ತಿಳ್ಸೊಣ್ಯೊ
1. ಆಜ್ ಕ್ರಿಸ್ತ್ ಯೆಣ್ಯಾ ಕಾಳಾಚೊ ಚೊವ್ತೊ ಆಯ್ತಾರ್.
ಫಾಲ್ಯಾ/ಆಜ್ ಸಾಂಜೆರ್ ಆಮಿಂ ಸೊಮ್ಯಾ ಜೆಜುಚ್ಯಾ ಜಲ್ಮಾ ದಿಸಾಚಿ ದಬಾಜಿಕ್ ಪರಬ್ ಕ್ರಿಸ್ಮಸ್ ಆಚರ್ಸಿತಾಂವ್. ಫಾಲ್ಯಾಂ ಸಕಾಳಿಂ ಹರ್ಶೆಂಚ್ಯಾ ಪರಿ 6.30 ವರಾರ್ ಎಕಚ್ಚ್ ಮೀಸ್ ಆಸ್ತೆಲೆಂ. ಫಾಲ್ಯಾಂ ದೊತೊರ್ನ್ ಆನಿ 9.15 ಭುರ್ಗ್ಯಾಂಚೆಂ ಮೀಸ್ ಆಸ್ಚೆಂನಾಂ.
2. ಕ್ರಿಸ್ಮಸ್ ಮೀಸಾಂ ಹ್ಯಾ ಪರಿಂ ಆಸ್ತಾತ್:
ದಶೆಂಬರ್ 24 ಆಯ್ತಾರಾ ಸಾಂಜೆರ್ 6.30 ವರಾರ್ Youth Choir ಥಾವ್ನ್ ಕ್ಯಾರಲ್ಸ್ ಆನಿ 7 ವರಾರ್ ಸಂಬ್ರಮಿಕ್ ನತಾಲಾಂಚ್ಯಾ ಫೆಸ್ತಾಚೆಂ ಮೀಸ್. ಮೀಸಾ ಉಪ್ರಾಂತ್ Auction ಆನಿ Housie Housie ಆಸ್ತೆಲೆಂ. ಸರ್ವಾಂನಿ ಹ್ಯಾ ಕಾರ್ಯಕ್ರಮಾಕ್ ರಾಂವ್ಚೆಂ.
3. ಮಿಸಾಚೇ ಪ್ರದಾನ್ ಯಾಜಕ್ ಜಾವ್ನ್ ಆಮ್ಚ್ಯಾ ಕಾರ್ಮೆಲಿತ್ ಗೊಂಯಾಂ ಪ್ರಾಂತ್ಯಾಚೆಂ ಕಾರ್ಮೆಲಿತ್ ವ್ಹಡಿಲ್ - ಪ್ರೊವ್ಶಿಯಲ್ ಬಾಪ್ ಸಿಲ್ವಿಸ್ಟರ್ ಡಿಸೋಜ ಯೆತಲೆಂ. ಪ್ರೊವಿನ್ಶಿಯಲ್ ಬಾಪಾಂನಿ ಪಯ್ಲೆಂ ಪಾವ್ಟಿಂ ಆಮ್ಚ್ಯಾ ಫಿರ್ಗಜೆಕ್ ಯೆಂವ್ಚೆಂ. ದೆಕುನ್ ಕೊಣೆಂಚ್ ಹೆರ್ ಕಡೆನ್ ವಚನಾಸ್ತಾಂ ಸರ್ವಾಂನಿ ಹ್ಯಾ 7 ವರ್ಯಾಂಚ್ಯಾ ಸಂಭ್ರಮಿಕ್ ಮೀಸಾಕ್ ಹಾಜರ್ ಜಾಂವ್ಚೆಂ ಆನಿ ಆಮ್ಚ್ಯಾ ಫಿರ್ಗಜೆಚ್ಯೊ ಎಕ್ವಟ್ ದಾಕಂವ್ಚೊ.
4. ಕ್ರಿಸ್ಮಸ್, ದಶೆಂಬರ್ 25 ತಾರೀಕೆರ್ ಸೊಮಾರಾ ಸಕಾಳಿಂ 7.30 ವರಾರ್ ಎಕಚ್ಚ್ ಮೀಸ್ ಆಸ್ತೆಲೆಂ . ಸಾಂಜೆರ್ ಮೀಸ್ ಆಸ್ಚೆಂ ನಾಂ. ಸಕಾಳಿಂಚ್ಯಾ ಮೀಸಾ ಉಪ್ರಾಂತ್ ಸಕಾಳಿಂ 9 ವರಾರ್ ಆಮಿಂ ಆಮ್ಚ್ಯಾ ಆಕ್ರಿಸ್ತಾಂವ್ ಬಾವ್ಡಾಂಕ್ ಆಪವ್ನ್ ಕ್ರಿಸ್‍ಮಸಾಚೊ ಸಂತೊಸ್ ವಾಂಟುಂಕ್ ಏಕ್ ಸೌಹಾರ್ದ್ ಕೂಟ ಮಾಂಡುನ್ ಹಾಡ್ಲಾಂ. ತುಮಿಯೀ ತುಮ್ಚ್ಯಾ ಸೆಜಾರ್ ಆಸಲ್ಲ್ಯಾ ಆಕ್ರಿಸ್ತಾಂವ್ ಬಾಂವ್ಡಾ ಸಂಗಿಂ ಕೇಕ್ ವ ಕುಸ್ವಾರ್ ವಾಂಟುನ್ ತುಮ್ಚ್ಯಾ ಕ್ರಿಸ್‍ಮಸಾಚೊ ಸಂತೋಸ್ ವಾಂಟುನ್ ಘೆಂವ್ಕ್ ಆಮಿಂ ಆಪವ್ಣೆ ದಿತಾಂವ್.
5. ಹ್ಯಾ ಹಫ್ತಾಂತ್. ಮಂಗ್ಳಾರಾ ಬಾಗೆವಂತ್ ಸ್ತೆಪಾನ್; ಬುದ್ವಾರಾ ಬಾಗೆವಂತ್ ವಾಂಜೆಲಿಸ್ತ್ ಜುವಾಂವ್, ಬ್ರೆಸ್ತಾರಾ ನಿರಾಪ್ರಾದಿ ಬಾಳ್ಕಾಂಚೆಂ ಫೆಸ್ತ್ ಆಚರ್ಸಿತಾಂವ್. ಯೆಂವ್ಚ್ಯಾ ಆಯ್ತಾರಾ ಬಾಗೆವಂತ್ ಕುಟ್ಮಾಚಿ ಪರಭ್ ಆಮಿಂ ಆಚರ್ಸಿತಾಂವ್.
6. ಗರ್ದನಾಚ್ಯಾ ಗೊಟ್ಯಾಚ್ಯಾ ಸ್ಪರ್ಧ್ಯಾಕ್ ನಾಂವ್ ದಿಲ್ಲ್ಯಾಂನಿ ಗಮನಾಂತ್ ದವರ್ಚೆ ಕೀ ಹಾಚೇ ಮೌಲ್ಯಾ-ಮಾಪಾನ್ (Evaluation) ಆಮಿಂ ದಶೆಂಬರ್ 26 ತಾರೀಕೆರ್ ದವರ್ಲಾಂ. ಸಾಂಜೆಚ್ಯಾ 6.00 ವರಾ ಉಪ್ರಾಂತ್ Judges ತುಮ್ಚ್ಯಾ ಘರಾ ಯೆತಲೆಂ. ನಾಂವ್ ದಿಲ್ಲ್ಯಾಂನಿ ಘರಾ ಆಸ್ಚೆಂ.
7. ಫಿರ್ಗಜೆಚೆಂ ದಪ್ತರ್ ಪಾಲ್ಯಾಂ ದೊನ್ಪಾರಾ ಏಕ್ ವರಾ ಮ್ಹಣಾಸರ್ ಉಗ್ತೆಂ ಆಸ್ತೆಲೆಂ. ದೆಕುನ್ ಮುಡ್ದೊಮ್ ಆನಿ ಮಿಸಾಂ ದಿವ್ಯೆತ್, ಆನಿ Auction ಚ್ಯೊ ವಸ್ತುಂ ತುಮಿಂ ಹಾಡ್ನ್ ದಿವ್ಯೆತ್. ಏಲಾಂಮ್‍ಚೆಂ ಸಂಗ್ತಿಂ ಫಾಲ್ಯಾಂ ಸಂಜೆ ಭಿತರ್ ಇಗರ್ಜೆಕ್ ಪಾವಿತ್ ಕರ್ಚೊ.
8. ಕ್ರಿಸ್‍ಮಸ್‍ಚ್ಯಾ ಮಿಸಾಂಚಿಂ ಆನಿ Auction ಚಿ ಜವಾಬ್ದಾರಿ ಎದೊಳ್‍ಚ್ಚ್ ವಾಂಟುನ್ ದಿಲ್ಯಾ. ಬೊರ್ಯಾ ಥರಾನ್ ತಿ ಕರ್ಚಿ.
