ತಿಳ್ಸೊಣ್ಯೊ
1. ಆಜ್ ಸಾದ್ಯಾ ಕಾಳಾಚೊ ತಿಸಾವೊ ಆಯ್ತಾರ್. ಹ್ಯಾ ಹಫ್ತ್ಯಾಂತ್ ನವೆಂಬರ್ 1 ತಾರೀಕೆರ್, ಬುದ್ವಾರಾ, ಸರ್ವ್ ಸಾಂತಾಂ -ಭಕ್ತಾಂಚೆಂ ಫೆಸ್ತ್. ತ್ಯಾ ದೀಸ್ ಹರ್ಶೆಂಚ್ಯಾ ಪರಿ ಸಾಂಜೆರ್ 6 ವರಾರ್ ಮೀಸ್ ಆಸ್ತೆಲೆಂ.
ಯೆಂವ್ಚ್ಯಾ ಬ್ರೆಸ್ತಾರ, ನವೆಂಬರ್ 2 ತಾರಿಕೆರ್, ಸಮೆಸ್ತ್ ಸರ್‍ಲ್ಲ್ಯಾ ಬಾವಾರ್ಥಾಂಚೊ ಉಗ್ಡಾಸ್ ಆಮಿಂ ಕಾಡ್ತಾಂವ್. ತ್ಯಾ ದೀಸ್ ಹಾಂಗಾ 2 ಮೀಸಾಂ ಆಸ್ತೆಲಿಂ. ಪಯ್ಲೆಂ, ಸಕಾಳಿಂ 6.30 ವೊರಾರ್ ಆನಿ ದುಸ್ರೆಂ, ಸಾಂಜೆರ್ 6 ವೊರಾರ್ . ತುಮಿ ಹ್ಯಾ ಮಿಸಾಂಕ್ ಪಾತ್ರ್ ಘೆವ್ನ್ ತುಮ್ಚ್ಯಾ ಕುಟ್ಮಾಂತ್ ಆಂತರ್‍ಲ್ಲ್ಯಾ ಆನಿ ತಶೆಂ ಪುಲ್ಗತ್ರಿಂತ್ಲ್ಯಾ ಆತ್ಮ್ಯಾಂಕ್ ಮಾಗೊಂಕ್ ಆಮಿಂ ಉಲೊ ದಿತಾಂವ್.
2. ನವೆಂಬರ್ 1-8 ತಾರೀಕೆ ಪರ್ಯಾಂತ್ ಕೊಣಿಯೀ ಸಿಮೆಸ್ತ್ರಿಕ್ ಬೆಟ್ ದೀವ್ನ್ ಪುಲ್ಗತ್ರಿಂತ್ಲ್ಯಾ ಆತ್ಮ್ಯಾಂಕ್ ಮಾಗ್ಲ್ಯಾರ್ ಆನಿ ತಶೆಂ ಇಗರ್ಜ್ ವ ಕೊಪೆಲಾಕ್ ಬೆಟ್ ದೀವ್ನ್ ಆಮ್ಚ್ಯಾ ಬಾಪಾ ಆನಿ ಸತ್ಮಾನ್ತಾ ಮಾಗ್ಲ್ಯಾರ್ ತಾಂಕಾಂ ಪ್ಲೆನಾರಿ ಇಂದುಜೆಸ್ತ್ ಮೆಳ್ತಾ. ಪುಲ್ಗತ್ರಿಂತ್ಲ್ಯಾ ಆತ್ಮ್ಯಾಂಕ್ ತೆ ಬೆಟವ್ಯೆತ್.
3. ಯೆಂವ್ಚ್ಯಾ ಸುಕ್ರಾರಾ, ಸಾಂ. ಮಾರ್ಟಿನ್ ದೆ ಪೊರಸ್, ಸನ್ವಾರಾ, ಸಾಂ.ಚಾಲ್ಸ್ ಬೊರೆಮೆವ್ ಹಾಂಚಿ ಪರಬ್ ಆಚರ್ಸಿತಾಂವ್.
