ತಿಳ್ಸೊಣ್ಯೊ
1. ಆಜ್ ಆಮಿಂ ಸಾದ್ಯಾ ಕಾಳಾಚೊ ಸವೊ ಆಯ್ತಾರ್ ಆಚರ್ಸಿತಾಂವ್.
2. ಆಜ್ /ಫಾಲ್ಯಾಂ ಲೂರ್ದ್ ಮಾಯೆಚಿ ಪರಬ್ ಆಮಿ ಆಚರ್ಸಿತಾಂವ್. ತಶೆಂಚ್ ಲೂರ್ದ್ ವಾಡ್ಯಾಗಾರಾಂ ತಾಂಚೆ ಫೆಸ್ತ್ ಆಚರ್ಸಿತಾತ್. ಜೆಜುನ್ ಆಯ್ಚ್ಯಾ ವಂಜೆಲಾಂತ್ ಕೊಡ್ಕಾರಾಕ್ ಗೂಣ್ ಕೆಲ್ಲೆ ಪರಿ, ಲೂರ್ದ್ ಪುಣ್ಯ್ ಕ್ಷೇತ್ರಾಂತ್ ಮರ್ಯೆಚ್ಯಾ ವಿನವ್ಣೆನ್ ಹಜಾರಾಂನಿ ಗೂಣ್ ಜಾತಾತ್. ದೆಕುನ್ ಹ್ಯಾ ಆಯ್ತಾರಾ ಪಿಡೆಸ್ತಾಂ ಖಾತಿರ್ ಮಾಗೊಂಕ್ ಆನಿ ತಾಂಕಾ ಆಮ್ಚ್ಯಾ ಕುಮ್ಕೆಚಿ ಹಾತ್ ದಿಂವ್ಕ್ ಪಾಪಾ ಪ್ರಾನ್ಸಿಸ್ ಆಮ್ಕಾಂ ಆಪವ್ಣೆ ದಿತಾ.
3. ಆಜ್ ದೋನ್ ಕಾಣಿಕಾಂಚೆಂ Collection ಆಸಾ. ಪಯ್ಲೆಂ ಪ. ಸಭೆಚ್ಯಾ Holy Childhood ಭುಗ್ರ್ಯಾಂಚಾ ಸಂಸ್ಥಾಕ್. ದುಸ್ರೆಂ ಆತಾಂ, ಪ್ರಯೆಸ್ತ್ ಆನಿ ಪಿಡೆಸ್ತ್ ಕಾರ್ಮೆಲಿತ್ ಪ್ರಾದಿಂಚ್ಯಾ Medical Treatment ಪಾಸತ್.
4. ಯೆಂವ್ಚ್ಯಾ ಸೊಮಾರಾ, ಫೆಬ್ರೆರ್ 12 ತಾರೀಕೆರ್ ಸಕಾಳಿಂ ಆಮಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್.
5. ಫಾಲ್ಯಾ/ಆಜ್ ಸಾಂಜೆರ್ 7 ವರಾರ್ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಆರಾಧನ್ ಆಸ್ತಲೆಂ
6. ಯೆಂವ್ಚ್ಯಾ ಬುದ್ವಾರಾ, ಫೆಬ್ರೆರ್ 14 ತಾರೀಕೆರ್, ಸಿಂಜಿಚೊ ವ ಗೊಬ್ರಾಚೊ ಬುದ್ವಾರ್. ತ್ಯಾ ದೀಸ್ ಆಮಿಂ ಪ್ರಾಜಿತ್ ಕಾಳ್ ಆರಂಭ್ ಕರ್ತಾಂವ್. ಗೊಬ್ರಾಚ್ಯಾ ಬುದ್ವಾರಾ ಮಿಸಾಂ ಹ್ಯಾ ಪರಿಂ ಆಸ್ತೆಲಿ. ಸಕಾಳಿಂ 6.30 ವರಾರ್ ಆನಿ ಸಾಂಜೆರ್ 6 ವರಾರ್. ಸಿಂಜೆಚೊ ಬುದ್ವಾರ್ ಉಪಾಸಾಚೊ ವ ಜಿಂಜ್ವಾರಾಚೊ ದೀಸ್. ತ್ಯಾ ದೀಸ್ ಮಾಸ್ ಖಾಂವ್ಕ್ ಆಡ್ವಾರ್ಲಾಂ.
7. ಪ್ರಾಜಿತಾ ಕಾಳಾರ್ ಆಮಿಂ ಇಲ್ಲೊ ಚಡ್ ಸಾಕ್ರಿಫಿಸ್ , ಕುಡಿಚಿ ದಂಡವ್ಣಿ ಆನಿ ಮಾಗ್ಣೆಂ ಕರ್ನ್ ಫಲಾಧಿಕ್ ಪಣಿ ಹೊ ಕಾಳ್ ಆಚರ್ಸುಂಚೊ. ಹ್ಯಾ ಕಾಳಾರ್ ಕಸಲಿಂಯೀ ವ್ಹಡ್ , ಆಚರಣಾಂ ಆನಿ ಫೆಸ್ತಾಂ ಕರ್ಚಿ ನ್ಹಯ್. ತಶೆಂಚ್ Alleluia” ಆನಿ “ಮಹಿಮಾ” ಗಾಂವ್ಚೆಂ ನಹಿಂ.
8. ಪ್ರಾಜಿತಾ ಕಾಲಾಚಿ ಖುರ್ಸಾ ವಾಂಟೆಚಿ ಮಾಂಡಾವಳ್, ಘರ್ ಬೆಜ್ಮೆಂತಾಂ, ಬಾಗೆವಂತ್ ಹಫ್ತಾಚಿ ದೇವ್-ಸ್ತುತಿ ಆಮಿಂ ಫಿರ್ಗಜೆಚಾ whatsapp ಚೆರ್ ಘಾಲ್ತೆಲ್ಯಾಂವ್. ಘರ್ ಬೆಜ್ಮೆಂತಾಕ್ ಘಚ್ರ್ಯಾ ಸರ್ವ್ ಸಾಂದ್ಯಾಂನಿ ಹಾಜರ್ ಆಸ್ಚೆಂ. ಘರ್ ನಿತಳ್ ಕರ್ನ್, ಬೈಬಲ್, ಕಂತಾರಾ ಬೂಕ್, ವಾತಿ ತಯಾರ್ ದವರ್ಚೊ. ಸರ್ವಾಂನಿ ಸಾಂಗಾತಾ ಮೆಳೊನ್ ದೇವಾಚಿ ಆಶೀರ್ವಾದಾಂ ಆನಿ ಬಾಳ್ ಮರ್ಯೆಚಿ ಸಸಾಯ್ ಆಮ್ಚ್ಯಾ ಕುಟ್ಮಾ ವಯ್ರ್ ಮಾಗ್ಚಿಂ.
9. ಪ್ರಾಚಿತ್ ಕಾಳಾಚಿ ರೆತಿರ್ ಮಾರ್ಚ್ 8 ಆನಿ 9 ವೆರ್ ಸುಕ್ರಾರಾ ಆನಿ ಸನ್ವಾರಾ ಸಾಂಜೆರ್ 5 ಥಾವ್ನ್ 8 ಪರ್ಯಾಂತ್; ಆನಿ ಮಾರ್ಚ್ 10, ಆಯ್ತಾರಾ, ಸಕಾಳಿಂ ಥಾವ್ನ್ ದೊನ್ಪಾರಾ ಪರ್ಯಾಂತ್ ಆಸ್ತೆಲಿ. ಬಾಪ್ ಬೊನವೆಂಚರ್, ಕಾರ್‍ವಾರ್ ದಿಯೆಸೆಜ್ ಆನಿ ತಶೆಂ St Peter Seminary ಚೊ ಆತ್ಮೀಕ್ ದಿರೆಕ್ತೊರ್ ದಿತೆಲೆ.
10. ದೊತೊರ್ನಿಚ್ಯಾ ಭುಗ್ರ್ಯಾಂಕ್ ವಾರ್ಷಿಕ್ ದೊತೊರ್ನೆಚಿ ಪರೀಕ್ಷಾ ಆಯ್ತಾರಾ, ಫೆಬ್ರೆರ್ 18 ವೆರ್; ಆನಿ ದೊತೊರ್ನೆಚೊ ದೀಸ್, ಆಯ್ತಾರಾ ಪೆಬ್ರೆರ್ 25 ತಾರೀಕೆರ್ ಆಸ್ತಲೊ
11. ಹ್ಯಾ ಮಾಹಿನ್ಯಾ ಥಾವ್ನ್ ವಾಡ್ಯಾ ಜಮಾತಿ ಆರಂಭ್ ಜಾತಾತ್ ಫಾಲ್ಯಾಂ/ಆಜ್ ವಾಡ್ಯಾ ಜಮಾತಿ ಹ್ಯಾ ಪರಿಂ ಆಸಾ:
• ಬಾಳೊಕ್ ಜೆಜು ವಾಡೊ:- ಸಾಂಜೆರ್ 4 ವೊರಾರ್ ನಿಷಾ ಪಿಂಟೊ ಹಾಂಚ್ಯಾ ಘರಾ.
