಚ್ ಮೀಸ್ ಆಸ್ತೆಲೆಂ. ಸಾಂಜೆರ್ ಮೀಸ್ ಆಸ್ಚೆಂನಾಂ.
5. ಜನವರಿ 2 ತಾರೀಕೆರ್ ಮಂಗ್ಳಾರಾ, ಆಮ್ಚ್ಯಾ ಫಿರ್ಗಜೆಚ್ಯಾ ಉಗ್ತಾವಣಾಚೊ ದೀಸ್. ದೆಕುನ್ ತ್ಯಾ ಸಾಂಜೆರ್ 6 ವರಾರ್ ಆಸ್ಚ್ಯಾ ಮೀಸಾಕ್ ಸರ್ವ್ ಫಿರ್ಗಜ್‍ಗಾರಾಂನಿ, ಗೊವ್ಳಿಕ್ ಪರಿಷದೆಚ್ಯಾ ಸಾಂದ್ಯಾಂನಿ, ಸರ್ವ್ ಸಂಘ-ಸಂಸ್ಥೆ ಆನಿ ಆಯೋಗಾಚ್ಯಾ ಸಾಂದ್ಯಾಂನಿ ಯೇವ್ನ್ ಆಮ್ಚ್ಯಾ ಫಿರ್ಗಜೆಚೆರ್ ಪಾಟ್ಲ್ಯಾ 10 ವರ್ಸಾಂನಿ ವೊತ್‍ಲ್ಲ್ಯಾ ಸರ್ವ್ ಬೆಸಾಂವಾಂ ಖಾತಿರ್ ದೆವಾಕ್ ಆನಿ ಬಾಳ್‍ಮರ್ಯೆಕ್ ಆರ್ಗಾಂ ದಿಂವ್ಚೆಂ.
6. ಯೆಂವ್ಚ್ಯಾ ಆಯ್ತಾರಾ, ಜನವರಿ 7 ತಾರೀಕೆರ್ ಜೆಜುಚ್ಯೆ ಆಪ್-ಪರ್ಗಟ್ಣೆಚಿಂ (Epiphany) ಫೆಸ್ತ್ ಆಮಿಂ ಆಚರ್ಸಿತೆಲ್ಯಾಂವ್. ತ್ಯಾ ದೀಸ್ ಸಾಂಜೆರ್ ದಿಯೆಸೆಜಿಚೊ ಎವ್ಕರಿಸ್ತಿಕ್ ಪುರ್ಶಾಂವ್ ಆಸ್ತಲೊ. ಸಾಂಜೆರ್ 3.30 ವೊರಾರ್ ಮಿಲಾರ್ ಇಗರ್ಜೆಂತ್ ಮೀಸ್ ಉಪ್ರಾಂತ್ ಪುರ್ಶಾಂವ್ . ತ್ಯಾ ದೀಸ್ ಖಂಚಿಯೀ ಕಾರ್ಯಕ್ರಮಾ ದವರಿನಾಸ್ತಾಂ ಸರ್ವಾಂನಿ ಹ್ಯಾ ಎವ್ಕರಿಸ್ತಿಕ್ ಪುರ್ಶಾಂವಾಕ್ ಹಾಜರ್ ಜಾಂವ್ಕ್ ವಿನಂತಿ.
7. ನತಾಲಾಂಚೆಂ ಫೆಸ್ತ್ ಆಮಿಂ ಗದ್ದಳಾಯೆನ್ ಆಚರ್ಸುಂಕ್ ಸಹಕಾರ್ ದಿಲ್ಲ್ಯಾ ಸರ್ವಾಂಕ್ ಆಮಿಂ ದೇವ್ ಬರೆಂ ಕರುಂ ಮ್ಹಣ್ತಾಂವ್.