4. ಪಾಪಾ ಫ್ರಾನ್ಸಿಸಾಕ್ ಯೆಂವ್ಚ್ಯಾ ದಶೆಂಬರಾಂತ್ 17 ತಾರೀಕೆರ್, 86 ವರ್ಸಾ ಭರ್ತಾನಾ, ಹ್ಯಾ ಮಹಿನ್ಯಾಂತ್ ಪಾಪ್ ಸಾಯ್ಬಾ ಖಾತಿರ್ ಮಾಗೊಂಕ್ ಹ್ಯಾ ಮಹಿನ್ಯಾಚೊ ಪಾಪಾಚೊ ಇರಾದೊ ಜಾವ್ನಾಸಾ.
5. ಯೆಂವ್ಚ್ಯಾ ಬುದ್ವಾರಾ, ನವೆಂಬರ್ 1 ತಾರೀಕೆರ್ ಸರ್ವ್ ಸಾಂತಾಂ ಭಕ್ತಾಂಚ್ಯಾ ಪೆಸ್ತಾಚಾ ದಿಸಾ ಆಮಿಂ ಪಿಡೆಸ್ತಾಂಕ್ ಕುಮ್ಗಾರ್ ಹಾಡ್ನ್ ಯೆತೆಲ್ಯಾಂವ್.
6. ಹ್ಯಾ ಆಯ್ತಾರಾ ವಾಡ್ಯಾ ಜಮಾತ್ಯೊ :
ಬಾಳೊಕ್ ಜೆಜು ವಾಡೊ: ಗುರ್ಕಾರ್ ಪ್ರಕಾಶ್ ಸಲ್ಡಾನ್ಹಾ ಹಾಂಚ್ಯಾ ಘರಾ ಸಾಂಜೆರ್ 4.30 ವರಾರ್ ಆಸ್ತೆಲಿ.
7. ಆಯ್ತಾರಾ, ನವೆಂಬರ್ 12 ತಾರೀಕೆರ್ ಸಾಂಜೆರ್ 6.30 ವರಾರ್ ಬಾಪ್ ಆಲ್ವಿನ್ ಸೆರಾವೊನ್ ಬರವ್ನ್ ಕ್ರಿಸ್ಪಿನ್ ನಿದೇರ್ಶನ್ ಕೆಲ್ಲೊ “ಎಮ್ಮಾವ್ಸ್” ಕೊಂಕ್ಣಿ ನಾಟಕ್ ಆಮ್ಚ್ಯಾ ಇಗರ್ಜೆ ಹೊಲಾಂತ್ ಖೆಳೊನ್ ದಾಕಯ್ತಲೆ. ಪ್ರವೇಶ್ ಧರ್ಮಾರ್ಥ್. ಹೊ ಎಕ್ ಬರೊ ಸಾಮಾಜಿಕ್ ಆನಿ ಆಧುನಿಕ್ ಸಮಸ್ಯಾಂಕ್ ಸ್ಪಂದನ್ ಕರ್ಚೊ ನಾಟಕ್ ಜಾಲ್ಲ್ಯಾನ್ ವ್ಹಡಾ ಸಂಖ್ಯಾನ್ ತುಮಿಂ ಯೆಂವ್ಚೆಂ ಆನಿ ತುಮ್ಚ್ಯಾ ಸಯ್ರ್ಯಾ-ದೈರ್ಯಾಂಕ್, ಇಷ್ಟಾ- ಮಂತ್ರಾಂಕ್ ಹಿ ಖಬರ್ ತಿಳ್ಸುಂಚಿ.
8. ಕಥೊಲಿಕ್ ಸಭಾ-ಆಂಜೆಲೋರ್ ಘಟಕ್ ತಶೆಂ ಆಂತರ್ ಧರ್ಮಿಖ್ ಸಂವಾದ್ ಆಯೋಗ್ ಸಾಂಗಾತಾ ಮೆಳೊನ್ “ಆಂತರ್ –ಧರ್ಮಿಯ್ ಸೌಹಾರ್ದ್ ಖೆಳ್ ಪಂದ್ಯಾಟ್” ದಶೆಂಬರ್ 10 ತಾರೀಕೆರ್ ಸಕಾಳಿಂ 9 ಥಾವ್ನ್ ಆಂಜೆಲೊರ್, ಫಿರ್ಗಜೆಚ್ಯಾ ಖೆಳಾ ಮಯ್ದಾನಾರ್ ಮಾಂಡುನ್ ಹಾಡ್ಲಾ. ದಾದ್ಲ್ಯಾಂಕ್: ವಾಲಿಬಾಲ್ ಆನಿ ಸ್ತ್ರೀಯಾಂಕ್: ಥ್ರೋಬಾಲ್ ಖೆಳ್ ಆಸ್ತಲೆ. ಹ್ಯಾ ಖೆಳಾಂತ್ ಭಾಗ್ ಘೆಂವ್ಕ್ ತುಮ್ಕಾಂ ಆಪವ್ಣೆಂ ಆಸಾ. ಚಡಿತ್ ವಿವರ್ ನೋಟಿಸ್ ಬೊರ್ಡಾಚೆರ್ ಪಳೆಯಾ.
9. ದುಬ್ಳಾಂಚ್ಯೊ ಲ್ಹಾನ್ ಭಯ್ಣಿ : “Little Sisters of Poor” ಮರೋಳಿ ತಾಣಿಂ ತಾಂಚ್ಯಾ ಪ್ರಾಯ್‍ವಂತಾಚ್ಯಾ ಘರಾಕ್ ಕುಮೊಕ್ ಜಾವ್ನ್ Mini Carnival ತಾಂಚ್ಯಾ ಮರೋಳಿಚ್ಯಾ ಘರಾ ನವೆಂಬರ್ 5 ತಾರೀಕೆರ್ ಸಕಾಳಿಂ 8.30 ಥಾವ್ನ್ ಸಾಂಜೆರ್ 4.30 ವರಾಂ ಪರ್ಯಾಂತ್ ಆಯೋಜಿತ್ ಕೆಲಾಂ. ಥಾರಾವಳ್ ಥರಾಚಿಂ ಖಾಣಾಂ, ಖೆಳ್, Music, ವಸ್ತುಂಚೊ ವಿಕ್ರಾಪ್ ಆಸ್ತಲೊ. ತುಮಿ ಹಾಂತು ವಾಂಟೊ ಘೆವ್ನ್ ತಾಂಚ್ಯಾ ಬರ್ಯಾ ಕಾಮಾಕ್ ಸಹಕಾರ್ ದೀಂವ್ಕ್ ವಿನಂತಿ ಆಸಾ. ಚಡಿತ್ ವಿವರ್ ನೊಟೀಸ್ ಬೊರ್ಡಾಚೆರ್ ಪಳೆಯಾ.
10. ಪಿಂತುರಾಕ್ ರಂಗ್ ಭರ್ಚ್ಯೊ ಸ್ವರ್ದೊ, ಸನ್ವಾರಾ, ನವೆಂಬರ್ 4 ತಾರೀಕೆರ್ ಸಾಂಜೆರ್ 4 ವರಾರ್ ಇಗರ್ಜೆ ಹೊಲಾಂತ್ ಆಸ್ತಲೊ LKG ಥಾವ್ನ್ 10 ವ್ಯಾ ಕ್ಲಾಸಿ ಪರ್ಯಾಂತ್ಲ್ಯಾ ಸರ್ವ್ ಭುರ್ಗ್ಯಾಂನಿ ಹಾಂತು ಕಡ್ಡಾಯೆನ್ ಪಾತ್ರ್ ಘೆಂವ್ಚೊ. ಜಿಕ್‍ಲ್ಲ್ಯಾಂಕ್ ಇನಾಮಾಂ ಆಸ್ತೆಲಿಂ.
11. ಫಾಲ್ಯಾ/ ಆಜ್ ಥಾವ್ನ್ ಭುರ್ಗ್ಯಾಂಕ್ ದೊತೊರ್ನ್ ಸುರು ಜಾತಾ. ಸರ್ವ್ ಭುರ್ಗ್ಯಾಂನಿ ಚುಕಾನಾಸ್ತಾನಾ ವೆಳಾರ್ ದೊತೊರ್ನೆಕ್ ಹಾಜರ್ ಜಾಂವ್ಚೆಂ .ಪರೀಕ್ಷಾ ಬರೊಂವ್ಕ್ ಬಾಕಿ ಆಸ್‍ಲ್ಲ್ಯಾ ಭುರ್ಗ್ಯಾಂನಿ ದೊತೊರ್ನೆ ಕ್ಲಾಸಿ ವೆಳಾ ಪರೀಕ್ಷಾ ಬರಂವ್ಚಿ. ತಶೆಂ ಸರ್ವ್ ಭುರ್ಗ್ಯಾಂನಿ ಫಾಲ್ಯಾ/ ಆಜ್ ದೊತೊರ್ನೆಕ್ ಯೆತಾನಾ ಮಿಸಾಂವಾಂಚೆ ಕೊಂಡೆ ಹಾಡ್ನ್ ಯೆಂವ್ಚೆಂ.