• ಬಾಳ್‍ಮರಿ ವಾಡೊ- ಸಾಂಜೆರ್ 4 ವೊರಾರ್ ಹೆಲೆನ್ ಡಿಸೋಜಾ ಹಾಂಚ್ಯಾ ಘರಾ.
ವಾಡ್ಯಾ ಜಮಾತೆಕ್ ಎಕಾ ಘರ್ಚ್ಯಾ ಎಕ್ಲ್ಯಾನ್ ಪುಣೀ ಹಾಜರ್ ಜಾಯ್ಜಾಯ್. ತಶೆಂಚ್ ಚಡ್ ದಾದ್ಲ್ಯಾಂನಿ ಆನಿ ವಾಡ್ಯಾಚಾ ಸರ್ವ್ ಭುಗ್ರ್ಯಾಂನಿ ವಾಡ್ಯಾ ಜಮತೆಕ್ ಹಾಜರ್ ಜಾಂವ್ಚೆಂ.
12. ವಾಡ್ಯಾ ವಾರ್ ದೇವ್‍ಸ್ತುತಿ ಆನಿ ವಾಡ್ಯಾಚಾ ಹಫ್ತ್ಯಾಚ್ಯಾ ಮೀಸಾಕ್ ಚಡ್ ಸಂಖ್ಯಾನ್ ಹಾಜರ್ ಜಾಂವ್ಚೆಂ . ಅಡೇಜ್ ಮಹಿನ್ಯಾಂಕ್ ಎಕ್ ಪಾವ್ಟಿಂ ಎಕಾ ವಾಡ್ಯಾಕ್ ಆವ್ಕಾಸ್ ಮೆಳ್ತಾ. ಚಡ್ ಸಂಖ್ಯಾನ್ ಮಿಸಾಕ್ ಹಾಜರ್ ಜಾಯಾ.
13. “ಬಜ್ಜೋಡಿಚೊ ಕುರೊವ್” -ಪಾಸ್ಕಾ- ಫೆಸ್ತಾಚ್ಯಾ ಆಂಕ್ಯಾಕ್ ಲೇಖನಾಂ/ ಜಾಹಿರಾತಾಂ ಆನಿ ವಾಡ್ಯಾಚೊ ತಶೆಂ ಸಂಘ್- ಸಂಸ್ಥ್ಯಾಚೊ ವದ್ರ್ಯೊ, ಫೆಬ್ರವರಿ ಮಹಿನ್ಯಾಚ್ಯಾ ಆಖ್ರೆ ಭಿತರ್ ದಿಂವ್ಚೊ. ಗುರ್ಕರಾಂನಿ ತಶೆಂ ಫಿರ್ಗಜ್‍ಗಾರಾಂನಿ ವಾಡ್ಯಾಂತ್ ವ ಕುಟ್ಮಾಂತ್ ಜಾಲ್ಲ್ಯಾ ಕಾಜಾರಾಂ ಆನಿ ಹೆರ್ ಆಚರಣಾಂನಿ Businessಚೆಂ ಜಾಹಿರಾತ್ collect ಕರ್ನ್ ದೀವ್ನ್ ಆಮ್ಚ್ಯಾ ಫಿರ್ಗಜೆಚ್ಯಾ ಪತ್ರಾಕ್ ತುಮ್ಚೊ ಪಾಟಿಂಬೊ ದಿಂವ್ಕ್ ವಿನಂತಿ
14. CODP ದಿಯೆಸೆಜೆಚೊ ಸಂಸ್ಥೊ ಸಬಾರ್ ದುಬ್ಳಾಂಕ್, ಪಿಡೆಸ್ತಾಂಕ್, ಭುಗ್ರ್ಯಾಂಚಾ ಶಿಕ್ಷಾಕ್ ತಶೆಂ ದುಬ್ಳಾಂಕ್ ಘರಾ ಬಾಂದುಂಕ್ ಕುಮೊಕ್ ಕರ್ತಾ. ತಾಂಚಿಂ “ಪ್ರಾಜಿತ್ ಕಾಳಾಚಿಂ ಕವರಾಂ” ಗುರ್ಕಾರ್ ತುಮ್ಚ್ಯಾ ಘರಾಂನಿ ವಾಂಟ್ತೆಲೆ. ತುಮ್ಚೊ ಪ್ರಾಜಿತ್ ಕಾಳಾಚೆಂ ಖುಶೆಚೆಂ ಧಾನ್ ಕವರಾಂತ್ ಘಲ್ನ್ ಗುರ್ಕರಾ ಮುಖಾಂತ್ರ್ ತುಮಿಂ ಹ್ಯಾ ಮಹಿನ್ಯಾಚ್ಯಾ ಆಖ್ರೆ ಭಿತರ್ Parish Office ಪಾವಿತ್ ಕರ್ಚೆಂ. ಚಡೆತ್ ವಿವರ್ Notice Board ಚೆರ್ ಪಳೆಯಾ
15. ತಶೆಂ-“Caritas India” ಹಾಂಚೊ ವಿವರ್‍ಯೀ ತುಮಿಂ Notice Board ಚೆರ್ ವಾಚ್ಯೆತ್
