ತಿಳ್ಸೊಣೊ
1. ಆಜ್ ಕ್ರಿಸ್ತ್ ಯೆಣ್ಯಾ ಕಾಳಾಚೊ ದುಸ್ರೊ ಆಯ್ತಾರ್. ಹ್ಯಾ ಹಫ್ತಾಂತ್ ಬುದ್ವಾರಾ, ಬಾಗೆವಂತ್ ಲೂಸಿ; ಬ್ರೆಸ್ತಾರಾ, ಖುರ್ಸಾಚೊ ಸಾಂ. ಜುವಾಂವ್ ಕಾರ್ಮೆಲಿತ್ ಸಾಂತ್; ಹಾಂಚಿ ಪರಬ್ ಆಚರ್ಸಿತಾಂವ್.
2. ಫಾಲ್ಯಾ/ ಆಜ್ ಸಾಂಜೆರ್ 7 ವರಾರ್ ಆರಾಧನ್ ಆನಿ ಪವಿತ್ರ್ ಸಭೆಚೆಂ ಮಾಗ್ಣೆಂ ಆನಿ ಹ್ಯಾ ಕ್ರಿಸ್ತ್ ಯೆಣ್ಯಾಚಾ ಕಾಳಾರ್ ಆಮ್ಕಾಂಚ್ ತಯಾರ್ ಕರ್ಚೆಂ ಖಾತಿರ್ ಪ್ರತ್ಯೇಕ್ ಇರಾದೊ ಆಸ್ತಲೊ.
3. ವಾಡ್ಯಾವಾರ್ ಕ್ಯಾರಲ್ಸ್ ಬೋವ್ ಬೊರ್ಯಾ ಥರಾನ್ ಚಲ್ತಾತ್. ಹ್ಯೊ ಆಮ್ಕಾಂ ಪ್ರತ್ಯೇಕ್ ಜಾವ್ನ್ ಸರ್ವ್ ವಾಡ್ಯಾಗಾರಾಂಕ್ ಎಕ್ವಾಟಾಂವ್ಚೆಂ ಆನಿ ಕ್ರಿಸ್ತ್ ಯೆಣ್ಯಾಕ್ ತಯಾರ್ ಕರ್ಚೆಂ ಸಾಧನ್ ಜಾಂವ್ದಿ.
4. ನತಾಲಾಂಚ್ಯಾ ಫೆಸ್ತಾಕ್ ತಯಾರಾಯ್ ಜಾವ್ನ್ ದಶೆಂಬರ್ 16 ತಾರೀಕೆರ್ ಯೆಂವ್ಚ್ಯಾ ಸನ್ವಾರಾ ಸಾಂಜೆರ್ 3 ವರಾರ್ ಫಿರ್ಗಜ್‍ಗಾರಾಂಕ್ ಆರಾಧನ್, ಶಿಕವ್ಣ್ ಆನಿ ಕುಮ್ಸಾರಾಂ ಆಸ್ತೆಲಿಂ. ಸರ್ವ್ ಫಿರ್ಗಜ್‍ಗಾರಾಂನಿ ಯೇವ್ನ್, ಎಕ್ ಸುಟಾವೆಂ ಕುಮ್ಸಾರ್ ಜಾವ್ನ್ ಕ್ರಿಸ್ತಾಚಾ ಜನನಾಕ್ ಎಕ್ ಬೊರಿ ತಯಾರಾಯ್ ಕರುಂಕ್ ಹಾಂವ್ ಉಲೊ ದಿತಾಂ.
5. ದಶೆಂಬರ್ 17 ವೆರ್, ಆಯ್ತಾರಾ ದೊತೊರ್ನೆಚ್ಯಾ ವೆಳಾ ಭುಗ್ರ್ಯಾಂಕ್ ಕುಮ್ಸಾರಾಂ ಆಸ್ತೆಲಿಂ.
6. ದಶೆಂಬರ್ 17 ವೆರ್ ಆಯ್ತಾರಾ ಸಾಂಜೆರ್ 3 ವರಾರ್ ಇಗರ್ಜ್ ನಿತಳ್ ಕರುಂಕ್ ಆಸ್ತೆಲಿ. ಸರ್ವ್ ಫಿರ್ಗಜ್‍ಗಾರಾಂನಿ , ಸಂಘ್- ಸಂಸ್ಥಾಚ್ಯಾ ಸಾಂದ್ಯಾಂನಿ ಯೇವ್ನ್, ಹಾತಾಕ್ ಹಾತ್ ದೀವ್ನ್ ಸಗ್ಳ್ಯಾ ಇಗರ್ಜ್‍ಚಿ ನಿತಳಾಯ್ ಕರ್ಚಿ.
7. ಹ್ಯಾ ಮಹಿನ್ಯಾಂತ್ ವಾಡ್ಯಾವಾರ್ ಜಮಾತ್ ಆಸ್ಚಿನಾಂ ತರೀ ವಾಡ್ಯಾಂತ್ ಕ್ರಿಸ್‍ಮಸ್ ಆಚರಣ್ ಕರುಂಕ್ ಆಮಿಂ ಉಲೊ ದಿತಾಂವ್.
8. ನತಾಲಾಂಚ್ಯಾ ಫೆಸ್ತಾಕ್ ಹೆ ಸ್ಪರ್ದೆ ಫಿರ್ಗಜೆಂತ್ ಮಾಂಡುನ್ ಹಾಡ್ಲ್ಯಾತ್. ನತಾಲ್ ನೆಕೆತ್ರ್, ಕ್ರಿಸ್‍ಮಸ್ ಟ್ರೀ, ಆನಿ ಗರ್ದನಾಚೊ ಗೊಟೊ. ಹಾಂತು ಪಾತ್ರ್ ಘೆಂವ್ಕ್ ಖುಶಿ ವ್ಹರ್ಚಾಂನಿ ತುಮ್ಚಿಂ ನಾಂವಾಂ ದಿಯಾಕೊನ್ ಪ್ರಣಾಮ ಲಾಗಿಂ ದಿಂವ್ಚಿಂ. ಬ್ರದರ್ ತುಮ್ಕಾಂ ಸ್ಪರ್ದಾಚೊ ರೂಲಿ ದಿತಲೊ. ವಿಜೇತಾಂಕ್ ಬಹುಮಾನ್ ಆಸ್ತೆಲೆಂ.
9. ದಿಯೆಸೆಜಿಚೊ ಎವ್ಕರಿಸ್ತಿಕ್ ಪುರ್ಶಾಂವ್ ಜನವರಿ 7 ತಾರೀಕೆರ್ ಆಯ್ತಾರಾ ಸಾಂಜೆರ್ ಆಸ್ತಲೊ.
10. ದೈವಿಕ್ ಅಮೃತ್, ಬಾಪ್ ಆಂದ್ರು ಡಿಸೋಜಾಚ್ಯಾ ಮುಕೇಲ್ಪಣಾಖಾಲ್ ಥೊಡಿಂ ಯಾತ್ರಿಕ್ ಪೈಣಾಂ ಮಾಂಡುನ್ ಹಾಡ್ಲ್ಯಾಂತ್. ಚಡಿತ್ ವಿವರ್ Notice Board ಚೆರ್ ಪಳೆಯಾ.
11. ಆಮ್ಚ್ಯಾ ಇಗರ್ಜೆಚೊ ಮಾರೊಗ್ ಕಾಂಕ್ರೀಟಿಕರಣ್ ಜಾಂವ್ಚ್ಯಾಕ್ ಆನಿ ಆಮ್ಚ್ಯಾ ಇಗರ್ಜೆಚ್ಯಾ ಪಾಕ್ಯಾಚ್ಯಾ ರಿಪೇರಿಕ್ ಆನಿ ಇಗರ್ಜೆ ಬೊಂವ್ತಣಿಚೊ ದೊರೊ ಉಚಾರುಂಕ್ ಆಮಿಂ ಸಂಬಂಧ್ ಜಾಲ್ಯಾ Government ವ್ಯಕ್ತೀಂಕ್ ಆನಿ Office ಕ್ ಮನವಿ ದಿಲ್ಯಾ. ಹೆಂ ಯೋಜನ್ ವೆಗ್ಗಿಂಚ್ ಕಾರ್ಯಗತ್ ಜಾಂವ್ಚ್ಯಾಕ್ ಆನಿ ಹೊ ಇರಾದೊ ಸುಫಳ್ ಜಾಂವ್ಕ್ ಆಮಿಂ ಪ್ರತ್ಯೇಕ್ ಥರಾನ್ ಮಾಗ್ಯಾಂ.
12. YCS Bajjodi ಮಾಂಡುನ್ ಹಾಡ್ತಾ “Kuswar Dhamaka.” ಹ್ಯಾ ಕ್ರಿಸ್‍ಮಸ್ ಫೆಸ್ತಾಕ್ ತುಮ್ಕಾಂ ಜಾಯ್ ಜಾಲ್ಲೊ ಕುಸ್ವಾರ್ YCS ಸಾಂದ್ಯಾ ಥಾವ್ನ್ ಘೆವ್ನ್ ತಾಂಕಾಂ ತುಮ್ಚೊ ಸಹಕಾರ್ ಆನಿ ಪಾಟಿಂಬೊ ದಿಯಾ Pre-Orders ಆನಿ Home Delivery ಆಸಾ. ದಶೆಂಬರ್ 15 ತಾರೀಕೆ ಥಾವ್ನ್ ಇಗರ್ಜೆಚ್ಯಾ ವಠಾರಾಂತ್ YCS ಕುಸ್ವಾರ್ ವಿಕ್ತೆಲಿಂ
13. ಆದ್ಲ್ಯಾ ಆಯ್ತಾರಾಚ್ಯಾ ಫಿರ್ಗಜ್ ಗೊವ್ಳಿ ಪರಿಷತೆಚ್ಯಾ ಜಮಾತೆಂತ್ ಆಮ್ಚ್ಯಾ ಫಿರ್ಗಜೆಚೆಂ ವ್ಹಡ್ಲೆಂ ಫೆಸ್ತ್ ಜನವರಿ 28 ವೆರ್ ಆಯ್ತಾರಾ, ಆಚರಣ್ ಕರುಂಕ್ ನಿರ್ಣಾಯ್ ಘೆತ್ಲಾ.
14. ನತಾಲಾಂಚೆಂ ಫೆಸ್ತ್, ಜೆಜುಚೆಂ ಜನನ್, ಆಮಿಂ ಗದ್ಬಳಾಯೆನ್ ಆಚರ್ಸುಂಕ್ ಜಾಯ್. ಹ್ಯಾ ಪೆಸ್ತಾಚ್ಯಾ ಆಚರಣಾಕ್ ಮುಡ್ದೊಮ್ ದಿಂವ್ಕ್ ಖುಶಿ ವ್ಹರ್ತಲ್ಯಾಂನಿ, Parish Office ತ್ ದೀವ್ನ್ ತುಮ್ಚೊ ಸಹಕಾರ್ ದಿಂವ್ಚೊ .
15. ಯೆಂವ್ಚ್ಯಾ ಸೊಮಾರಾ, ದಶೆಂಬರ್ 11 ವೆರ್ ಸಾಂಜೆರ್ 5.30 ವರಾರ್ ಕೊರ್ಡೆಲ್ ಪ್ರಾದ್ ಸಾಯ್ಬಾಚೆಂ ಫೆಸ್ತ್
16. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಅವಿಲಾ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ.
ಯೆಂವ್ಚ್ಯಾ ಆಯ್ತಾರಾ ಡಿಸೆಂಬರ್ 17 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಮರಿಯಾಳ್ ಲೀಜನ್ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ಧಾವ್ಯಾ ಕ್ಲಾಸಿಚ್ಯಾ ಭುಗ್ರ್ಯಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ಆಟ್ವ್ಯಾ ಕ್ಲಾಸಿಚ್ಯಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ
ಬಾಳೊಕ್ ಜೆಜು ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
17. ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಬಾಳ್ ಮರಿಯೆಲಾಗ್ಗಿಂ ಮಗೊನ್ ಎಕ್ ನಮನ್ ಮರ್ಯೆ ಮ್ಹಣ್ಯಾಂ.