12. ಫಾಲ್ಯಾಂ/ ಆಜ್ ಆಲ್ತಾರ್ ಭುರ್ಗ್ಯಾಂಚೆಂ ಮೀಟಿಂಗ್ ಆಸ್ತಲೆಂ.
13. ಯೆಂವ್ಚ್ಯಾ ಆಯ್ತಾರಾ , ನವೆಂಬರ್ 5 ತಾರೀಕೆರ್ ಆಮಿಂ ಪಿರ್ಗಜೆಚೊ ದೀಸ್ ಆಚರಣ್ ಕರ್ತಾಂವ್. ವಾಡ್ಯಾವಾರ್ ವಿವಿಧ್ ಸ್ವರ್ದೆ ವಿವಿಧ್ ಪ್ರಾಯೆಚ್ಯಾಂಕ್ ಮಾಂಡುನ್ ಹಾಡ್ಲ್ಯಾತ್. ಹೆ ಸ್ವರ್ದೆ ದೊನ್ಪಾರಾ 3 ವರಾರ್ ಆರಂಭ್ ಜಾತಾತ್. ಹ್ಯಾ ವಿಶಿಂ ಗುರ್ಕಾರಾಂನಿ ಎದೊಳ್‍ಚ್ಚ್ ತುಮ್ಕಾಂ ತಿಳ್ಸಿಲಾಂ. ಹಿ ಫಿರ್ಗಜ್ ಆಮ್ಚಿ. ಆಮಿ ಸರ್ವಾಂನಿ ಫಿರ್ಗಜ್ ಎಕ್ವಟ್ ಬಾಂದುಂಕ್ ಹೊ ಎಕ್ ಬರೊ ಸಂದರ್ಭ್ . ದೆಕುನ್ ಸರ್ವ್ ವಾಡ್ಯಾಂಚ್ಯಾಂನಿ ಆನಿ ಭುರ್ಗ್ಯಾಂ ಥಾವ್ನ್ ಧರ್ನ್ ಪ್ರಾಯ್‍ವಂತಾ ಮ್ಹಣಾಸರ್ ಹ್ಯಾ ಸ್ವರ್ದಾಂನಿ ಭಾಗ್ ಘೆವ್ಯಾಂ. ಫಿರ್ಗಜೆಚೊ ದೀಸ್ ಎಕ್ವಟೀತ್ ಮನೋಭಾವಾನ್ ಆಚರ್ಸಿಯಾಂ.
14. ಆಮಿಂ ಹ್ಯಾ ಆಯ್ತಾರಾ ಮಿಸಾಂವ್ ಆಯ್ತಾರ್ ಆಚರ್ಸಿತಾಂವ್. ಮಿಸಾಂವ್ ವಾವ್ರಾಕ್ ಸರ್ವಾಂನೀ ಉದಾರ್ ಮನಾನ್ ದಿಂವ್ಚೆಂ. ಮಿಸಾಂವಾಂಚೆಂ ಕೊಂಡೆ ಆನಿ ಕವರಾಂ ಎದೊಳ್ ದೀಂವ್ಕ್ ನಾಂ ತರ್ ಸೊಮಾರಾ ಸಾಂಜೆ ಭಿತರ್ ಫಿರ್ಗಜ್ ದಪ್ತರಾಂತ್ ದಿಂವ್ಚೆಂ.
15. ಡಿಸೆಂಬರ್ ಮಹಿನ್ಯಾಚಾ ಕ್ರಿಸ್ಮಾಸ್ ಫೆಸ್ತಾ ವೆಳಿಂ ಫಿರ್ಗಜ್ ಪತ್ರ್ “ಬಜ್ಜೊಡಿಚೊ ಕುರೊವ್” ಪಾಯ್ಸ್ ಜಾತಾಲೊಂ. ದೆಕುನ್ ಹ್ಯಾ ಪತ್ರಾಕ್ ತುಮ್ಚೆ ಲೇಖನಾಂ, ಕವಿತಾ, ಕಾಣಿಯೊ ತಶೆಂಚ್ ಜಾಹಿರಾತಾಂ ದೀಂವ್ಕ್ ವಿನಂತಿ ಕರ್ತಾಂವ್. ಭುಗ್ರ್ಯಾಂನಿ ಲ್ಹಾನ್ ಕವನಾಂ, ಚುಟುಕಾಂ ಬರವ್ನ್ ವ ಪಿಂತುರಾಂ ಸೊಡೊವ್ನ್ ಕುರೊವಾಕ್ ದಿವ್ಯೆತ್. ಲೇಕನಾಂ ಆನಿ ಜಾಹಿರಾತಾಂ ನವೆಂಬರ್ 30 ತಾರೀಕೆ ಭಿತರ್ ಫಿರ್ಗಜ್ ದಫ್ತರಾಕ್ ಪಾವಿತ್ ಕರುಂಕ್ ವಿನಂತಿ.