8. ಕ್ರಿಸ್‍ಮಸಾಕ್ ಆಮಿಂ Auction (ಎಲಾಂ) ದವರ್‍ಲ್ಲೆಂ . ತಾಚೆ, ಥಾವ್ನ್ ಆಯಿಲ್ಲೊ ಐವಜ್ ರು. 1,03,800/- ಹ್ಯೊ ಫಿರ್ಗಜೆಚ್ಯಾ ಯೋಜನಾಂಕ್ ಆಮಿಂ ಉಪಯೋಗ್ಸಿತೆಲ್ಯಾಂವ್. ತಶೆಂ ಎಲಾಮಾಚೊ ವಸ್ತು ಉದಾರ್‍ಮನಾನ್ ದಾನ್ ದಿಲ್ಲ್ಯಾ ಸರ್ವಾಂಕ್ ತಶೆಂಚ್ ಎಲಾಮಾಂಕ್ ರಾವೊನ್ ಫಿರ್ಗಜೆ ಖಾತಿರ್ ವಸ್ತು ಕಾಣ್ಗೆಲ್ಯಾ ಸರ್ವಾಂಚೊ ಆಮಿಂ ಉಪ್ಲಾರ್ ಬಾವುಡ್ತಾಂವ್. ಬಾಳ್ ಮರಿ ತುಮ್ಕಾಂ ಆಶೀರ್ವಾದ್ ದಿಂವ್.
9. ಕ್ರಿಸ್‍ಮಸಾಕ್ ಆಮಿಂ ತೀನ್ ಸ್ಪರ್ದೆ ಮಾಂಡುನ್ ಹಾಡ್‍ಲ್ಲೆ. ತ್ಯಾ ಸ್ಪರ್ದಾಂಚೆಂ ಫಲಿತಾಂಶ್ ನವ್ಯಾ ವರ್ಸಾಚ್ಯಾ ಸಾಂಜೆಚ್ಯಾ ಮೀಸಾ ವೆಳಾರ್ ಆಮಿಂ ತಿಳ್ಸುನ್ ಇನಾಮಾಂ ವಾಂಟ್ತೆಲ್ಯಾಂವ್
10. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ನವ್ಯಾ ವರ್ಸಾಚಿ ಸಾಂಜೆರ್ 7.30 ವೊರಾರ್ ದೇವ್ ಸ್ತುತಿ ವೆಲಂಕಣಿ ವಾಡೊ, ಬಾಳ್‍ಮರಿ ವಾಡೊ, ಲೂಡ್ರ್ಸ್ ವಾಡೊ , ಸಾಂ ಆಂತೊನ್ ವಾಡೊ ಆನಿ ಲ್ಹಾನ್ ಫುಲ್ ವಾಡೊ. ಕಾಣಿಕೊ ಹಾಡುಂಕ್ ಆವಿಲಾ ವಾಡೊ, ಬಾಳೊಕ್ ಜೆಜು ವಾಡೊ, ಸಾಂ. ಜುಜೆ ವಾಡೊ, ಪವಿತ್ರ್ ಕಾಳಿಜ್ ವಾಡೊ, ಕಾರ್ಮೆಲ್ ವಾಡೊ. ಜನವರಿ 1 ತಾರೀಕೆರ್ ಸಕಾಳಿಂ 6.30 ವೊರಾರ್ ಗೊವ್ಳಿಕ್ ಪರಿಷದ್ ಸಾಂದ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ, ಜನವರಿ 2 ತಾರೀಕೆರ್ ಫಿರ್ಗಜ್ ಉಗ್ತಾವಣೆಚೊ ದೀಸ್ ಲಿತುರ್ಜಿ ಲ್ಹಾನ್ ಫುಲ್ ವಾಡೊ. ಯೆಂವ್ಚ್ಯಾ ಆಯ್ತಾರಾ ಜನವರಿ 7 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- Iಅಙಒ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಧಾವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ಆಟ್ವ್ಯಾ ಕ್ಲಾಸಿಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಲ್ಹಾನ್ ಫುಲ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರಿ