ತಿಳ್ಸೊಣ್ಯೊ
1. ಆಜ್ ಪಾಸ್ಕಾ ಕಾಳಾಚೊ ಚವ್ತೊಂ ಆಯ್ತಾರ್. ಹೊ ದೇವ್ ಆಪವ್ಣ್ಯಾಚೊ ಆಯ್ತಾರ್, ಆನಿ ಜೆಜು ಬರ್ಯಾ ಗೊವ್ಳ್ಯಾಚೊ ಆಯ್ತಾರ್. ದೆಕುನï ಆಮ್ಚ್ಯಾ ಕುಟ್ಮಾಂತ್ ಆಮ್ಚ್ಯಾ ಭುರ್ಗ್ಯಾ ಮಧೆಂ ಯಾಜಕೀ ಆನಿ ಧಾರ್ಮಿಕ್ ಭೆಸಾಕ್ ದೇವ್ ಆಪವ್ಣಾಂಕ್ ಆಮಿಂ ಪ್ರೊತ್ಸಾಹ್ ದಿಂವ್ಚೊ.
2. ಆಜ್ ICYM ಬಜ್ಜೋಡಿ ಘಟಕ್ Decennial celebration ವ ದಾ ವರ್ಸಾಚೊ ಉತ್ಸವ್ ಆಚರಿತಾ. ಪಾಟ್ಲ್ಯಾ ದಾ ವರ್ಸಾಂನಿ ಹ್ಯಾ ICYM ಘಟಕಾಚೆರ್ ಆನಿ ಹ್ಯಾ ಘಟಕಾ ಮಾರಿಪಾತ್ ಆಖ್ಯಾ ಪಿರ್ಗಜ್ ಕುಟ್ಮಾಂಚೆರ್ ಬಾಳ್ ಮರ್ಯೆ ಮಾರಿಪಾತ್ ಧಾರಾಳ್ ಬೆಸಾಂವಾಂ ವೊತ್ಲ್ಯಾಂತ್. ಹ್ಯಾ ಸರ್ವ್ ಆಶೀರ್ವಾದಾಂ ಖಾತಿರ್ ದೆವಾಕ್ ಆಮಿಂ ಅರ್ಗಾಂ ದಿತಾಂವ್ ಆನಿ ಹ್ಯಾ ICYM ಘಟಕಾಕ್ ಸರ್ವ್ ಬರೆಂ ಮಾಗ್ತಾಂವ್. ತಶೆಂತ್ ಆಮ್ಚ್ಯೇ ಮೀಸಾಚೆಂ ಬಲಿದಾನ್ ಭೆಟೆಯಿಲ್ಯಾ ICYM ದಿಯೆಸೆಜಿಚೊ ದಿರೆಕ್ತೊರ್ ಬಾಪ್ ಆಶ್ವಿನ್ ಕಾರ್ಡೊಜಾ, ಆನಿ ವಾರಾಡೆಂ ದಿರೆಕ್ತೊರ್ ಬಾಪ್ ಪಾವ್ಲ್ ಸೆಬಾಸ್ಟಿಯನ್‍ಕ್ ದೇವ್ ಬರೆಂ ಕರುಂ. ಮೀಸ್ ಜಾಲ್ಯಾ ಉಪ್ರಾಂತ್ ಎಕ್ ಸಾಂಸ್ಕøತಿಕ್ ಆನಿ ಉಲ್ಲಾಸುಂಚೆ ಕಾರ್ಯೆಂ ತಾಣಿಂ ವ್ಹಡ್ಲ್ಯಾ ಹೊಲಾಂತ್ ಮಾಂಡುನ್ ಹಾಡ್ಲಾಂ. ತುಮ್ಕಾಂ ಸಮೆಸ್ತಾಂಕ್ ಆಪವ್ಣೆಂ ಆಸಾ.
3. ಹ್ಯಾ ಹಪ್ತ್ಯಾಂತ್ ಮಂಗ್ಳಾರಾ ಬಾಗೆವಂತ್ ಜೊರ್ಜಿ, ರಗ್ತ್‍ಸಾಕ್ಷಿ, ಬ್ರೆಸ್ತಾರಾ, ಸಾಂ ಮಾರ್ಕ್ ವಾಂಜೆಲಿಸ್ತ್, ಹಾಂಚಿ ಪರಬ್.
4. ಹ್ಯಾ ಮಹಿನ್ಯಾಂತ್ ಪಾಲ್ಯಾ /ಆಜ್ ಆಯ್ತಾರಾ ವಾಡ್ಯಾ ಜಮಾತಿ ಹ್ಯಾ ಪರಿಂ ಆಸಾತ್.
a) ಸಾಂತ್ ಅಂತೊನ್ ವಾಡೊ, ಸಾಂಜೆರ್ 4:30 ವರಾರ್ ಲಿಡ್ವಿನ್ ಮಾರ್ಟಿಸ್ï ಹಿಚ್ಯಾ ಘರಾ.
b) ಲೂಡ್ರ್ಸ್ ವಾಡ್ಯಾ ಜಮಾತ್ ಸಾಂಜೆರ್ 5 ವರಾರ್ ಶ್ರೀಮಾನ್ ಸಂತೋಷ್ ಮಿನೇಜಸ್ (Fr Muller Compound) ಹಾಚ್ಯಾ ಘರಾ.
c) ಜೆಜುಚ್ಯಾ ಪವಿತ್ರ್ ಕಾಳ್ಜಾಚಿ ವಾಡ್ಯಾ ಜಮಾತ್ ಸಾಂಜೆರ್ 4 ವರಾರ್ ಶ್ರೀಮಾನ್ ಬ್ಯಾನಡಿಕ್ಟ ಡಿಸೋಜಾಚ್ಯಾ ಘರಾ.