16. ನವೆಂಬರ್ 1 ತಾರೀಕೆರ್ ಬುದ್ವಾರಾ ಸರ್ವ್ ಸಾಂತಾ- ಭಕ್ತಾಂಚ್ಯಾ ಪರ್ಬೆ ದಿಸಾ ಬೆಂದುರ್ ಇಗರ್ಜೆಂತ್ ಸಾಂಜೆರ್ 4.30 ವರಾರ್ ಮೀಸ್ ಆನಿ ತ್ಯಾ ಉಪ್ರಾಂತ್ ಸಿಮೆಸ್ತ್ರೆಂತ್ ಪೊಂಡ್ ಬೆಂಜಾರ್ ಆನಿ ಮಾಗ್ಣೆ ಆಸ್ತೆಲೆಂ.
17. ದೆಕುನ್ ಲ್ಹಾನ್ ಕ್ರೀಸ್ತಾಂವ್ ಸಮುದಾಯೆಚಿ ಜಮಾತ್ ಆಕ್ಟೋಬರ್ 31 ವೆರ್ ಮಂಗ್ಳಾರಾ ಸಾಂಜೆಚ್ಯಾ 6.30 ವರಾರ್ ಲ್ಹಾನ್ ಹೊಲಾಂತ್ ದವರ್ಲ್ಯಾ. ಸರ್ವ್ ಗುರ್ಕಾರಾಂನಿ, ಪ್ರೇರಕಾಂನಿ ಆನಿ ಆಯೋಗಾಚ್ಯಾ ಸಾಂದ್ಯಾಂನಿ ಹಾಂತು ಚುಕಾನಾಸ್ತಾನಾ ಹಾಜರ್ ಜಾಂವ್ಚೆಂ. ಬಾಪ್ ಜೊಕಿಮ್ ಫೆರ್ನಾಂದ್ ಹ್ಯಾ ಜಮಾತೆಕ್ ಹಾಜರ್ ಆಸೊನ್ ಲ್ಹಾನ್ ಕ್ರೀಸ್ತಾಂವ್ ಸಮುದಾಯೆ ವಿಶಿಂ ಚಡಿತ್ ಸಮ್ಜಣಿ ದಿತೆಲೆಂ.
18. ಮೀಸ್ ಜಾವ್ನಾಸಾ ಜಾವ್ನಾಸಾ ಎಕ್ ಸಂಭ್ರಮ್ ಆನಿ ಆನಿ ಆಚರಣ್. ದೆಕುನ್ ಸರ್ವಾಂನಿ ಸಾಂಗಾತಾ ಮೆಳೊನ್ ಹೆ ಮೀಸ್ ಬೆಟಂವ್ಚೆಂ ಜಾವ್ನಾಸಾ. ದೆಕುನ್ ಸರ್ವಾಂನೀ ಸಕ್ರೀಯ್ ಥರಾನ್ ಮೀಸಾಂವ್ ಪಾತ್ರ್ ಘೆಂವ್ಚೆಂ. ಸರ್ವಾ ಆಮಿಂ ಕಂತಾರಾಂ ಗಾವ್ಯಾಂ ಮೀಸಾಚಿಂ ಮಾಗ್ಣಿಂ ಮ್ಹಣ್ಯಾ. ಆಮಿಂ spectator ಜಾಂವ್ಚೆಂ ನಾಕಾ. ಹೆಂ ಆಮ್ಚೊ ಮೀಸ್ ಸರ್ವಾಂಚೆ, ದೇವಾಕ್ ಮಾನ್ವಾತಸ್ಲೆಂ ಆಚರಣ್ ಜಾಂವ್ದಿ.
19. ಬಾಪ್ ರಾಯನ್ ಪಿಂಟೊ ವಸ್ತೆ ಯಾಜಕ್, 3 1/2 ವರ್ಸಾಂ ಥಾವ್ನ್ ಆಮ್ಚ್ಯಾ ಫಿರ್ಗಜೆಂತ್ ಆಸೊನ್ ಆಪ್ಲ್ಯಾ ಶಿಕ್ಪಾ ಸಂಗಿಂ ಫಿರ್ಗಜೆಚಿ ಸೆವಾ ಕರ್ನ್ ಆಸಲ್ಲೊ. ತಾಕಾ ಆತಾಂ ಕಾರ್ಮೆಲ್ ಗುಡ್ಯಾರ್ ವರ್ಗ್ ಜಾಲಾ. ತಾಚ್ಯಾ ಜಾಗ್ಯಾರ್ ದಿಯಾಕೊನ್ ಪ್ರಣಾಮ್ ಫೆರ್ನಾಂಡಿಸ್ ಆಯ್ಲ್ಯಾ. ಬಾಪ್ ರಾಯನ್ ಪಿಂಟೊಕ್ ಆದೇವ್ಸ್ ಮಾಗ್ಚೆಂ ಎಕ್ ಮಟ್ವೆಂ ಕಾರ್ಯಕ್ರಮ್ ಆಮಿಂ ಆತಾಂ ಮೀಸ್ ಜಾಲ್ಲೆಂಚ್ ವ್ಹಡ್ಲ್ಯಾ ಹೊಲಾಂತ್ ದವರ್ಲ್ಯಾಂ. ಸರ್ವಾಂನಿ ಯೇವ್ನ್ ಬಾಪ್ ರಾಯನಾಕ್ ಬರೆಂ ಮಾಗೊಂಕ್ ಆಮಿಂ ಉಲೊ ದಿತಾಂವ್
20. ಸಗ್ಳೊ ಹಫ್ತೊ ತೇರ್ಸ್, ಲಿತುರ್ಜಿ ಚಲವ್ನ್ ವ್ಹೆಲ್ಯಾ ಲ್ಹಾನ್ ಫುಲ್ ವಾಡ್ಯಾಗಾರಾಂಕ್ ದೇವ್‍ಬರೆಂ ಕರುಂ.
ಯೆಂವ್ಚ್ಯಾ ಆಯ್ತಾರಾ ನವೆಂಬರ್ 5 ತಾರೀಕೆರ್ ಸಕಾಳಿಂಚಾ ಮಿಸಾಕ್ ದೇವ್‍ಸ್ತುತಿ- ಐ.ಸಿ.ವೈ.ಎಮ್ ಸಾಂದ್ಯಾಂನಿ ಕರ್ಚಿ. ದುಸ್ರ್ಯಾ ಮೀಸಾಕ್ ವೆಲಂಕಣಿ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ. ಹಫ್ತ್ಯಾ ಮಧೆಂ ಬಾಳ್ ಮರಿ ವಾಡ್ಯಾಗಾರಾಂನಿ ಲಿತುರ್ಜಿ ಚಲವ್ನ್ ವರ್ಚಿ; ಆನಿ ತ್ಯಾಚ್ ವಾಡ್ಯಾಚಾ ಆಲ್ತಾರ್ ಭುರ್ಗ್ಯಾಂನಿ ವೆದಿ ಸೆವಾ ಕರ್ಚಿ.
21. ಆದ್ಲ್ಯಾ ಆಯ್ತಾರಾ ಮಿಸಾಚೆರ್ ಜಮೊ ಜಾಲ್ಲಿ ಕಾಣಿಕ್ 11,469/- ತುಮ್ಚ್ಯಾ ಉದಾರ್‍ಮನಾಕ್ ದೇವ್‍ಬರೆಂ ಕರುಂ.
22. ಆಮ್ಚ್ಯಾ ಸರ್ವ್ ಧಾನಿ ಆನಿ ಹಿತಚಿಂತಕಾ ಪಾಸತ್ ಬಾಳ್ ಮರಿಯೆಲಾಗ್ಗಿಂ ಮಗೊನ್ ಎಕ್ ನಮನ್ ಮರ್ಯೆ ಮ್ಹಣ್ಯಾಂ.