16. “ಸಂದೇಶ್” ಆಮ್ಚೊ ಸೆಜಾರಿ ಸಂಸ್ಥೊ ತಾಂಚಿ “ಸಂದೇಶ್ ಪ್ರಶಸ್ತಿ ಪ್ರದಾನ” ಸಮಾರಂಭ್ ಫಾಲ್ಯಾಂ/ಆಜ್ ಆಯ್ತಾರಾ ಸಾಂಜೆರ್ 5.30 ವರಾರ್ ಸಂದೇಶಾಂತ್ ಆಸ್ತಲೆಂ. ತುಮ್ಕಾಂ ಸಮೆಸ್ತಾಂಕ್ ವತ್ತಾಯೆಚೆಂ ಆಪವ್ನೆಂ ಆಸಾ. ಕಾರ್ಯಾ ಉಪ್ರಾಂತ್ ಸರ್ವಾಂಕೀ ಜೆವ್ಣಾಚಿ ಮಾಂಡಾವಳ್ ಆಸಾ ಕೆಲ್ಲ್ಯಾ.
17. ಕಥೋಲಿಕ್ ಕಾರಿಸ್ಮಾತಿಕ್ ಎಕ್ತಾರ್, ಮಂಗ್ಳುರ್ ದಿಯೆಸೆಜ್, ಮಾಂಡುನ್ ಹಾಡ್ತಾ “ಬೈಬಲ್ ಮಹಾ ಸಮ್ಮೇಳನ್” ಫೆಬ್ರೆರ್ 22-25 ಪರ್ಯಾಂತ್ ಕೊರ್ಡೆಲ್ ಫಿರ್ಗಜೆಚ್ಯಾ ಮೈದಾನಾರ್ ಸಾಂಜೆರ್ 4 ಥಾವ್ನ್ 8.30 ವರಾಂ ಪರ್ಯಾಂತ್. ತುಮ್ಕಾಂ ಸರ್ವಾಂಕ್ ಆಪವ್ಣೆಂ ಆಸಾ.
18. ಫೆಬ್ರವರಿ 14 ವೆರ್ ಸಿಂಜಿಚೊ ಬುದ್ವಾರಾ ಸಕಾಳಿಂ 6.30 ವೊರಾರ್ ಮಿಸಾಚೆಂ ದೇವ್ ಸ್ತುತಿ- ದೇವ್ ಸ್ತುತಿ ಆಯೋಗ್.
19. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಸಾಂ. ಕಾರ್ಮೆಲ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ಯೆಂವ್ಚ್ಯಾ ಆಯ್ತಾರಾ ಫೆಬ್ರವರಿ 18 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಸ್ತ್ರೀ ಸಂಘಟನ್ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಸವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ಚವ್ತ್ಯಾ ಕ್ಲಾಸಿಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಅವಿಲಾ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. (ಹ್ಯಾ ಆಯ್ತಾರಾ ದೇವ್ ಸ್ತುತಿ ಚಲವ್ನ್ ವ್ಹೆಲ್ಯಾ ಸತ್ವ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ಆನಿ ವೆದಿ ಸೆವಾ ಕೆಲ್ಲ್ಯಾ ಪಂಚ್ಚ್ಯಾ ಕ್ಲಾಸಿಚ್ಯಾ ಭುರ್ಗ್ಯಾಂಕ್ ದೇವ್ ಬರೆಂ ಕರುಂ)
20. ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಜೆಜು ಆನಿ ಬಾಳ್ ಮರಿಯೆ ಲಾಗ್ಗಿಂ ಮಗೊನ್ ಎಕ್ ಆಮ್ಚ್ಯಾ ಬಾಪಾ ಎಕ್ ನಮನ್ ಮರ್ಯೆ ಮ್ಹಣ್ಯಾಂ.