5. ಎಪ್ರಿಲ್ ಮಹಿನ್ಯಾಚಿ, ವಾಡ್ಯಾ ಜಮಾತ್ ಭುರ್ಗ್ಯಾಂಚಿ ಜಮಾತ್ ಜಾವ್ನಾಸ್ತೆಲಿ. ವಾಡ್ಯಾಚ್ಯಾ ಸರ್ವ್ ಭುರ್ಗ್ಯಾಂನಿ ಹ್ಯಾ ಜಮಾತೆಕ್ ಹಾಜರ್ ಜಾಂವ್ಚೆಂ ಆನಿ ಗುರ್ಕಾರಾಂನಿ ಆನಿ ಪ್ರೇರಕಾಂನಿ ಭುರ್ಗ್ಯಾಂಕ್ 7 ಮೇಟಾಂಚ್ಯಾ ವಿಧಾನಾಚಿ ತರ್ಬೆತಿ ದಿಂವ್ಚಿ. ಥೊಡೆ ಖೆಳ್ ತಾಂಚೆ ಖಾತಿರ್ ಆಸಾ ಕರ್ಚೆ
6. ಎಪ್ರಿಲ್ 26 ತಾರೀಕೆರ್ ಯೆಂವ್ಚ್ಯಾ ಸುಕ್ರಾರಾ, ಮಂಗ್ಳುರಾಂತ್ ಲೋಕಾಸಭೆಕ್ ಚುನಾವಣ್ ಜಾತಾ. ಸರ್ವ್ ಫಿರ್ಗಜ್‍ಗಾರಾಂನಿ ತ್ಯಾ ದೀಸ್ ಹೆರ್ ಖಂಚೆಯೀ ಕಾರ್ಯಕ್ರಮ್ ದವರಿನಾಸ್ತಾನಾ ಆಪ್ಲೊ ಮ್ಹತ್ ವ Vote ಘಾಲ್ನ್ ಬೊರ್ಯಾ ಪುಡಾರ್ಯಾಂಕ್ ವಿಂಚುನ್ ಕಾಡ್ಚೆಂ. Vote ಘಾಲಿನಾಸ್ತಾನಾ ರಾಂವ್ಚೆಂ ವ ಹೆರ್ ಕಾರ್ಯಕ್ರಮಾಕ್ ವೆಚೆಂ ಎಕ್ ವ್ಹಡ್ ಪಾತಕ್ ಮ್ಹುಣ್ತಾ ಬೆಂಗ್ಳುರ್‍ಚೊ ಆರ್ಚ್‍ಬಿಸ್ಪ್. ಆಮಿಂ ಜಾತ್ಯಾತೀತ್ (Secular), ಆಕೋಮುವಾದಿ (Non-Communal) ಆನಿ ಆಮ್ಚೆಂ ಸಂವಿಧಾನ್ ಉಕಲ್ನ್ ದರ್ತೆಲ್ಯಾಂಕ್ ವಿಂಚುನ್ ಕಾಡಿಜಾಯ್. ಸರ್ವಾಂನಿ ವೋಟ್ ಘಾಲುಂಕ್ ಆಮ್ಚ್ಯಾ ಬಿಸ್ಪ್ ಸಾಯ್ಬಾಂನೀ ಆಪ್ಲ್ಯಾ ಪತ್ರಾಂತ್ ಉಲೊ ದಿಲಾ.
7. ಮೇ ಮಹಿನ್ಯಾಚ್ಯಾ 1, 2, 3 ತಾರೀಕೆರ್ ಆಮ್ಚ್ಯಾ ಫಿರ್ಗಜೆಂತ್ ಚೊವ್ತ್ಯಾ ಕ್ಲಾಸಿ ಥಾವ್ನ್ ಧಾವ್ಯಾ ಕ್ಲಾಸಿಚ್ಯಾ ಸರ್ವ್ ಭುರ್ಗ್ಯಾಂಕ್ ಸಕಾಳಿಂ 8.30 ಥಾವ್ನ್ ದೊನ್ಪಾರಾಂ 12.30 ವರಾಂ ಮ್ಹಣಾಸರ್ Summer Camp ದವರ್ಲಾಂ. ಬಾಪ್ ಜೊಕಿಮ್ ಫೆರ್ನಾಂದ್, ಆಮ್ಚ್ಯಾ ಫಿರ್ಗಜೆಚ್ಯಾ Resource ಸಾಂದ್ಯಾ ಸಂಗಿಂಂ ಮೆಳೊನ್ ಹೆಂ Camp ಚಲವ್ನ್ ವ್ಹರ್ತೆಲೆ. ಭುರ್ಗ್ಯಾಂಕ್ ಕೊಂಕ್ಣಿ ಉಲಂವ್ಕ್, ವಾಚುಂಕ್, ಮಾಗ್ಣ್ಯಾ ಜಮಾತಿ ಚಲಂವ್ಕ್, ನಾಟ್ಕುಳೆಂ, ಪದಾಂ, ನಾಚ್, ಮುಖೇಲ್ಪಣ್, ಭಾಷಣ್, ಖೆಳ್ ಹ್ಯಾ ಸರ್ವಾಂಕೀ Campತ್ ತರ್ಬೆತಿ ಮೆಳ್ತೆಲಿಂ. ಸರ್ವ್ ಪಿರ್ಗಜ್‍ಗಾರಾಂನಿ ತುಮ್ಚ್ಯಾ ಭುರ್ಗ್ಯಾಂಕ್ ಹ್ಯಾ Campಕ್ ದಾಡ್ಚೆಂ ಆನಿ ಗುರ್ಕಾರಾಂನಿ ಆನಿ ಪ್ರತಿನಿಧಿಂನಿ ಹಾಚಿ ಜವಾಬ್ದಾರಿ ಘೆಂವ್ಚಿ. ಕೊಣಾಯ್ಕೀ ಹೆಂ ಭುರ್ಗ್ಯಾಂಚೆ Camp ಸಗ್ಳೆಂ ವ ದಿಸಾ ಲೇಖಾರ್ Sponsor ಕರುಂಕ್ ಮನ್ ಆಸಾ ತರ್ ತಾಣಿಂ ಮ್ಹಕಾ ಬೆಟ್ಯೆತ್.
8. ಹಾಂಗಾ ಮೋರ್ನಾಚ್ಯಾ ಮಿಸಾಕ್ ಆಯಿಲ್ಲಿಂ ಸರ್ವಾಂ ಸಿಮೆಸ್ರೆಕ್ ವಚಾನಾಂತ್ ಜಾಲ್ಲ್ಯಾನ್, ಆಮಿಂ ಮಿಸಾಚ್ಯಾ ಆಖ್ರೆಕ್ ಆಶೀರ್ವಾದ್ ದಿತೆಲ್ಯಾಂವ್. ಲ್ಹಾನ್ ಮಾಗ್ಣ್ಯಾ ಉಪ್ರಾಂತ್ ಶೃದಾಂಜಲಿ ಆನಿ ತ್ಯಾ ಉಪ್ರಾಂತ್ ಅಂತಿಮ್ ವಿದಾಯೆಚೆಂ ಮಾಗ್ಣೆಂ ಆಸ್ತಲೆಂ. ಶೃದಾಂಜಲಿ ಖಾಲೀ ಎಕಾಚ್ ವ್ಯಕ್ತಿನ್ ದೀಂವ್ಕ್ ಆವ್ಕಾಸ್ ಆಸಾ. ದಿನ್ವಾಸ್ಣೆಚಿ ಉತ್ರಾಂ ವ ಇತರ್ ತಿಳ್ಸೊಣ್ಯೊ ಆಸ್ಲ್ಯಾರ್ ಶೃದಾಂಜಲಿತ್‍ಚ್ಚ್ ಸಾಂಗ್ಚೆಂ.
9. ಯೆಂವ್ಚ್ಯಾ ಹಫ್ತ್ಯಾಂತ್ ಮೀಸಾ ದೀಂವ್ಕ್ ಆಸ್ಲ್ಯಾರ್ ಅವ್ಕಾಸ್ ಆಸಾಂ.
10. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಲ್ಯಾ ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಎಪ್ರಿಲ್ 28 ತಾರೀಕೆರ್ ಸಕಾಳಿಂಚ್ಯಾ ಮಿಸಾಕ್ ಸಾಂ ವಿಶೆಂತ್ ಪಾವ್ಲ್ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಕರ್ಚಿ. ಆನಿ ತ್ಯಾಚ್ ವಾಡ್ಯಾಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಅವಿಲಾ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
11. ಆದ್ಲ್ಯಾ ಆಯ್ತಾರಾ ಮಿಸಾಚೆರ್ ಜಮೊ ಜಾಲ್ಲಿ ಕಾಣಿಕ್ 8,925/-ತುಮ್ಚ್ಯಾ ಉದಾರ್‍ಮನಾಕ್ ದೇವ್‍ಬರೆಂ ಕರುಂ.
12. ಆತಾಂ ಆಮ್ಚ್ಯಾ ಸರ್ವ್ ಧಾನಿ, ಹಿತಚಿಂತಕ್, ಪ್ರಾಯೆಸ್ತ್, ಪಿಡೆಸ್ತ್ ಆನಿ ಸರ್ವ್ ಪಿಗರ್ಜ್‍ಗಾರಾಂ ಖಾತಿರ್ ಮಾಗ್ಯಾಂ.