9. ಹ್ಯಾ ದೀಸಾಂನಿ ಮಸ್ತ್ ಕಾಜಾರಾಂ ಆನಿ ಹೆರ್ ಸಂಭ್ರಮ್ ಆಸಾತ್ ಆನಿ ಪರ್ಗಾಂವಾಂನಿ ವಾವುರ್ತೆಲೆ ಆಮ್ಚ್ಯಾ ಫಿರ್ಗಜೆಚೇ ಸಬಾರ್ ಜಣ್ ಗಾವಾಕ್ ಆಯ್ಲ್ಯಾತ್. ತುಮ್ಚ್ಯಾ ಸಂದ್ರಾಪಾ ಪರ್ಮಾಣೆ ತುಮಿಂ ಇಗರ್ಜೆಕ್ ಯೇವ್ನ್ ವಿಗಾರಾಕ್ ಮೆಳ್ಯಾರ್, ಮ್ಹಾಕಾಯೀ ತುಮ್ಚಿ ಒಳಕ್ ಜಾತಲಿ
10. ಇಗರ್ಜೆಚ್ಯಾ ಫಾಟ್ಲ್ಯಾ ಗೇಟಿಲಾಗಿಂ ಕಾಂಕ್ರಿಟಿಕರಣ್ ಕೆಲ್ಲೊ ರಸ್ತೊ, ದಶೆಂಬರ್ 24 ತಾರೀಕೆರ್ ಕ್ರಿಸ್‍ಮಸಾಚ್ಯಾ ಮೀಸಾಕ್ ಆನಿ ಉಪ್ರಾಂತ್ಯಾ ದೀಸಾಂಚ್ಯಾ ಕಾರ್ಯಾಂಕ್ Basement ವಾಹನ್ ಪಾರ್ಕಿಂಗಾಕ್ ಉಗ್ತೊ ಆಸ್ತಲೊ.
11. ಜನವರಿ 7 ತಾರೀಕೆರ್ ಆಯ್ತಾರಾ, ಸಕಾಳಿಂಚ್ಯಾ 6.30 ವರಾಂಚ್ಯಾ ಮೀಸಾ ಉಪದ್ರಾಂತ್ PPC ಫಿರ್ಗಜ್ ಗೊವ್ಳಿ ಪರಿಷದೆಚೆ ಮೀಟಿಂಗ್ ಮಿನಿ ಹೊಲಾಂತ್ ಆಸ್ತೆಲೆಂ. ಆಮ್ಚ್ಯಾ ಫಿರ್ಗಜೆಚ್ಯಾ ವ್ಹಡ್ಲ್ಯಾ ಫೆಸ್ತಾ ವಿಶಿಂ ಮಾಂಡಾವಳ್ ಘಾಲುಂಕ್ ಹೆಂ ಮೀಟಿಂಗ್ ಆಪಯ್ಲ್ಯಾಂ. ಸರ್ವಾಂನಿ ಹಾಜರ್ ಜಾಂವ್ಚೆಂ.
12. ಕಾರ್ಮೆಲ್ ಗುಡ್ಯಾರ್ ಆಸಾ ಕೆಲ್ಲ್ಯಾ ಆನಿ Daijiworld ಚೆರ್ ಪ್ರಸಾರ್ ಜಾಲ್ಲ್ಯಾ ಕ್ಯಾರಾಲ್ಸ್ ಸ್ಪಧ್ರ್ಯಾಂತ್ ಆಮ್ಚ್ಯಾ ಫಿರ್ಗಜೆಚ್ಯಾ Youth Choir ಕ್ Second Runners up ಮೆಳ್ಳಾಂ . ತಾಂಕಾಂ ಆಮಿಂ ಫಿರ್ಗಜೆಚ್ಯಾ ನಾಂವಾರ್ ಶಾಭಾಸ್ಕಿ ಪಾಠಯ್ತಾಂವ್.
13. ಆಮ್ಚೆಂ ವಾಡ್ಯಾವಾರ್ ಕ್ಯಾರಲ್ಸ್ ಬೋವ್ ಬೊರ್ಯಾ ಥರಾನ್ ಜಾಲೆಂ. ಸರ್ವ್ ಗುರ್ಕಾರಾಂನಿ, ಪ್ರತಿನಿಧಿಂನಿ ಬೊರೆಂ ಮುಖೆಲ್ಪಣ್ ಕಾಣ್ಗೆಲಾಂ ಆನಿ ಸರ್ವ್ ವಾಡ್ಯಾಗಾರಾಂನಿ ಬರೊ ಸಾಂಗಾತ್ ದಿಲಾ ಆನಿ ವಾಡ್ಯಾಚೊ ಎಕ್ವಟ್ ದಾಕಯ್ಲಾ. ಕ್ಯಾರಲ್ಸ್ ವೆಳಾರ್ ಜಮಾ ಜಾಲಿ ಕಾಣಿಕ್ ರು.74,570/- ತುಮ್ಚ್ಯಾ ಉದಾರ್ ಮನಾಕ್ ದೇವ್ ಬರೆಂ ಕರುಂ. ಇಗರ್ಜೆಚ್ಯಾ Sound System ಚ್ಯಾ Mixerಕ್ ಹೊ ಐವಜ್ ಆಮಿಂ ಉಪಯೋಗ್ ಕರ್ತೆಲ್ಯಾಂವ್. ಆಮಿಂ ಎದೊಳ್‍ಚ್ಚ್ Mixer ಹಾಡ್ಲಾಂ. ಹೆಂ ಆಮ್ಕಾಂ ದೇವ್‍ಸ್ತುತೆಕ್ ಮಸ್ತ್ ಉಪ್ಕಾರ್ತಲೆಂ.
14. ಆಮ್ಚ್ಯಾ ಫಿರ್ಗಜೆಚೆಂ ಪತ್ರ್ “ಬಜ್ಜೋಡಿಚೊ ಕುರೊವ್” ಕ್ರಿಸ್‍ಮಸಾಚೊ ವಿಶೇಷ್ ಆಂಕೊ ಎದೊಳ್‍ಚ್ಚ್ ಪಾಯ್ಸ್ ಜಾಲಾ. ಗುರ್ಕಾರಾಂನಿ ಆಪ್ಲ್ಯಾ ವಾಡ್ಯಾಗಾರಾಂಕ್ ಹೊ ವಾಂಟ್ಚೊ. ಮಸ್ತ್ ವಾಂವ್ಟ್ ಕಾಡ್ನ್ ಹ್ಯಾ ಪತ್ರಾಚಿ ಪೂರ್ಣ್ ಜವಾಬ್ದಾರಿ ಘೆತ್‍ಲ್ಲ್ಯಾ ಸಂಪಾದಕಿ ಶ್ರೀಮತಿ ಸ್ಟೆಲ್ಲಾ ಡಿಸೋಜಾ ತುಮ್ಕಾಂ ದೇವ್ ಬರೆಂ ಕರುಂ ಮ್ಹಣ್ತಾಂವ್. ತಶೆಂ ಜಾಹೀರಾತ್, ಲೇಖನಾಂ , ವರ್ದೊ ದಿಲ್ಲ್ಯಾ ಸಮೆಸ್ತಾಂಕ್, ಜಾಹೀತಾತ್ collect ಕೆಲ್ಲ್ಯಾಂಕ್ ಆಮ್ಚೆ ದಿನ್ವಾಸ್. ದಯಾಕರ್ನ್ ಆಮ್ಚ್ಯಾ ಸರ್ವ್ ಜಾಹೀರಾತ್‍ದಾರಾಂಕ್ ತುಮ್ಚೊ ಪ್ರೋತ್ಸಾವ್ ಆನಿ ಪಾಟಿಂಬೊ ದಿಯಾ.
15. ಆದ್ಲ್ಯಾ ಆಯ್ತಾರಾ ಇಗರ್ಜ್ ನಿತಳ್ ಕರುಂಕ್ ಸಂಗಾತ್ ದಿಲ್ಲ್ಯಾ ಸರ್ವ್ ಆಮ್ಚ್ಯಾ ಗುರ್ಕಾರಾಂಕ್ ಆನಿ ವಾಡ್ಯಾಗಾರಾಂಕ್ ದೇವ್ ಬರೆಂ ಕರುಂ.
16. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವೆಲ್ಲ್ಯಾ ಲೂಡ್ಸ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ. ದಶೆಂಬರ್ 25 ಕ್ರಿಸ್‍ಮಾಚ್ಯಾ ದಿಸಾ ಸಕಾಳಿಂ 7.30 ವೊರಾರ್ PPC ಸಾಂದ್ಯಾಂನಿ ಲಿತುರ್ಜಿ ಚಲೊನ್ ವರ್ಚಿ. ಯೆಂವ್ಚ್ಯಾ ಆಯ್ತಾರಾ ಡಿಸೆಂಬರ್ 31 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಸೆಕುಲಾರ್ ಕಾರ್ಮೆಲ್ ಸಾಂದ್ಯಾಂನಿ ಕರ್ಚಿ. ಹಫ್ತ್ಯಾ ಮಧೆಂ ಪವಿತ್ರ್ ಕಾಳಿಜ್ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.ನವ್ಯಾ ವರ್ಸಾಚಿ ದೇವ್ ಸ್ತುತಿ 6.30 ವೊರಾ ಥಾವ್ನ್ 7.30 ವೊರಾ ಮ್ಹಣಾಸರ್ ಆರಾದನ್, 7.30 ವೊರಾರ್ ಮೀಸ್. ತ್ಯಾ ದಿಸಾಚೆಂ ದೇವ್‍ಸ್ತುತಿ: ವೆಲಂಕಣಿ ವಾಡೊ, ಬಾಳ್‍ಮರಿ ವಾಡೊ, ಲೂಡ್ರ್ಸ್ ವಾಡೊ, ಸಾಂ. ಆಂತೊನ್ ವಾಡೊ, ಲ್ಹಾನ್ ಫುಲ್ ವಾಡೊ.